தேவையில்லாமல், திராவிடத்துவம் மற்றும் இந்துத்துவம் இடையில் சிக்கிக் கொண்ட பார்ப்பனியம்!

தேவையில்லாமல், திராவிடத்துவம் மற்றும் இந்துத்துவம் இடையில் சிக்கிக் கொண்ட பார்ப்பனியம்!

மாரிதாஸின் பதிவுகளை ஆதரிக்க வேண்டும் என்று ஒரே நச்சரிப்பு. கேட்டுப் பாருங்கள் என்று இன்-பாக்ஸில் தொந்தரவு, சரி என்று மிக கவனமாக பார்க்க / கேட்க ஆரம்பித்தேன். முன்பே, தவறுகள் இருந்தபோது சுட்டிக் காட்டி இருக்கிறேன், ஆனால், எந்த பதிலும் இல்லை. ஒரு வழி பாதைப் போன்று சென்று கொண்டிருந்தது. அதனால், கீழ் கண்ட படிவு செய்தேன்:

1. மாரிதாஸின் மாணவர்கள் புரிந்து கொள்வது எப்படி என்று வீடியோ போடும் யுக்தி, ஏன் இந்துத்துவ வாதிகளுக்கு என்று போடக் கூடாது?
2. இவர் செய்யும், எதிர் ஆலோசனை [Negative suggestion], எதிர்வினை பிரச்சாரம் [negative propaganda] முறைகள் மாணவர்களுக்குத் தேவையில்லை!
3. டெலி-சீரியல்கள் பார்க்கும் ரீடியில் உள்ள இவை நிச்சயமாக மாணவர்களுக்குத் தேவையில்லை! அந்நேரத்தில் உருப்படியாக படிக்கலாம்!
4. அக்டோபர் 2017ல் ஆரம்பித்ததால் மாணவர்களுக்கு என்ன பலன் இந்துத்துவ வாதிகளுக்கு அல்லது பிஜேபிக்கு என்ன பலன் ஏற்பட்டது?
5. ஏற்கெனவே உள்ள விசயங்களைத் தொகுத்து வீடியோ போடுவதால் இந்த்துத்துவ வாதிகள், திராவிடத்துவ வாதிகளை விட சிறந்து விட்டார்களா?
6. தமிழகத்தில் அத்தகைய பிரச்சாரம் எடுபடவில்லை, சட்டரீதியிலும் சிறக்கவில்லை, மாறாக வைகோ எம்பி ஆனது தான் நிதர்சனம்!
7. இப்பொழுது மாணவர்களுக்குத் தேவை படிப்பு, படிப்பில் தேர்ச்சி, தேர்ச்சியில் அதிக மதிப்பெண், வேலை, திருமணம், வாழ்க்கையில் செட்டில் ஆவது!
8. சித்தாந்தம், சித்தாந்த மறுப்பு, சிந்தாந்த கண்டனம் முதலியன பிஜேபி-கார்ட் ஹோல்டர்களுக்குத் தேவை, மாணவர்களுக்கு அல்ல!
9. தமிழகத்தைப் பொறுத்த வரையில், புரையோடியிருக்கும் ஊழலை ஒழிக்க வேண்டும், அதுதான், எல்லாவற்றையும் ஆட்டிப் படைக்கிறது!
10. ஊழலை எதிர்த்து பிரச்சாரம் செய்யாமல், சமசரம் செய்து கொண்டு, மாணவர்களை குறி வைப்பது வியாபாரமே தவிர, அவர்களுக்கு நல்லது செய்வதல்ல!

          வேதபிரகாஷ்
13-07-2019

வேண்டிய நண்பர்கள் இப்படி கருத்தைத் தெரிவித்தனர்: என்னுடைய கருத்திற்கு, ஆதரித்தும், எதிரித்தும் இவ்வாறு பதில்கள் வந்தன:

• பிரச்சாரம் செய்வது அனைவருக்காகவும் தான். குறிப்பாக இளைய சமுதாயமான இளைஞர்கள் தெரிந்து கொள்வதில் நீண்டகால பயனளிக்கும் திட்டம். இதில் என்ன தவறு? யாராவது பூனைக்கு மணிகட்ட வேண்டும். தைரியமாக மாரிதாஸ் கட்டுகிறார். இதையும் குறை கூறினால் என்ன செய்வது?
• மாணவர்களை தவறாக வழிநடத்த ஒரு வெறிநாய் கூட்டம் அலையும் போது நல்வழிகாட்டுவது தவறில்லை என்பது மட்டுமல்ல தற்போதைய தேவையும் என்பதே என் கருத்து. மேலும் மாரிதாஸ் கூறுவது அனைவருக்குமே தான்.
• மாணவ பருவத்தில் அரசியலில் ஈடுபடுவதே தவறு. அவர்கள் பாட சிலபஸ்ஸில் ஒரு குறிப்பிட்ட வகுப்புக்கு பிறகு அரசியலை ஒரு பாடமாக வைக்கலாம். கல்வி கூடங்களில் மாணவர் சங்கம் என்பதை தவிர்க்க வேண்டும். காரணம் அதில் அரசியல் கட்சிகள் தலையீடு இருக்கிறது. பெற்றோர் – ஆசிரியர் சங்கம் இருப்பதுபோல் மாணவர் – ஆசிரியர் சங்கம் இருக்கலாம். அதில் மாணவர்களின் representatives இருக்கலாமே தவிர தலைவர் என்றும் செயலர் என்றும் இருக்ககூடாது. இது ரவுடி மாணவர்கள் உருவாவது தடுக்கப் படும் மற்றும் ஒழுக்கம் இருக்கும்.
• நாட்டு நடப்பை தெரிந்து கொள்ள வேண்டும். ஆனால் உறுப்பினராகி தீவிரமாக ஈடுபடுதல் தேவையில்லை.

ஒரு பெண்மணி கூட தினமும், எல்லா விவகாரங்கள் பற்றி வீடியோ போட்டு வருகிறார். ஆனால், அவர் தா பிஜேபி என்று ஒப்புக் கொண்டார். அதோடு, அதை விட்டு விட்டேன். ஏனெனில், அரசியல் ரீதியில் செல்லும் போது, இவ்விவகாரங்களில் நுழைய எனக்கு விருப்பமில்லை.

மாரிதாஸ் தாக்குதலுக்கும், திக–திமுக–கம்யூனிஸ்டுகள் தாக்குதல்களுக்கும் என்ன சம்பந்தம்?: இப்பொழுது, மாரிதாஸ் வீடியோக்களை மையமாக வைத்துக் கொண்டு, திக-திமுக-கம்யூனிஸ்ட் மற்ற உதிரிகள், இந்துமதத்தை தாக்க ஆரம்பித்துள்ளனர். அது அப்படியே பார்ப்பன எதிர்ப்பு என்ற ரீதியில் திரும்பியுள்ளது. “இந்து மக்கள் எங்கள் மக்கள் அதில் எந்த சிக்கலும் இல்லை, திராவிடம் என்ற போர்வாளை எடுப்போம்,  பார்ப்பனீயத்தை வேருடன் அறுப்போம்,” என்று சுப.வீரப் பாண்டியன் சொல்லும் போது, தாக்கப் பாடுவது, தாக்கப் படப் போவது எது? பார்ப்பனீயம், பிராமணியம் ஒன்றா? போன்ற கேள்விகள் எழுகின்றன.

1. பார்ப்பனியம் என்றால் என்ன? என்று அகமது பக்ரூதீன், மாநில அமைப்புச் செயலாளர் விசிக! விளக்க வேண்டிய அவசியம் என்ன?
2. அப்படியென்றால், ஏதோ ஒரு பார்ப்பான் அல்லது பிராமணன், இவனுக்கு பதில் சொல்ல வேண்டுமா?
3. இந்துக்கள், இந்துக்களின் உரிமைகளை பார்பனீயம் பறித்துள்ளது என்ற சுப.வீரபாண்டியனின் கண்டிபிடிப்பு!
4. இதற்கு, இந்துத்துவம் பார்ப்பனீயர்களின் உரிமைகளை பறித்துள்ளது என்று கொள்ள வேண்டுமா இல்லை, பார்பனீயத்தின் உரிமைகளை இந்துத்துவம் பறித்துள்ளது என்று கொள்ள வேண்டுமா?
5. சம்பூகன் கட்டுக்கதையை இந்துத்துவ வாதிகள் உண்மை என்று வாதிக்கின்றனர், தீனிப் போட்டு வருகின்றனர்! எச்சரித்தும் கேட்கவில்லை! சுப.வீரப்பாண்டியன் போன்ற
6. பஸ்மாசுரர்கள் கைவைத்துள்ளனர்! ஆக சூட்டை உணர்வது இந்துக்களா, இந்துத்துவ வாதிகளா, பார்ப்பனர்களா, பிராமணர்களா? யார் யார்?

மாரிதாஸ் தாக்குதலுக்கும், பார்ப்பன் – பிராமண தாக்குதலுக்கும் என்ன சம்பந்தம்?: அரசியல் ரீதியாக, மாரிதாஸுக்கும் திக-திமுக-கம்யூனிஸ்டுகள்-பெரியாரிஸ்டுகள்-அம்பேத்கரைட்டுகள் முதலியோருக்கும் சச்சரவு என்றால், அதில் பார்ப்பனர்-பிராமணர் என்று சொல்லிக் கொண்டு அவர்களது தலைகளை உருட்டுவதேன்?

• 1930களில் பிரமாணர் அல்லாத இயக்கம்,
• 1940களில் பிராமண எதிர்ப்பாகி,
• 1950களில் பார்ப்பன துவேசமாகி,
• 1960களில் பூணூல்கள் அறுக்கப் பட்டு,
• 1970களில் வார்த்தைத் தீவிரவாதங்களில் வறுக்கப் பட்டு,
• 1980களில் அடிக்கப் பட்டு
• 1990களில் வெட்டப் பட்டு,
• 2000களில் அசிங்கப் படுத்தப் பட்டு.
• 2010களில் பன்றிக்கு பூணூல், பூணூல் அறுப்பு முதலியவையாகி
• 2020களில், மறுபடியும் வேரறுப்போம் என்று முடிந்துள்ளது.

பிராமணர்களுக்கு எச்சரிக்கை: இப்படி பேசப்படும்போது, பிராமணர்கள் தாக்கப்படுவது நோக்கத்தக்கது.

1. ஆகவே, முன்பே குறிப்பிட்டபடி, இதனால் மறுபடியும் சில குடுமிகள், பூணூல்கள் அறுக்கப்படலாம்.
2. அயோத்யா மண்டபத்தின் பிராமணர்கள் தாக்கப்படலாம் அல்லது மீது பெட்ரோல் குண்டு எரியப்படலாம்.
3. ராகவேந்திர மடங்களில் விக்கிரங்கள் உடைக்கப் படலாம்.
4. அவர்களும் பேச்சிற்கு திகவினருக்குப் பதிலாக பெரியார்-திக என்று யாரையாவது கைது செய்து விஷயத்தை அமுக்கிவிடலாம்.

ஆனால், உலகத்தில், இப்படி பிராமணர்கள், “பிராமணர்கள்” என்ற ஒரே காரணத்திற்காக திட்டப்படுவது, அவமானம் செய்யப்படுவது, தாக்கப் படுவது, பெண்கள் இழிவுப் படுத்தபடுவது, ஊடகங்கள் கேவலப்படுத்துவது, ஆட்சியளர்கள், அதுவும் முதல் மந்திரி, மற்றவர்கள் அவதூறு பேசுவது போன்றவை, வேறெங்கும் நடக்காது என்பது நிச்சயமே. ஆகவே, ஏன் பிராமணர்கள் இவ்வாறுத் தாக்கபடுகிறர்கள்? அவ்வாறு தாக்குபவர்களின் மனோநிலை என்ன? மனோதத்துவம் என்ன? இல்லையென்ற பிறகும், இருக்கிறது என்று இனவெறியை மனத்தில் ஏற்றிக் கொண்டு, “பார்ப்பனீயத்தை எதிர்ப்போம்” என்ற சித்தாந்தத்தின் முகமூடியில் ஜாதிவெறியை வைத்துக் கொண்டு இவ்வாறு உலா வருவது ஏன்?

© வேதபிரகாஷ்

13-07-2010

திமுக, ஸ்டாலின், திராவிட குடும்பத்தினர் இருந்துவிரோதிகளா, இல்லையா? ஸ்டாலின் நமக்கு நாமே போர்வையில் செக்யூலரிஸ நாடகம் ஆடி விளக்கம் கொடுக்க வேண்டிய அவசியம் என்ன? [2]

திமுக, ஸ்டாலின், திராவிட குடும்பத்தினர் இருந்துவிரோதிகளா, இல்லையா? ஸ்டாலின் நமக்கு நாமே போர்வையில் செக்யூலரிஸ நாடகம் ஆடி விளக்கம் கொடுக்க வேண்டிய அவசியம் என்ன? [2]

நமக்கு நாமே போர்வையில் செக்யூலரிஸ நாடிகம் ஆடிய ஸ்டாலின் (2015): ஸ்டாலின் தனது ‘நமக்கு நாமே’ பயணத்தின் 10 ஆவது நாளான செப்டம்பர் 2015 அன்று, திருக்கோஷ்டியூர் நோக்கி மனைவி துர்கா மற்றும் கட்சி நிர்வாகிகளுடன் சென்றார். சுற்றுப்பயணத்தில் திட்டமிடாத பகுதிக்கு ஸ்டாலின் சென்றதால் தொண்டர்கள் அவரைப் பின் தொடர்ந்தனர். 108 வைணவத்தலங்களில் ஒன்றான திருக்கோஷ்டியூர் சௌமிய நாராயண பெருமாள் கோவிலுக்கு அவர் சென்றார்[1]. இதனால் பரபரப்பு ஏற்பட்டது. அங்கு ஸ்டாலினுக்கு கோவில் சார்பில் பூரண கும்ப மரியாதை வழங்கப்பட்டது[2]. இதைத் தொடர்ந்து கோவிலை சுற்றிப்பார்த்த மு.க.ஸ்டாலின், அவரின் மனைவி துர்கா ஆகியோர் ராமானுஜர் உபதேசித்த 106 அடி உயர கருங்கல் கோபுரத்தையும் பார்வையிட்டு தரிசனம் செய்தனர்[3]. அதாவது, வேடிக்கைப் பார்க்கச் சென்றார் அவ்வளவுதான். இந்து போல அல்லது பக்தியுடன் செல்லவில்லை. பிறகு, அக்டோபர் முதல் வாரத்தில், தஞ்சாவூர், திருவாரூர் மாவட்டங்களில் மக்களை சந்தித்து குறை கேட்டார். தஞ்சை மேல வீதி காமாட்சி அம்மன் கோவிலில் இந்து மத குருக்கள், அர்ச்சகர்களுடன் கலந்துரையாடினார்[4]. பட்டாச்சாரியர்கள், குருக்கள், அர்ச்சகர்கள் சந்திப்பு என்று ஶ்ரீ பங்காரு காமாக்ஷி அம்மன் திருமண மண்டபத்தில் நடந்தது அந்த நாடகம். ஸ்டாலின், பின்னர் மறை மாவட்ட ஆயர் இல்லத்தில் ஆயர் மற்றும் தேவாலய பிரதிநிதிகளை சந்தித்துப் பேசினார். இதுதான் அந்த இந்துவிரோதியின் செக்யூலரிஸ நாடகம் எனலாம். ஆனால், இந்து அமைப்பினர் இதனை ஏன் கண்டுகொள்ளவில்லை என்ரு தெரியவில்லை. ஶ்ரீரங்கத்தில், சந்தனத்தை நெற்றியில் வைத்ததும், போத்திய பொன்னாடையாலேயே அழித்த ஸ்டாலின், இந்து விரோதி தானே?

நாத்திகன் கோவிலுகுச் சென்றதும், பூரண கும்ப மரியாதை பெற்றதும்–ஜூன் 2018: ஜூன் 21-22, 2018 தேதிகளில், இரண்டு நாள் பயணமாக திருச்சி வந்துள்ள தி.மு.க. செயல் தலைவர் மு.க.ஸ்டாலின், திருச்சியில் பல்வேறு நிகழ்ச்சிகளில் கலந்துகொண்டார். உடல்நலன் பாதிக்கப்பட்டுள்ள இந்திய யூனியன் முஸ்லிம் லீக்கின் தேசியத் தலைவர் பேராசிரியர் கே.எம்.காதர்மொய்தீனின் துணைவியார் ஹாஜியானி லத்திபா பேகத்தை அவரின் இல்லத்தில் சென்று உடல் நலம் விசாரித்தார். காலை 8 மணியளவில் திருவரங்கத்தில் உள்ள ஸ்ரீராமனுஜர் மடத்தில் இருக்கும் பத்மசாலி திருமண மண்டபத்துக்குச் சென்றார். வரும் வழியில் திருவரங்கத்தில் உள்ள ஸ்ரீஅரங்கநாதர் சுவாமி திருக்கோயில் எதிரில் உள்ள ரெங்கா கோபுரம் அருகே திருக்கோயில் சார்பில் அர்ச்சகர் சுந்தர் பட்டர் தலைமையில் பூரணகும்ப மரியாதை அளிக்கப்பட்டது. பின்னர் ஸ்டாலினை யானை ஆசீர்வதித்து மாலை அணிவித்தது. பின்னர் வெள்ளை கோபுரம் அருகே அகோபிலம் மடத்தைச் சேர்ந்த தேசிய ஆச்சாரியார் தலைமையில் பூரணகும்ப மரியாதை வழங்கப்பட்டு மாலை அணிவிக்கப்பட்டது[5]. இதையடுத்து ஶ்ரீரங்கம் வந்த ஸ்டாலினுக்கு சுந்தர் பட்டர் தலைமையில் ராஜகோபுரம் அருகே, யானை மாலை அணிவிக்க, அடுத்து பூரண கும்ப மரியாதை அளித்தனர்[6]. இதற்கு “நக்கீரன்” கொடுத்துள்ள வக்காலத்து இதோ!

நக்கீரனின் வக்காலத்து – ஆன்மீக அரசியலும், பெண்டாட்டியின் சுக்கிரபரிகார பூஜையும், நாத்திக ஸ்டாலினும்: திருச்சி ஸ்ரீரங்கம் கோயில் பெருமாளை தரிசனம் செய்ய இந்தியா முழுவதிலும் இருந்து பக்தர்கள் எப்போதும் திரண்டு வருவார்கள்.

தமிழகத்திலும் பாரதிய ஜனதா கட்சி தன்னை தக்கவைத்து கொள்வதற்காக மக்களிடையே ஆன்மீகம் குறித்து நிறைய பேச ஆரம்பித்தனர். அதன் ஓரு பகுதியாக தான் சமீபத்தில் ரஜினி அரசியல் இறங்குவேன் என்று அறிவித்ததற்கு பிறகு ஆன்மீக அரசியல் பற்றி தமிழகத்தில் பரபரப்பாக பேசப்பபட்டது. இந்த நிலையில் இந்த ஆன்மீக அரசியல் என்பது திமுக செயல்தலைவர் மு.க.ஸ்டாலினையும் விட்டு வைக்கவில்லை என்கிறார்கள்.

நாத்திகர்களுக்கும், பகுத்தறிவுகளுக்கும், வெங்காயங்களும் என்ன ஆன்மீகம் இருக்கிறது, அதிலிருந்து ஆன்மீக அரசியல் வருவதற்கு என்று தெரியவில்லை!  அரசமரத்தைச் சுற்றினால் இடுப்புப் பெருக்குமா என்று கேள்வி கேட்கும் கோஷ்டியினருக்கு, ஏனிந்த “ஆன்மீக” ஆசை? யார் நம்புவார்கள்?

உடன் பிறப்புகள். திருச்சி ஸ்ரீரங்கம் கோயிலில் பிராத்தனை செய்வதற்காக மு.க.ஸ்டாலின் மனைவி துர்கா ஸ்டாலின் அடிக்கடி வருவது வழக்கம்.

அப்படி அவர் வரும்போது எல்லாம் அவருடன் கே.என். நேருவின் மனைவியும் வருவார்களாம். எதிரிகளிடம் இருந்து காப்பாற்றுவதற்காகவும், இழந்ததை மீண்டும் பெறுவதற்காகவும் கடந்த சில வருடங்களுக்கு முன்பு சுக்கிரபரிகாரா பூஜை செய்ததன் பலனாக தான் தன் குடும்பத்திலும், அரசியலிலும் இரு தனித்தன்மை கிடைத்தாம்[7]. அதே போல தான் தற்போதும் ஸ்ரீரங்கம் கோவிலுக்கு செல்ல வேண்டும் என்று மனைவியின் ஆசையை நிறைவேற்றியிருக்கிறார்[8]. மு.க.ஸ்டாலின் என்கிறார்கள்.

நாத்திகனுக்கு பெண்டாட்டி சுக்கிரபரிகாரா பூஜை செய்தால், பலன் கிடைக்கும் என்று எந்த புராணம் சொல்கிறது? பெண்டாட்டியின் ஆசையை நிறைவேற்ற மற்ற கோவில்களுக்கும் சென்றிருக்க வேண்டுமே? செல்லவில்லையே? இங்கே மட்டும், பலன் கிடைக்க வேண்டுமானால்,  வெங்காயம், பெண்டாட்டியுடன் வரவேண்டும் என்று சொல்லப் பட்டதா?

இதன் அடிப்படையில், அன்பில் மகேஷ் பொய்யாமொழி உறவினர்கள் இரண்டு பேரின் திருமணமும், கட்சியினர் இருவரது மகளுக்கும், மகனுக்கு காதுகுத்தும் நிகழ்ச்சியும் ஸ்ரீரங்கம் கோவில் அருகே உள்ள திருமண மண்டபத்தில் வைத்து நடைபெறும் வகையில் ஏற்பாடு செய்யப்பட்டிருந்தது.

அந்த வகையில், இந்த நிகழ்ச்சிகளில் கலந்து கொள்வதற்காக திருச்சி வருகை தந்த மு.க.ஸ்டாலினுக்கு ஸ்ரீரங்கம் ரெங்கா கோபுர வாசலில், யானை வைத்து மாலை அணி்வித்து ஸ்ரீரங்க பட்டர்கள் தலைமையில் ஸ்டாலினுக்கு பூரண மரியாதை கொடுத்தனர். தொடர்ந்து மு.க.ஸ்டாலினுக்கு திருமஞ்சன பொட்டு வைத்தார் பட்டர். அதனை சிரித்துக்கொண்டே ஏற்றுக்கொண்ட ஸ்டாலின் மெதுவாக அழித்தார்.

அதாவது ஸ்டாலின் – துர்கா தம்பதியராக வந்து செல்ல, எல்லாமே, திமுகவினரால் செய்த “செட்–அப்” போலும்! அப்படி, எந்த திராவிடப் புரோகிதர் சொன்னார் என்று தெரியவில்லை. பட்டர் வைத்த சந்தனத்தை பட்டென்று, போத்திய பட்டு வஸ்திரத்தினால், துடைத்தெரிந்ததும், பரிகார பூஜை தானோ? சிரித்துக் கொண்டே துரோகம் செய்யும் போக்கு வெளிப்பட்டு விட்டதே?

உடன் இருந்த வழக்கறிஞர் பாஸ்கர் மாலை அணிவித்த யானைக்கு கரும்பு சாப்பிட கொடுத்தார். கோவிலுக்குள் வருமாறு பட்டர்கள் அழைத்த போது, மறுத்து சென்று விட்டார். அதன் பிறகு உடனே கோவிலின் வெளி சுற்று வழியே ஒரு சுற்று சுற்றி நேராக கல்யாண மண்டபத்திற்கு சென்றார்.

© வேதபிரகாஷ்

15-09-2018

[1] விகடன், மனைவியுடன் ஸ்டாலின் கோவிலுக்கு திடீர் வருகை; சாமி தரிசனம்: கட்சியினரிடையே பரபரப்பு!, Posted Date : 13:03 (29/09/2015)Last updated : 13:43 (29/09/2015)

[2]  https://www.vikatan.com/news/tamilnadu/53036.html

[3] தமிள்ஸ்.நவ்.நியூஸ், திமுக இந்து எதிர்ப்பு இயக்கம் அல்லள் மு க ஸ்டாலின், அக்டோபர் 17, 2015.

[4] http://tamilsnow.com/?p=62030

[5] விகடன், பூரண கும்ப மரியாதை… யானை ஆசீர்வாதம்… ஸ்ரீரங்கத்தில் ஸ்டாலினுக்கு நடந்த வரவேற்பு, சி.ய.ஆனந்தகுமார், மற்றும்ன்.ஜி.மணிகண்டன்,  Posted Date : 11:48 (22/06/2018)Last updated : 11:48 (22/06/2018)

[6] https://www.vikatan.com/news/tamilnadu/128482-stalins-srirangam-visit.html

[7] நக்கீரன், மனைவிக்காக ஸ்ரீரங்கம் வந்த மு.க.ஸ்டாலின்!, ஜே.டி.ஆர், Published on 22/06/2018 (12:28) | Edited on 22/06/2018 (12:30)

[8] https://nakkheeran.in/24-by-7-news/politics/mk-stalin-cames-srirangam-temple-his-wife

ஶ்ரீ சதாசிவ பிரும்மேந்திரரின் 102வது ஆராதனையின் போது (மே.2016) அங்கப்பிரதிக்சிணம் நடைபெறவில்லை!

ஶ்ரீ சதாசிவ பிரும்மேந்திரரின் 102வது ஆராதனையின் போது (மே.2016) அங்கப்பிரதிக்சிணம் நடைபெறவில்லை!

வழக்கம் போல இந்த ஆண்டும் ஶ்ரீசதாசிவ பிரும்மேந்திரரின் ஆராதனைக்குப் புறப்பட்டோம். வல்லளார் மன்றத்தில் தங்கினோம். நெரூர் அக்ரரஹார வீதியில் மாற்றம் எதுவும் இல்லை. நெரூர் ஶ்ரீசதாசிவ பிரும்மேந்திரர் சபாவுக்கு செல்லும் வழியில் சிலதூரத்திற்கு கான்கிரீட் சாலை அமைத்துள்ளனர். திருமதி ஈஸ்வரி சங்கர், ஒன்றிய கவுன்சிலர் என்று கான்கிரீட் அறிப்பும் வைக்கப்பட்டுள்ளது. இதுவரை மண்தெரு இருந்ததால், நான்கு வரிசைகளில் உட்கார்ந்து கொண்டு சாப்பிட வசதியாக இருந்தது.  நடுவில் காவிரி ஆற்று நீர் ஓடுகிறது, இரு பக்கமும் மண் தெரு, பழைய ஓடு வீடுகள். சில வீடுகள் கூரை விழுந்து, இடிபாடுகளுடன் கிடக்கின்றன. 15-05-2016 அன்று அங்கடைந்தபோது, தெரு இப்படித்தான் இருந்தது. வழக்கம் போல இருக்கும் கூட்டம் இல்லை. வீதி காலியாக இருந்தது. அடுத்த நாள் (16-05-2016) தேர்தல் என்ற காரணம் இருந்தாலும், வழக்கம் போல அங்கபிரத்க்ஷ்ணம் நடக்காது என்பதால் கூட்டம் குறைந்து விட்டது என்று தெரிகிறது.

ரஜினி வந்து விட்டுப் போன சித்தர் கோவில்: கரூர் அருகே நெரூரில் சதாசிவ பிரமேந்திரர் கோவில் உள்ளது. ஒவ்வொரு வருடமும் ஶ்ரீசதாசிவ பிரும்மேந்திரரின் ஆராதனையின் போது, ஆயிரக்கணக்கில் பக்தர்கள் தமிழ்நாடு, கர்நாடகா, ஆந்திரா, கேரளா, மஹாராஷ்ட்ரா போன்ற மாநிலங்களிலிருந்து பக்தர்கள் வந்து செல்கின்றனர். சித்தர் சமாதி, ரஜினி முதலியோர் வந்து போகின்றனர் என்ற செய்திகளால் பிரபலமாகி வருகின்றது[1]. சினிமாகாரர்கள் வந்து போகிறார்கள் என்றால் பக்தி கூடுகிறதா, பக்தர்கள் கூடுகிறார்களா என்று ஆராய்ச்சி செய்ய வேண்டும். பவுர்ணமி நாட்களில் ஏராளமான பக்தர்களும் நெரூர் கோவிலுக்கு வருகின்றனர். மற்ற நேரங்களில் இவ்வூருக்கு வர்பவர்கள் யாரும் இல்லை எனலாம். அதனால், இவ்விழா நேரத்தைப் பயன்படுத்திக் கொண்டு, அவ்வூர் மக்கள் ஆர்பாட்டம் செய்வதுண்டு. நூறு ஆண்டுகளாக இவ்விழா நடந்து கொண்டிருக்கும் போது, ஏன் வருடாவருடம், இதில்லை-அதில்லை என்று உள்ளூர் மக்கள் புகார் செய்ய வேண்டும் என்று தெரியவில்லை.

ஶ்ரீசதாசிவ பிரும்மேந்திரரின் ஆராதனையின் போது கோவிலுக்கு அடிப்படை வசதிகள் வேண்டும்: அவ்வாறு ஒவ்வொரு வருடமும், ஏதாவது கோரிக்கை வைத்து புகார் கொடுப்பர். 2016லும் அதேபோன்ற புகார்களை வைத்தனர். நெரூர் கோவிலுக்கு செல்லும் சாலை குண்டும் குழியுமாக உள்ளதாலும், குடிநீர் குழாய்கள் அடிக்கடி உடைந்து தண்ணீர் தேங்கி நிற்பதாலும் சுகாதார கேடு ஏற்பட்டுள்ளது[2]. டூவீலர்களில் கோவிலுக்கு செல்லும் பக்தர்கள், குண்டும், குழியுமான சாலையில் செல்லும் பெரும் அவதிப்படுகின்றனர். எனவே, நெரூரில் சதாசிவம் பிரமேந்திரர் கோவிலுக்கு செல்லும் சேதமடைந்துள்ள சாலைகளை சீரமைக்க வேண்டும் என்று தினமலர் செய்தி வெளியிட்டது[3]. நெரூர் சதாசிவ கோவிலுக்கு, தினமும் ஆயிரக்கணக்கானோர் வந்து செல்கின்றனர். இங்கு, போதுமான அடிப்படை வசதிகள் இல்லாததால், பக்தர்கள் மிகவும் சிரமப்படுகின்றனர்[4]. சுகாதார வளாகம் இல்லாமல் இருப்பதால், திறந்த வெளிப்பகுதிகளை கழிப்பிடமாக பயன்படுத்தி வருகின்றனர். எனவே, பொதுமக்கள் வசதிக்காக கழிப்பிட வசதி, இருக்கை வசதி மற்றும் அடிப்படை வசதிகளை செய்து தர வேண்டும் என்றெல்லாம் புகார்கள் தெரிவிக்கப்பட்டன[5]. ஆனால், 101 ஆண்டுகளாக நடைப்பெற்று வந்த அங்கப் பிரதிக்ஷணம் நின்று விட்டதால், இவ்வருடம் கூட்டம் வரவில்லை என்பதை அவர்கள் கண்டுகொள்ளவில்லை என்றே தோன்றுகிறது.

நெரூர் சதாசிவபிரம்மேந்திரர் 102வது ஆராதனை உற்சவம்: நெரூர் சதாசிவபிரம்மேந்திரர் 102வது ஆராதனை உற்சவம் 16-05-2016 அன்று நடைபெற்றது[6]. கரூர் அருகே உள்ள நெரூர் சதாசிவ பிரம்மேந்திராள் 102வது ஆராதனை விழா கடந்த 11ம்தேதி துவங்கியது. வைசாக சுத்த பஞ்சமி சங்கரஜெயந்தி அன்று உற்சவம் ஆரம்பித்து தினமும் பாகவத கோஷ்டியுடன் உஞ்சவிருத்தி, கிராம பிரதட்சணம், மஹன்யாசபூர்வ அபிஷேகம், லட்சார்ச்சனை, வேதபாராயணம் நடைபெற்றது[7].  வழக்கம் போல, அலங்கரிக்கப்பட்ட சதாசிவ பிரமேந்திராளின் உருவப் படத்தினை மடத்திற்கு ஊர்வலமாக கொண்டு செல்லப் பட்டது. இந்நிகழ்ச்சியில், ஏராளமான பக்தர்கள் கலந்து கொண்டு இசை கச்சேரியை ரசித்ததுடன், சதாசிவ பிரமேந்திராளின் அருளும், ஆசியும் பெற்றனர்[8]. 16-05-2016 அன்று (திங்கள்) வைசாக சுத்த தசமி தினத்தில் பிரம்மேந்திரசரஸ்வதி சுவாமிகளின் ஆராதனை உற்சவம் நடைபெற்றது. லட்சார்ச்சனை பூர்த்தியும், ஸந்தர்ப்பனையும் நடைபெற்றது. ஏராளமான பக்தர்கள் இதில் கலந்துகொண்டு சாமி தரிசனம் செய்தனர்.  விழா ஏற்பாடுகளை நெருர் சதாசிவபிரம்மேந்திர சபா, நெரூர் சத்குரு சதாசிவ பிரம்மேந்திராள் சேவா டிரஸ்ட், நிர்வாக அங்கத்தினர் பக்தர்கள் செய்திருந்தனர். 25-05-2016, புதன்கிழமை அன்று நிகழ்ச்சிகள் முழுமை அடைந்தன[9].

102வது ஆராதனையின் போது அங்கப்பிரதிக்சிணம் நடைபெறவில்லை: 101 ஆண்டுகளாக நடைபெற்றுவந்த, அங்கபிரதிக்சணம் இவ்வருடம் நடைபெறவில்லை. சென்ற வருடம் தடை விதித்தது என்றால், ஒரு வருட காலமாக, நெரூர் சதாசிவ பிரும்மேந்திரர் சபை மற்றும் இதை ஆதரிக்கும் பல பிரபலங்கள், பக்தர்கள், சித்தர்-விரும்பிகள் மற்றும் அவரை ஆராதித்தித்தால் பலன் அடைந்தவர்கள் ஏன் மௌனமாக இருந்தார்கள் என்று தெரியவில்லை.  பல நீதிபதிகள், வக்கீல்கள் எல்லோருமே வந்து சென்றுள்ளனர். பிறகு, அவர்களுக்குக் கூட ஒன்றும் தோன்றவில்லையா என்று புரியவில்லை. இதுவிசயமாக 15-05-2016 அன்று ஹனுமந்தராவ் என்பவருடன் பேசி, விசாரித்தபோது, வழக்கைப் பற்றிய விவரங்கள், திருச்சியில் உள்ள வக்கீலுக்குத் தான் தெரியும் என்றும், இவ்வருடம் அங்கப்பிரதிக்சணம் நடைபெறாது என்றும் தெரிவித்தார். 101 ஆண்டுகளாக நடைபெற்றுவந்த, அங்கபிரதிக்சணம் நிறுத்தப்பட்டால், அதை ஏற்கக்கூடிய மக்களின் நம்பிக்கைப் புண்படாதா, அவர்களது உரிமைகள் பாதிக்கப்படாதா என்பதெல்லாம் ஆராயவேண்டிய நிலை ஏற்பட்டுள்ளது. 101 ஆண்டுகளாக நடைபெற்றுவந்ததில், இதுவரை அசுத்தத்தால் இலைகளில் புரண்டவர்களுக்கு நோய் ஏற்பட்டது போன்ற எந்த புகாரும் இல்லை. மாறாக தனது நோய் போய் விட்டது என்று சிலர் கூறிக் கொண்டுள்ளனர். ஆகவே, அந்த தலித் பாண்டியன் வேண்டுமென்றே விளம்பரத்திற்காக இவ்வழக்கைப் போட்டிருப்பதும், ஶ்ரீ சதாசிவ பிரும்மேந்திரரின் பக்தர்கள் பயந்து அமைதியாக இருப்பதும் தெரிகிறது. உதாரணத்திற்கு ஏப்ரல் 2016ல் நடந்த ஒரு நிகழ்ச்சி குறிப்பிட்டப்படுகிறது. ஏனெனில், கரூர் அருகே அது நடந்துள்ளது.

ஏப்ரல் 2016 திருவிழாவில் சுத்தமற்ற உணவு உண்டதால் வாந்தி, மயக்கம்: கரூர் அருகே கோவில் திருவிழாவில் சுகாதாரமற்ற நீரினை சமைத்து சாப்பிட்ட 10 குழந்தைகள் உள்ளிட்ட 75 பேருக்கு வாந்தி மயக்கம் ஏறபட்டது[10]. கரூர் மாவட்டம், மண்மங்கலம் தாலுக்கா பகுதியை சார்ந்த நெரூர் ஊராட்சிக்கு உட்பட்ட பகுதியில் பகவதி அம்மன் கோவில் திருவிழா கடந்த 10,11,12 2016 ஆகிய மூன்று நாட்கள் நடைபெற்றது. இதில் திருவிழாவின் இறுதி நாளான 12 ஆம் தேதி அப்பகுதியில் வசிக்கும் பொதுமக்கள் தங்கள் வசதிக்கு ஏற்றவாறு கிடா வெட்டி கறி இன்று வரை சமைத்து சாப்பிட்டுள்ளனர். இந்த கிடா வெட்டிற்கு சமையல் செய்வதற்கு அப்பகுதியில் உள்ள மேல்நிலை நீர் தேக்க தொட்டியில் இருந்து தண்ணீர் எடுத்து உபயோகபடுத்தியுள்ளனர் ஆனால் அந்த நீர் மிகவும் கலங்கலாகவும் செந்நிறமாகவும், மாசுபடித்திருந்த நிலையிலும் இருந்து வந்துள்ளது. ஆனால் அதை அறியாத மக்கள் அந்த தண்ணீரை உணவு சமைப்பதற்கு பயன்படுத்தி சாப்பிட்டுள்ளனர். இரண்டு நாட்கள் கழித்து இன்று பெரியவர்கள், பெண்கள், குழந்தைகள் உள்ளிட்ட 75 பேருக்கு வாந்தி மயக்கம், வயிற்றுவலி போன்ற இன்னல்களுக்கு ஆளாகினர், சம்பவம் அறிந்த சுகாதார துறை மருத்துவர்கள், செவிலியர்கள் முகாம் அமைத்து பாதிக்கபட்டவர்களை அரசு மருத்துவமனை மற்றும் ஆரம்ப சுகாதார நிலையத்திற்கு சிகிச்சைக்காக அனுப்பியுள்ளனர். இதனால் அப்பகுதியில் பெரும் பரபரப்பு காணப்பட்டது[11]. ஆனால், அந்த தலித் பாண்டியன் இதற்காக ஒன்றும் செய்யவில்லை. அதாவது, அசுத்தத்தினால் இம்மாதிரி பிரச்சினை ஏற்படலாம், ஆனால், நெரூரில் அத்தகைய பிரச்சினை இல்லை. இருப்பினும் வழக்கு, தடை எல்லாம் நடந்தேறியுள்ளன.

யார் இந்த தலித் பாண்டியன்?: இவர் தலித் விடுதலை இயக்கம், தேசிய அம்மைப்பாளர். ரூபாய் நோட்டுகளில் அம்பேத்கர் படம் போட வேண்டும் என்றெல்லாம் ஆர்பாட்டம் செய்பவர்[12].  சென்ற ஆண்டு 2015ல், 101ஆம் ஆண்டு விழாவாக நடைபெற இருந்த இந்த மனிதத் தன்மையற்ற காரியத்தை விழா என்ற பெயரில் நடைமுறைப்படுத்துவதைத் தடை செய்ய வேண்டும் என்று கூறி கரூர் வேலாயுதபாளையத்தைச் சேர்ந்த வழக்குரைஞர் வி.தலித் பாண்டியன் மதுரை நீதிமன்றத்தில் வழக்குத் தொடர்ந்தார். வழக்கினை விசாரணை செய்த நீதிபதிகள் உடனடியாக விழாவிற்குத் தடை விதித்தனர்[13]. இவர் வேலாயுதபாளையத்தில், அண்ணாநகர், ஆதிதிராவிட காலனியில் வைத்து வருபவர்[14]. இவருக்கு பகவதி அம்மன் கோவில் திருவிழா சமாசாரம் நிச்சயம் தெரிந்திருக்கும். ஆனால், ஒன்றும் செய்யவில்லை. எனவே,  நெரூர் விசயத்தில், ஏதோ உள்நோக்கத்துடன், யாரோ தூண்டுதலின் மீது வழக்கைத் தொடர்ந்துள்ளார் என்று தெரிகிறது. இந்து அமைப்புகள் இதைப் பற்றி கொஞ்சமும் கண்டுகொள்ளவில்லை. ஒருவேளை அவர்களுக்குத் தெரியாது என்று கூட சொல்லலாம்.

 © வேதபிரகாஷ்

 26-05-2016

[1] http://www.astrosuper.com/2011/10/blog-post_8478.html

[2] தினமலர், சதாசிவ பிரமேந்திரர் கோவில் சாலையை சீரமைக்க கோரிக்கை, மார்ச்.55,, 20166.007.14

[3] http://www.dinamalar.com/news_detail.asp?id=1472127

[4] தினமலர், புக்கார்பெட்ட்டி-கரூர், மே22.2016,  11.22.

[5] http://www.dinamalar.com/news_detail.asp?id=1527014

[6] தினகரன், நெரூர் சதாசிவபிரம்மேந்திரர் 102வது ஆராதனை உற்சவம், பதிவு செய்த நேரம்:2016-05-17 10:18:43

[7] http://www.dinakaran.com/District_Detail.asp?Nid=573606&cat=504

[8] ஈநாடு.இந்தியா, சதாசிவ பிரமேந்திராள் கோயிலில் 102-வது ஆராதனை விழா, Published 11-May-2016 19:45 IST

[9] http://tamil.eenaduindia.com/Rainbow/SoulSpace/2016/05/11194604/Sri-Sadasiva-Piramentiral-Temple-festival-in-karur.vpf

[10]
தமிழ்.வெப்துனிய்யா, சுகாதாரமற்ற நீரில் சமைத்து சாப்பிட்ட 75 பேருக்கு வாந்தி மயக்கம்: கரூரில் பரபரப்பு, வெள்ளி, 15 ஏப்ரல் 2016 (15:19 IST)

[11] http://tamil.webdunia.com/article/regional-tamil-news/75-peopls-vomiting-fainting-in-karur-116041500032_1.html

[12] http://www.dinamani.com/edition_trichy/karur/article1399470.ece

[13] http://www.unmaionline.com/new/2587-%E0%AE%8E%E0%AE%9A%E0%AF%8D%E0%AE%9A%E0%AE%BF%E0%AE%B2%E0%AF%8D-%E0%AE%87%E0%AE%B2%E0%AF%88%E0%AE%AF%E0%AE%BF%E0%AE%B2%E0%AF%8D-%E0%AE%89%E0%AE%B0%E0%AF%81%E0%AE%B3%E0%AF%81%E0%AE%AE%E0%AF%8D-%E0%AE%AA%E0%AE%95%E0%AF%8D%E0%AE%A4%E0%AE%BF.html

[14] DALIT PANDIYAN.V. Age:: 30, Category:SC. Sex:Male. Address: S/O. VELLAIYAN, 10/46, ADIDRAVIDA COLONY, ANNA. NAGAR, VELAYUTHAMPALAYAM …

பாகிஸ்தான் லாஹூரில் ஜைன கோவில் இடிக்கப்பட்டதும், இந்தியாவில் நடந்து வரும் இந்தியதேச விரோத செயல்களும்!

பாகிஸ்தான் லாஹூரில் ஜைன கோவில் இடிக்கப்பட்டதும், இந்தியாவில் நடந்து வரும் இந்தியதேச விரோத செயல்களும்!

ஜைனகோவில் குப்பைக் கொட்டும் இடமாகி இடித்துத் தள்ளப்பட்ட நிலை: பாகிஸ்தான், பஞ்சாப் மாகாணத்தில் அனார்கலி பஜாரில் உள்ள, புகழ் வாழ்ந்த ஜைன கோவில் இருந்தது[1]. இது 1992ல், பாபரி மஸ்ஜித் இடித்ததற்கு பழிவாங்கும் நோக்கில் தாக்குதலுக்கு உள்ளாகி சேதப்படுத்தப்பட்டது[2]. அப்பொழுது பாகிஸ்தான் மற்றும் பங்களாதேசத்தில் ஆயிரக்கணக்கான கோவில்கள் இடிக்கப்பட்டன; இந்துக்கள் மற்றும் அவர்களது வீடுகள் தாக்கப்பட்டன. ஆனால், செக்யூலரிஸ இந்திய அரசியல்வாதிகள், அரசாங்கம், மற்றும் ஊடகங்கள் கண்டுகொள்ளவில்லை. ஜைன கோவில் சேதப்படுத்தியப் பிறகு, கடைகள் போன்றவை அதனுள் வைக்கப்பட்டு வியாபாரத்திற்காக உபயோகப்படுத்தப்பட்டு வந்தது. லாஹூர் குப்பை அகற்றும் வாரியம் மற்றும் இன்னொரு தனியார் குப்பைக் கொட்டும் கம்பெனியும் [Lahore Waste Management Company (LWMC) and a private filling station] அக்கோவில் வளாகத்தை உபயோகப்படுத்தி வந்தன[3]. அந்த சாக்கில் ஒரு முல்லா ஒரு அறையை ஆக்கிரமித்துக் கொண்டு மதரஸா கூட நடத்தி வந்தார். இஸ்லாம் எப்படி இதையெல்லாம் அனுமதித்தது என்று யாரும் கேட்கவில்லை, விவாதிக்கவில்லை. குப்பைக் கொட்ட “நாங்களே உபயோகிக்கும் போது, நீயும் குப்பைக் கொட்டப்பா”, என்று விட்டு விட்டனர் போலும்.

நீதி மன்ற ஆணையை மீறி இடிக்கப்பட்ட நிலை: 2016 ஜனவரியில் ஆரஞ்சு மெட்ரோ ரெயில் திட்டம் [Orange Line Metro Train (OMT) project] தொடர்பான எந்த வேலையும் சரித்திரப் புகழ் வாய்ந்த இடங்களிலிருந்து 200 அடிகளுக்குள் இருக்கக் கூடாது என்று லாஹூர் உயர்நீதி மன்றம் தடை விதித்தது[4]. முன்னர் உச்சநீதி மன்றமும் ஆணை பிறப்பித்திருந்தது[5]. இருப்பினும் நீதிமன்ற தடை உத்தரவையும் மீறி பஞ்சாப் அரசு அப்புராதன ஜெயின் கோவிலை பிப்ரவரி.10, 2016 புதன்கிழமை அன்று காலை முழுவதுமாக இடித்துத் தள்ளப்பட்டது[6]. ஷேக் தாவூத் ஜிலானி சொல்வதை உடனுக்கு உடன் செய்திகளாக வெளியிட்டும், மறுத்தும் விமர்சித்து வரும் ஊடகங்கள் அவ்வாறு உடனடியாகக் கண்டுகொள்ளவில்லை. பாகிஸ்தானில் நீதி மன்றங்கள் இயங்கும் முறை இவ்வாறுதான் உள்ளது போலும். அதாவது, இப்படி மெட்ரோ ரெயில் திட்டம் என்றெல்லாம் நவீனப்படுத்தப் பட்டாலும், இஸ்லாமிய நாட்டில் அடிப்படைவாதிகளை, பயங்கரவாதிகளை, தீவிரவாதிகளை, ஜிஹாதிகளை பாகிஸ்தான் கட்டுப்படுத்தாமல் தான் இருந்து வருகிறது.

கோவில் இடிப்புக்கு பஞ்சாப் அசெம்பிளியில் எதிர்ப்புத் தெரிவித்த எதிர்கட்சிகள்: பஞ்சாப் அசெம்பிளியில் எதிர்கட்சி தலைவர் இதை எதிர்த்தாலும், நடந்தது, நடந்து முடிந்து விட்டது[7]. பஞ்சாப் முதல்வருக்கு எதிராக எதிர்கட்சித் தலைவர் கத்தி ஆர்பாட்டம் செய்து வெளிநடப்பு செய்தனர்[8]. ஷரீப் சகோதரகளுக்கு – ஷாபாஷ் (பஞ்சாப் முதலமைச்சர்) மற்றும் நவாஸ் (பாகிஸ்தான் பிரதமர்) எதிராக குரல் எழுப்பினர்[9]. நம்ம ஊர் அரசியல்வாதிகள் போல அங்கும் மற்ற எதிர் கட்சிகள் பாகிஸ்தான் டெஹ்ரீக்-இ-இன்ஸாப் [Pakistan Teh reek-e-Insaaf], பாகிஸ்தான் முஸ்லிம் லீக் [Pakistan Muslim League(Q)], ஜமாத்-இ-இஸ்லாமி [Jamaat-e-Islami (JI)], பாகிஸ்தான் மக்கள் கட்சி [Pakistan People’s Party]  முதலியன ஆர்பாட்டம் செய்து வெளிநடப்பு செய்தனவாம்[10]. ஆனால், அவை மற்றும் அவற்றின் தலைவர்கள் அப்பட்யென்ன “சிறுபான்மையினர்” நலன்களை பாதுகாத்து வருகின்றனாரா? கொல்லப்படும், அடித்து நொறுக்கப்படும் நிலையில் தானே உள்ளார்கள்?

பாகிஸ்தான் மனித உரிமைகள் கமிஷன்: பாகிஸ்தான் மனித உரிமைகள் கமிஷன் கூட மக்கள் தங்களது கலாச்சாரத்தை காத்துக் கொள்ளும் உரிமைகளை தாக்காமல் இருக்க வேண்டும், அந்த ரெயில் திட்டத்தைப் பற்றி மறுபரிசீலினை செய்ய வேண்டும் என்று கேட்டுக் கொண்டது[11]. கடந்த 70 ஆண்டுகளாக இந்த கமிஷன் இல்லையா அல்லது ஒன்றும் செயல்படாமல் இருந்ததா என்று தெரியவில்லை. இந்து பெண்கள் கடத்தப் படுகிறார்கள், கற்பழிக்கப்படுகிறார்கள், வலுக்கட்டாயமாக மதமாற்றம் செய்யப் படுகிறாற்கள் என்றேல்லாம் அவ்வப்போது செய்திகள் வந்து கொண்டிருக்கின்றனவே, அவற்றையெல்லாம் ஏன் தடுக்கவில்லை. அப்பொழுதெல்லாம் மனித உரிமைகள் பிரச்சினை வரவில்லையா?  இவ்வாறு மீறல்களை செய்து கொண்டே போனால், எப்படி கலாச்சாரம் பாதுகாக்கப்படும், போற்றப்படும்? சும்மா சொல்லிவிட்டால் போதுமா?

லாஹூர் நீதி மன்ற நடவடிக்கை எடுக்குமா?: கமால் மும்தாஜ் என்பவர் இதை எதிர்த்து லாஹூர் நீதிமன்றத்தில் ஒரு “நீதிமன்ற அவமதிப்பு” வழக்கு ஒன்றை பஞ்சாப் அரசுக்கு எதிராகத் தொடுத்துள்ளாராம்[12]. மற்ற சரித்திரப் புகழ் வாய்ந்த இடங்களையாவது விட்டு வைக்க ஆணையிடுங்கள் என்று கேட்டுக் கொண்டுள்ளாராம்[13]. இதை நம்மவூர் துருக்க-பாய்கள் படித்தால், பெருமையாக சொல்லிக் கொள்ளவும் செய்வார்கள். ஆனால், கடந்த 70 ஆண்டுகளில் ஏன் இந்து கோவில்கள் மறைந்து விட்டன, இந்து மக்கட்தொகை 33%லிருந்து, 7% ஆகக் குறைந்து விட்டது என்றெல்லாம் புதிர்களாக இருக்கின்றன. இத்தனை காலம் கண்டு கொள்ளாமல் இருந்தவர்கள் இப்பொழுது தான் மனித உரிமைகள் பற்றியெல்லாம் கவலைப்பட ஆரம்பித்துள்ளார்களா?

அயோத்தியா பிரச்சினை வைத்துக் கொண்டு கோவிலை இடித்த போது, அயோத்தியா நிலத்தில் முஸ்லிம்களுக்கு பங்கு கொடுத்தது போல, இங்கும் இடம் கொடுப்பார்களா?: மேலும் அவர்கள் பாகிச்தானில் என்ன அந்த கோவிலுக்கு இன்னொரு இடத்தை ஒதுக்குவார்களா, அங்கு கோவிலை கட்டிக் கொடுப்பார்களா அல்லது கோவில் கட்டிக் கொள்ள அனுமதிப்பார்களா போன்ற கேள்விகளுக்கு பதில்களை எதிர்பார்க்க முடியாது. ஆனால், நம்ம ஊரில், உச்சநீதி மன்றம், அயோத்தியா கோவில் வளாக நிலத்தை மூன்றாகப் பிரித்து, அதில் ஒரு பங்கை முஸ்லிம்களுக்குக் கொடுத்துள்ளது கவனிக்க வேண்டும். ஆகவே, பாகிஸ்தானிய எதிர்கட்சிகள் எதிர்த்து ஆர்பாட்டம் செய்தன என்றால், உள்ளூர் அரசியல் செய்துள்ளன அவ்வளவே. அங்கு மைனாரிடியாக உள்ள சீக்கியர்களின் ஓட்டு அவர்களுக்குத் தேவை, அதனால், தங்களது “செக்யூலரிஸாத்தை” இவ்வாறு காட்டிக் கொண்டுள்ளார்கள் போலும்.

ஐநா, நீதிமன்றம் சொல்லதை கேட்காத அரசு யார் சொல்வதை கேட்கும்?: ஐக்கிய நாடுகளின் வல்லுனர்கள் ஜனவரி 2016லேயே, இந்த ரெயில்வே திட்டத்தை நிறுத்துமாறுக் கேட்டுக் கொண்டது. ஏனெனில், அந்த ரெயில் பாதை செல்லும் வழியில் பல பாதுகாக்கப்பட்டு வரும் சரித்திரப் புகழ் வாழ்ந்த இடங்கள் மற்றும் கட்டிடங்கள் இருக்கின்றன. மேலும், அப்பகுதிகளிலிருந்து வெளியேற்றப்படும் மக்களுக்கு மாற்று இடம் கொடுக்கப்படவில்லை. கரிமா பென்னௌன் [ Karima Bennoune] என்ற ஐநா மனித உரிமை பேச்சாளர் அக்கடிடங்கள் இடிக்கப்படுவது, அவை மறைந்து போகும் என்பது மட்டுமல்லாது, அங்குள்ள மக்களின் அடையாளங்களும் மறைந்து விடும் நிலையை உருவாக்கும் என்று எடுத்துக் காட்டினார்[14]. சரித்திரம், சரித்திர ஆதாரங்கள், சரித்திர மூலங்கள் மறைந்து விடும் என்றெல்லாம் எடுத்துக் காட்டினாலும், யார் கவலைப்பட்டார்கள்? ஜூலை 2015லிருந்தே, அப்பாதையை பாகிஸ்தான் நிர்வாகம் பலமுறை மாற்றி வந்துள்ளது[15]. நீதி மன்ற ஆணையினையே மதிக்காத அரசு, இதையே மதிக்கப் போகிறது? ஆமாம், இடித்துத் தள்ளியாகி விட்டது.

© வேதபிரகாஷ்

14-02-12016

[1] The Tribune, Violating HC order, historic Jain temple demolished in Lahore, Posted at: Feb 13, 2016, 1:31 AM

[2] http://www.tribuneindia.com/news/punjab/violating-hc-order-historic-jain-temple-demolished-in-lahore/195631.html

[3] Hidustan Times, Historic Jain temple demolished in Pak to pave way for metro project, PTI, Lahore, Updated: Feb 12, 2016 18:54 IST.

[4] http://www.hindustantimes.com/world/historic-jain-temple-demolished-in-pak-to-pave-way-for-metro-project/story-XOUemmN7KJlG0Iua9JAlJN.html

[5] http://zeenews.india.com/news/india/historic-jain-temple-demolished-in-lahore-to-construct-metro-train-route_1854965.html

[6] On Wednesday morning (10-02-2016), the local administration demolished the building belongs to already damaged temple, shops and office of the Lahore Waste Management Company (LWMC) to clear the area for the train route.

http://www.dailytimes.com.pk/national/10-Feb-2016/orange-line-train-jain-mander-adjacent-buildings-demolished

[7] Times of India, Historic Jain Temple demolished in Lahore, Yudhvir Rana | TNN | Feb 12, 2016, 08.40 AM IST

[8] Daily Times, iian’s temple demolished in Lahore, Kashif Hussain, February 10, 2016, 07.05 am.

[9] Asian Age, Lahore’s iconic Jain temple razed, M. Zulqernain, Lahoe, Feb.12, 2016.

[10] http://timesofindia.indiatimes.com/india/Historic-Jain-temple-demolished-in-Lahore/articleshow/50955160.cms

[11] The Human Rights Commission of Pakistan called upon the Punjab government to review the project and desist from attacking the people’s basic rights to preservation of their heritage.

http://www.deccanchronicle.com/world/neighbours/120216/historic-jain-temple-demolished-in-lahore-for-controversial-metro-project.html

[12] Deccan Chronicle, Historic Jain temple demolished in Lahore, PTI, PublishedFeb 12, 2016, 4:13 pm IST; UpdatedFeb 12, 2016, 4:38 pm IST

[13] http://www.asianage.com/international/lahore-s-iconic-jain-temple-razed-189

[14] UN Special Rapporteur in the field of cultural rights Karima Bennoune, in a press release issued on Friday by the United Nations Human Rights Office of the High Commissioner, said that the project (OMT) passes through the historic centre of Lahore, threatening pre-partition buildings, minority places of worship, historic tombs, shrines and great gardens, many of which are registered protected heritage sites. She said that these sites were of importance not only to local people and the entire cultural landscape of Lahore but are of national significance for the history and cultural heritage of Pakistan. “The project will not only destroy physical sites but the ways of life that have been developed there, that people cherish and through which they express their dignity and identity,” she said.

http://www.dailytimes.com.pk/punjab/23-Jan-2016/un-urges-pakistan-to-halt-construction-of-orange-metro-train

[15] Daily Times, UN urges Pakistan to halt construction of Orange Metro Train, January 23, 2016.

சபரிமலையும், பெண்களும் – கட்டுப்பாடுகளின் பின்னணி, கிறிஸ்தவ-முகமதியர்களின் பெண் கடத்தல்கள், இக்கால எதிர்ப்பு பிரச்சாரங்கள்!

சபரிமலையும், பெண்களும் – கட்டுப்பாடுகளின் பின்னணி, கிறிஸ்தவ–முகமதியர்களின் பெண் கடத்தல்கள், இக்கால எதிர்ப்பு பிரச்சாரங்கள்!

மஹிஷாசுரமர்த்தனி கதையைத் தழுவி ஒருவாக்கப்பட்டதா?: மஹிஷாசுரன் (எறுமை உருவத்தில் இருந்த) என்ற அரக்கன் மிகவும் மக்களுக்கு தொல்லை, துன்பம் கொடுத்து வந்ததால், தேவர்கள் முதலியோர் வேண்டிக்கொள்ள மும்மூர்த்திகளும் / முத்தேவியரும் சேர்ந்து, ஒரு சக்தியை உருவாக்கினர். அந்த சக்தி / தேவி, மஹிஷாசுரனை வதம் செய்தாள் என்று புராணங்கள் கூறுகின்றன. இதை தத்ரூபமாக ஆயிரக்கணக்கான சிலைகள், விக்கிரங்களில் கடந்த இரண்டாயிரம் ஆண்டுகளில் வடிக்கப்பட்டுள்ளது. மைசூரில் மகிஷாசுரன் சிலை சாமுண்டி கோவிலுக்கு முன்னர் உள்ளது. அப்பகுதி “எறுமை நாடு” என்றே வழங்கப்பட்டது. எனவே, கேரளத்தில், இக்கதையை மாற்றி, மகிஷாசுரனை, மகிஷியாக்கி, அதாவது பெண்ணாக்கி, அதனை ஒரு பாலகன் கொல்வதாக மாற்றப்பட்டது போலும். மஹிஷாசுரமர்த்தனி அங்கு போற்றப்படும் தெய்வமாக இருக்கும் போது, இங்கோ “கொடியவள் மகிஷி” என்று சித்தரிக்கப்படுவது வியப்பானதே! கிருஷ்ணாவதாரத்தில், குழந்தை பூதனையைக் கொல்வதும், இதேபோல இருப்பது நோக்கத்தக்கது. பூதனை குழந்தைகளைக் கொல்லும் கொடிய பெண்ணாக, அரக்கியாக இருந்தாள். உண்மையில், நேபாளத்தில், தேவி மகிஷாசுரனை வதம் புரிந்த நிகழ்சியை நினைவு கூறும் வகையில், நூற்றுக்கணாக்கான எறுமைகள இன்றும் பலியிட்டு வருகிறார்கள். உயிர்ப்பலியை எதிர்க்கும் கூட்டங்கள் கிருத்துவர்கள்-முகமதியர்கள் பலியிடும் முறைகளை [யுகாரிஸ்ட் முதல் பக்ரீத் வரை] விமர்சிப்பதில்லை. நம்பிக்கையை எதிர்ப்பது என்றால், எல்லோருடைய உயிர்ப்பலி நம்பிக்கையையும் எதிர்க்க வேண்டும்.

பெண்கள் சபரிமலைக்கு வருவது பற்றிய கட்டுப்பாடு: மேலும், சபரிமலையில் சிறுமிகள் மற்றும் வயதான பெண்கள் தான் அனுமதிக்கப் படுவர் என்று முறையுள்ளது. இது “கந்தன் கோட்டத்து கலந்தொடா மகளிர்ரென்று புறநானூறில் குறிப்பிட்டுள்ளது போலுள்ளது. அதாவது, முருகன் கோவிலுக்கு கன்னிப்பெண்கள், கர்ப்பமுற்றிருக்கும் பெண்கள் போகக் கூடாது என்ற நம்பிக்கை இருந்தது. இதை எந்த பகுத்தறிவுவாதியும் எடுத்துக் காட்டுவதில்லை. கன்னிப்பெண்கள் சென்றால் கன்னித்தன்மை இழந்து விடுவர் மற்றும் கர்ப்பமுற்றிருக்கும் பெண்கள் சென்றால் கர்ப்பம் சிதைந்து விடும் என்ற நம்பிக்கையினால் அவ்வாறு சொல்லப்பட்டது. மேலே குறிப்பிட்ட பூதனையையும் நினைவு கூறத்தக்கது, அதாவது, பிறந்த குழந்தைகளை அவள் கொன்று வந்தாள். இவையும் ஜைன-பௌத்த காலங்களில் ஹரிணி, ஹரிதி முதலிய கருப்பைகளைத் திருடித் திண்ணும் தேவதை கதைகளினின்று உருவான நம்பிக்கை என்பது குறிப்பிடத்தக்கது. அதனால், மாதவிடாய் இல்லாத பெண்கள் தான் உள்ளே அனுமதிக்கப்படுவர்[1] என்பது, அவர்களால் குழந்தை பெற்றெடுக்க முடியாது என்பத்னைக் காட்டுவதாக உள்ளது என்று எடுத்துக் கொள்ளலாம். இதெல்லாம் முந்தைய “யந்திர-தந்திர-மந்திர” வழிபாட்டு முறைகளைக் காட்டுகிறது. பெண்களை ஈடுபடுத்தி செய்து வந்த அம்முறைகள், ஜைன-பௌத்த காலங்களில் சீரழிந்தது[2]. உண்மையான “யந்திர-தந்திர-மந்திர” சக்தி வழிபாட்டு முறைகளைக் கடந்து, வெறும் பாலியியல் செயல்களில் சுருங்கியதால், தடைகள் பல விதிக்கப்பட்டன. ஜைன-பௌத்த புத்தகங்கள், கதைகள் முதலியனவே இவற்றை நன்றாகவே எடுத்துக் காட்டுகின்றன[3]. ஆனால், இவற்றையெல்லாம் மறைத்து, ஐயப்பன் வழிப்பாட்டின் மூலங்களில் பௌத்தம் இருக்கிறது என்று திரித்து கூறுகிறார்கள்.

போர்ச்சுகீசியர்களின் குழந்தைகள், பெண்கள் கடத்தல்: உண்மையில் கேரளாவில் “மறுமக்கள் தாயம்” (Matriarchy) முறையுள்ளது என்பதற்கு, முரணாக இருக்கிறது.  பெண்களுக்கு அத்தகைய உரிமைகள் இருக்கிறது எனும்போது, அவர்களுக்கு கட்டுப்பாடு விதிக்கிறார்கள் என்பது முரண்பாடு. மேலும், கேரள பெண்கள் மேலாடை அணியாமல் இருக்கும் நிலையும் உள்ளது[4]. அதனை மற்றவர்கள் தவறாக எடுத்துக் கொள்ளலாம், ஆனால், அங்கு இயல்பாக இருந்தது, இருக்கிறது. பிறகு அந்நியர்கள் நுழைவினால், அவர்களது பழக்க-வழக்கங்களும் மாறின. அதாவது, இடைக்காலத்தில், கிருத்துவ மற்றும் முகமதிய மதத்தவர்களின் தாக்குதல்களினால், பெண்களை பாதுகாக்க இம்முறை ஏற்படுத்தியிருக்கலாம். மேலும், போர்ச்சுகீசியர்-அரேபியர் பெண்கள், சிறுமிகளைக் கடத்திக் கொண்டு போகும் கொடிய செயலை செய்து வந்தனர் என்பதும் கவனிக்கத்தக்கது[5]. மீரா என்ற சிறுமியைக் கடத்திக் கொண்டு சென்று, அடிமையாக கொச்சினில் விற்கப்பட்டாள். அவள் மதம் மாற்றப்பட்டு காத்ரினா டி சான் ஜோன் [Catharina de San Joan 1606-1688] என்ற பெயர் வைக்கப்பட்டது. அவள் போர்ச்சுகீசியரால் அனுபவிக்கப் பட்டு மணிலாவுக்கு எடுத்துச் சென்றனர். பிறகு மெக்சிகோவில் [Acapulco, New Spain (Mexico) then Puebla, Mexico], ஒருவனுக்கு விற்கப்பட்டாள்[6]. இப்படி கத்தோலிக்கக் கிருத்துவர்களால் பாலியல் ரீதியில் கொடுமைப் படுத்தப்பட்ட மீரா அங்கு தெய்மாக்கப்பட்டளாம்! சமீபத்தில் அவள் எப்படி கொடுமைப்படுத்தப்பட்டாள் என்ற விவரங்கள் வெளிவந்தன[7]. இதனால், ராஜஸ்தான் ஆடை அங்கு பிரபலமாகியுள்ளது[8]. கொடுமைகள் வெளியாகியுள்ளன[9]. இப்பொழுது மீராவின் சோகக்கதை வெளியே வந்துள்ளது. ஆனால், இதேபோல, எத்தனை இந்து பெண்கள் அடிமைகளாக கடத்தப்பட்டனர், விற்கப்பட்டனர், எப்படி கஷ்டப்பட்டு, எங்கு இறந்தனர் என்பது ஆண்டவனுக்குத் தான் தெரியும். இதில், ஐரோப்பியர் மற்றும் முகலாய-முகமதியர் முதலியோர் ஒன்றாக வேலை செய்து வந்தனர்[10].

இந்து பெண்கள் கடத்தலில் போர்ச்சுகீசியர், முகலாயர் கூட்டு: போர்ச்சுகீசிய-முகலாய பெண்ணடிமை வியாபாரத்தை பிராங்கோயிஸ் பெர்னியர் எடுத்துக் காட்டியுள்ளார்[11]. பெண்களைக் கடத்திக் கொண்டு வந்து முகலாயர்களுக்கு விற்கப்பட்டு, அவர்கள் ஹேரத்தில் வைக்கப்பட்டார்கள். அதாவது, முகலாய அரசர்கள் அனுபவித்து, பிறகு மற்றவர்களுக்கு அனுப்பப்படுவார்கள். அவர்களுக்குள் அழகான பெண்களைப் பிரித்துக் கொண்டதும் விளக்கப்பட்டது[12]. “பிள்ளைப் பிடிக்கிறவன் வருகிறான்”, என்று குழந்தைகளை பயமுருத்தும் பழக்கமே அவர்களின் செயல்களில் தான் உண்டானது. இத்தகைய கொடுமைகளை பெண்ணியம் பேசும் இந்திய வீராங்கனைகள் பேசுவதில்லை. மேலும் இப்பொழுதும், கிருத்துவர்கள் மற்றும் முஸ்லிம்களின் தாக்குதல்களின் இலக்கில் சபரிமலை கோவில் இருப்பது கவனிக்கத்தக்கது. பொதுவாக ஆண்களே அத்தகைய தீவிரவாத தாக்குதல்களில் தாக்குப் பிடிக்க முடியாமல், படுகாயம் அடைகின்றனர், கொல்லப்படுகின்றனர் எனும் போது, பெண்களும் அங்கு செல்ல ஆரமித்தால், அவர்கள் எளிதில் தாக்குதல்களுக்குட்படுவார்கள் என்பது திண்ணம். ஆனால், இந்த உண்மைகளை மறைத்து, இப்பொழுது, பெண்ணடிமைத் தனம், ஆணாதிக்கம் என்றெல்லாம் இணைதளத்தில் பிரச்சாரம் செய்து வருகிறார்கள். அதற்கு உலகளவில் ஊடகங்கள் முக்கியத்துவத்தைக் கொடுப்பதும் நோக்கத்தக்கது. உண்மையில், இதெல்லாம் சபரிமலைக்கு எதிராக நடக்கும் பிரச்சாரமே ஆகும்.

© வேதபிரகாஷ்

11-12-2015

[1] இதை எழுதும் நேரத்தில், இதைப்பற்றியும், இந்திய ஊடகங்கள் ஒரு பிரச்சினையை (மாதவிடாய், மாதவிலக்கு) உண்டாக்கி, குழப்பத்தை ஏற்படுத்த முனைந்துள்ளன.

[2] The yantra-tantra-mantra practices were degraded among the rival Jaina, Buddhist and Saiva groups. In yogclvacara Buddhism, i.e. that represented by the practices described in Bizot’s works, the right-hand path and the left-hand path refer to the same type of practice, e.g. the use of sacred symbolic language and substitution, but distinguish between practice that is aimed at soteriology (right hand) and that which is aimed at worldly goals (left hand), such as protection, destruction of enemies, etc.There the left hand practices are those involving such antinomian practices as using the five impure substances, wine, meat, fish, parched grain and sexual intercourse. (See Mishra 1993: 365 ff. on the different interpretations of left handlright hand from within and without the Saiva Kaula tradition). One could see the use of the terminology ‘left hand’ and ‘right hand’ as closely parallel, if one regards using Buddhism for worldly gains, rather than for altruistic purposes or Nibbftna, as essentially antinomian for Buddhists.

Kate Crosby, Tantric Theravada: A Bibliographic Essay on the Writings of Francois Bizot and otherson the Yog– avacara Tradition, Contemporary Buddhism, Vol. I, No. 2, 2000, pp.141-198.

[3] https://kvramakrishnarao.wordpress.com/2012/02/15/a-study-of-role-of-women-in-jaina-mantra-tantra-and-yantra/

[4] ஜாக்கட்டும் போடாமல் இருந்தனர். அதாவது “யந்திர-தந்திர-மந்திர” முறைகளை ஜைனபௌத்தர்கள் கடைபிடித்த போது, அவ்வாறான நிலையிருந்தது. பிறகு படிப்படியாக கட்டுப்பாடுகள் விதிக்கப்பட்டு, மாற்றங்கள் ஏற்பட்டன.

[5] Markus P. Vink, A Work of Compassion? Dutch slavery and slave trade in the Indian Ocean in the seventeenth century, the paper can be accessed at: http://www.historycooperative.org/proceedings/seascapes/vink.html

[6] http://www.viewzone.com/conc.html

[7] One day, as a 11 or 12-year-old, Meera was walking with her brother when they were kidnapped by a band of pirates, who set sail “towards Cochin, on the Malabar coast, a city where the Portuguese had a pepper factory and a fort”, and where she was sold as a slave. In Cochin, she was evangelised and baptised by the Jesuits, who gave her a Christian name – Catharina de San Joan. After her stay in Cochin, her captors took her to various ports and finally to Manila. She had to endure mistreatment and was subjected to “cruel imprisonment”. She arrived in Acapulco in May 1621 with several slaves and was bought by a rich merchant in Puebla, where she lived the rest of her hard life and died at the age of 82.

http://www.asiantribune.com/news/2003/09/21/indian-princess-who-became-mexican-saint-almost

[8] http://fuckyeahmexico.tumblr.com/post/12558478490/la-china-poblana-actually-came-from-india-which

[9] John Todd, La China Poblana: A Slave from India Who Brought Colour to Mexico, see: http://www.jihntoddjr.com/127%20China/poblana.htm

[10] K. S. Lal, The Moghul Harem, Aditya Prakashan, New Delhi, 1988. See “Collection of Beauties”, pp.165-167.

[11] Francois Bernier, Travels in the Moghul Empire AD 1656-1668, Low Price publications, New Delhi, 1999, p.177, pp.175-178.

[12] S. A. Tirmizi, Edicts of the Mogul Harem, Idara-i-Adbiyat, New Delhi, 1979, p.167 and 21.

நொண்டி வாவர் தானே கப்பல் கட்டி, கப்பலேறி வந்தானாம், ஐயப்பனுடன் சண்டை போட்டானாம், புலிப்பால் கொண்டுவந்தானாம்!

நொண்டி வாவர் தானே கப்பல் கட்டி, கப்பலேறி வந்தானாம், ஐயப்பனுடன் சண்டை போட்டானாம், புலிப்பால் கொண்டுவந்தானாம்!

வாவர் கதை[1]: மாடி [Maddy] என்கின்றவரின் கதையின் படி, “வாவர் தகரிட்டன் தோட்டம் அதாவது தெற்கு சிரியா அல்லது துருக்கியில் அல்லிக்குட்டி மற்றும் பாட்டுமா அல்லது பாத்திமா தம்பதியருக்குப் பிறந்தவனாம். அப்பொழுது பெருத்த பஞ்சம் ஏற்பட்டு, பயிர்கள் நாசமாகின. பிறக்கும் போதே கால்கள் வளைந்திருந்ததால், அவனுக்கு வாவர் என்ற பெயர் வந்ததாம். அந்நாட்டில் பஞ்சம் ஏற்பட்டதினால், கப்பலேறி அலைந்தபோது, கேரளாவுக்கு வந்து சேர்ந்தானாம்[2].  இருப்பினும் வில்வித்தை, கத்திச் சண்டை, கப்பல் கட்டுதல் என்று சகல வித்தைகளிலும் தேர்ந்து சிறந்தானாம். பெரியவனாகியதும், கப்பலேறி பிரயாணம் செய்ய விரும்பி, பெற்றொரிடம் அனுமதி கேட்டபோது, அவர்கள் முதலில் மறுத்தார்களாம். பிறகு, அரேபியக் கடலில் நண்பர்களுடன் கப்பலில், மிளகு முதலிய வாசனை திரவியங்கள் கொண்ட நாட்டை நோக்கி பயணித்தானாம்.

கேரளாவில், முதலில் காயங்குளம் என்ற இடத்தில் வந்த் இறங்கினானாம். அவர்களைக் கண்டதும், மக்கள் கடற்கொள்ளைக்காரர்கள் என்று நினைத்துக் கொண்டார்களாம். இதனால், காயங்குளம் ராஜா, பந்தள ராஜாவின் துணை கேட்க, அவர் மணிகண்டனை அனுப்பி வைத்தாராம். மணிகண்டன், வாவருடன் மூன்று நாட்கள் போரிட்டு, நண்பர்கள் ஆனார்களாம். இதனால் தான், இன்றும் முதலில் வாவருக்கு காணிக்கை செல்லுத்திவிட்டு, ஐயப்பபக்தர்கள் சபரிமலைக்குச் செல்கிறார்கள்”, என்றுள்ளது.

சிந்துபாத், ஆயிரத்தோரு இரவுகள், அலெக்ஸாந்தர், போரஸ் போன்ற கதைகளை சேர்த்து, புதிய கதையினை உருவாக்கி இருக்கிறார்கள் என்ரு தெரிகிறது. அரேபியாவில் இருப்பவர்கள் கடற்பிரயாணம் செய்ய எந்த தடையும் இல்லை. பிராமணர்கள் தான் கடல் கடந்து பிரயாணம் செய்யக் கூடாது என்றுள்ளது. எனவே, அரேபியனுக்கு அல்லது முகமதியனுக்கு அத்தகைய கட்டுப்பாடு இருந்தது வியப்பான விசயம் தான்.

நொண்டி, இரு கால்களும் வளைந்திருந்த நிலை, வயதாவன் எப்படி போரிட்டிருக்க முடியும்?: வாவரின் கதைகளின் படி, பிறந்தபோதே, கால்கள் வளைந்திருந்ததால், வாவர் என்ற பெயரைப் பெற்றான் என்றுள்ளது[3]. நொண்டி, முடம் [أعرج = ஆரஜர்] என்று சொல்லப்படுகிறது. இரண்டு கால்களும் வளைந்து, நொண்டி நடக்கும் நிலையில் இருந்த வாவர் எப்படி நேருக்கு நேர் ஐயப்பனுடன் போரிட்டிருக்க முடியும்? பிறகு, புலியைப் பிடித்து பால் கறந்திருக்க முடியும்? ஆகவே, மேலெழுந்த வாரியாகப் பார்க்கும் பொழுதே இது பொய் என்று தெரிகிறது. மேலும், இந்திய யுத்த நன்னெறிமுறைப்படி, ஊனமுற்றோர், வயதானவர் முதலியோருடன் சண்டையிடக் கூடாது என்றுள்ளது. எனவே, இது கடைந்தெடுத்த பொய்யிலும், பொய்யானக் கட்டுக்கதை என்று தெரிகிறது. 150-200 வருடங்களுக்கு முன்னர், இத்தகைய கதைகளைக் கட்டி, புழக்கத்தில் விடப்பட்டிருக்கும்.  கிருத்துவர்கள் எப்படி “தாமஸ் கட்டுக்கதையினை” உருவாக்கினரோ, அதேபோல, முகமதியர் இக்கட்டுதையை உருவாக்கினர் என்பது திண்ணம். கட்டுக்கதை பெரிதானது போல, ஒரு சமாதி பெரிதாகி, மசூதியாகி (அப்பொழுது கேரள வீடு மாதிரி இருந்தது), இப்பொழுது, மிகப்பெரிய மசூதியாகி விட்டது.  “சேரமான் பெருமாள்” கட்டுக்கதையும், இவ்வாறே வளர்த்து, அந்த மாதிரி வீட்டை “மசூதி” என்று சொல்லி, சமீபத்தில் அதையும் இடித்து பெரிய மசூதியாகக் கட்டியதையும் ஞாபகத்தில் வைத்துக் கொள்ள வேண்டும்.

வாவர் இந்துவாக விரும்பினாராம், ஐயப்பன் வேண்டாம் என்றாராம்: இன்னொரு கட்டுக்கதையின் படி, முஸ்லிம் வீரன் மற்றும் பக்கீரான வாவர் தனது வாழ்நாளை ஐயப்பன் சேவைக்கு அர்பணித்துக் கொண்டான். அதுமட்டுமல்லாது, தான் இந்து மதத்தில் சேர விரும்பினான். இருப்பினும், அவனது “குரு”, “தேவையில்லை, எல்லா மதங்களும் ஒரே குறிக்கோளை நோக்கிச் செல்லும் பாதைகள் தான், அதனால் மதமாற்றம் தேவையில்லை”, என்றாறாம்[4]. முன்னால், வாவர் தான் ஐயப்பனுக்கு எல்லாம் சொல்லிக் கொடுத்தார் என்று ஒரு முஸ்லிம் கதை விட்டுள்ளதை எடுத்துக் காட்டப்பட்டது[5]. ஐயப்பனுக்கு குருவாக இருந்த வாவர், இக்கதையில், இவருக்கே “குரு”வாகி விடுகிறார். அதாவது கேரளாவில், எந்த அளவுக்கு பொய்களை வைத்துக் கொண்டு கட்டுக்கதைகளை திரிக்கிறார்கள் என்பதை கவனிக்க வேண்டும். இப்படி நான்கைந்து புத்தகங்கள் ஆங்கிலத்தில் வந்துவிட்டால், நாளைக்கு இதையே ஆதாரமாகக் காட்டி, செக்யூலரிஸத்தை ஐயப்பன் அப்பொழுதே போதித்தார் என்று ஆரம்பித்து விடுவார்கள், உடனே, அறிவுஜீவி இந்துக்கள், அதனை முட்டாள் இந்துக்களுக்கு சொல்லி போதிக்க ஆரம்பித்து விடுவார்கள்.

எருமேலியில் வாவர் பள்ளிக்குச் சென்றால் தான் சபரிமலை யாத்திரை பலன் கிடைக்கும் என்பது உண்மையா?[6]: “தத்வமஸி – ஸந்தேக நிவாரணி – மார்கழி 11”  என்ற தலைப்பில், மஹா சஸ்த்ரு என்பவர் இதற்கு புராணங்களிலிருந்து எடுத்துக் காட்டி, இக்கேள்விக்கு விளக்கம் கொடுத்துள்ளார். அந்த வீடியோவில் இருந்து முக்கியமான விசயங்கள் – “இங்கு வாபர் பள்ளியுள்ளதே, அங்கு போய் தொழ வேண்டுமா, அப்படி தொழுதால் தான், சபரிமலை யாத்திரை பூர்த்தியாகுமா, என்றெல்லாம்” பல பக்தர்கள் கேட்பார்கள். ஆனால், அம்மாதிரி எங்குமே சொல்லப்படவில்லை. “பூதநாத உபாக்கியானத்தில்” எரிமேலி, “வாபர் கோஷ்டம்” என்று சொல்லப்பட்டுள்ளது. இங்கு வாபுரம் வேறு, வாபர் வேறு என்பதை நாம் புரிந்து கொள்ள வேண்டும். இரண்டிற்கும் காலரீதியில் ஏகப்பட்ட இடைவெளியுள்ளது. வாபுரன் என்பவர் சிவபெருமானின் பரிவாரகணங்களில் ஒருவர். அங்கரக்ஷகன் போல மணிகண்டன் யுத்தத்திற்குச் சென்றபோது துணையாக சென்றவர். ஏழு முக்கியமான சிவபூதகணங்களில் ஒருவர் வாபுரன் என்பவர். வாபுரகோஷ்டத்தில் வணங்கி வரவேண்டுமே தவிர, வாபர் பள்ளியில் வணங்கி செல்ல வேண்டும் என்று எங்கும் இல்லை. 100 வருடங்களாக சென்று வரும் குருஸ்வாமிகள் இந்த பழக்கத்தைத்தான் பின்பற்றி வருகிறார்கள். “நமக்கு அங்கு செல்கின்ற பழக்கம் இல்லை”, என்று சொல்கிறார்கள். நமக்கு சம்பந்தமே இல்லாத ஒரு இடத்திற்குச் சென்று பிரார்த்தனை செய்வது, விபூதி வாங்கி வருவது என்பது தேவையில்லாத விசயம். பேட்டை சாஸ்தா கோவிலிருந்து நேராக கிரஹசாஸ்தா கோவிலுக்கு வரவேண்டும்”, என்று முடிக்கிறார். ஆக, இந்த வழக்கம் புதியாக அறிமுகப்படுத்தியது என்றாகிறது. மேலும் “பூதநாத உபாக்கியானத்தில்” உள்ள தளபதி அந்தஸ்தையும் கற்பனையில் உண்டாக்கப்பட்ட “வாவரின்” மீது ஏற்றி சொல்லி, கட்டுக்கதையினை தயாரித்துள்ளனர்.

வாவர் மசூதிக்கு செல்லவேண்டும் என்ற கட்டாயத்தை யார் ஏற்படுத்தினர்?: 80-100 மலைகள் என்று சென்றுவந்தவர்களுக்கு இல்லாத பழக்கத்தை யார், எப்பொழுது, ஏன் ஏற்படுத்தினர் என்று ஆராய வேண்டும். வருடத்திற்கு ஒருமுறை சபரிமலைக்கு போகின்றனர் என்றால், 80-100 வருடங்களுக்கு முன்னால், அதாவது, 1915-1935ம் ஆண்டு வரை, இப்பழக்கம் இல்லை என்றாகிறது. இக்காலம் சுதந்திர போராட்ட உணர்ச்சிகளோடு இந்தியமக்கள் போராடி வந்த நேரமாக உள்ளது. ஆனால், 1921ல் மாப்ளா ரிபெல்லியன் அல்லது மாப்பிள்ளை கிளர்ச்சி / கலவரம் ஏற்பட்டது. அதாவது, முகமதியர் வெறியோடு இந்துக்களைத் தாக்கிக் கொன்றனர். பெண்கள் கற்பழிக்கப்பட்டனர்; குழந்தைகள் கொல்லப்பட்டனர்; பலர் வலுக்கட்டாயமாக மதமாற்றப்பட்டனர்[7]. காந்தியே முகமதியர்களின் குரூர செயல்களை சாடினார். முகமதியர்களின் மீது எதிரான விளைவு ஏற்படும் நிலை ஏற்பட்டது. அவ்வேளையில், முகமதியர்கள் தங்களுக்கு சாதகமாக, இக்கட்டுக்கதையை உருவாக்கியிருக்கலாம். “இந்து-முஸ்லிம் ஒற்றுமை” போர்வையில், மற்றவர்களும் இணைந்திருக்கலாம். சாதாரண மக்களுக்கு, இதெல்லாம் தெரியப் போவதில்லை, புரியப்போவதில்லை. அந்நிலையில் இப்பழக்கம் ஏற்படுத்தப்பட்டிருக்கிறது. ஏனெனில், அப்பொழுது வரை, அந்த வாவர் மசூதியும், சாதாரண கேரள வீடு மாதிரி தான் இருந்தது என்பது முன்னமே குறிப்பிடப் பட்டது.

புலிப்பால் கொண்டுவர, வாவர் தேவைப்பட்டதா?: ஒரு கதையின்படி, ஐயப்பனை புலிப்பால் கொண்டுவர பணித்தபோது, வாவர் தான் புலியைப் பிடித்து, பால் கறந்து கொடுத்தார் என்றுள்ளது. ஆனால், பிரபலமான கதையின் படி, ஐயப்பன் காட்டிற்குச் சென்று, மஹிஷியைக் கொன்று, ஒரு புலியைப் பிடித்து, மற்ற புலிகள் சகிதம் அரண்மனைக்குள் நுழைந்தபோதுதான், ஐயப்பனின் மகிமை அறிந்து புலிப்பால் கொண்டுவரச் சொன்ன அரசி முதலியோர் மனந்திருந்தினராம். ஐயப்பனே பெரிய வீரன், ஆனானப்பட்ட, வாவரையே வென்றவன் எனும் போது, புலிப்பால் ஏன் வாவர், ஐயப்பனுக்குக் கொடுக்க வேண்டும்? ஆகவே, இது கட்டுக்கதைக்குள், ஒரு பெரிய கட்டுக்கதையாகி விடுகிறது. ராமகிருஷ்ண பரமஹம்சர், முகமதியர் போல ஞானம் பெற, ஒரு முகமதியனைப் போன்றே இறைச்சி உண்ண விரும்பினாராம், அதற்காக இவர் ஒரு முகமதியனை வைத்து மாமிச ஆகாரம் சமைக்கப்பட்டதாதவும், அவர் ஒரு நாயாக மாறி, அதனை உண்டு சுவைத்ததாகவும் கதையினைக் கட்டிவிட்டார்கள். அதுபோலத்தான், இந்த புலிப்பால் கதையுள்ளது. இதெல்லாம் உள்-நோக்கம் கொண்டு, சமீபத்தில் இட்டுக்கட்டிவைத்து உருவாக்கினக் கட்டுக்கதைகள் என்பதனை அறிந்து கொள்ளலாம். ஆங்லேயர் நாட்டை விட்டு செல்ல தீர்மானித்தபோது, இங்கிருந்த ஆவணங்கள், ஓலைச்சுவடிகள், மற்ற சரித்திர ஆதாரங்களை வாரி எடுத்துக் கொண்டு சென்றனர்[8]. அப்பொழுது, பிரதிகள், இல்லாததற்கு காகிதங்களில் ஆட்களை வைத்து எழுதி வைத்தவை, புதியதாக எழுதி உருவாக்கப்பட்டவை, இடைச்செருகல்கள் செய்யப்பட்டவை முதலியவற்றை வைத்துவிட்டு சென்றனர்[9]. அவற்றின் மூலம் இக்கதைகளை உருவாக்கி, புழக்கத்தில் விட்டிருக்கப்பட்டுள்ளது என்று தெரிகிறது.

© வேதபிரகாஷ்

10-12-2015

[1] Maddy, North Carolina, United States, Maddy’s Ramblings – Thoughts,opinions and musings of a restless nomad, Thursday, December 18, 2008.

[2] http://maddy06.blogspot.in/2008/12/legend-of-vavar.html

[3]  He was known as Vavar, the lame-footed, as his legs were slightly bent even at the time of his birth. http://maddy06.blogspot.in/2008/12/legend-of-vavar.html

[4] Thomas, 1973, pp.61-62.

[5] http://www.vkalathur.in/2014/11/blog-post_662.html

[6] https://www.youtube.com/watch?v=TRvhdxCPYnE

[7]  C. Gopalan Nair, The Moplah Rebellion, 1921, The Norman Printing Bureau, Calicut, 1923.

[8] “The Jesuit policy of Theft, Confiscation and Purchase” of Indian Books is repeated in the context of Mackenzie as “Beg, buy or borrow” as follows28: “The most impressive orientalist explorations were collaborative, unofficial and voluntary. Among these, none matched the enormous privately funded venture by Colonel Colin Mackenzie. His teams of Maratha Brahmin scholars begged, bought or borrowed, and copied, from village heads, virtually every manuscript of value they could finally acquired. Collections so acquired, reflecting the civilization of South India, manuscripts in every language, became a lasting legacy – something still being explored”.

Robert W. Wink (Ed.), Historiography, Vol. V of ‘Oxford History of the British Empire’, 1999, USA, p.197.

[9] To quote Robert W. Wink here is pertinent: “The most impressive orientalist explorations were collaborative, unofficial and voluntary. Among these, none matched the enormous privately funded venture by Colonel Colin Mackanzie. His teams of Maratha Brahmin scholars begged, bought or borrowed and copied from village heads, virtually every manuscript of value they could finally acquire. Collections so acquired, reflecting the civilization of South India, manuscripts in every language, became a lasting legacy – something still being explored.” Thus, here also, Christians and as well as converted Christians have consciously worked in suppressing the antiquity of India by suppressing manuscripts and creating manuscripts as ‘original ones’, which are against the Hindu interests. Here, the Hindu response has been nil. Actually, they should have demanded all manuscripts/palm-leaf books from England knowing the fact.

வாவர், வாபர், பாபர் யாரிது – இஸ்லாமிய சுன்னிமார்கள் மற்றும் ஐயப்ப கன்னிமார்கள் சொல்வது என்ன?

வாவர், வாபர், பாபர் யாரிது – இஸ்லாமிய சுன்னிமார்கள் மற்றும் ஐயப்ப கன்னிமார்கள் சொல்வது என்ன?

ஐயப்ப பக்தர்களின் வாவர் மீதான பக்தி – நம்பிக்கை: 1980களில் எனது நண்பர்களில் பலர் ஐய்யப்பன் பக்திமார்களாக இருந்து, தொடர்ந்து சபரிமலைக்கு சென்று வருவார்கள். அவர்களது பூஜைகள், பஜனைகளில் கலந்து கொள்ளும் வழக்கம் உண்டு. அவர்களுடன் சேர்ந்து கொண்டு “சபரிமலை ஐயப்பன்” போன்ற திரைப்படங்களையும் பார்த்துள்ளேன். அப்பொழுது, “வாவர்சாமி” என்று அவர்கள் பேசிக் கொண்டிருந்த போது, அதைப்பற்றி விசாரித்தேன். வாவர்சாமி, ஒரு முஸ்லிம்சாமி, ஐயப்பனின் தளபதி, ஐயப்பன் போருக்குச் சென்றபோது, அவர்தான் உதவினார் என்றெல்லாம் சொல்வார்கள். மோஹினி அவதாரம் காலத்தில் ஐயப்பன் பிறந்தார் என்றால், அப்பொழுது இஸ்லாமே இல்லையே[1], பிறகு எப்படி முகமதியரான வாவர் ஐய்யப்பனுக்கு நண்பராக இருந்திருக்க முடியும் என்ற கேட்டபோது, “என்ன, இப்படியெல்லாம் கேள்வி கேட்கிறீர்களே?………………உங்களுக்கு நம்பிக்கையில்லை என்றால் சும்மா இருங்கள்….” என்று கோபத்துடன் கூட சொல்லியிருக்கிறார்கள். இதனால், அதனைப் பற்றித் தெரிந்து கொள்ள வேண்டும் என்ற ஆவல் தான் அதிகமானது. ஆனால், ஒரு பெரியவர் மட்டும், இதெல்லாம் முன்னர் இல்லை, சமீபத்தில் தான் ஆரம்பிக்கப்பட்டது என்றார்.

சமீபத்தில் ஆரம்பித்தது தான் “வாவர்” கதை, சம்பிரதாயம் முதலியன: அப்பொழுது தான், நான் ஆராய்ச்சியில் ஈடுபட்டு, ஆராய்ச்சிக் கட்டுரைகளை கருத்தரங்ககளில் சமர்ப்பிக்க ஆரம்பித்தேன். அந்நிலையில், இதைப்பற்றித் தெரிந்து கொள்ள ஆவலாக இருந்தது. எனக்கு மிகவும் வேண்டிய நண்பர் ஒருவர், சபரிமலைக்கு தவறாமல் சென்றுவருவார். அவரிடமும் இதைப்பற்றி கேட்டுப் பார்த்தேன். மற்றவர்களைப் போல தெரிந்த கதையை சொல்லி, “இவ்வளவுதான் தெரியும், வேண்டுமானால், இந்த வருடம் செல்லும்போது, மேலும் விவரங்களை விசாரித்து வருகிறேன்”, என்றார்.  சென்று திரும்பி வந்தபோது, “அதே கதையைத்தான் சொல்கிறார்கள், ஆனால், “அந்த மசூதியின் தொன்மை 200 வருடங்கள் தாம் இருக்கும், என்று உள்ளூர்வாசிகள் கூறுகின்றனர்”, என்றார். போட்டோ எல்லாம் எடுக்க முடியவில்லை என்றார். அதனால், இந்த சம்பிரதாயமும் பிறகு தான் தோன்றியிருக்க வேண்டும். மேலும் இது மென்மையான, உணர்ச்சிப்பூர்வமான, நம்பிக்கையின் மீது ஆதாரமான விசயம் என்பதினால் அதனை விட்டுவிட்டேன்.

இந்து–முஸ்லிம் ஒற்றுமை இத்தகைய சரித்திர ஆதாரமில்லாத விசயங்களால் உண்டாக்க முடியாது: சென்ற ஆண்டு 2014ல் பேஸ்புக்கில், திடீரென்று இதைப்பற்றிய விவாதம் வந்தது. அப்பொழுது, “வாவர்சாமி” எனப்படுகின்ற அந்த புகைப்படத்தைப் போட்டு, “வாவர் ஒரு சரித்திர மனிதன் என்றால், அவன் ஏன் மக்களின் பார்வையிலிருந்து மறைக்கப்பட வேண்டும்?”, என்று ஒரு படம் போட்டு கேட்டதற்கு, சில அறிவுஜீவுகளுக்கு[2] கோபம் வந்துவிட்டது. “சமூக நல்லிணக்கத்திற்கு, அது உதவுவதால், அதனை விமர்சனம் செய்ய வேண்டிய அவசியம் இல்லை”, என்பதுதான், எதிராக செய்த வாதத்தின் சுருக்கம்.  செக்யூலரிஸ மாயையில், இக்காலத்தவர் கண்டுண்டு கிடப்பதால், உண்மையான இந்து-முஸ்லிம் ஒற்றுமை எப்படி ஏற்படும் என்பது பற்றி சாதாரண இந்துக்கள் நினைத்துப் பார்ப்பதில்லை. இங்கு, சமூக நல்லிணக்கத்தைப் பற்றி விவாதிக்கவில்லை. சரித்திர ஆதாரம் என்ன இருக்கிறது என்பது தான் கேள்வி. வெறும் பக்தியை வைத்துக் கொண்டே இந்துக்கள் காலத்தைத் தள்ளிவிட முடியாது. எல்லாவற்றையும் கடவுள் பார்த்துக் கொள்வார் என்று இருந்துவிட முடியாது. கிருத்துவர்களைப் போல “மதங்களுக்கிடையே உரையாடல்” போன்றவற்றிலும் இந்துக்கள் திறமைசாலிகள் அல்லர். ஏனெனில், அவர்கள், தங்களது மதத்தினைப் பற்றியே சரிவரத் தெரிந்து கொள்ளாமல் இருக்கும் போது, இஸ்லாத்தைப் பற்றி அறிந்து கொண்டிருப்பர் என்று எதிர்பார்க்க முடியாது. ஆனால், முஸ்லிம்கள் அவ்வாறில்லை, தங்களது மதகொள்கைகளில் பிடிவாதமாக இருப்பர். இது வாவர் மற்றும் வாவர் மசூதி-தர்கா விசயங்களில் வெளிப்படுகிறது.

முஸ்லிம்களின் வாவர் ஆதரவும், எதிர்ப்பும்: இது மசூதியா-தர்காவா என்று முஸ்லிம்களே சண்டையிட்டுக் கொண்டிருக்கிறார்கள். வாவர் பிரச்சினையை வைத்துக்கொண்டு, ஐயப்பனை தூஷிக்கும் முஸ்லிம்களும் இருக்கிறார்கள்[3], சூபித்துவத்தை வைத்துக் கொண்டு ஆதரிக்கும் முசல்மான்களும் உள்ளார்கள்[4]. முன்னதில், கக்கப்படும் தூஷணம் திகவின் துவேசத்தையும் மிஞ்சுகிறது, எடுத்துக் காட்டுவதாக இருந்தால், திகவின் இந்து-விரோத நாத்திகத்தை அதிகமாகவே எடுத்தாளப்பட்டுள்ளது. பின்னதில், சூபித்துவத்தை வைத்துக் கொண்டு, வாவர் தான் ஐயப்பனுக்கு எல்லாமே சொல்லிக் கொடுத்தார் என்ற ரீதியில் வாதம் வைக்கப்படுகிறது. ஆனால், இங்கு முஸ்லிம்கள் தங்களது அந்தஸ்தை, அடிப்படைவாதத்தை மற்றும் இறையியல் கொள்கையினை எந்தவிதத்திலும் விட்டுக் கொடுக்கவில்லை என்பதனை, அவர்களது தூஷிப்பிலும், சூபி-ஆதரவிலும் காணலாம்.  அதிலும் சுன்னி முகமதியர் சூபித்துவத்தையும் வெறுக்கிறார்கள் என்பதை கவனிக்க வேண்டும். மாறாக, இந்துக்கள் இத்தகைய உண்மைகளை அறியாது, அகங்காரத்துடனே செயல்படுவதால், எல்லாவிதங்களிலும் பிரிந்து கிடக்கிறார்கள். இந்துக்கள் என்று பறைச்சாற்றிக் கொண்டே, தங்களது நிலைக்கு பலவீனத்தை உண்டாக்குகிறார்கள், முறைக்கு களங்கத்தை விளைவிக்கிறார்கள்[5].

வாவர், வாபர், பாபர் யாரிது?: வாவர் மசூதி எருமேலியில் ஐயப்பன் கோவிலுக்கு அருகில் உள்ளது. வாவர், வாவ்-விண்டவர் = வாவு – விண்டவர் = சந்திரனைப் பிளந்தவர் என்ற பொருள் படும் எனப்படுகிறது, என்ற விகிபிடியாவின் விளக்கம்[6]. இவ்விளக்கம் இஸ்லாமிய தாக்கத்தில் உள்ளது. மொஹம்மது நபி, ஒருமுறை நிலாவை நோக்கி கையைக் காட்டியபோது, நிலா உடைந்ததாம்/ பிளவுபட்டதாம்[7]. ஆக, அந்த கதையினை வைத்துக் கொண்டு, இந்த வாவருக்கு “சந்திரனைப் பிளந்தவர்” என்ற அந்தஸ்த்தைக் கொடுக்கிறார்கள் போலும்! அதாவது மொஹம்மது நபி போன்றவர் என்று சொல்ல வருகிறார்கள் போலும். இதுவரையிலும் இந்து விகிபீடியாவின் விளக்கத்தை அவர்கள் ஏன் எதிர்க்கவில்லை என்று தெரியவில்லை. ஆனால், இணை வைக்கக் கூடாது, என்று சுன்னிமார்கள் கிளம்பிவிடுவார்களே? ஆகவே, கன்னிமார்கள் இக்கதையை ஏற்றுக் கொண்டாலும், சுன்னிமார்கள் ஒப்புக்கொள்ள மாட்டார்கள் வாவர் ஸ்வாமிக்கு சபரிமலையிலும் ஒரு கோவில் உள்ளது. ஐயப்பன் வழிபாட்டில், சபரிமலை யாத்திரிலையில், இது ஒரு அங்கம் வகிப்பதால், இந்து-முஸ்லிம் ஒற்றுமையின் சின்னமாக கருதப்படுகிறது என்று விகிபீடியா தொடர்கிறது. வாவர் பற்றிய சரித்திரக் குறிப்புகள் எதுவும் இல்லை. இருப்பதெல்லாம் பலவிதக் கட்டுக்கதைகள் தாம். அவற்றைப் பற்றியெல்லாம் படித்துப் பார்த்தால், குறிப்பாக ஒரு நபரைப் பற்றி யாருக்கும் தெரியவில்லை என்று தெரிகிறது.

© வேதபிரகாஷ்

09-12-2015

[1] மொஹம்மது நபியின் காலம் (c. 570 – 632 CE ) என்பதால், அதற்குப் பிறகு 712 வாக்கில் சிந்து பகுதிக்கு அரேபியர் படையெடுத்து, 12ம் நூற்றாண்டுகளில் தான் வடமேற்குப் பகுதிகள் வழியாக முகமதியர்கள் உள்ளே நுழைந்துள்ளனர். மேலும் அரேபியர்களுக்கும் முகமதியர்களுக்கும் வித்தியாசம் உள்ளது. 12ம் நூற்றாண்டுகள் வரையில் அரேபியர்களில் முகமதியர் அல்லாதர்கள் நிறைய பேர் இருந்தனர். பிறகு, அவர்கள் முகமதியர்கள் ஆகினர்.

[2] இதில் “இந்துத்துவவாதிகள்”, “மோடி முகமூடிகள்”, “செக்யூலரிஸவாதிகள்” முதலியோர் அடக்கம்! அதாவது, அவர்களில் சிலரின் அடையாளங்கள் தெரியும், சிலரைப் பற்றி ஒன்றும் தெரியாது. அவர்கள் முஸ்லிம்களாகக் கூட இருக்கலாம்.

[3]https://islamicparadise.wordpress.com/2010/05/15/%E0%AE%9A%E0%AE%A4%E0%AF%8D%E0%AE%A4%E0%AE%BF%E0%AE%AF%E0%AE%AE%E0%AF%8D-%E0%AE%B5%E0%AE%A8%E0%AF%8D%E0%AE%A4%E0%AE%A4%E0%AF%81-%E0%AE%85%E0%AE%9A%E0%AE%A4%E0%AF%8D%E0%AE%A4%E0%AE%BF%E0%AE%AF%E0%AE%AE/

[4] http://www.vkalathur.in/2014/11/blog-post_662.html

சபரிமலைக்கு போகும் வழியில் எருமேலியில் உள்ள ” வாவர் அவுலியாவின் ” பெயரில் அமைந்துள்ள பள்ளிவாசல் இது . வாவரை கொள்ளைக்காரன் என்று ” அவர்கள் ” சொல்லி வைத்து ஐயப்பனை உயர்வாக்கி வைத்தார்கள். ” என்னைக் காண்பதற்கு முன்னால் வாவரைக் கண்டுவிட்டுத்தான் வரணும் ” என்று ஐயப்பனே சொல்லி விட்டதால் வாவரை தரிசித்துவிட்டுத்தான் ஐயப்ப பக்தர்கள் ஐயப்பனைக் காணச் செல்கிறார்கள். இப்போது வாவர் பள்ளியையும் பெரிதாகக் கட்டி இருக்கிறார்கள். உண்மையில் … நான் அறிந்த வரலாறு… ஐயப்பனை ஒழித்துக்கட்ட அவனிடம் புலிப்பால் கொண்டுவரச் சொல்லி காட்டுக்கு அனுப்புகிறார்கள். சின்னைப்பிள்ளை ஐயப்பனால் புலிப்பால் கொண்டு வர முடியுமா? ஐயப்பன் காட்டுக்கு வருகிறார். அங்கே வாழ்க்கையின் சுகங்களை எல்லாம் தூக்கி எறிந்து விட்டு அல்லாஹ்வின் அருளை நாடி அந்தக் காட்டுக்குள்ளே தனிமையில் இறையைத் தொழுது தனியே வாழ்ந்து வருகிறார் வாவர். அவரது வழி … இப்ராஹீம் பின் அத்ஹமின் வழி. சூபியாக்களின் வழி. அப்போதுதான் ஐயப்பன் அங்கே வருகிறார். யானைகளும் சிங்கமும் புலியும் நிறைந்து வாழும் அந்த கொடும் காட்டில் திகைத்து நிற்கிறார். வாவர் ஐயப்பனை பார்த்து விசயங்களை விளங்கிக் கொண்டு.. அவருக்கு உதவுகிறார். ஒரு புலியை அழைத்து , அதனிடம் பாலைப் பெற்று , அதை ஐயப்பனிடம் கொடுத்து அனுப்புகிறார். புலிப்பாலோடு அரண்மனைக்குச் சென்ற ஐயப்பனைப் பார்த்து எல்லோரும் திகைக்கிறார்கள். அவரது ஆற்றலை எண்ணி அஞ்சி அவருக்கு அரசராக முடி சூட்ட முன் வருகிறார்கள். ஆனால் வாவரால் கவரப்பட்ட ஐயப்பன் அரச பதவியை வேண்டாம் என்று சொல்லி விட்டு வாவரைத் தேடி காட்டுக்கே வந்து விடுகிறார். அதன் பிறகு ஆன்மீக பாடங்களை வாவரிடம் கேட்டு தெரிந்து கொள்கிறார். கொடிய விலங்குகள் வாழும் கட்டில் ஒரு மனிதர் தனித்து வாழ முடியுமா? வாவர் ஒரு கொள்ளைக்காரனாக இருந்தால் நாட்டில் சந்தோசமாக வாழ்வதை விட்டு விட்டு ஞானியாக காட்டில் வாழ்வாரா? இதையெல்லாம் மறைத்து விட்டு அவரை வில்லனைப்போல் சித்தரித்து விட்டார்கள். ஆனால் ஐயப்பன் வாவரை மதித்ததை மட்டும் மறக்காமல் சொல்கிறார்கள். வாவர் மற்ற முச்லிம்களைப்போல் திருமணம் முடித்து குழந்தைகள் பெற்று சிறப்பாக வாழ்ந்து……ஒரு காலகட்டத்தில் இறை அன்பை நாடி காட்டுக்குள் வந்து தனித்து வாழ்ந்தவர். அவரது வழிவந்தவர்கள் இன்றும் “வாவர் குடும்பத்தினர்” என்று அழைக்கப்படுகிறார்கள்.

[5] இதை எழுதும் போதே, பெண்களை ஏன் சபரிமலைக் கோவிலுக்குள் அனுப்பக் கூடாது என்பதைப் பற்றி, சில பெண்கள் (இந்து பெயர்கள் கொண்ட) பிரச்சாரத்தை ஆரம்பித்துள்ளார்கள்!

[6] Vavar (pronounced Vaa-var= “vav-vindavar”) meaning vavu = “moon” vindavar= “who splits”, also known asVavaraswami. https://en.wikipedia.org/wiki/Vavar

[7] https://en.wikipedia.org/wiki/Splitting_of_the_moon

தீபாவளியும், தீபவலியும், கமல் ஹஸனும்: ஆன்மீகத்தை ஏமாற்றி வியாபாரம் செய்யும் உலக மகா நடிகன் கமல் (4)!

தீபாவளியும், தீபவலியும், கமல் ஹஸனும்: ஆன்மீகத்தை ஏமாற்றி வியாபாரம் செய்யும் உலக மகா நடிகன் கமல் (4)!

Akhsayta and sruti – daughters of Kamal – அக்ஷயா மற்றும் ஸ்ருதி என்றால் தமிழா, அரேபிக்கா, உருதா?

பகுத்தறிவாளன்: கமல் ஹஸன் தொடர்கிறார், “சகிப்புத்தன்மை இல்லாதவர்கள் தான் கோயிலை இடிப்பேன் என்பார்கள். எனக்கு நாத்திகம் என்ற பெயரிலேயே விருப்பம் கிடையாது என் பகுத்தறிவை கேலி செய்கிறார்கள். சொர்க்கம், நரகம் இரண்டையும் இந்த பூமியிலேயே அனுபவிக்காமல் போகமாட்டேன். தெய்வங்கள் அவரவர் பாக்கெட்டில் இருக்கட்டும். மற்றவர்களிடம் திணிக்காதீர்கள். என் சகிப்புத்தன்மை பற்றி கேள்வி எழுப்புகிறார்கள். நான் நாத்திகன் அல்ல. நாஸ்தி, ஆஸ்தி இரண்டும் வடமொழி சொற்கள். நான் பகுத்தறிவாளன். மந்திரசக்தி உள்ள எவரேனும் இதுதான் தெய்வம் என்று என் முன் நிறுத்தினால் நான் கை குலுக்கி வரவேற்பேன். கும்பிடமாட்டேன். அந்த தெய்வத்திடம் சில கேள்விகள் கேட்பேன். சுனாமி வந்தபோது எங்கு இருந்தீர்கள்?, ஏழ்மை வந்தபோது எங்கு இருந்தீர்கள்?, ஆண்–பெண் என்ற பாலினம் உங்களுக்கு தேவையா?, வடமொழியில் மட்டும்தான் பேச முடியுமா?, எனது தமிழில் ஏன் பேசவில்லை என்றெல்லாம் கேட்பேன்”. அதெல்லாம் சரிதான், அதேபோலத்தான் கடவுள் இலத்தீனில் பேசுமா, அரேபிய மொழியில் பேசுமா, உருது மொழியில் பேசுமா என்றேல்லாம் கேட்டிருந்தால், பகுத்தறிவின் உச்சத்தைக் கண்டு திகைத்திருக்கலாம், ஆனால், இது குறிப்பிட்ட மதத்தினரை எதிர்ப்பதாகத்தானே உள்ளது? அது சரி, தனது மகள்களுக்கு ஸ்ருதி மற்றும் அக்ஷரா என்று பெயர் வைக்க வேண்டும், அவை என்ன அரேபிய மொழியில் உள்ளனவா? இல்லை, இல்லாத கடவுளுக்குத் தெரியக் கூடாது என்று வைத்திருக்கிறரா?

எவரேனும் இதுதான் தெய்வம் என்று என் முன் நிறுத்தினால் நான் கை குலுக்கி வரவேற்பேன். கும்பிடமாட்டேன்.

இதைத்தான் சாப்பிட வேண்டும் என்பதா?: கமல் ஹஸன் தொடர்கிறார், “தெய்வங்கள் ஒரு புறம் இருக்கட்டும், உங்களுக்கு மாட்டிறைச்சி பிடிக்கவில்லை என்றால் சாப்பிடாதீர்கள். எந்த காரணங்களுக்காக சாப்பிடாதீர்கள் என சொல்கிறீர்கள் என்பதற்கான மருத்துவ ஆதாரங்கள் இருக்கின்றன. ஆதலால் சாப்பிடாதீர்கள். நான் சாப்பிட்டுக் கொண்டிருந்தேன், என்னை விட பெரிய மிருகங்களை சாப்பிடுவதில்லை என்று முடிவெடுத்திருக்கிறேன். சாப்பாடே இல்லாமல் நிறைய பேர் இந்தியாவில் இருக்கிறார்கள், அதை கவனியுங்கள்.  மாட்டுக்கறி சாப்பிடாதீர்கள் என்று கூறு கிறார்கள்[1].  உணவுகளை சாப்பிடுவது அவரவர் விருப்பம். அதை ஏன்? தடுக்கிறீர்கள். இதை, இதைத்தான் சாப்பிட வேண்டும் என்று நீங்கள் எப்படி? உணவு பட்டியல் கொடுக்கலாம்[2]. மாடுகளை விட பூச்சிகளை சாப்பிடுவது நல்லது என்று விஞ்ஞானிகள் சொல்கிறார்கள். 30 வருடங்களுக்கு பிறகு மனிதன் பூச்சிகளை சாப்பிடும் நிலை வரலாம். அப்போது பூச்சி சாமியார்கள் தோன்றி பூச்சிகளை சாப்பிடக் கூடாது என்று தடுப்பார்கள்”. அதிருக்கட்டும், பன்றி மாமிசம் சாப்பிடுகிறேன், எனக்கு உரிமை இருக்கிறது போன்றவற்றையும் சேர்த்துக் கொள்ளலாமே? ஏன், அப்பொழுது ஏதாவது “பன்றி சாமியார்” வந்து பயமுருத்தப் போகிறாரா? சாப்பாடே இல்லாமல் இருக்கிறார்கள் என்றால், அது மாட்டிறைச்சி விவகாரத்தால் அல்ல, இவரைப்போல கோடீஸ்வரர்காளால் தான். இவருக்கு பட்டினி, பசி என்றெல்லாம் நடித்துதான் காட்ட முடியும். ஆனால், அவற்றை நீக்க முடியாது.

Kamal and beef eating philosophy

“சகிப்புத் தன்மை இல்லை‘:  ஜனாப் கமல் ஹஸன் தொடர்கிறார், “சகிப்புத்தன்மை இந்த நாட்டில் இல்லை என்பதற்கு பெரிய உதாரணம் பாகிஸ்தான்[3]. நம்முடன் இருக்க வேண்டிய சகோதரனை பிரித்து வேறு வீடு கட்டி கொடுத்து விட்டோம். எவ்வளவு பெரிய நாட்டை பங்கு பிரிவினை போட்டு கொடுத்து விட்டோம் என்பதை நாம் உணர வேண்டும். மீண்டும் அது போன்ற நிகழ்வுகளை நிகழ விடக் கூடாது”, என்றார். விழாவில் கவிஞர் புவியரசு, தென்னிந்திய நடிகர் சங்கத் தலைவர் நாசர், எழுத்தாளர் சுகா உள்ளிட்டோர் கலந்து கொண்டனர். “சகிப்புத்தன்மை இந்த நாட்டில் இல்லை என்பதற்கு பெரிய உதாரணம் பாகிஸ்தான்”, என்பதில் விசமத்தனத்துடன் சொல்லியிருப்பது தெரிகிறது“[4].  “நம்முடன் இருக்க வேண்டிய சகோதரனை பிரித்து வேறு வீடு கட்டி கொடுத்து விட்டோம்,” என்றதிலிருந்து, ஏதோ இந்துக்கள் தாம் அவ்வாறு செய்தனர், முஸ்லிம்கள் ரொம்ப நல்லவர்கள் போன்று கூறியுள்ளார். இங்குதான் தெப்பெண்ணம், பாரபட்சம், திரிபுவாதம் முதலியவை வெளிப்படுகின்றன. மதத்தின் பெயரால் தனி வீடு, அதாவது நாடு கேட்டது ஜின்னா மற்றும் முஸ்லிம்கள். பாகிஸ்தான் உருவானால், எனது பிணத்தின்மீது தான் நடந்து செல்ல வேண்டியிருக்கும் என்று காந்தி சொன்னதையே பொய்யாக்கி விட்டு, உண்மையிலேயே பல இந்துக்களைக் கொன்று அவர்களின் மீதுதான் நடந்து பாகிஸ்தானிற்கு சென்றனர். அப்போழுதும், காந்தி, நவகாளியில் முஸ்லிம்கள் கொல்லப்படுகிறார்கள் என்று அங்கு பாதயாத்திரையாக சென்றார். இதையெல்லாம் சொல்லி என்ன பிரயோஜனம், இந்த நடிகன் இப்படி சொல்லிவிட்டான், இனி ரசிகர்கள் அதைத்தான் நம்பிக்கொண்டிருக்கும்.

அக்னி பரீட்சை கமல் தீர்மானிக்க வேண்டும்

தீபாவளி பண்டிகையை நான் கொண்டாடுவது இல்லை: ஶ்ரீமான் கமல் ஹஸன் தொடர்கிறார், “சமுதாய தெருவில் அசுத்தங்கள் கொட்டிக் கிடக்கிறது. அவற்றை சுத்தம் செய்ய எந்த கட்சி அழைத்தாலும் ஓடி வருவேன். பாகிஸ்தான் பிரிந்தபோதே நமது சகிப்புத்தன்மை போய்விட்டது. மீண்டும் அதுபோன்ற ஒரு நிகழ்வு நடக்கக்கூடாது. தேசபக்தியை தாண்டி உலக பக்தி நோக்கி நாம் போய்க்கொண்டிருக்கிறோம். யாதும் ஊரே, யாவரும் கேளிர் என்று 2 ஆயிரம் ஆண்டிற்குமுன் தமிழ் புலவன் சொன்னதை உலகத்துக்கு காட்டவேண்டாமா? நான் கோபமாக பேசுவதாக கருதலாம். என் நேர்மையை சந்தேகித்ததால் தான் இதையெல்லாம் சொன்னேன். எனக்கு அக்னி பரீட்சை வைக்க முடியாது. அதை சீதைக்கு வைத்துக்கொள்ளுங்கள். தீபாவளி பண்டிகையை நான் கொண்டாடுவது இல்லை. என் உறவுக்காரனை, அசுரனை கொன்றதற்காக அந்த பண்டிகையை கொண்டாடுகிறார்கள்”, இவ்வாறு கமல்ஹாசன் பேசினார்[5]. இங்கிருக்கும் இந்தியர்களுக்கு தேசபக்தி உள்ளதா, இல்லையா என்பது தெரியவில்லை போலும், “உலக பக்தி” பற்றி பேச ஆரம்பித்து விட்டான் “உலக நாயகன்”! இதேபோல, கிறிஸ்துமஸ், மொஹரம், மீலாது நபி போன்றவற்றையும் கொண்டாட மாட்டேன் என்று கூறியிருந்தால், இவரது செக்யூலரிஸத்தை பாராட்டலாம். ஆனால், திராவிட நாத்திகம் போலத்தான் பேசியிருப்பதால், போலி நாத்திகத்தைத்தான் காட்டியுள்ளார், இந்து-விரோதத்தன்மையினை அப்பட்டமாக வெளிப்படுத்தியுள்ளார். அக்னி பரீட்சை வைக்கும் அளவுக்கு என்ன அப்படி தாம்பத்திய வாழ்க்கையினை தூய்மையாகவா வைத்திருந்தார் கமல். சட்டப்படி இரண்டு மனைவிகள், இரண்டு விவாக ரத்துகள், திருமணம் ஆவதற்கு முன்பே இரண்டு மகள்கள், சிம்ரன் உடன் வாழ்வு, செர்ர்ந்து வாழ்வது என்ற தோரணையில் பிறகு கௌதமி என்று வாழும் அவருக்கு யாரும் அக்னி பரீட்சை வைக்க முடியாதுதான்!

Pothys Kamal Hassan AD.2

தீபாவளியேக் கொண்டாட மாட்டேன் எனக் கூறும் கமல், தீபாவளின்னா நல்ல டிரஸ் எடுத்துக் கொண்டாடனும் எனக் கூறுவதை விளம்பரத்தில் பார்க்கும் போது…..: பொதுவாக தமிழ் ஊடகங்கள் இதுவரை கருத்துத் தெரிவித்ததை பார்க்கவில்லை. ஆனால், இவ்விசயத்தில், “பத்திரிக்கையாளர்கள் எப்படி தன் சொந்தக் கருத்தை செய்தியில் சேர்க்கக்கூடாதோ, அது போல் நடிகர்களுக்கும் நடிப்பு வேறு, சொந்தக் கருத்துகள் வேறு தான். அது மறுப்பதற்கில்லை[6]. ஆனபோதும், தீபாவளியேக் கொண்டாட மாட்டேன் எனக் கூறும் கமல், தீபாவளின்னா நல்ல டிரஸ் எடுத்துக் கொண்டாடனும் எனக் கூறுவதை விளம்பரத்தில் பார்க்கும் போது சற்று நெருடலாகத் தான் இருக்கிறது”[7], என்று பிளிம்.பீட்.தமிழ் என்ற தளத்தில் படித்தது, சிலர் தமது கருத்தை வெளியிடும் நிலையில் உள்ளார்கள் என்று தெரிந்தது. நான் சொல்லவேண்டிய கருத்து அதில் உள்ளதால், அதனை அப்படியே போட்டுள்ளேன். இந்நிலையில், அவர் போத்தீஸிடம் வாங்கிய பணத்தை, எய்டஸ் பாதித்த குழந்தைகளின் நிறுவனத்துக்காக கமல் ஹாஸன் கொடுத்தார் என்பது பொய்[8] என்று குறிப்பிட்ட நிறுவனம் அறிவித்துள்ளது! இதேபோல கிறிஸ்துமஸ், மொஹரம், மீலாது நபி போன்றதற்கும் விளம்பரப்படங்களில் நடித்து, அப்பண்டிகளைப் பற்றி விமர்சனம் செய்தால், இவரது பகுத்தறிவை அல்லது செக்யூலரிஸ நாத்திகத்தை ஒப்புக்கொள்ளாலாம். தைரியமுள்ள, ரோசம், மானம் உள்ள உலக நாயகன் செய்வானா?

© வேதபிரகாஷ்

09-11-2015

[1] தமிழ்.ஒன்.இந்தியா, மாட்டிறைச்சி சாப்பிடக் கூடாது என யாரையும் கட்டாயப்படுத்த முடியாது: நடிகர் கமலஹாசன், Posted by: Karthikeyan, Updated: Saturday, November 7, 2015, 21:00 [IST].

http://tamil.oneindia.com/news/tamilnadu/can-not-force-anyone-not-eat-beef-kamal-239458.html

[2] http://tamil.oneindia.com/news/tamilnadu/can-not-force-anyone-not-eat-beef-kamal-239458.html

[3] http://www.dinamani.com/tamilnadu/2015/11/08/%E0%AE%A4%E0%AF%87%E0%AE%9A-%E0%AE%A8%E0%AE%B2%E0%AE%A9%E0%AF%81%E0%AE%95%E0%AF%8D%E0%AE%95%E0%AE%BE%E0%AE%95-%E0%AE%8E%E0%AE%A8%E0%AF%8D%E0%AE%A4-%E0%AE%95%E0%AE%9F%E0%AF%8D%E0%AE%9A%E0%AE%BF-%E0%AE%85%E0%AE%B4%E0%AF%88/article3119325.ece

[4] http://www.dinamani.com/tamilnadu/2015/11/08/%E0%AE%A4%E0%AF%87%E0%AE%9A-%E0%AE%A8%E0%AE%B2%E0%AE%A9%E0%AF%81%E0%AE%95%E0%AF%8D%E0%AE%95%E0%AE%BE%E0%AE%95-%E0%AE%8E%E0%AE%A8%E0%AF%8D%E0%AE%A4-%E0%AE%95%E0%AE%9F%E0%AF%8D%E0%AE%9A%E0%AE%BF-%E0%AE%85%E0%AE%B4%E0%AF%88/article3119325.ece

[5] http://www.viduthalai.in/component/content/article/34-tamilnadu-news/111650-2015-11-08-09-47-13.html

[6] பிளிம்.பீட்.தமிழ், உறவுக்காரன் இறந்த நாளைக் கொண்டாடாத கமல் தீபாவளிக்கு புதுத் துணி வாங்கச் சொல்றாரே.. நியாயமா?, Posted by: Jayachitra Published: Sunday, November 8, 2015, 15:21 [IST]

[7] Read more at: http://tamil.filmibeat.com/heroes/actor-kamal-s-controversial-attitude-on-diwali-celebration-037544.html

[8] This is false. Spreading this info gives false hope to our children. Please share and retweet this msg. Please avoid spreading inaccurate information. – Msg from Mr.Rajeev Nambiar (Founder Trustee)#kamalhaasan #ptptrust”

http://www.dnaindia.com/entertainment/report-ptp-trust-denies-that-kamal-haasan-made-a-donation-to-them-2131017

தீபாவளி எதிப்பு வழக்கும், வியாபார விருத்தியும், பொருளாதார கொள்ளையும் – இந்திய-இந்து எதிர்ப்பாக இருப்பது ஏன் (2)?

தீபாவளி எதிப்பு வழக்கும், வியாபார விருத்தியும், பொருளாதார கொள்ளையும் – இந்திய–இந்து எதிர்ப்பாக இருப்பது ஏன் (2)?

Kapil Sibal appeared to oppose Deepavali crackers

கபில் சிபல் மற்றும் அபிஷேக் மனு சிங்வி குழந்தைகளுக்காக ஆஜரானது: மனுதாரர்கள் சார்பில் ஆஜரான மூத்த வழக்கறிஞர் கபில் சிபல், “உலகிலேயே அதிக மாசு ஏற்படும் நகரமாக டெல்லி இருந்து வருகிறது. காற்று மாசு காரணமாக ஆண்டுக்கு 7 லட்சம் பேர் உயிரிழந்து வருகின்றனர். மாசு சீர் கேட்டை கட்டுப்படுத்த டெல்லி அரசு ரூ.387 கோடி நிதி ஒதுக்குகிறது. ஆனால், இதில் 87 சதவீத நிதி பயன்படுத்தப்படாமல் உள்ளது. தில்லியை இப்பொழுது ஆட்சி செய்வது, அவர்களது ஆதரவான ஆம் ஆத்மி கட்சிதான், கேசரிவால் அவர்களது நண்பர் தான். பிறகு, நேரடியாகவே கேட்கலாமே? காற்று மாசடைதலை தடுக்க தீபாவளியின்போது பட்டாசு வெடிக்க தடை விதிக்க வேண்டும். பருவநிலை பயிர் கழிவுகளை எரிப்பதற்கும் தடை விதிக்க வேண்டும்” என்று வாதிட்டார்[1]. இதைக்கேட்ட நீதிபதிகள் மத்திய அரசு, டெல்லி அரசு, மத்திய மாசுக் கட்டுப்பாட்டு வாரியம், டெல்லி மாசுக் கட்டுப்பாட்டு வாரியம் ஆகியவை 16-ம் தேதிக்குள் பதிலளிக்கும் வகையில் நோட்டீஸ் அனுப்ப உத்தரவிட்டுள்ளனர்[2]. அபிஷேக் மனு சிங்வியும் அதே பாட்டைப் பாடி, ஒரு குறிப்பிட்ட இடத்தில் கூடி வெடிக்கலாம் என்றெல்லாம் வாதத்தை வைத்தார்.

abhishek Manu Singhvi appeared to oppose Deepavali crackers

பட்டாசு வெடிப்பதற்கு முழுமையாக தடை விதிக்க முடியாது – உச்சநீதிமன்றம்: நீதிமன்றம், தீபாவளி பண்டிகைக்கு பட்டாசு வெடிப்பதற்கு முழுமையாக தடை விதிக்க முடியாது, சாமான்ய மனிதரின் மத உணர்வுகளில் தலையிடுவது மிகவும் ஆபத்தானது. பட்டாசு வெடிக்கக்கூடாது எனத் தடை விதித்தால், ‘அது என் உரிமை’ என எதிர்ப்புக் குரல் எழுப்புவார்கள். அத்தகைய சூழல் உருவானால் பெரும் குழப்பம் ஏற்படும்” எனத் தெரிவித்தது. மனுதாரர்கள் கோரியுள்ளபடி, ஒரு குறிப்பிட்ட இடத்துக்கு பட்டாசு வெடிக்க வாருங்கள் என்று யாரையும் கூற முடியாது. அதுபோன்ற ஏற்பாடுகள் குழப்பத்தையே ஏற்படுத்தும். அதனால், பட்டாசு வெடிப்பதற்கு தடை விதிக்க முடியாது, மேலும், ஏற்கெனவே 2005ல் உச்சநீதி மன்றம் இரவு 10 மணியிலிருந்து காலை 6 மணி வரை வெடிகள் வெடிக்கக் கூடாது என்று தீர்ப்பளித்தது என்பதனைச் சுட்டிக் காட்டி அவ்வழக்கைத் தள்ளுபடி செய்து விட்டது[3]. அக்டோபர் 31 முதல் நவம்பர் 12 வரை இதனால் உள்ள அபாயங்கள் குறித்து விழிப்புணர்வு ரீதியில் விளம்பரம் செய்யவேண்டும் என்றும் கூறியது[4]. என்.டி.டிவி குறிப்பிடும் போது, “the fringe group from Tamil Nadu’s Sivakasi”, அதாவது, விளிம்பில் உள்ள, தீவிரவாதக்குழு, என்று இருமுறை குறிப்பிட்டுள்ளபோது, அதன் வக்கிரத்தை அப்பட்டமாகவே எடுத்துக் காட்டுகிறது[5]. அதாவது தீபாவளியை ஆதரித்தால், அவ்வாறு இருப்பார்கள் என்ற மோசமான காழ்ப்புணர்ச்சி, முதலியவை வெளிப்பட்டுள்ளதை கவனிக்கலாம். இதே என்.டி.டிவி தினமும் தில்லியில் உள்ள மாசு பிரச்சினை பற்றிதான், தினமும் வர்ணித்து நிகழ்ச்சிகள், விவாதங்கள், பேட்டிகள் என்று ஒலி-ஒளிபரப்பி வருகின்றது. ஆக இது உண்மையான மாசு-எதிர்ப்பா அல்லது அப்போர்வையில் நடத்த தீமானித்த “இந்து-எதிர்ப்பா” என்றும் ஆராய வேண்டியுள்ளது.

Kapil Sibal and Promila Sibal – Promila operates a slaughter house and exports to China.

கபில் சிபல் மற்றும் அபிஷேக் மனு சிங்வி இவ்வழக்கை வாதாட ஆஜரானது ஏன், எப்படி?: அபிசேக் மனு சிங்வி தான் குழந்தைகள் சார்பில் உச்சநீதி மன்றத்தில் வழக்குத் தொடர்ந்தவர். இவர் காங்கிரஸ் கட்சியின் தலைவர் மற்றும் ஊடகப் பேச்சாளர். சில ஆண்டுகளுக்கு முன்பாக ஒரு செக்ஸ் விவகாரத்தினால், இவர் ஓரங்கட்டப்பட்டார். மனுதாரர்கள் சார்பில் ஆஜரானவர் மூத்த வழக்கறிஞர் கபில் சிபல். பல ஆண்டுகளாக சும்மா இருந்து விட்டு, இப்பொழுது இவர் ஏன் இத்தகைய வழக்குகளை ஏற்று நடத்துகிறார் என்று பார்க்க வேண்டும், இதுபோன்று மைனர் மற்றும் குழந்தைகள் சார்பில் அவர்கள் நலன்மீது அக்கறையுள்ள பெற்றோர் பொதுநல மனு தாக்கல் செய்ய சட்டத்தில் இடமுண்டு. இருப்பினும், 6 மாத குழந்தைகள் சார்பில் மனு தாக்கல் செய்யப்பட்டிருப்பது உச்ச நீதிமன்ற வரலாற்றில் இதுவே முதல் முறை. எனவே, எனிப்படி செய்தார்கள் என்று ஆராய வேண்டியுள்ளது. கபில் சிபலும் பல சர்ச்சைகளில் சிக்கியுள்ளார். தான் தொலைதொடர்பு அமைச்சராகிய பிறகு, 2ஜி விவகாரத்தை மறைக்கப் பார்த்தார். இவரது மனைவி பிரோமிலா சிபல் ஒரு இறைச்சிகூடத்தை வைத்துக் கொண்டு, சைனாவுக்கு ஏற்றுமதி செய்கிறார் என்ற செய்தி புகைப்படத்துடன் வெளிவந்துள்ளது

Kapil sibal business interests – Companies etc

தீபாவளியுடன், ஏன் மாட்டிறைச்சி விவகாரத்தையும் சேர்க்கின்றனர்?: சமீபத்தில் பீப்-பிரியாணி, மாட்டிறைச்சி விருந்து, காஷ்மீரத்தில் பீப்-விருந்து, கேரளாவில் கேரளா பவன் எறுமை மாட்டிறைச்சி, சித்தராமையாவுக்கு பன்றி இறைச்சி பார்சல், திருவண்ணாமலையில் மாட்டிறைச்சி போராட்டம், மாட்டிறைச்சி விருந்து, உணவு விசயத்தில் நான் எதை வேண்டுமானாலும், சாப்பிடுவேன், எனக்கு உரிமையுள்ளது, அதை யாரும் கேட்க முடியாது, என்னுரிமையில் தலையிட முடியாது,….…… …………என்று இப்படியெல்லாம் பலவிதமான செய்திகள் வந்துள்ளதை கவனித்திருக்கலாம். இன்றளவில் மாட்டிறைச்சி அரசியல் நன்றாகவே ஊடகங்களை ஆக்கிரமித்துள்ளது. சினிமா செய்திகளைவிட, இது பரப்பரப்பாக இருக்கிறது. குறிப்பாக தமிழகத்தில் முற்போக்கு கோஷ்டிகள் எல்லாம் விருவிருப்பாக இருக்கின்றன. எப்படி சந்தர்ப்பம் வரும், எங்கு மாட்டிறைச்சி சாப்பிடலாம் என்று தயாராக இருக்கின்றன. அவ்வாறிருக்கும் போது, தீபாவளி நேரத்தில் அதைத் திசைத் திருப்பும் முயற்சியாக இவ்வழக்கு உள்ளதா? மேலும், தன் மனைவியே மாட்டிறைச்சி ஏற்றுமதி செய்கிறார் என்ற செய்தி, இந்நேரத்தில் மேலும் பிரச்சினயைக் கிளப்பி விடும் என்று, இவ்வழக்கில் குதித்துள்ளாரா என்று தெரியவில்லை.

I want beef, but no crackers

தமிழக மார்க்சிஸ்ட் கட்சிக்கு தீபாவளிக்கு அடுத்த நாள் இறைச்சிக் கடை திறந்திருக்க வேண்டுமாம்: வரும் 11-ம் தேதி சென்னையில் உள்ள இறைச்சிக் கூடங்களை மூட சென்னை மாநகராட்சி அளித்துள்ள  உத்தரவை விலக்கிக் கொள்ளவேண்டும் என்று மார்சிக்ஸ்ட் கம்யூனிஸ்ட் கட்சியின் தமிழ் மாநில செயலாளர் ஜி.ராமகிருஷ்ணன்  வலியுறுத்தியுள்ளார்[6]. இது தொடர்பாக அவர் வெளியிட்டுள்ள செய்திக் குறிப்பில், “சென்னை மாநகராட்சி நிர்வாகம் மகாவீர் ஜெயந்தியை முன்னிட்டு நவம்பர் 11-ம் தேதி அனைத்து இறைச்சிக்கடைகளும் மூடப்பட வேண்டுமென்று உத்தரவிட்டுள்ளதாக வந்துள்ள செய்திகள் கவலையளிக்கக்கூடியது. இதேபோன்று பதப்படுத்தப்பட்ட இறைச்சிகளையும் அன்றைய தினம் விற்பனை செய்யக்கூடாது என்று சூப்பர் மார்க்கெட்டுகளுக்கும் அறிவுறுத்தப்பட்டுள்ளதாக செய்திகள் தெரிவிக்கின்றன. ஜைன மதம் உட்பட எந்த மதத்தினரின் உணர்வுகளும் புண்படுத்தப்படக் கூடாது என்பது மார்க்சிஸ்ட் கம்யூனிஸ்ட் கட்சியின் நிலைபாடாகும். ஆனால், ஒரு மதத்தினரின் விழாவிற்காக, இதரர்களின் சுதந்திரத்தை கட்டுப்படுத்துவது நியாயமற்றதாகும்[7]. மாநகராட்சியின் இந்த நடவடிக்கை உணவுச் சுதந்திரத்திற்கு எதிரானதாகும். ஆன்–லைன்  வர்த்தகத்தை அனுமதித்த பிறகு எந்த வகையிலும் இறைச்சி விற்கக்கூடாது என்பதோ,  உண்ணக்கூடாது என்பதோ அமல்படுத்த முடியாததாகும். மேலும் உணவு, உடை ஆகியவற்றை மதம் மற்றும் பாலினத்தோடு அடையாளப்படுத்துவது பிற்போக்குத்தனமான வலதுசாரிக் கொள்கையாகும். எந்த ஒரு குறிப்பிட்ட தினத்திலும், எந்த ஒரு உணவையும் உண்ணக்கூடாது என தடை விதிப்பது சட்டத்திற்கு எதிரானதாகும். மத்தியில் பாஜக  அரசு  அமைந்த பிறகு நாடு முழுவதும் உணவை முன்வைத்து சிறுபான்மையினர் மீது கட்டவிழ்த்து விடப்பட்டுள்ள தாக்குதல்களின் பின்னணியில் தமிழகத்தின் தலைநகரத்தில் இந்த  கட்டுப்பாடு கவலையளிக்கக்கூடியதாகும். சென்னை மாநகராட்சி உடனடியாக  தனது உத்தரவை விலக்கிக் கொள்ள வேண்டுமென  மார்க்சிஸ்ட் கம்யூனிஸ்ட் கட்சியின் தமிழ்நாடு மாநில செயற்குழு வலியுறுத்துகிறது,” என்று தெரிவித்துள்ளார்[8]. மாட்டிறைச்சித் தின்பது உரிமை என்றால், குடிப்பதும் உரிமை தானே, பிறகு அதனை ஏன் எதிர்க்கவேண்டும்?

© வேதபிரகாஷ்

08-11-2015

[1] http://www.business-standard.com/article/news-ians/sc-notice-on-plea-for-banning-firecrackers-during-dussehra-diwali-115100801183_1.html

[2]http://tamil.thehindu.com/india/%E0%AE%A4%E0%AF%80%E0%AE%AA%E0%AE%BE%E0%AE%B5%E0%AE%B3%E0%AE%BF-%E0%AE%AA%E0%AE%9F%E0%AF%8D%E0%AE%9F%E0%AE%BE%E0%AE%9A%E0%AF%81%E0%AE%95%E0%AF%8D%E0%AE%95%E0%AF%81-%E0%AE%A4%E0%AE%9F%E0%AF%88-%E0%AE%95%E0%AF%87%E0%AE%BE%E0%AE%B0%E0%AE%BF%E0%AE%AF-%E0%AE%B5%E0%AE%B4%E0%AE%95%E0%AF%8D%E0%AE%95%E0%AE%BF%E0%AE%B2%E0%AF%8D-%E0%AE%AE%E0%AE%A4%E0%AF%8D%E0%AE%A4%E0%AE%BF%E0%AE%AF-%E0%AE%AE%E0%AE%BE%E0%AE%A8%E0%AE%BF%E0%AE%B2-%E0%AE%85%E0%AE%B0%E0%AE%9A%E0%AF%81%E0%AE%95%E0%AE%B3%E0%AF%81%E0%AE%95%E0%AF%8D%E0%AE%95%E0%AF%81-%E0%AE%A8%E0%AF%8B%E0%AE%9F%E0%AF%8D%E0%AE%9F%E0%AF%80%E0%AE%B8%E0%AF%8D/article7746160.ece

[3] http://scroll.in/latest/1166/supreme-court-refuses-to-ban-firecrackers-this-diwali

[4] http://timesofindia.indiatimes.com/india/SC-refuses-to-restrict-setting-off-firecrackers-on-Diwali/articleshow/49565004.cms

[5] NDTV, Cracker Ban on Diwali Will Hurt Religious Sentiments, Supreme Court Told, All India | Written by A Vaidyanathan, Updated: October 27, 2015 23:59 IST

[6] விகடன், தீபாவளிக்கு மறுநாள் இறைச்சிக் கடைகளை மூடும் உத்தரவுக்கு மார்க்சிஸ்ட் எதிர்ப்பு!, Posted Date : 15:25 (07/11/2015), Last updated : 15:25 (07/11/2015).

[7] எத்தகைய விதண்டாவாதத்தில் ஈடுபட்டுள்ளார் என்பதனை கவனிக்கவும். இப்பொழூது தான், தீபாவளி அன்று பட்டாசுகள் வெடிப்பதை தடை செய்ய முடியாது என்று தீர்ப்பளித்துள்ளது. பிறகு, அத்தகைய உரிமையை, இவர் எப்படி திரிபு விளக்கத்ன்டன் எதிர்க்கலாம்?

[8] http://www.vikatan.com/news/article.php?aid=54812

தீபாவளி எதிப்பு வழக்கும், வியாபார விருத்தியும், பொருளாதார கொள்ளையும் – இந்திய-இந்து எதிர்ப்பாக இருப்பது ஏன் (1)?

தீபாவளி எதிப்பு வழக்கும், வியாபார விருத்தியும், பொருளாதார கொள்ளையும் – இந்திய–இந்து எதிர்ப்பாக இருப்பது ஏன் (1)?

No crackers campaign for Deepavali

தீபாவளி எதிர்ப்பு வெளிப்பாடும் நிலைகள்: கடந்த பத்தாண்டுகளில் தீபாவளி எதிர்ப்பு என்பது பலவிதங்களில் வெளிப்பட்டுள்ளது[1]. மாசுக்கட்டுப்பாடு என்ற பிரச்சாரம் மூலம், பட்டாசுகள் கொளுத்தக் கூடாது, வெடிகள் வெடிக்கக் கூடாது என்று ஆரம்பித்தனர். ரூ.1000 கோடிகளில் உள்ள இந்த தொழிலை மிரட்ட பலயுக்திகள் கையாளப்பட்டு வருகின்றன[2]. இதில் 90% உற்பத்தி சிவகாசியில் தான் நடக்கிறது. ரூ. 100-200 கோடிகள் விற்பனையுள்ள இந்த வியாபாரத்தை யாரும் எதிப்பதில்லை[3]. மேலும் தீபாவளி சார்ந்த ஆடை, இனிப்பு, நகை, சுற்றுலா என்ற வியாபாரங்களோ 5,000 கோடிகளை எட்டுகிறது. பொதுவாக நடந்து வரும் இப்பிரச்சாரத்தில் ஊடகங்கள் ஈடுபட்டுள்ளன. ஆனால், அவையே கோடிக்கணக்கில் விளம்பரம், நிகழ்ச்சிகள், ஸ்பான்சர்சிப் என்று கோடிகளை அள்ளுகின்றன. சினிமா நடிகைகள்-நடிகர்கள் தீபாவளி கொண்டாடினார்கள் என்று அமர்க்களம்மாக செய்திகளை கவர்ச்சிப் படங்களுடன் வெளியிடுபவார்கள். ஆனால், அவர்களை வைத்தே தீபாவளியைத் தூற்றவும் செய்வார்கள். கமல் ஹாஸன், சத்தியராஜ் போன்றோரை இங்கு உதாரணத்திற்கு எடுத்துக் காட்டலாம். பட்டாசு வியாபாரத்தில் திராவிடக் கட்சிகள் நேரிடையகவும், மறைமுகமாகவும் (பட்டாசு கடை வைக்க, உரிமை கோர) கோடிகளை அள்ளுகின்றன. போதாகூறைக்கு, முஸ்லிம்கள் தான் பெருமளவில் இதில் ஈடுப்பட்டுள்ளார்கள். ஒரு வேளை, தீபாவளியைக் கொண்டாடாமல் இருந்தால், இவர்கள் கதிதான் அதோகதியாகி விடும். எனவே, இவர்களது போலித்தனத்தை, இரட்டைவேடங்களை, குறிப்பாக இந்து-விரோதத்தை அறிந்து கொள்ளலாம்.

From left -hasin, Sankaranarayanan and Bhandari at Bhasins flat in Delhi- fathers of toddlers- Photo- Priyanka Parashar-Mint

குழந்தைகளை வைத்து தீபாவளி தடை மனு போட்டது: சுற்றுப்புறச் சூழ்நிலை, குழந்தைகளை வேலைக்கு வைத்தல் போன்ற காரணங்களைக் காட்டி பிரச்சாரம் மேற்கொண்டு வரப்படுகிறது. இந்த வருடம் வேடிக்கை என்னவென்றால், மூன்று குழந்தைகள் – அர்ஜுன் கோபால், ஆரவ் பண்டாரி மற்றும் ஜோயா ராவ் [Arjun Gopal, Aarav Bhandari and Zoya Rao] தீபாவளிக்கு வெடிகள் வெடிக்க வேண்டாம், ஏனெனில், அது தில்லியின் காற்றின் நச்சுத்தன்மையினை அதிகமாக்குகிறது என்று வழக்குப் போட்டனர் என்பதுதான். இதில் அர்ஜுன் கோபால் மற்றும் ஆரவ் எட்டு மாத குழந்தைகள், பண்டாரி ஜோயா ராவ் 16 மாதங்கள் – ஒன்றரை வயது குழந்தை[4]. அக்குழந்தைகள் தமது வழக்கறிஞர்கள் தந்தைகள் மூலம் இவ்வாறு உச்சநீதி மன்றத்தில் வழக்குத் தொடர்ந்தனர்[5]. அரசியல் சாசன சட்டப்பிரிவு 21-ன் கீழ், சுத்தமான, சுகாதாரமான சூழலில் வளர்வது எங்களது அடிப்படை உரிமை. சுகாதாரமான காற்று எங்களது எனவே, அதிக ஒலி எழுப்பும் பட்டாசுகள் விற்க உரிமம் வழங்கும் அரசுக்கு தடை விதித்து உத்தரவிட வேண்டும் என்று வலியுறுத்தியிருந்தனர். உண்மையிலேயே இப்படி கைக்குழந்தைகள் எல்லாம் வழக்குப் போடலாம் என்றால், குப்பைத்தொட்டிகளில் வீசிய குழந்தைகள் ஏன் வழக்குப் போடவில்லை என்று தெரியவில்லை? கிறிஸ்தவ பிடோபைல்களால் பாதிக்கப்பட்ட குழந்தைகள் ஏன் வழக்குப் போடவில்லை என்று புரியவில்லை? இக்குழந்தைகள், இக்குழந்தைகளை விட அந்த அளவுக்கு புத்துசாலிகளாக இல்லை போலும்! இல்லை அப்பெற்றோர்கள், இப்பெற்றோர்கள் போல விழிப்புணர்வுடன், சாதுர்யத்துடன், குழந்தைகள் நலன் பேணும் அளவுக்கு இல்லை போலும்!

தீபாவளி எதிப்பு – பட்டாசுகள் வேண்டாம்

ஸ்ரீ அய்யப்ப சங்கம், சிவகாசி பட்டாசு உற்பத்தியாளர்கள் சங்கம் எல்லாம் இதை எதிர்க்க வேண்டிய அவசியம் வந்தது: சிவகாசியில் உள்ள ஸ்ரீ அய்யப்ப சங்கம் உள்ளிட்ட இந்து அமைப்புக்கள் சார்பிலும் பட்டாசு வெடிப்பதற்கு தடை விதிக்க எதிர்ப்பு தெரிவிக்கப்பட்டது. மேலும், இதை எதிர்த்து சிவகாசி பட்டாசு உற்பத்தியாளர்கள் சங்கம் தனது வாதத்தை, “பட்டாசுகள் தீபாவளி, சுதந்திர தினம், புத்தாண்டு, கிருஸ்துமஸ், தேர்தல் வெற்றி, கிரிக்கெட் போன்ற விளையாட்டு வெற்றி, திருமணங்கள் என்று பல்வேறு சந்தர்ப்பங்களில் வெடிக்கப்படுகின்றன. இவற்றிற்கெல்லாம் தடைவிதிக்க முடியாது. மேலும் இத்தொழில் மூன்று லட்சம் மக்களுக்கு நேரிடையாகவும், 10 லட்ச மக்களுக்கு மறைமுகமாகவும் வேலை கொடுத்து வருகிறது. இதனால், பல லட்சம் மக்களின் வாழ்க்கை பாதிக்கப்படும். பட்டாசுகளின் மேலான தடை தீவிரமான விளைவுகளை ஏற்படுத்தும். …..இந்து இந்துமத பாரம்பரியம் மற்றும் மத உணர்வுகளையும் பாதிக்கும்”, என்று வைத்தது[6].  உள்ள உரிமைகளை இப்படித்தான் வந்து சொல்லிக் கொள்ள வேண்டும் போலிருக்கிறது.

Diwali-ad- No crackers

வழக்கு பின்னணி[7]– உச்ச நீதிமன்ற வரலாற்றில் முதன்முறை: தீபாவளி பட்டாசுக்கு தடை விதிக்கக் கோரி 6 மாத குழந்தைகள் சார்பில் மனு தாக்கல்[8]: முன்னதாக, டெல்லியைச் சேர்ந்த 6 மாத குழந்தைகளான அர்ஜுன் கோயல், அவுரவ் பண்டாரி மற்றும் 14 மாத குழந்தையான ஜோயா ராவ் பாசின் ஆகியோர் சார்பில் அவர்களது பெற்றோர் உச்ச நீதிமன்றத்தில் மனு ஒன்றை தாக்கல் செய்தனர். அதில், தீபாவளி, தசரா பண்டிகைகளின்போது அதிக அளவில் பட்டாசு வெடிக்கப்படுகிறது. இதன்மூலம் ஏற்படும் ஒலி மாசு, சுற்றுச்சூழல் மாசு பல்வேறு நோய்களுக்கு காரணமாக அமைகிறது. உலகில் அதிக மாசு ஏற்படும் நகரமாக கடந்த 2 ஆண்டுகளாக டெல்லி பட்டியலிடப்பட்டுள்ளது. உடல் உறுப்புகள் இன்னும் வளராத நிலையில் உள்ள எங்களுக்கு இதுபோன்ற பட்டாசுகளின் வெடிச் சத்தத்தால் பாதிப்பு ஏற்படுகிறது. மேலும் இருமல், நுரையீரல் நோய்களுக்கும் பட்டாசு புகை மூலம் ஏற்படும் மாசு காரணமாக அமைகிறது. சுவாச கோளாறு இருப்பவர்களுக்கு இதன்மூலம் நோய் அதிகரிக்கிறது. பெங்களூரு நகரில் 2013-ம் ஆண்டு எடுத்த கணக்கெடுப்பின்படி, தீபாவளி பண்டிகையின்போது முந்தைய ஆண்டைக் காட்டிலும் 32 சதவீதம் மாசு அதிகரித்துள்ளது. தீபாவளி பண்டிகையின்போது, சுவாசக் கோளாறு நோய் பாதிப்பு 40 சதவீதம் அதிகரிப்பதாக புள்ளிவிவரம் தெரிவிக்கிறது. தீபாவளி பண்டிகையின்போது, மாசு ஏற்படாமல் தடுக்க பட்டாசு தயாரிப்பாளர்கள், விற்பனையாளர்களுக்கு எந்த விதிமுறைகளும் வகுக்கப்படவில்லை. அரசியல் சாசன சட்டப்பிரிவு 21-ன் கீழ், சுத்தமான, சுகாதாரமான சூழலில் வளர்வது எங்களது அடிப்படை உரிமை. சுகாதாரமான காற்று எங்களது எனவே, அதிக ஒலி எழுப்பும் பட்டாசுகள் விற்க உரிமம் வழங்கும் அரசுக்கு தடை விதித்து உத்தரவிட வேண்டும்” எனக் குறிப்பிட்டிருந்தனர்[9].

© வேதபிரகாஷ்

08-11-2015

[1] http://scroll.in/article/764796/would-banning-diwali-crackers-really-infringe-religious-rights-as-the-supreme-court-has-ruled

[2] http://articles.economictimes.indiatimes.com/2011-10-23/news/30310755_1_firecracker-sivakasi-child-labour

[3] http://www.livechennai.com/detailnews.asp?catid=&newsid=22160

[4] http://www.thehindu.com/news/national/three-toddlers-move-sc-against-delhis-peaking-pollution-graph/article7703036.ece

[5] In late October, the Supreme Court deferred to February the request by two eight-month-olds, Arjun Gopal and Aarav Bhandari, and 16-month-old Zoya Rao Bhasin, to ban firecrackers during Diwali. In September, “the toddlers”, as they are referred to, had filed a writ petition in the Supreme Court (SC) through their advocate fathers, seeking measures to control air pollution in the Capital and exercise their right to clean air, guaranteed under Article 21 of the Constitution.

 http://www.livemint.com/Leisure/fwznyZ9bJVLnMwUFpL3KSO/Clean-air-for-our-children.html

[6] In its petition, the fringe group from Tamil Nadu’s Sivakasi said fireworks are a means of celebrations across the world. “Crackers are burnt during Diwali, Independence Day, New Year, Christmas, victories in games and elections, marriages etc. These celebrations cannot be thwarted by unfair restrictions,” it said. Pointing to the Rs. 1,000 crore turnover of the industry, the Cracker Manufacturers’ Association said it provides direct employment to over 3 lakh people and indirect employment to 10 lakh.”Any adverse direction against the use of crackers during Diwali will have a disastrous effect on the entire fireworks industry and on the livelihood of lakhs of people,” the petition read.

http://www.ndtv.com/india-news/cracker-ban-on-diwali-will-hurt-religious-sentiments-supreme-court-told-1237106

A fringe group and a cracker manufacturers’ association has moved the Supreme Court, opposing the ban on crackers during Diwali, contending that it would affect the Hindu tradition and hurt religious sentiments.

http://www.ndtv.com/india-news/cracker-ban-on-diwali-will-hurt-religious-sentiments-supreme-court-told-1237106

[7] தமிழ்.இந்து, தீபாவளிக்கு பட்டாசு வெடிக்க தடை இல்லை: உச்ச நீதிமன்றம், Published: October 28, 2015 14:11 ISTUpdated: October 28, 2015 14:45 IST.

[8] http://tamil.thehindu.com/india/%E0%AE%89%E0%AE%9A%E0%AF%8D%E0%AE%9A-%E0%AE%A8%E0%AF%80%E0%AE%A4%E0%AE%BF%E0%AE%AE%E0%AE%A9%E0%AF%8D%E0%AE%B1-%E0%AE%B5%E0%AE%B0%E0%AE%B2%E0%AE%BE%E0%AE%B1%E0%AF%8D%E0%AE%B1%E0%AE%BF%E0%AE%B2%E0%AF%8D-%E0%AE%AE%E0%AF%81%E0%AE%A4%E0%AE%A9%E0%AF%8D%E0%AE%AE%E0%AF%81%E0%AE%B1%E0%AF%88-%E0%AE%A4%E0%AF%80%E0%AE%AA%E0%AE%BE%E0%AE%B5%E0%AE%B3%E0%AE%BF-%E0%AE%AA%E0%AE%9F%E0%AF%8D%E0%AE%9F%E0%AE%BE%E0%AE%9A%E0%AF%81%E0%AE%95%E0%AF%8D%E0%AE%95%E0%AF%81-%E0%AE%A4%E0%AE%9F%E0%AF%88-%E0%AE%B5%E0%AE%BF%E0%AE%A4%E0%AE%BF%E0%AE%95%E0%AF%8D%E0%AE%95%E0%AE%95%E0%AF%8D-%E0%AE%95%E0%AF%8B%E0%AE%B0%E0%AE%BF-6-%E0%AE%AE%E0%AE%BE%E0%AE%A4-%E0%AE%95%E0%AF%81%E0%AE%B4%E0%AE%A8%E0%AF%8D%E0%AE%A4%E0%AF%88%E0%AE%95%E0%AE%B3%E0%AF%8D-%E0%AE%9A%E0%AE%BE%E0%AE%B0%E0%AF%8D%E0%AE%AA%E0%AE%BF%E0%AE%B2%E0%AF%8D-%E0%AE%AE%E0%AE%A9%E0%AF%81-%E0%AE%A4%E0%AE%BE%E0%AE%95%E0%AF%8D%E0%AE%95%E0%AE%B2%E0%AF%8D/article7710559.ece

[9]http://tamil.thehindu.com/india/%E0%AE%A4%E0%AF%80%E0%AE%AA%E0%AE%BE%E0%AE%B5%E0%AE%B3%E0%AE%BF%E0%AE%95%E0%AF%8D%E0%AE%95%E0%AF%81-%E0%AE%AA%E0%AE%9F%E0%AF%8D%E0%AE%9F%E0%AE%BE%E0%AE%9A%E0%AF%81-%E0%AE%B5%E0%AF%86%E0%AE%9F%E0%AE%BF%E0%AE%95%E0%AF%8D%E0%AE%95-%E0%AE%A4%E0%AE%9F%E0%AF%88-%E0%AE%87%E0%AE%B2%E0%AF%8D%E0%AE%B2%E0%AF%88-%E0%AE%89%E0%AE%9A%E0%AF%8D%E0%AE%9A-%E0%AE%A8%E0%AF%80%E0%AE%A4%E0%AE%BF%E0%AE%AE%E0%AE%A9%E0%AF%8D%E0%AE%B1%E0%AE%AE%E0%AF%8D/article7813725.ece