Archive for the ‘விபூதி’ Category

அலி, பஜ்ரங் பலி, மற்றும் பலியான 75 வயது மோடி ஆதரவாளர்: செக்யூலரிஸ போதையில் கொலைவெறியில் ஆடும் இந்துவிரோத சித்தாந்தங்கள்! [1]

ஏப்ரல் 16, 2019

அலி, பஜ்ரங் பலி, மற்றும் பலியான 75 வயது மோடி ஆதரவாளர்: செக்யூலரிஸ போதையில் கொலைவெறியில் ஆடும் இந்துவிரோத சித்தாந்தங்கள்! [1]

Ali vs Bajrangbali, yogi-maya.AzamKhan

முஸ்லிம்களை தாஜா செய்த விதம்: உபியில் மக்களவை தேர்தல் ஏப்ரல் 11ம் தேதி அன்று தொடங்கியது. உத்தரபிரதேச மாநிலத்தில் ஏழு கட்டமாக இந்த தேர்தல் நடைபெறுகிறது. சமீபத்தில் உத்தரபிரதேசம் மாநில முதல்வர் யோகி ஆதித்யநாத் மற்றும் பகுஜன் சமாஜ் கட்சி தலைவி மாயாவதி ஆகியோர் தேர்தல் பிரசாரத்தில் ஈடுபட்டனர். இந்தியாவில், ஆரம்பத்திலிருந்தே காங்கிரஸ் முஸ்லிம்களை ஓட்டுவங்கியாகத்தான் பயன் படுத்தி வந்துள்ளது. இதே முறையை, வங்காளத்தில் மம்தாவும், தெற்கில் கம்யூனிஸ்ட் மற்றும் திராவிடக் கட்சிகள் செய்து வருகின்றன. மலபுரம் என்ற மாவட்டத்தை கேரளாவில், முஸ்லிம்களுக்கு என்று உருவாக்கியது அறிந்ததே. ஓட்டுகளுக்காக, தேர்தல் தொகுதிகள் அவ்வாறே பிரிக்கப் படுகின்றன. முஸ்லிம்கள் அதிகமாக இருக்கும் பகுதிகள், அத்தகைய தொகுதிகளாகப் பிரிப்பதால், அவர்கள் ஓட்டுப் போடும் வேட்பாளர் தேர்ந்தெடுக்கப் படுவது உறுதியாகின்றது. பிறகு, முஸ்லிம்கள் தங்களது கோர்க்கைகளை நிறைவேற்றிக் கொகின்றனர். இல்லையென்றால், கலவரத்தை உண்டாக்கி, சாதித்துக் கொள்கின்றனர். ராஜீவ் காலத்தில், ஷா பானு வழக்கு, முஸ்லிம் பெண்கள் சட்டம் முதலியவை, இவற்றை அப்பட்டமாக எடுத்துக் காட்டின.

Maya asking votes from Muslims

மாயாவதி முஸ்லிம்களுக்கு விடுத்த கோரிக்கை: கடந்த ஏப்ரல் 7ம் தேதி சகரன்பூரில் நடைபெற்ற பிரசார பொதுக்கூட்டத்தில் மாயாவதி பேசுகையில்[1], “முஸ்லிம் வாக்காளர்களுக்கு ஒன்றை கூறிக்கொள்ள விரும்புகிறேன். உங்கள் வாக்குகளை உறவினர்கள் என்பதாலோ, நண்பர்கள் என்பதாலோ பதிவிடக்கூடாது. உத்தரபிரதேசத்தில் பாஜகவை வீழ்த்த எண்ணினால், உங்கள் வாக்குகளை பிரிக்காதீர்கள். அதற்கு பதிலாக மாபெரும் கூட்டணிக்கு பதிவிடுங்கள். இதனை முஸ்லிம் மக்களுக்கு நான் வேண்டுகோளாக வைக்கிறேன்,” என பேசினார். மாயாவதிக்கு பதிலடி கொடுக்கும் வகையில் ஏப்ரல் 9ம் தேதி மீரட்டில் நடைபெற்ற பிரசாரப்பொதுக்கூட்டத்தில் யோகி ஆதித்யநாத் பேசுகையில்[2], “மாயாவதி என்ன பேசினார் என்பதை கேட்டிருப்பீர்கள். அவருக்கு முஸ்லிம் மக்களின் வாக்குகளே தேவை. மாபெரும் கூட்டணிக்கு மற்ற மக்களின் வாக்குகளை விரும்பவில்லை. உங்களுக்கு ஒன்றை மட்டும் கூறிக்கொள்ள விரும்புகிறேன். காங்கிரஸ், சமாஜ்வாடி, பகுஜன் சமாஜ் ஆகிய கட்சிகளுக்கு அலி மீது நம்பிக்கை உள்ளது என்றால், எங்களுக்கு பஜ்ரங்பலி மீது நம்பிக்கை உள்ளது” என பேசியுள்ளார்.

Ali vs Bajrangbali, yogi-maya

அலி, பஜ்ரங் பலி இருவருமே தேவையோகி ஆதித்யநாத்: “இந்நிலையில், யோகி ஆதித்யநாத் பேச்சுக்கு தக்க பதிலடி கொடுக்கும் வகையில், மாயாவதி இன்று டுவிட்டரில் ஒரு பதிவு வெளியிட்டுள்ளார். அதில், “ராம நவமி நாளன்று, மக்களுக்கு என் வாழ்த்துக்களை தெரிவித்துக்கொள்கிறேன். மக்கள் ஒருபுறம் மகிழ்ச்சியாக உள்ள நிலையில், பஜ்ரங்பலி மற்றும் அலி ஆகியோருக்கு இடையில் வெறுப்பு மற்றும் மோதலை ஏற்படுத்த முயற்சிகள் எடுக்கப்படுகிறது. அரசியல் லாபத்திற்காக இது நடத்தப்படுவது துரதிஷ்டவசமானதாகும்,” என்று குறிப்பிட்டுள்ளார். அலி, பஜ்ரங் பலி சர்ச்சை தொடர்பாக இன்று தேர்தல் பேரணியில் மாயாவதி பேசும் போது  அலி, பஜ்ரங் பலி இருவருமே எங்கள் கட்சிக்கு தேவை என கூறினார். ‘‘நான் முதல்வர் ஆதித்திய நாத்துக்கு ஒன்றை கூறி கொள்ள விரும்புகிறேன். எங்களது முன்னோர் குறித்து அவர் முக்கியமான விஷயத்தை கூறியுள்ளார். அதற்காக அவருக்கு என் நன்றிகள். பஜ்ரங் பலி ஒரு காட்டுவாசி, தலித் என்று ஏற்கெனவே முதல்வர் யோகி தெரிவித்துள்ளார்[3]. அதற்கு நன்றி,’’ மாயாவதி, ‘‘பஜ்ரங் பலி எங்களை போன்ற தலித் சமூகத்தினர் என்பதால் அவருடைய ஆசி எங்களுக்கு மிகவும் அவசியம்’’ என்று மாயாவதி தெரிவித்தார்[4].

Ali vs Bajrangbali, cinema

முஸ்லிம்களும், பாஜகவும்: இஸ்லாமியர்கள் வாக்கு எங்களுக்குத் தான் என மயாவதி உறுதியாக நம்புகிறார். இது குறித்து பத்திரிகையாளர்கள் கேள்வி எழுப்பிய போது அதற்கு பதில் அளித்த முதல்வர் யோகி[5], ‘ராகுல் அமேதி தொகுதியை புறக்கணித்துவிட்டு கேரளாவின் வயநாடு தொகுதிக்கு முக்கியத்துவம் அளிக்கிறார். அங்கு முஸ்லீம் லீக் கட்சிக்கு ஆதரவு தெரிவிக்கிறார். நாட்டை கூறு போட்டவர்கள் இஸ்லாமியர்கள். உத்திர பிரதேசம் முழுவதும் பகுஜன் சமாஜ், சமாஜ்வாடி கட்சிகள் பச்சை சாயம் பூச முயல்கின்றன. அது நடக்காது. அவர்களுக்கு அலி என்றார் எங்களுக்கு பஜ்ரங்க் பலி’ என கூறியுள்ளார்.  யோகி உத்திர பிரதேசத்தின் பல தொகுதிகளுக்கு ஊர்வலம் சென்று பரப்புரை நடத்தினார். யோகியின் இந்த அறிக்கை மூலமாக இஸ்லாமியர்கள் வாக்குகளை உத்திர பிரதேச பாஜக பெரிதாக கண்டுகொள்ளவில்லை எனத் தெரிகிறது[6]. முஸ்லிம்கள் பாஜகவுக்கு ஓட்டுப் போட மாட்டார்கள் என்பது தெரிந்த விசயம் தான், ஆனால், முத்தலாக் விசயத்தில் முஸ்லிம் பெண்கள் பிஜேபிக்கு ஓட்டுப் போட வாய்ப்புள்ளது. அதனை, தடுக்கத்தா, இத்தகைய பிரசாரம் நடக்கிறது. பர்கா தத், அஸாசுதீன் உவைசியுடன் 13-04-2019 அன்று நடத்திய பேச்சு / பேட்டி, அதனை அப்பட்டமாக எடுத்துக் காட்டியது.

Ali vs Bajrangbali, cinema-2

அலிகர் முஸ்லிம் பல்கலைக் கழகமும், அடிப்படைவாதமும், முஸ்லிம்களும்: சுமார் 150 வருடங்களுக்கு முன் உ.பி.யின் அலிகரில் சர் சையது அகமது கான் என்பவரால் அலிகர் முஸ்லிம் பல்கலைக்கழகம் தொடங்கப்பட்டது. காலப் போக்கில், இது முஸ்லிம் அடிப்படைவாதிகளில் கைகளில் சிக்கி, திசைமாற ஆரமித்தது. சையது அகமது கானின் கனவையே சிதைக்கும் முறையில் காரியங்கள் நடந்தன. பல்கலை வேந்தர்கள், பேராசிரியர்க தாக்கப் பட்டனர். மத்திய பல்கலைக்கழகங்களில் ஒன்றான இதற்கு அதன் சிறுபான்மை அந்தஸ்து மறுக்கப்பட்டுள்ளது. இதன் மீதான மேல்முறையீட்டு வழக்கு உச்ச நீதிமன்றத்தில் நடைபெற்று வருகிறது. இந்நிலையில், உ.பி.யில் அலிகர் நகரில் மக்களவைத் தேர்தலுக்கானப் பிரச்சாரக் கூட்டத்தில் அம்மாநில முதல்வரான யோகி ஆதித்யநாத் கலந்து கொண்டார். அப்போது அவர் அலிகர் பல்கலை.யின் சிறுபான்மை அந்தஸ்தை தம் கட்சி அரசு அமைந்தால் பெற்றுத்தரும் என உறுதி அளித்தார்[7].

Yogi wants Bajranga bali

அனைவருக்கும் சம உரிமையோகியின் வாக்குறுதி: அயோத்தியில் பாபர் மசூதி இடிக்கப்பட்ட போது உ.பி. முதல்வராக இருந்த கல்யாண் சிங்கின் சொந்த நகரம் அலிகர். இதை நினைவுகூரும் வகையில் ராமர் கோயில் மீது முதல்வர் யோகி பேசினார். இதன் மீது யோகி, ”அலிகரில் இருந்து நான் அளிக்கும் உறுதி என்னவெனில், பாஜக அரசால் மட்டுமே அயோத்தியில் ராமர் கோயில் கட்டித்தர முடியும்” எனத் தெரிவித்தார். இந்திய ராணுவத்தின் துல்லியத் தாக்குதலை தேர்தலில் பிரச்சாரம் செய்து பலன் பெறக் கூடாது என மத்திய தேர்தல் ஆணையம் உத்தரவிட்டுள்ளது. இதைப்பற்றி சிறிதும் கவலைப்படாத யோகி அதன் மீதும் தன் உரையில் குறிப்பிட்டார். இது குறித்து முதல்வர் யோகி கூறுகையில், ”ஐக்கிய முற்போக்கு கூட்டணி ஆட்சியில் சீனா இந்தியாவை மிரட்டி வந்தது. ஆனால், மோடி ஆட்சி வந்ததும் அந்நாட்டை டோக்லாமில் இருந்து விரட்டி அடித்தார். இதேபோல், சர்வதேச எல்லைக்குள் புகுந்து துல்லியத் தாக்குதலை நடத்தி பாகிஸ்தானுக்கு தக்க பதிலடி கொடுத்தார் மோடி” எனத் தெரிவித்தார். காங்கிரஸ் அரசில் முதல் உரிமை முஸ்லிம்களுக்கு எனக் கூறுவதாகவும் சுட்டிக்காட்டிய யோகி, தம்கட்சி அரசில் அந்த உரிமை அனைவருக்கும் சமமாகப் பிரித்து அளிக்கப்படுவதாகவும் தெரிவித்தார்[8].

வேதபிரகாஷ்

14-04-2019

Atlaf and Govindaraj

[1] தினமலர், பஜ்ரங்பலிஅலி இடையே மோதலை ஏற்படுத்த முயற்சி: மாயாவதி குற்றச்சாட்டு, பதிவு செய்த நாள் : 13 ஏப்ரல் 2019 16:45

[2] http://www.dinamalarnellai.com/web/news/69002

[3] தினமணி, ஹிந்துமுஸ்லிம்களிடையே பிரிவினையைத் தூண்ட முயற்சி: பாஜக மீது மாயாவதி குற்றச்சாட்டு, By DIN | Published on : 14th April 2019 02:27 AM

[4]https://www.dinamani.com/india/2019/apr/14/%E0%AE%B9%E0%AE%BF%E0%AE%A8%E0%AF%8D%E0%AE%A4%E0%AF%81-%E0%AE%AE%E0%AF%81%E0%AE%B8%E0%AF%8D%E0%AE%B2%E0%AE%BF%E0%AE%AE%E0%AF%8D%E0%AE%95%E0%AE%B3%E0%AE%BF%E0%AE%9F%E0%AF%88%E0%AE%AF%E0%AF%87-%E0%AE%AA%E0%AE%BF%E0%AE%B0%E0%AE%BF%E0%AE%B5%E0%AE%BF%E0%AE%A9%E0%AF%88%E0%AE%AF%E0%AF%88%E0%AE%A4%E0%AF%8D-%E0%AE%A4%E0%AF%82%E0%AE%A3%E0%AF%8D%E0%AE%9F-%E0%AE%AE%E0%AF%81%E0%AE%AF%E0%AE%B1%E0%AF%8D%E0%AE%9A%E0%AE%BF-%E0%AE%AA%E0%AE%BE%E0%AE%9C%E0%AE%95-%E0%AE%AE%E0%AF%80%E0%AE%A4%E0%AF%81-%E0%AE%AE%E0%AE%BE%E0%AE%AF%E0%AE%BE%E0%AE%B5%E0%AE%A4%E0%AE%BF-%E0%AE%95%E0%AF%81%E0%AE%B1%E0%AF%8D%E0%AE%B1%E0%AE%9A%E0%AF%8D%E0%AE%9A%E0%AE%BE%E0%AE%9F%E0%AF%8D%E0%AE%9F%E0%AF%81-3132892.html

[5] சமயம், அவர்களுக்குஅலிஎன்றால் எங்களுக்குபஜ்ரங் பலி’; அரசியல் டிஆர் ஆகிய யோகி, Samayam Tamil | Updated:Apr 10, 2019, 11:02AM IST

[6] https://tamil.samayam.com/elections/lok-sabha-elections/news/if-they-have-faith-in-ali-we-have-bajrang-bali-says-yogi/articleshow/68806384.cms

[7] தி.ஹிந்து.தமிழ், அலிகர் பல்கலைக்கழகத்தில் தலித்துகள், முஸ்லிம்களுக்கு இட ஒதுக்கீடு பெற்றுத் தருவோம்: .பி. முதல்வர் யோகி உறுதி, Published : 12 Apr 2019 13:15 IST, Updated : 12 Apr 2019 13:15 IST.

[8] https://tamil.thehindu.com/india/article26816861.ece

இந்துவிரோத திக-திமுகவினரின் ஶ்ரீகிருஷ்ண தூஷணமும், மதசார்பற்ற முகமூடியில் இந்து துரோகிகள் உலாவருவதும்- இது தேர்தல் நேரம்! [3]

ஏப்ரல் 2, 2019

இந்துவிரோத திகதிமுகவினரின் ஶ்ரீகிருஷ்ண தூஷணமும், மதசார்பற்ற முகமூடியில் இந்து துரோகிகள் உலாவருவதும்இது தேர்தல் நேரம்! [3]

Veeramani condemned, Charu Nivedita-2

இந்து திருமணங்களை விமர்சிக்கும் ஸ்டாலின்[1]: சாருநிவேதிதா, தொடர்கிறார்[2], “அடுத்து, இந்து திருமணங்களில் ஓதப்படும் சமஸ்கிருத மந்திரங்கள் அசிங்கம் என்கிறார் ஸ்டாலின். எப்போது ஸ்டாலின், சமஸ்கிருதம் கற்றுக் கொண்டார் என, தெரியவில்லை. அசிங்கம் என்று யார் அவருக்குச் சொன்னது? வேதங்களில் சொல்லப்பட்டுள்ள, அதியற்புதமான தத்துவ உண்மைகளும், கவித்துவ வீச்சுக்களும் அவருக்குத் தெரியுமா? தெரியாமலேயே, ஸ்டாலின் சிறுபான்மையினரின் ஓட்டுகளை பெறுவதற்காக, வெறுப்பு அரசியலில் இறங்குகிறார். ஏன், தேவாலயங்களில் கேட்கும் லத்தீன் பிரார்த்தனைகளும், மசூதிகளில் கேட்கும் அரபி பிரார்த்தனைகளும் மட்டும் ஸ்டாலினுக்கு இனிக்கிறதா? தேர்தல் வரும் நேரத்தில் ஸ்டாலின், முதல்வர், .பி.எஸ்.,சுக்காக எப்படியெல்லாம் வேலை செய்கிறார் பாருங்கள்!”

June 2018, SriRangam temple, Stalin, priest apply paste-Stalin removed-2

ஜெயலலியாவின் இறப்பை அரசியலாக்கியது[3]: சாருநிவேதிதா, தொடர்கிறார்[4], “உண்மையில் பார்த்தால், ஜெயலலிதாவின் மர்மமான மரணத்தின் போது, கட்சி பாகுபாடு இல்லாமல் எல்லோருமே, .தி.மு..,வை வெறுத்தனர். ஏனென்றால், இப்போதெல்லாம் ஒரு பெட்டிக்கடைக்கு போய் வெற்றிலை பாக்கு வாங்கினாலே, அது, ‘சிசிடிவியில் வந்து விடுகிறது. அந்த அளவுக்கு மனிதர்களின் அந்தரங்கமே காணாமல் போய், எல்லாமே காட்சிகளாக பதிவு செய்யப்பட்டு விடுகின்றன. இப்படிப்பட்ட சூழலில், 75 நாட்கள் சிகிச்சைக்குப் பின், ஜெ.,வின் உடல் மட்டும், மருத்துவமனையிலிருந்து வெளியே வந்தது. காலை வெட்டி விட்டனர்; ‘எம்பார்மிங்பண்ணின உடம்பு என்றனர். எல்லாமே யூகங்கள்; மர்மங்கள். இவை அனைத்தும், மாயாஜால கதைகளில், ராஜா ராணி கதைகளில் வருவது போலத்தான் நடந்தது. மக்கள் கோபத்தின் உச்சத்துக்கே போயினர். ஜெ.,வின் திடீர் மரணத்தால் ஏற்பட்ட வெற்றிடத்தையும், ஸ்டாலின் பயன்படுத்திக் கொள்ளவில்லை. தி.மு..,வை போல, .தி.மு.., அல்ல. தி.மு..,வுக்கு ஒரு வலுவான அடித்தளம் இருக்கிறது. தலைமையில் யார் இருந்தாலும் சரி, தி.மு.., காரன், தி.மு.., காரன் தான். குடும்பமே, தி.மு..,வில் இருக்கும். அப்பன், மகன், பேரன் என்று, தலைமுறை தலைமுறையாக, தி.மு..,வில் இருப்பர். ஆனால், .தி.மு..,வுக்கு அப்படிப்பட்ட அடித்தளம் உண்டா என்பது சந்தேகமே.”

Stalin visited temple- 2015

அதிமுகவின் அணுகுமுறை, ஸ்டாலினின் எதிர்மறை போக்கு[5]: “எம்.ஜி.ஆர்., ரசிகர்களே, .தி.மு..,வில் இணைந்தனர். ‘அங்கே, எம்.ஜி.ஆர்.,தான் எல்லாம்; அவருக்கு பின், .தி.மு..,வே இருக்காதுஎன, தி.மு..,வினர் நினைத்தனர். நான் கூட அப்படித்தான் நினைத்தேன். ஆனால், எம்.ஜி.ஆருக்கு பின், ஜெ., வந்தார். ஒரே தலைவர்; அவர் வைத்ததுதான் சட்டம்; அவரே கட்சி; அவரே எல்லாம். ஜெ.,க்குபின், .தி.மு.., இருக்காது என, தி.மு..,வினர் நினைத்தனர். நானும், அப்படித்தான் நினைத்தேன். ஆனால். ஜெ., இருக்கும் போது, யாருக்குமே தெரியாத, .பி.எஸ்., இன்று முதல்வராக நிலைத்து விட்டார். மக்களும் அவரை ஏற்றுக் கொண்டனர். இதற்கு, மூன்று காரணங்கள். மக்களின் மறதி; ஸ்டாலினின் வாய்; மூன்றாவது, ‘எனக்கு எல்லாம் தெரியும்என்ற மனோபாவம் இல்லாமல், .பி.எஸ்., அதிகாரிகளை வைத்து, காரியம் சாதிக்கிறார். மக்களுக்குத் தொந்தரவு இல்லை. இருந்தாலும், என்னால் முந்தைய தேர்தல்களை போல, இந்த முறை முடிவுகள் எப்படி இருக்கும் என்று யூகிக்க முடியவில்லை. காரணம், மக்கள் ஒரு விரக்தியான நிலையில் இருக்கின்றனர். யாருக்கு ஓட்டுப் போட்டாலும், மக்களின் அடிப்படை வசதிகள் எதுவுமே தீர்க்கப்படாமல் தான் இருக்கின்றன.” -சாருநிவேதிதா, எழுத்தாளர்[6].

veeramani remarks - news today

2019ல் இந்துத்துவாதிகளுக்கு ஏன் திடீரென்று ரோஷம், கோபம் வந்துள்ளது?: ஆக இவையெல்லாமே தேர்தலை மனதில் வைத்துக் கொண்டு கொதிக்கும், குதிக்கும், பொங்கும் போக்கு தான் தெரிகிறதே தவிர, என்னடா, ஶ்ரீகிருஷ்ணரை இவ்வாறு தூஷிக்கிறார்களே என்று பொங்கிய்யதாகத் தெரியவில்லை. பகவத் கீதை மீது கை வைத்து, நீதிமன்றங்களில் பிரமாணம் எடுத்துக் கொள்கிறார்கள். அந்நூலை தேசிய நூலாக அறிவிக்க வேண்டும் என்றார்கள். ஆனால், வருடா வருடம், அக்கயவர்கள் தூஷித்துக் கொண்டிருக்கும் போது, இவ்வருடம் தான், இவர்களுக்கு, சூடு, சொரணை, ரோஷம், மானம் எல்லாம் வந்தது போல இருக்கிறது. பணம், பதவி, புகழ், விளம்பரம் போன்ற ஆதாயங்களுக்காக, அக்கயவர்களுடனே கூட்டு வைத்துக் கொண்டனர், தேர்தல் போது, பிரச்சாரமும் செய்தனர். டி.ஆர்.பாலுவுக்கு ஆர்.எஸ்.எஸ் பிரச்சாரம் செய்தது. ஆனால், ஶ்ரீகிருஷ்ண தூஷணத்தை எதிர்க்க வேண்டும் என்று இவர்களில் எவருக்கும் தோன்றவில்லை போலும். பதவியைப் பெற்ற இந்துத்துவ வக்கீலுக்கும் தோன்றவில்லை போலும். ஒரு வேளை வழக்குகள் கிடைக்காது, காசு கிடைக்காது என்று ஒதுங்கி விட்டனர் போலும்.

DK Veeramani hate speech 28-03-2019

இந்துமதம் எல்லா இந்துக்களுக்கும் தான்: “டெக்கான் குரோனிகல்” என்ற ஆங்கில நாளேடு, “வீரமணி பேசியதை எதிர்த்து பிராமணர்கள் ஆர்பாட்டம் நடத்தினர்,” என்று ஒரு புகைப்படம்ம் போட்டு, செய்தி வெளியிட்டுள்ளது! சரி,க்ஷத்திரியர், வைசியர், சூத்திரர் நடத்தவில்லையா? இந்துக்கள் என்று ஏன் போடவில்லை? இங்குதான், ஊடகங்களின் குசும்புத்தனம் வெளிப்படுகிறது. ஏதோ, இந்துமதம் தாக்கப் பட்டால், பிராமணர்களுக்குத் தான் கோபம்-ரோஷம் வரும் மற்றவர்களுக்கு வராது என்பது போன்ற திரிபுவாதம், சித்தரிப்பு மற்றும் அவ்வாறான திணிப்பு. இந்துமதம், பிராமணிஸம் என்றால், பிறகு, க்ஷத்திரியரிஸம், வைசியரிஸம், சூத்திராயிஸம் என்றெல்லாம் வர வேண்டும். ஆகவே, முதலில் இந்துக்கள், இத்தகைய விசமத்தனங்களை எதிர்க்கவேண்டும். பார்ப்பன எதிர்ப்புப் போர்வையில், இந்துவிரோத சித்தாந்திகள் ஒளிந்து கொண்டு வேலை செய்வதை கவனிக்கலாம். இந்துக்களிடையே ஒற்றுமை இல்லாத வரையில், அவர்கள் இணைந்து தான் வேலை செய்வார்கள்.

Stalin pleading that the are not against religion,DM 02-04-2019-1

ஶ்ரீகிருஷ்ண தூஷணத்திற்கு பதில் [2017-2019]: 2017லிருந்தே திக-வீரமணி, ஸ்டாலின் இதே பல்லவியைப் பாடி வருகின்றனர். விவரங்களை கீழ்கண்ட எனது பதிவுகளில் விளக்கமாக படிக்கலாம்.

  1. “கிருஷ்ணர் பொம்பளப் பொறுக்கி” என்ற அளவுக்கு, சமூக ஊடகங்களில் பதிவு செய்துள்ள தோரணை – ஶ்ரீகிருஷ்ண ஜெயந்தி தருணத்தில் தொடரும்தூஷணங்கள் [1]

https://antihidnu.wordpress.com/2018/09/07/blaspheming-krishna-on-the-occasion-of-krishna-jayanti-dravidian-way/

  1. ஶ்ரீகிருஷ்ண தூஷணம் இடைகாலத்தில் வளர்ந்தது ஏன்? பக்தி மார்க்கம் அதனைக் கட்டுப்படுத்தியது எப்படி? [2]

https://antihidnu.wordpress.com/2018/09/07/blaspheming-krishna-anti-hindu-atheist-and-mohammedan-way/

  1. ஶ்ரீகிருஷ்ண தூஷணம் இடைகாலத்தில் இடைச்செருகல்கள் மூலம் வளர்ந்தது ஏன்? பக்தி மார்க்கம் அதனைக் கட்டுப்படுத்தியது எப்படி? [3]

https://antihidnu.wordpress.com/2018/09/07/medieval-mohammedan-anti-krishna-blasphemy-continues-through-europeans-and-atheists/

  1. ஶ்ரீகிருஷ்ண தூஷணம் இடைகாலத்தில் ஜைன-பௌத்தர்களால் வளர்க்கப்பட்டது ஏன்? பக்தி மார்க்கம்அதனைக் கட்டுப்படுத்தியது எப்படி? – நிர்வாணம்-நிரியாணம் அவர்களை வெளிப்படுத்துகிறது [4]

https://antihidnu.wordpress.com/2018/09/07/anti-krishna-propaganda-continues-through-atheists-and-secularists/

  1. திமுக, ஸ்டாலின், திராவிட குடும்பத்தினர் இருந்துவிரோதிகளா, இல்லையா? ஸ்டாலின் விளக்கம் கொடுக்க வேண்டிய அவசியம் என்ன? [1]

https://antihidnu.wordpress.com/2018/09/26/dmk-not-anti-hindu-clarifying-stalin-though-atheist/

  1. திமுக, ஸ்டாலின், திராவிட குடும்பத்தினர் இருந்துவிரோதிகளா, இல்லையா? ஸ்டாலின் நமக்கு நாமே போர்வையில் செக்யூலரிஸ நாடகம் ஆடி விளக்கம் கொடுக்க வேண்டிய அவசியம் என்ன? [2]

https://antihidnu.wordpress.com/2018/09/26/proven-anti-hindus-like-dravidian-leaders-need-not-be-apologetic/

  1. திமுக, ஸ்டாலின், திராவிட குடும்பத்தினர் இருந்துவிரோதிகளா, இல்லையா? மவுண்ட் ரோடு மஹாவிஷ்ணுவும், ஐயங்கார்களும், கருணாநிதியும், சம்பந்திகளும் [3]
  2. https://antihidnu.wordpress.com/2018/09/27/anti-hindu-dravidian-gangs-cannot-compromise-with-hindus-but-continue-blasphemy/

Stalin pleading that the are not against religion,DM 02-04-2019-2

இந்துவிரோதிகளும், போலி இந்துத்துவ வாதிகளும் கூட்டு சேர்வது எப்படி?: அவர்கள் மாறவில்லை, மாறமாட்டார்கள், ஆனால், இந்துக்கள் மாறுவதால் தான் பிரச்சினை. அக்காலத்திலிருந்து, இக்காலம் வரை இந்துக்களில் தான் துரோகிகள் இருக்கிறார்கள். இந்தியர்களாக இருந்து கொண்டு, இந்தியாவை விமர்சிப்பது, குறை கூறுவது, ஏன், எதிராகப் பேசுவதை இந்தியர்கள் தான் அதிகமாக செய்து வருகிறார்கள். இந்துக்களும் பணம், பதவி, விளம்பரம், குறுகிய கால லாபம் முதலியவற்றைகருத்திற் வைத்துக் கொண்டு துரோகிகளாக செயல்படுகின்றனர். அவர்களது, எழுத்துகள்-பேச்சுகள் தான் இந்துவிரோதிகளுக்கு தீனி போட்டுக் கொண்டிருக்கின்றன. எழுத்தாளர், இலக்கியம், புத்தக வெளியீடு போன்ற முகமூடிகளில் ஒன்று சேர்கின்றனர், கொள்ளை அடிக்கின்றனர். விளம்பரத்திற்கு புகார் கொடுக்கும் இயக்கங்கள் பிறகு அமைதியாகி விடும். வைரமுத்து, கமல் போன்றோர் மீது கொடுத்த புகார்கள் என்னவாகின? வழக்கை சந்தித்தார்களா, இல்லை இந்துத்துவவாதிகள், தொடர்ந்து நடத்தினார்களா?

© வேதபிரகாஷ்

02-04-2019

stalin-on-anti-hindu-stance-24-09-2018

[1] தினமலர், அவ்வளவு பலவீனமானதா ஸ்டாலினின் பகுத்தறிவு?, Updated : மார் 25, 2019 06:40 | Added : மார் 25, 2019 06:38

[2] https://www.dinamalar.com/news_detail.asp?id=2240922

[3] தினமலர், அவ்வளவு பலவீனமானதா ஸ்டாலினின் பகுத்தறிவு?, Updated : மார் 25, 2019 06:40 | Added : மார் 25, 2019 06:38

[4] https://www.dinamalar.com/news_detail.asp?id=2240922

[5] தினமலர், அவ்வளவு பலவீனமானதா ஸ்டாலினின் பகுத்தறிவு?, Updated : மார் 25, 2019 06:40 | Added : மார் 25, 2019 06:38.

[6] https://www.dinamalar.com/news_detail.asp?id=2240922