Archive for the ‘ராதாகிருஷ்ணன்’ Category

கடவுள் கிருஷ்ணரை ஈவ்டீசிங்கில் கைது செய்ய வேண்டும் – வீரமணியின் சித்தாந்த பேச்சும், காங்கிரஸ் ஆதரவு மேடை பேச்சும்! [1]

ஏப்ரல் 6, 2019

கடவுள் கிருஷ்ணரை ஈவ்டீசிங்கில் கைது செய்ய வேண்டும்வீரமணியின் சித்தாந்த பேச்சும், காங்கிரஸ் ஆதரவு மேடை பேச்சும்! [1]

DK - Krishna issue-Stalin
கடவுள் கிருஷ்ணரை ஈவ்டீசிங்கில் கைது செய்ய வேண்டும்: இந்து கடவுள்கள் மற்றும் வழக்கங்களை கீழ்த்தரமாக விமர்சனம் செய்யும் மற்றும் திருவள்ளூரில் நடந்த தேர்தல் பிரச்சாரக் கூட்டத்தில் பங்கேற்ற கி.வீரமணி, சமீபத்தில் கடவுள் கிருஷ்ணரை ஈவ்டீசிங்கில் கைது செய்ய வேண்டும் எனவும், கடவுள் குற்றவாளி எனவும் பேசியிருந்தார். இது இந்துக்களிடையே பெரும் கொதிப்பை ஏற்படுத்தியுள்ளது[1].  “ஈவ்டீசிங் கேசுல முதலில் புக் பண்ணவேண்டிய ஒரு ஆள்னா அது இந்த கிருஷ்ணனைத் தவிர, கிருஷ்ண அவதாரத்தைத்தவிர வேறு யாருயா? பொள்ளாச்சிகாரனுக்கே அவன்தான்யா முன்னோடி. பொள்ளாச்சிகாரன் ஃபோட்டோ எடுத்தான்னு சொல்றாங்க. ஒருவேளை வீடியோ கிருஷ்ணன் கையில கிடைச்சிருந்தா அதை அவன் வீடியோ எடுத்து எல்லா தேவர்களுக்கும் போட்டுக்காட்டியிருப்பான். தாய்மார்கள் மன்னிக்கணும், இந்த புராணம் பற்றிய விஷயங்களை பேசும்போது எனக்கே சங்கடமாக இருக்கு. அறுவை சிகிச்சைக்கு சென்றபிறகு உடையை கலட்டாமல் அறுவை சிகிச்சை செய்யுங்கள் எனக்கூறினால் எப்படி பண்ணமுடியும். அதுபோல் உண்மையை அதன் நிர்வாணத்தன்மை என சொல்லக்கூடிய அளவில் ஆராயவேண்டும்” நக்கீரன் இவ்வாறு வெளியிட்டுள்ளது[2].

DK and HM clash in Veeramani meeting-Tamil news cutting

இதனால் ஆத்திரமடைந்த இந்து முன்னணியினர் அவருக்கு எதிராக போராட்டங்களை நடத்தி வருகின்றனர். இந்நிலையில் திருச்சி காந்தி மார்க்கெட்டையடுத்த தாராநல்லூர்  கீரைக்கொல்லையில் நடந்த தி.க., தேர்தல் பிரச்சார கூட்டத்தில், கிருஷ்ணர் குறித்து தவறாக பேசியதை கண்டித்து, இந்து முன்னணி கட்சியினர் கல்வீசி தாக்குதல் நடத்தினர். அப்போது ஏற்பட்ட களேபரத்தில் இரண்ட திக தொண்டர்களின் மண்டை உடைந்தது. இதனால் அங்கு பெரும் பரபரப்பு ஏற்பட்டது[3]. தமிழ் ஊடகங்கள் ஒருதலைப் பட்சமாக செய்திகளை வெளியிட்டாலும், அத்தகைய நிகழ்வு எப்படி, ஏன், எவ்வாறு ஏற்பட்டது என்பதனை விசாரித்து எழுதி இருக்க வேண்டும். யாரும், அத்தகைய காரியங்களில் இறங்க மாட்டார் என்பது  தெரிந்த விசயம்.

DK Veeramani hate speech 23-03-2019-1

திக-திமுகவினரின் நாத்திகம் செக்யூலரிஸமாக இல்லை, ஆனால், கம்யூனலாக இருந்து வருகின்றது: திக-திமுக தலைவர்களே கடந்த 70 ஆண்டுகளாக, இந்துமதம், நம்பிக்கைகள், சடங்குகள், விழாக்கள், பண்டிகைகள் என எல்லாவற்றையும் விமர்சித்து வருவதோடு, ஆபாசமாகவும், அசிங்கமாகவும், தூஷ்ணமாகவும் பேசி-எழுதி வருகின்றனர். முன்பு, ஏதோ பிட் நோட்டீஸ், குறும்புத்தகம் என்று வந்த போது, பெரும்பாலோருக்குத் தெரியாமலே இருந்தது. ஆனால், இப்பொழுது அச்சு மற்றும் மின்னணு  ஊடகங்ளில் வரும் போது, லட்சக்கணக்கில், உலகம் முழுவதும் கவனிக்கும் வகையில், இத்தகைய செய்திகள் பரவுகின்றன. அப்பொழுது, இவர்களது பாரபட்சம் மிக்க, ஒருதலைப்பட்சமான, சார்புடைய சித்தாந்தம், மனப்பாங்கு, முதலியவை வெளிப்படுகின்றன. செக்யூலரிஸம்-சமதர்மம் என்று இருந்தாலும், அவர்களின் போலித் தனம், நடுநிலைமை அற்ற குணாதிசயம், முதலியவையும் வெளிப்படுகின்றன. இந்து அல்லாத மதங்களைப் பற்றி விமர்சிப்பதே கிடையாது, மாறாக, அவர்களது பண்டிக்கைகளுக்கு வாழ்த்து சொல்லிக் கொண்டும். விழாக்களில் கலந்து கொண்டு பாராட்டியும் செய்து வருகின்றன. அத்துடன் நில்லாமல், அதே நிகழ்ச்ச்களில் இந்துமதம், நம்பிக்கைகள், சடங்குகள், விழாக்கள், பண்டிகைகள் முதலியவற்றை கிண்டலடித்து தூஷித்து வருகின்றனர். இவற்றையெல்லாம் இன்றைக்கு கவனித்து வருகின்றனர்.

DK veeramani canvassed for Tiruavukkarasu, Congress

திருநாவுக்கரசரை ஆதரித்து திக மேடை பேச்சு: இந்நிலையில் திராவிடர் கழகத் தலைவர் வீரமணி, திருச்சி தொகுதியில் போட்டியிடும் காங்கிரஸ் வேட்பாளர் திருநாவுக்கரசரை ஆதரித்து நடந்த பிரச்சாரக் கூட்டத்தில் பங்கற்க 04-04-2019 அன்று இரவு 8 மணியளவில் வந்திருந்தார். காங்கிரஸ் கட்சியின் இரண்டாம் கட்ட தலைவர்கள் பிரச்சார மேடையில் பேசிக் கொண்டிருந்தனர். அப்போது கூட்டத்தில் இருந்து இந்து முன்னணியைச் சேர்ந்தவர்கள் திடீரென மேடையை நோக்கி செருப்புகளை வீசியுள்ளனர்[4]. அதை எதிர்பார்க்காத தி.க நிர்வாகிகள் நாற்காலிகளை வீசினர்[5]. கூட்டத்தில் மர்மநபர்கள் டியூப் லைட்டுகளை உடைத்தனர். மேலும், தக்குதலில் தி.க. கட்சிக்காரர்களை இந்து முன்னணி நிர்வாகிகள், வளைத்துத் தாக்குதல் நடத்தினர்[6].

DK - HM clash DM

திருநாவுகரசு, திருநாவுகரசன், பதிலாக திருநாவுக்கரசர் ஏன்?: திருநாவுக்கரசர் என்று பெயர் வைத்துக் கொண்டதிலிருந்தே, திருநாவுகரசு, திருநாவுகரசன், என்று வைத்துக் கொள்ள விரும்பவில்லை என்று தெரிகிறது. அதாவது மனிதனுக்கே அந்த அளவுக்கு மரியாதை எத்ர்பார்க்கு, மமதை, ஆணவம் எல்லாம் இருக்கிறது. மேலும், முன்னர், இவர் பிஜேபியில் இருந்தவர். அந்த அழகில், வீரமணி, இவருக்கு ஆதரவு தெரிவித்து, பேச வேண்டிய அவசியம் என்ன என்ன தெரியவில்லை. பிறகு, இவரும், அத்தகைய, இந்துவிரோத நாத்திகத்திற்கு ஒத்துப் போகிறார் என்றாகிறது. இல்லையென்றால், தனிப்பட்ட முறையில், “என்ன வீரமணி, இப்படி எல்லாம் பேசவது, எழுதுவது எல்லாம் தேவையா, இது செக்யூலரிஸம் ஆகாதே என்று கேட்டிருக்கலாம்,” ஆனால், கேட்கவில்லை என்றே ஆகிறது.

DK and Hidu Munnani clash in Veeramani meeting-DM

இந்துமுன்னணி, திகவினர் மோதல்: அப்போது நடந்த வன்முறையில் திராவிடர் கழகத்தைச் சேர்ந்த தொண்டர்கள் இரண்டு பேர் தாக்கப்பட்டனர்[7]. அவர்கள் இருவருக்கும் மண்டை உடைந்தது. மேலும் காங்கிரஸ் பிரச்சாரக் கூட்டதுக்கு கட்டப்பட்டிருந்த மின்விளக்குகளும் அடித்து நொறுக்கப்பட்டன[8]. இதனால் காங்கிரஸ் பிரச்சாரக்கூட்டம் நடைபெறும் இடம் அருகே பதற்றமான சூழல் காணப்பட்டது[9]. இதனால் அசம்பாவிதத்தை தடுக்க அங்கு ஏராளமான போலீசார் குவிக்கப்பட்டனர்.ரத்தம் சொட்டிய நிலையில் அவர்களை அங்கிருந்து அப்புறப்படுத்திய போலீஸார், தாக்குதல் நடத்திய இந்து முன்னணி மாநகர நிர்வாகி மணிகண்டன், போத்தராஜ் உள்ளிட்ட 12 பேரை கைது செய்து, திருச்சி கோட்டை காவல்நிலையத்துக்கு அழைத்துச் சென்று விசாரணை நடத்தினர். பொதுக்கூட்ட மேடைக்கு வந்த கி.வீரமணி பொதுக்கூட்டத்தில் பேசிவிட்டு, முன்னாள் மேயர் அன்பழகன் சகிதமாக தனித்தனி கார்களில் கிளம்பியபோது மேலும் சில இந்து முன்னணி அமைப்பு நிர்வாகிகள் வீரமணியின் கார் மீது தாக்குதல் நடத்தியதாகக் கூறப்படுகிறது[10]. இந்தத் தாக்குதல் சம்பவத்தில் தி.கவைச் சேர்ந்த குணசேகரன் உள்ளிட்ட இருவருக்குக் காயம் ஏற்பட்டது. அதையடுத்து திராவிடர் கழகத்தினர் இதுகுறித்து காந்தி மார்க்கெட் காவல்நிலையத்தில் புகார் செய்ததுடன், கி.வீரமணியைப் பாதுகாப்பாகப் பெரியார் மாளிகைக்கு அழைத்துச் சென்றனர்[11].

veeramani remarks - news today

இந்தியக் கம்யூனிஸ்ட் கட்சியின் மாநிலச் செயலாளர் இரா.முத்தரசன் கண்டனம் தெரிவித்தது: திராவிடர் கழகத் தலைவர் கி.வீரமணி பங்கேற்ற கூட்டத்தில் இந்து முன்னணியினர் தாக்குதல் நடத்திய சம்பவத்திற்கு, இந்தியக் கம்யூனிஸ்ட் கட்சி கண்டனம் தெரிவித்துள்ளது. இதுதொடர்பாக இந்தியக் கம்யூனிஸ்ட் கட்சியின் மாநிலச் செயலாளர் இரா.முத்தரசன் வெள்ளியன்று விடுத்துள்ள அறிக்கையில் கூறப்பட்டுள்ளதாவது[12]: “திருச்சி நாடாளுமன்ற தொகுதியில் போட்டியிடும் காங்கிரஸ் வேட்பாளர் திருநாவுக்கரசரை ஆதரித்து, திருச்சி தாராநல்லூர் கீரைக்கடை பஜார் அருகே 04.04.2019 அன்று மாலை திராவிடர் கழகம் சார்பில் பொதுக்கூட்டம் நடைபெற்றது. இதில் கலந்து கொண்டு தி..தலைவர் ஆசிரியர்.கி.வீரமணி அவர்கள் சிறப்புரையாற்றினார். இக்கூட்டத்தில் திடீரென்று புகுந்த இந்து முன்னணி அமைப்பினர், பொதுக்கூட்ட மேடை நோக்கி கற்களை வீசி தாக்குதல் நடத்தியுள்ளனர். இதில் தி..வை சேர்ந்த ஒருவரது மண்டை உடைந்து ரத்தம் கொட்டியுள்ளது. மேலும், பொதுக்கூட்டத்தை முடித்து விட்டு திரு.கி.வீரமணி அவர்கள் வேனில் சென்று கொண்டிருக்கும் போது, அதே பகுதியில் உள்ள .பி ரோட்டில் வேனை மறித்து இந்து முன்னணியினர் கலகம் செய்துள்ளனர். ஏற்கனவே, “தினமலர்நாளிதழில் அவரை தாக்க வேண்டும் என, கேள்விபதில் பாணியில் செய்தி வந்தபோதே, இந்தியக் கம்யூனிஸ்ட் கட்சி அவரது உயிருக்கு ஆபத்து உள்ளது எனவும், தமிழக அரசு தகுந்த நடவடிக்கை எடுத்து பாதுகாப்பு வழங்க வேண்டும் எனவும், கோரியிருந்தது. தற்போது இந்து முன்னணியினர் பொதுக்கூட்ட மேடைக்கே சென்று தாக்கியுள்ளனர். இதன் பிறகும் அவருக்கு காவல்துறை போதிய பாதுகாப்பு அளிக்காததால், வேனில் திரும்பும் போதும் தாக்க முற்பட்டுள்ளனர். தி..தலைவர் ஆசிரியர் கி.வீரமணி அவர்கள் தமிழகத்தின் மூத்த தலைவர் ஆவார். இவர்மீது இந்துத்துவ அமைப்புகள் கொலை நோக்கோடு தொடர்ந்து தாக்குதல் நடத்துவதை இனிமேலும் மதச்சார்பற்ற முற்போக்கு சக்திகள் அனுமதிக்காது என இந்தியக் கம்யூனிஸ்ட் கட்சி எச்சரிக்கின்றது. மேலும் திரு.கி.வீரமணி அவர்கள் மீதான தொடர் தாக்குதலுக்கு பிறகும், போதிய பாதுகாப்பு வழங்காமல் உள்ள தமிழக அரசை இந்தியக் கம்யூனிஸ்ட் கட்சியின் தமிழ்நாடு மாநில செயற்குழு  வன்மையாக கண்டிக்கின்றது. தமிழக அரசு உடனடியாக தி..தலைவர் திரு.கி.வீரமணி அவர்களுக்கு தகுந்த பாதுகாப்பை வழங்க வேண்டும் என வலியுறுத்துகின்றது. அவரது உயிருக்கு ஆபத்து ஏற்படுமெனில்தமிழக அரசே பொறுப்புஎன இந்தியக் கம்யூனிஸ்ட் கட்சி எச்சரிக்கின்றது”, இவ்வாறு அந்த அறிக்கையில் தெரிவிக்கப்பட்டுள்ளது[13].

© வேதபிரகாஷ்

06-04-2019

DK meeting 23-03-2019-2

[1] தினமலர், திருச்சி: தி.., கட்சியினர் மீது தாக்குதல், Added : ஏப் 04, 2019 22:28

[2] https://www.nakkheeran.in/special-articles/special-article/k-veeramani-about-krishna-dmk-president-stalin-reply

[3] https://www.dinamalar.com/news_detail.asp?id=2248617

[4] நியூஸ்.7.டிவி, இந்து முன்னணியினருக்கும், திராவிடர் கழகத்தினருக்கும் இடையே கடும் மோதல்!, April 05, 2019, Posted By : Shanmugapriya

[5] http://ns7.tv/ta/955j75

[6] நியூ.ஏசியா.நியூஸ், வீரமணியை ஓட ஓட விரட்டிய இந்து முன்னணியினர் ! காலணி வீசி கலவரம் ! 2 பேர் மண்டை உடைப்பு !!, By Selvanayagam P, First Published 4, Apr 2019, 10:35 PM IST

[7] https://tamil.asianetnews.com/politics/veeramani-meeting-stone-belt-ppg4sm

[8] தமிழ்.ஒன்.இந்தியா, வீரமணி பங்கேற்ற பிரச்சார கூட்டத்தில் செருப்பு வீச்சு! தி..வினர் 2 பேரின் மண்டை உடைப்பு, By Velmurugan P | Published: Thursday, April 4, 2019, 21:32 [IST]

[9] https://tamil.oneindia.com/news/trichirappalli/dravidar-kazhagam-members-attacked-by-hindu-munnani-in-trichy-345948.html

[10] விகடன், திருச்சியில் கி.வீரமணி கூட்டத்தில் செருப்பு வீச்சு, தாக்குதல்இந்து முன்னணி நிர்வாகிகள் கைது!, சி.ய.ஆனந்தகுமார் சி.ய.ஆனந்தகுமார், வெளியிடப்பட்ட நேரம்: 10:45 (05/04/2019) கடைசி தொடர்பு:10:45 (05/04/2019)

[11] https://www.vikatan.com/news/tamilnadu/154207-hindu-munnani-movement-leaders-attacked-on-dmk-election-campaign-meeting-at-trichy.html

[12] தினமணி, கி.வீரமணி பங்கேற்ற கூட்டத்தில் இந்து முன்னணியினர் தாக்குதல்: இந்தியக் கம்யூனிஸ்ட் கட்சி கண்டனம், By DIN | Published on : 05th April 2019 03:04 PM

[13] https://www.dinamani.com/tamilnadu/2019/apr/05/cpi-condemns-attack-over-kveeramani-meting-held-in-trichy-3127748.html

இந்துவிரோத திக-திமுகவினரின் ஶ்ரீகிருஷ்ண தூஷணமும், மதசார்பற்ற முகமூடியில் இந்து துரோகிகள் உலாவருவதும்- இது தேர்தல் நேரம்! [1]

ஏப்ரல் 2, 2019

இந்துவிரோத திகதிமுகவினரின் ஶ்ரீகிருஷ்ண தூஷணமும், மதசார்பற்ற முகமூடியில் இந்து துரோகிகள் உலாவருவதும்இது தேர்தல் நேரம்! [1]

DK Veeramani hate speech 23-03-2019-1

வீரமணி ஶ்ரீகிருஷ்ணரைப் பற்றி பேசியது என்ன? (23-03-2019)[1]: 23.3.2019 மாலை சென்னை பெரியார் திடலில் திராவிடர் கழகத்தின் சார்பில் நடத்தப்பட்ட அவசர சிறப்புக் கூடத்தில் வீராணி பேசியது[2], “……… எடுத்துக்காட்டாகக் கிருஷ்ணன் என்ற கடவுளை எடுத்துக் கொள்ளலாம். குளிக்கும் பெண்களின் ஆடை களைத் திருடிச் சென்று அவர்களை நிர்வாணமாக இரசித்த கயவாளிதானே இந்தக் கிருஷ்ணன்! வெட்கமில்லாமல் இந்தக் கேடு கெட்ட இந்தக் காட்சியை கண்ணாடி சட்டம் போட்டு அப்பொழுதெல்லாம் வீட்டிலும் மாட்டி வைத்துப் பூசை செய்ததுண்டே! இத்தகைய கடவுளைக் கும்பிடுபவன், நம்புபவன் எப்படி ஒழுக்கவானாக இருக்க முடியும்? ஈவ் டீசிங் என்ற பிரிவின்கீழ் கைது செய்யப்பட வேண்டிய ஒரு குற்றவாளி உண்டு என்று சொன்னால், அவன் இந்தப் பகவான்கிருஷ்ணனாகவேதான் …ஒழுக்கமுள்ள, யோக்கியமுள்ள ஒரு கடவுளைக் கூடக் கற்பிக்க முடியாத ஒரு மதம்தான் இந்து மதம் என்பதை மறுக்க முடியுமா? இந்த ஒழுக்கம் கெட்டவனையும் கடவுளாகக் கும்பிடும் கூட்டம் யோக்கியமானதாம்இந்த ஒழுக்கக் கேட்டை வெட்ட வெளிச்சத்துக்குக் கொண்டு வந்து காட்டி, மக்களை நல்வழிக்குக் கொண்டுவரப் பாடுபட்ட தந்தை பெரியாரால்தான் ஒழுக்கம் கெட்டுவிட்டதாம்!…….” இப்படி உளறிக் கொட்டி வருவது அந்த ஆளின் மடத்தனம் என்று தான் சொல்ல வேண்டும். நான்கு சுவர்களுக்கு மத்தியில், தன்னுடைய கூட்டத்டை வைத்துக் கொண்டு, இவ்வாறு பேடித் தனமாகப் பிதற்றி வருவது அவர்களது தொழிலாக உள்ளது.

DK Veeramani hate speech 23-03-2019-2

வீரமணியின் மீது புகார் (31-03-2019): இந்து கடவுளைப் பற்றி அவதூறாகப் பேசிய திராவிட கழகத் தலைவர் கி.வீரமணி மீது நடவடிக்கை எடுக்கக் கோரி இந்து அமைப்பினர் ராமநாதபுரம் மாவட்டக் காவல் கண்காணிப்பாளரிடம் 31-03-2919, ஞாயிற்றுக்கிழமை புகார் மனு அளித்தனர்[3].சென்னையில் கடந்த 23 ஆம் தேதி நடைபெற்ற பிரசாரக் கூட்டத்தில் திமுக மற்றும் அதன் கூட்டணி கட்சிகளை ஆதரித்து திராவிட கழகத் தலைவர் கி.வீரமணி பேசினார். அப்போது இந்து கடவுள் கிருஷ்ணரின் அவதாரத்தையும், பொள்ளாச்சி பாலியல் விவகாரத்தையும் தொடர்புபடுத்தி அவர் இழிவாகப் பேசியதாகக் கூறப்படுகிறது. இதனைக் கண்டித்து ராமநாதபுரம் மாவட்ட இந்து அமைப்பினர் கி.வீரமணியை கைது செய்யக் கோரி புகார் மனு அளித்துள்ளனர். இதுகுறித்து அவர்கள் அளித்த மனுவில் தெரிவித்திருப்பதாவது: பக்தி என்பது தனிநபரின் நம்பிக்கை, அந்த நம்பிக்கையை கொச்சைப்படுத்தும் வகையில் வீரமணி பேசியுள்ளார். இது இருதரப்பினரிடையே மோதலை ஏற்படுத்தும் நோக்கத்துடன் பேசியுள்ளதாக தெரிகிறது. மேலும் அவரது பேச்சு மத நம்பிக்கையை கொச்சைப்படுத்தும் வகையில் உள்ளது. எனவே அவர் மீது நடவடிக்கை எடுக்க வேண்டும் என அதில் குறிப்பிடப்பட்டுள்ளது[4].

DK Veeramani hate speech 23-03-2019-3

திருநீறு பூசியே ஏமாற்றி விடுவோம் சாத்தூர் ராமச்சந்திரன் சர்ச்சை (27-03-2019): ராஜபாளையத்தில் அவர் பேசியதாவது[5]: “18 சட்டசபை தொகுதியில் தி.மு.., வெற்றி பெற்று, ஸ்டாலின் முதல்வராக பதவியேற்பார். பின் விவசாய கடன், கல்வி கடன் தள்ளுபடி செய்யப்படும். கூட்டுறவு துறை உள்ளிட்ட அனைத்திலும் .தி.மு.., வினர் கொள்ளை அடித்து வருகின்றனர். தி.மு.., கூட்டணியில் உள்ள இந்துக்களை விட சிறுபான்மையாக உள்ள கிறிஸ்தவர்கள், முஸ்லிம்களுக்கு தான் மோடியை விரட்டும் பொறுப்பு அதிகம் உள்ளது. நாங்கள் திருநீறு பூசியே இந்துக்களை ஏமாற்றி விடுவோம். மோடியை விரட்ட இப்படிதான் வேஷம் அணிந்து செயல்பட வேண்டும்,” என்றார். இந்துக்களை ஏமாளிகள் போல் பேசியுள்ளது சர்ச்சையை கிளப்பியுள்ளது[6]. அதாவது, இந்துக்கள் அந்த அளவிற்கு ஏமாளிகள் என்பது போல பேசியிருக்கிறார். இப்பொழுது கூட, விபூதி வைத்த யாருக்கும் கோபம் வரவில்லை போலும்!

DK Veeramani hate speech 24-03-2019

ஓட்டு வங்கி என்ற ரீதியில் செய்திகள் வெளியிடப் படுவது: ஹிந்து மதக் கடவுள் கிருஷ்ணர் குறித்து, திராவிடர் கழக தலைவர் வீரமணி, தரக்குறைவாக விமர்சித்த வீடியோ, வேகமாக பரவி வருகிறது. இந்த வீடியோ, தங்களின் ஓட்டு வங்கியை பாதித்து, ஹிந்துக்களின் ஓட்டுக்கள் கிடைக்காமல் செய்து, அ.தி.மு.க.,வின் வெற்றிக்கு சாதகமாகி விடுமோ என, தி.மு.க., மற்றும் கூட்டணி கட்சிகளின் நிர்வாகிகள் கடும் அதிர்ச்சி அடைந்துள்ளனர். நிலைமையை சமாளிக்க, வீரமணி பேச்சுக்கு, ஸ்டாலின் கண்டனம் தெரிவிக்க வேண்டும் என, தி.மு.க., மாவட்ட செயலர்கள், போர்க்கொடி உயர்த்தி உள்ளனர். தமிழகத்தில், அ.தி.மு.க., மற்றும், தி.மு.க., கூட்டணிகள் இடையே, நேரடி போட்டி நிலவுகிறது. 2014 லோக்சபா தேர்தலில், ஒரு தொகுதியில் கூட வெற்றி பெறாத தி.மு.க., இந்த முறை, அதிக தொகுதிகளை கைப்பற்ற வேண்டும் என்ற, துடிப்புடன் தேர்தல் பணியாற்றி வருகிறது. இம்முறை, எப்படியும் வெற்றி கிடைக்கும் என்ற நம்பிக்கையில், தி.மு.க.,வின் முக்கிய நிர்வாகிகளான, துரைமுருகன், பொன்முடி போன்றோர், தங்கள் வாரிசுகளையும் களம் இறக்கி உள்ளனர். அனைவரும் பணத்தை வாரி இறைத்து, வெற்றிக்கு கடுமையாக பிரசாரம் செய்து வருகின்றனர்.

DK meeting 23-03-2019-2

இந்துமதத்தைத் தூஷிக்கும் பரம்பரை: கருணாநிதி இருக்கும் வரை, இந்துமதத்தைத் தூஷித்துக் கொண்டுதான் இருந்தார். அபானின் பிள்ளை என்ற விதத்தில் யதப்பாமல் அதனை ஸ்டாலின் மற்றும் கனிமொழி செய்டு வருகின்றனர். திருப்பதி பெருமாளை கிண்டலடித்த கனிமொழி, அடக்கி வாசிக்கிறார். அவரது தாயார் ராஜாத்தி அம்மாள், திருச்செந்துார் முருகன் கோவிலுக்குசென்று, மகளின் வெற்றிக்காக சிறப்பு பூஜை செய்துள்ளார். இந்நிலையில், தி.மு.க.,விற்கு ஆதரவு அளிக்கும், வீரமணி, ஹிந்துக்கள் வணங்கும் தெய்வமான கிருஷ்ண பகவானை, பொள்ளாச்சி பாலியல் விவகாரத்துடன் இணைத்து பேசிய வீடியோ, சமூக வலைதளங்களில் வேகமாக பரவி வருகிறது. ஹிந்துக்களிடம், குறிப்பாக கிருஷ்ணரை வழிபடுவோரிடம், கடும் கொந்தளிப்பை ஏற்படுத்தி உள்ளது. வீடியோ என்று குறிப்பிடுவதால், இவர்கள் விடுதலையைப் படிக்கவில்லை என்று தெரிகிறது.

Media DC mischief on Brahmins

தமிழகத்தில் வீரமணியின் பேச்சு கண்டனத்திற்கு உண்டானது: சென்னை மட்டுமின்றி, தமிழகம் முழுவதும், கிருஷ்ணரை வழிபடும் ஹிந்து அமைப்பினர், தி.மு.க.,வுக்கு எதிராகவும், வீரமணிக்கு எதிராகவும், போராட்டங்களை துவக்கி உள்ளனர். எனவே, ‘வீரமணி பேச்சுக்கு, கண்டனம் தெரிவியுங்கள்; அவர் பேச தடை விதியுங்கள். கூட்டணியில் இருந்து அவரை ஓரங்கட்டுங்கள்’ என, ஸ்டாலினிடம், மாவட்ட செயலர்கள் மற்றும் முக்கிய நிர்வாகிகள், போர்க்கொடி உயர்த்தி உள்ளனர்[7]. தி.மு.க.,வினர் மத்தியில் மட்டுமின்றி, கூட்டணி கட்சியினர் மத்தியிலும், கடும் எதிர்ப்பு கிளம்பி உள்ளதால், ஸ்டாலின் செய்வதறியாமல் தவித்து வருவதாக கூறப்படுகிறது. ‘தன் தந்தை காலத்தில் இருந்து, தி.மு.க.,வுடன் நட்பு பாராட்டும் வீரமணியை, எப்படி எடுத்தெறிந்து பேச முடியும்’ என்ற, தர்ம சங்கடமான நிலை, அவருக்கு ஏற்பட்டுள்ளது. இருப்பினும், இது தேர்தல் நேரம் என்பதால், ஸ்டாலின் தயக்கமின்றி, முக்கிய முடிவை எடுப்பார் என, அவரது கட்சியினர் நம்பிக்கை தெரிவித்துள்ளனர்[8].

© வேதபிரகாஷ்

02-04-2019

June 2018, SriRangam temple, Stalin, priest apply paste-Stalin removed

[1] விடுதலை, பொள்ளாச்சிஓர் எச்சரிக்கைஒழுக்கத்தை ஓம்பிய பெரியார் எங்கே, ஒழுக்கக்கேடன் கிருஷ்ண பக்தர்கள் கூட்டம் எங்கே?, 24-03-2019

[2] https://www.viduthalai.in/page1/178638.html

[3] தினமணி, கி.வீரமணி மீது நடவடிக்கை எடுக்கக் கோரி எஸ்.பி.யிடம் இந்து அமைப்பினர் மனு, By DIN | Published on : 01st April 2019 06:15 AM

[4] https://www.dinamani.com/all-editions/edition-madurai/ramanathapuram/2019/apr/01/%E0%AE%95%E0%AE%BF%E0%AE%B5%E0%AF%80%E0%AE%B0%E0%AE%AE%E0%AE%A3%E0%AE%BF-%E0%AE%AE%E0%AF%80%E0%AE%A4%E0%AF%81-%E0%AE%A8%E0%AE%9F%E0%AE%B5%E0%AE%9F%E0%AE%BF%E0%AE%95%E0%AF%8D%E0%AE%95%E0%AF%88-%E0%AE%8E%E0%AE%9F%E0%AF%81%E0%AE%95%E0%AF%8D%E0%AE%95%E0%AE%95%E0%AF%8D-%E0%AE%95%E0%AF%8B%E0%AE%B0%E0%AE%BF%E0%AE%8E%E0%AE%B8%E0%AF%8D%E0%AE%AA%E0%AE%BF%E0%AE%AF%E0%AE%BF%E0%AE%9F%E0%AE%AE%E0%AF%8D-%E0%AE%87%E0%AE%A8%E0%AF%8D%E0%AE%A4%E0%AF%81-%E0%AE%85%E0%AE%AE%E0%AF%88%E0%AE%AA%E0%AF%8D%E0%AE%AA%E0%AE%BF%E0%AE%A9%E0%AE%B0%E0%AF%8D-%E0%AE%AE%E0%AE%A9%E0%AF%81-3124739.html

[5] தினமலர், திருநீறு பூசியே ஏமாற்றி விடுவோம் சாத்தூர் ராமச்சந்திரன் சர்ச்சை, Added : மார் 27, 2019 23:14

[6] https://www.dinamalar.com/news_detail.asp?id=2242814

[7] தினமலர், அம்போ? தி.மு..,வுக்கு ஹிந்துக்கள் ஓட்டு கிடைக்காது? கிருஷ்ணர் பற்றி வீரமணி அவதூறால் சிக்கல், பதிவு செய்த நாள் : மார்ச் 30,2019,20:03 IST

[8] https://www.dinamalar.com/news_detail.asp?id=2244948

ஶ்ரீகிருஷ்ண தூஷணம் இடைகாலத்தில் ஜைன-பௌத்தர்களால் வளர்க்கப்பட்டது ஏன்? பக்தி மார்க்கம் அதனைக் கட்டுப்படுத்தியது எப்படி? – நிர்வாணம்-நிரியாணம் அவர்களை வெளிப்படுத்துகிறது [4]

செப்ரெம்பர் 7, 2018

ஶ்ரீகிருஷ்ண தூஷணம் இடைகாலத்தில் ஜைன-பௌத்தர்களால் வளர்க்கப்பட்டது ஏன்? பக்தி மார்க்கம் அதனைக் கட்டுப்படுத்தியது எப்படி? – நிர்வாணம்-நிரியாணம் அவர்களை வெளிப்படுத்துகிறது [4]

Imitating Krishna-child by Buddha and Mahavira

நிர்வாணமும் நாத்திக மதங்களும், இந்துவிரோத நாத்திகமும்: ஜைனமும்-பௌத்தமும் தம்மை நாத்திக மதங்களாகப் பிரகடனப் படுத்திக் கொண்டன. ஜைனம் நிர்வாணத்தைப் பின்பற்றியது. இன்றும் திகம்பர சைன சந்நியசிகள் நிர்வாணமாகவே உலா வருகிறார்கள். ஆயிரம்-லட்சக்கணக்கான மக்கள் முன்பாக வந்து, அமர்ந்து, சொற்பொழிவாற்றுகின்றனர். பகுத்தறிவுவாதிகள், இந்துவிரோதிகள் இதனையும் எடுத்துக் காட்டி விம்ர்சனம் செய்து வருகின்றனர். புத்தர் “நிர்வாணம்” அடைந்தார் என்கின்றனர், ஆனால், அப்படி என்ன “நிர்வாணத்தை”  அடைந்தார் என்பதை சொல்வதில்லை. எல்லாவற்றையும் துறந்தார் என்றால், ஆடையை அணிந்து கொண்டுதான் இருந்தார், நன்றாக சாப்பிட்டார், பன்றுகறி சாப்பிட்டு 81 வயதில் ரத்தப்பெருக்கு ஏற்பட்டு இறந்தார் என்று பௌத்தர்களே எழுதி வைத்துள்ளனர். ஆகவே, “நிர்வாணம்” என்பது இவ்விரு மதங்களில் இவ்வாறாக உள்ளது. வளைகுடா நாடுகளில் ஜைன நிர்வாணம், கிரேக்க மத நமொஇக்கையாளர்களிடம் இருந்தது. துலுக்க மதத்தில் கூட இருந்ததை, “ஹஜ்” உதாரணத்தில் எடுத்துக் காட்டியுள்ளேன்.

Imitating Krishna by Buddha and Mahavira

நிர்வாணமும், நிரியாணமும்: உண்மையில் “நிரியாணம்” என்றால் முடிவு, இறப்பு என்று பொருள். “நிரியாணம் அடைந்தார்” என்றால், இறந்தார் என்று பொருள். ஆனால், அதை சிறப்பிக்க, “நிர்வாணம்” அடைந்தார் என்று சொல்கின்றனர். ஆனால், திராவிட நாத்திகத்தில் அவ்வாறில்லை. ஈவேரா “நிர்வாண கிளப்பில்” உறுப்பினர் ஆனால், நிர்வாண போட்டோ எடுத்துக் கொண்டார் என்றெல்லாம் பீழ்த்திக் கொண்டாலும், அத்தகைய போட்டோவை வெளியிட தைரியமில்லை. அத்தகைய நிர்வாணத்தைப் பின்பற்ற அடிப்பொடிகளுக்கும், தடிகளுக்கும், பிஞ்சுசுகளுக்கும், குஞ்சுகளுக்கும், வெங்காயங்களுக்கும் வீரமில்லை. நாத்திக-பெரியரிஸ பெண்கள் தாலியறுக்கவும், தீச்சட்டி தூகுவதற்கும் “போஸ்” கொடுத்தார்கள். அதேபோல, தைரியமாக, இனமான திராவிடப் பெரியரைப் பின்பற்றி, நிர்வாணபுகைப்படத்திற்கு போஸ் கொடுத்து, புரட்சி செய்யவில்லை. நிரியாணம் அடைந்த திராவிட வீரர்கள், தலைவர்கள் பற்றியும் கவலைப்படவில்லை. ஆனால், ஐந்து வயது குழந்தையின் அம்மணம் இன்றும் அவர்களைப் பிடித்து ஆட்டுகிறது.

Imitating Krishna-Jeyamohan way of responding

சித்தாந்தவாதிகள், எழுத்தாளர்கள், கவிஞர்கள் முதலியோரின் பிரச்சினைகள்: “அதிகமாகப் படித்த” அம்பேத்கர் போன்றோரும் அரைகுறையாக படித்து, கிருஷ்ணர் நிர்வாண கதையைக் கொச்சைப் படுத்தினார். ஏனெனில், நிர்வாணம் எனும்போது, அவருக்கு அத்தகைய சரித்திரம் நிச்சயமாக தெரிந்திருக்க வேண்டும். ஆனால், ராமர்-கிருஷ்ணர்களை மட்டும் எடுத்துக் கொண்டு எழுதியிருப்பது, அவரது வக்கிரத்தைக் காட்டுகிறது. அதை வைத்தும், இந்து விரோதிகள் பிழைப்பு நடத்துகின்றனர்[1]. ஒரு ரசிகர் கேட்டதால், “கிருஷ்ணன் என்ற காமுகனை வழிபடலாமா?”, ஜெயமோகன் போன்றோர் அதிகமாக விவரித்தாலும், நேரிடையான பதிலை மறைத்து, நடுநிலைக்காரர் போன்று காட்டிக் கொள்வர்[2]. அத்தன்மையினை இவ்விசயத்திலும் காணலாம்[3]. இவர்களிடம் பிரச்சினை என்னவென்றால், இவர்களுக்கு சரித்திரம், காலம், முதலியவை தெரியாது, தேவையில்லை என்றும் வாதிடுவார்கள். அதனால், குறிப்பாக விசயத்திற்கு வராமல், சுற்றி வளைத்துக் கொண்டிருப்பர்.

Viduthalais blashphemous article against Krishna -13-08-2017

முடிவுரை: ஶ்ரீகிருஷ்ண எதிர்ப்பு பலகாலங்களில் எழுந்துள்ளன. சிசுபாலன் செய்த அவதூறை இங்கு விவைக்க வேண்டிய அவசியம் இல்லை. பவுண்டரகன் / பௌண்ட்ரக வாசுதேவன் என்பவன், கிருஷ்ணர் போலவே வேடமிட்டு எதிர்த்து வந்தான் என்று சில புராணங்களில் காணப்படுகின்றன. அவன் நான்தான் உண்மையான கிருஷ்ணர் என்று சொல்லிக் கொண்டு, ஶ்ரீகிருஷ்ணருக்கு செய்தி அனுப்பினானாம். போரில், ஶ்ரீகிருஷ்ணர், இந்த போலி பௌண்ட்ரக வாசுதேவனைக் கொன்றார் என்றுள்ளது.

  1. ஶ்ரீகிருஷ்ணர் அந்த அளவுக்கு பிரபலமான அரசராக இருந்தார் என்று தெரிகிறது. ஜைனர்-பௌத்தர்கள் தங்களது பிரச்சாரங்களில், இதனால் ஶ்ரீகிருஷ்ணரை எதிர்க்க வேண்டியதாயிற்று.
  2. ஶ்ரீகிருஷ்ணர், இந்துக்களை போராட சொல்கிறார். தனது வாழ்நாட்களிலும், அயோக்கியர்களை, சமூகவிரோதிகளை எதிர்த்துக் கொல்கிறார். ஆனால், ஶ்ரீகிருஷ்ணர், ஒரு மாடு மேய்க்கும், குலத்தைச் சேர்ந்தவர், கருப்பு-நீலநிறத்தவர், பிராமணர் அல்லாதவர்.
  3. அதனால் தான், துலுக்கரும் அவரது இடங்களைக் கைப்பற்றிக் கொண்டு, கோவில்களை இடித்தனர். ஆனால், பக்தி வளர்த்தவர்கள், ராதாராணி, ராதா சக்தி, குழந்தை தெய்வம் போன்ற தத்துவங்களை உண்டாக்கி அவர்களைக் கட்டுப்படுத்தினர்.
  4. ஐரோப்பிய அறிஞர்களோ, ஶ்ரீகிருஷ்ணர் விவரங்கள், சரித்திர ஆதாரங்கள் முதலியவற்றைக் கண்டு திகைத்து விட்டனர்.
  5. இதனால், பலபுராணங்களை வைத்துக் கொண்டு, ஶ்ரீகிருஷ்ணர் ஒரு கட்டுக்கதை, உருவாக்கப் பட்ட பாத்திரம், என்றெல்லாம் எழுத ஆரம்பித்தனர்.
  6. சி.எப்.சி. வோல்னி “கிருஸ்தோஸ் / கிறைஸ்ட்” என்ற வார்த்தையே “கிருஷ்ண” என்றதிலிருந்து தான் பெறப்பட்டது என்று எடுத்துக் காட்டினார்.
  7. “எஸ்ஸென்ஸ்”, “நாஸ்டிக்ஸ்” போன்ற குழுவினர், ஜைனர்களைப் போலவே இருந்தது தெரிந்தது. கிரேக்கர்கள் நிர்வாணத்தைக் கடைபிடித்த போது [திகம்பரம்], இவர்கள் வெள்ளை ஆடைகள் உடுத்தியிருந்தனர் [ஸ்வேதம்பரம்]. கொல்லாமை, தாவர உணவு உண்ணுதல், பிரம்மச்சரியம் போன்றவற்றில் மிகக்கடுமையான கொள்கைகளில் பின்பற்றி வந்தனர். இதனால், கிருத்துவம் ஜைனத்திலிருந்து தோன்றியது என்று ஐரோப்பியரே எழுதினர்.
  8. புத்தர் ஜாதக கதைகள் மற்றும் அபோகிரபா கதைகளை வைத்து ஒப்பிட்டப் பார்த்தபோது, பலவித ஒற்றுமைகளைக் கண்டு பௌத்தத்திலிருந்து தான், கிருத்துவம் தோன்றியது என்று எழுதி வைத்தனர்.
  9. அதாவது, ஜைன-பௌத்த இடைசெருகல்கள் இதன் மூலமாகவும் அறியப்படுகிறது. ஏனெனில், இதையெல்லாம் படித்து, எதிர்த்தது ஶ்ரீகிருஷ்ணரைத் தான்!
  10. கிருத்துவ மிஷினர்களும் எதிர்த்தது தெரிந்த விசயம், பலமுறை எடுத்துக் கட்டப்பட்டுள்ளது. இப்பொழுது, நாத்திகர், இந்துவிரோத நாத்திகர், துலுக்கர், கிருத்துவர், பெரியாரிஸ அறிவுஜீவிகள், செக்யூலரிஸ இந்துத்துவவாதிகள், முதலியோரும் எதிர்க்கின்றனர். இதிலிருந்து, அவர்களது முகமூடி கிழிந்துள்ளது. இந்துக்கள் அவர்களை தாராளமாக அடையாளம்ம் கண்டுகொள்ளலாம்.

வேதபிரகாஷ்

08-09-2018

Radha krishna Malwa c.1620

[1] அம்பேத்கர் நூல் தொகுப்பு 8 – பின்னிணைப்பு 1 – இராமன், கிருஷ்ணன் பற்றிய புதிர் – பகுதி 4 https://www.vinavu.com/2014/11/27/riddles-of-rama-krishna-ambedkar-4/

[2] ஜெயமோகன், கிருஷ்ணன் என்ற காமுகனை வழிபடலாமா?, ஆகஸ்ட்.29, 2016.

[3] https://www.jeyamohan.in/90241 – .W48_MiQzZdg

ஶ்ரீகிருஷ்ண தூஷணம் இடைகாலத்தில் இடைச்செருகல்கள் மூலம் வளர்ந்தது ஏன்? பக்தி மார்க்கம் அதனைக் கட்டுப்படுத்தியது எப்படி? [3]

செப்ரெம்பர் 7, 2018

ஶ்ரீகிருஷ்ண தூஷணம் இடைகாலத்தில் இடைச்செருகல்கள் மூலம் வளர்ந்தது ஏன்? பக்தி மார்க்கம் அதனைக் கட்டுப்படுத்தியது எப்படி? [3]

Bhagawatam, Devi Bhagawatam

ஶ்ரீமத் பாகவதத்தில் இருப்பதும், இல்லாததும்: ஶ்ரீமத் பாகவதத்தில் “வஸ்த்ர ஹரன” பற்றிய விவரங்களை ஆய்வோம்.

  1. திருமணம் ஆகாத பெண்கள், தங்களுக்கு நல்ல கணவன் வேண்டி, ஹேமந்த ருதுவின் முதல் மாதத்தில் [கார்த்திகை], காத்தியாயனி தேவியை வணங்கி விரதம் மேற்கொள்வர் [ஶ்ரீமத் பாகவதம்.ஸ்கந்தம்.10, அத்தியாயம்.22-1].
  2. யமுனைநதிக் கரைக்கு, அதிகாலையில் சென்று, மண்ணால் தேவியின் உருவத்தை செய்து, சகல பூஜைகளையும் செய்து வணங்குவர் [2-4].
  3. ஒரு காலத்தில், கன்னிகள் நிர்வாணமாக வழிபாடு செய்தனர் போலும். அதனால், அத்தகைய முறையும் இருந்தது போலும். கிருஷ்ணர் அதனைத் தடுக்க முயற்சிக்கிறார். தொடர்ந்து வரும் வழிபாட்டு முறையை தடுப்பது பிரச்சினையை உண்டாக்கும், அதனால், கிருஷ்ணர் தந்திரமாக அதனைத் தடுக்க திட்டமிட்டார். ஆகவே, அவர்கள் சிரத்தையாக நிர்வாணமாக காத்தியாயனி பூஜை செய்து கொண்டிருந்த போது, ஆடைகளை கொண்டுவந்து, மரத்தின் மீது உட்கார்ந்து விட்டார் [8-9].
  4. நீராடி, கரைக்கு உடையணிய பார்த்த போது, உடைகள் இல்லை என்பதனை அறிந்தனர். அப்பொழுது தான், கிருஷ்ணர் எடுத்துச் சென்று விட்டார் என்று தெரிந்தது [14]. அப்பொழுது, கிருஷ்ணர் அவர்களுக்கு, அவரவர் உடைகளைக் கொடுத்து [21], இத்தகைய முறைகள் விடுத்து, சிரத்தையாக காத்தியாயனி விரதத்தைப் பின்பற்றுமாறு அறிவுருத்தினார் [27].
  5. தன்னை அர்ச்சனை செய்ததால் அவர்களது சங்கல்பத்தை அறிந்து கொண்டதாக கூறினார் [24-25].

மேலும் குறிப்பிட்ட சுலோகங்கள் எல்லா சுவடிகளிலும் காணப்படவில்லை என்று ஆராய்ச்சியாளர்கள் எடுத்துக் காட்டியுள்ளனர்[1]. மேலும், ஹோனியைப் பற்றிய விவரங்கள் சக்தி மற்றும் தந்த்ர வழிபாட்டைக் காட்டுகிறது. இது ஜைன-பௌத்த இடைச்செருகல்களைக் காட்டுகிறது.

Mystery in the disappearance of Chaitanya

ஶ்ரீசைத்தன்யரின் முடிவு பற்றிய மர்மம்: ஶ்ரீசைதன்யர் [1486-1534] இடைகாலத்தில் இத்தத்துவத்தை தனது கவித்துவத்தில் வெளிப்படுத்தினார். பக்தி மார்க்கத்தில் நுழைத்ததால், பாடல்கல் மூலம் துரிதமாக மக்களிடம் பரவியது. மேலும், கூட்டம் கூட்டமாக பக்தர்கள் சேர்ந்து பாடுவது, ஆடுவது, தெரு-தெருக்களாக, ஊர்-ஊர்களாக செல்வது, மக்களின் விழிப்புணர்வினை ஏற்படுத்தி, வளர்த்தது. துலுக்கர் தமது அடவடித் தனங்களை எல்லோர் முன்னால், அதாவது கூட்டத்தின் முன்னால் செய்ய முடியாமல் போயிற்று. இதனால், ஶ்ரீசைத்தன்யரின் நகர்வுகளைக் கட்டுப்படுத்த துலுக்க அரசாங்க திட்டமிட்டது. அவரை மடக்க, துலுக்கர் பக்தர்கள் போலவே, ஆடிப்பாடி அவரைச் சுற்றி வளைத்தனர் – அவரது முடிவு மர்மமாகத் தான் இருக்கிறது. ஶ்ரீ கிருஷ்ணருடன் ஐக்கியம் ஆனாரா, ஜீவசமாதியானரா, பக்தி-கடல் சமாதியில் மூழ்கினாரா…தெரியவில்லை!

Thirtankara painted as Krishna

சக்தி, கிருஷ்ணர், தீர்த்தங்கரர், புத்தர்யார் பெரியவர், கடவுள்: ஶ்ரீமத் பாகவதம் மற்றும் ஶ்ரீதேவி பாகவதம் என்ற இரண்டு நூல்களில், எது உண்மை-பொய், தொன்மையானது-தொன்மையற்றது, சாக்தமா-வைணவமா என்ற சண்டை-பிரச்சினை பக்தகளிடம் உள்ளது. இது சாக்த-விஷ்ணு பக்தர்களின் சண்டையைக் காட்டுகிறது. மேலும், பாகவத புராணத்தில் ஜைன-பௌத்த இடைச்செருகல்கள் மற்றும் தாக்கமும் இருக்கின்றன. ஐந்தாவது ஸ்கந்தத்தில் தீர்த்தங்கர்கள் பற்றிய கதைகள் சேர்க்கப்பட்டுள்ளன[2]. அதே போல புத்தரைப் புகழ்ந்ந்து போற்றுவதுடன், விஷ்ணுவின் அவதாரமாகவும் குறிப்பிடுகின்றது. இந்து புராணங்களில் இத்தகைய விவரங்கள் வரவேண்டிய அவசியம் இல்லை. ஶ்ரீமத் பாகவதம் மற்றும் ஶ்ரீதேவி பாகவதம் தனியாக இருக்கும் பட்சத்தில், ஜைன புராணம், பௌத்த புராணம் எனு கூட தனியாக எழுதி வைத்துக் கொள்ளலாம். ஆனால், இந்து புராணங்களில் காணப்படுவதால், இடைச்செருகல் என்று தாராளமாகவே புலப்படுகிறது.

Imitating Krishna, Buddha and Mahavira

புராணங்களில் எப்படி அதிகமான ஆபாசங்கள் புகுந்தன?[3]: இந்துப்புராணங்கள் திருத்தப்பட்ட நிலையில், கிருஷ்ணர் மட்டுமல்ல, மற்ற இந்துக்கடவுளர்களும் தூஷிக்கப்பட்டனர். அதாவது, சிவா, விஷ்ணு மற்ற புராணங்களிலும் அக்காலத்தில் இடைசெருகல்கள் செய்யப்பட்டன. 18 புராணங்கள் தவிர மற்ற புராணங்கள் உருவாக்கப்பட்டது, ஏற்கெனவே எடுத்துக் காட்டப் பட்டது. ஷட்மத ஒற்றுமை பேணப்பட்டு, ஒழுங்குப்படுத்தும் நிலை தாண்டிய பிறகு, ஜைனம்-பௌத்தம் தேய்ந்து, முகமதியம் வந்த பிறகு இத்தகைய பிறழ்சிகள் தோன்றின என்பது கவனிக்கத் தக்கது. முகமதியம் வளர்க்கப்பட்ட போது, இடைக்காலத்தில் தான் மறுபடியும் பௌத்த-ஜைனர்களால் புது திரிபுகள், பிறழ்சிகள், ஓவ்வாமைகள் உருவாக்கப்பட்டு, சேர்க்கப்பட்டன[4]. அக்பர் அவர்களுடன் உரையாடல் நடத்தினார் என்பதும் ஏற்கெனவே எடுத்துக் காட்டப் பட்டது. அதனால் தான், புராணங்களைப் படிக்கும் போது, சம்பந்தமே இல்லாத அத்தகைய கொக்கோக, ஆபசமான விவரங்கள் அங்கங்கு காணப்படுகின்றன. அதை வைத்துக் கொண்டுதான், இந்து-எதிரிகள், குறிப்பாக அடிப்படைவாத கிருத்துவர்கள், முஸ்லிம்கள், போலி நாத்திகர்கள், இக்கால செக்யூலரிஸ்டுகள் முதலியோர் அத்தகைய இடைசெருகல் விவரங்களை வைத்துக் கொண்டு கேலி செய்து வருகின்றனர். ஜைனர்கள் மற்றும் பௌத்தர்கள் செய்ததை, முகமதியர்கள் தங்களுக்கே உரித்தான பாணியில் இடைச்செருகல்கள் செய்தனர். ஆங்கிலேயர் ஆட்சிகாலத்தில், சரித்திரத்தன்மை மற்றும் காலத்தொன்மையினை குறைத்தல் என்ற திட்டத்தில் செயல்பட்டதால், அவர்களும் தங்களுடைய பாணியில் செயல்பட்டனர்.

Atheists exploiting Krishna etc

எதிர்மறைத்துவம், வில்லன்வில்லித்துவம், பொது மக்களால் விரும்பப் படுவதில்லை: இன்று கூட நாத்திகர், இந்துவிரோதிகள் தாம், இந்துகடவுளர்கள் போன்று சித்தரிக்கப் பட்டு “கட்-அவுட் / பேனர்” வைத்துக் கொள்கின்றனர். இந்துக்கள் யாரும் தமது நம்பிக்கை-எதிர்ப்பாளர்களுடன் சம்பந்தப் படுத்தி பார்க்கவோ, விரும்புவதோ இல்லை. இந்து நம்பிக்கையாளர்கள் யாரும், தாங்கள் ராவணன், கும்பகர்ணன், சகுனி, துரியோதனன், துச்சாதனன், என்றெல்லாம் பெயர்களை வைத்துக் கொள்வதில்லை. அதாவது, மனோதத்துவ ரீதியில் கவனித்தால் கூட அத்தகைய எதிர்மறை குணாதிசய பாத்திரங்களை பொது மக்கள் விரும்புவதில்லை என்று தெரிகிறது. அதே போல பெண்களும் கூனி, சூர்ப்பனகை, மண்டோதரி, போன்ற பெயர்களை வைத்துக் கொள்வதில்லை. அதாவது, சமூகத்தில் “நல்லது-கெட்டது” எது என்பது தெரிந்தே இருக்கிறது. இல்லையென்றால், சமூகத்தில் எந்த ஒழுக்கமோ, கட்டுப்பாடோ இருக்காது. இன்றைக்கு சட்டங்கள், நெறிமுறை அமூல்படுத்துவதில் உள்ள பிரச்சினைகள் அவற்றை நன்றாகவே எடுத்துக் காட்டுகின்றன.

Kopika vastra harana - Raja Ravi Varma- wrong interpretation-3

ஜைன-பௌத்த அரசாதிக்கம் இருந்த காலத்தில், இடைச்செருகல்கள், போலி புராணங்கள் உருவாகின: ஆகவே, ஜைன-பௌத்தர் சாக்த வழிபாட்டினை ஏற்றுக் கொண்டு, சமரசம் செய்து கொண்டதால், இக்குழுக்கள் கிருஷ்ணரை எதிர்ப்பது சுலபமாகி விட்டது. அவர்கள் [ஜைன-பௌத்தர்கள்] ஆட்சியாளர்கள் ஆதிக்கத்தில் இருந்தபோது, பாடசாலைகளும் அவர்கள் கைகளில் இருந்ததால், ஓலைச்சுவடிகளில் மாற்றங்களை செய்தனர். ராமாயணத்தை மாற்றி புது ராமாயணங்கள் உருவாக்கப் பட்டன. ஜைன-பௌத்த புராணங்கள் உருவாகின. இதனால், சுலோகங்களின் எண்ணிக்கை அதிகமானதுடன், இத்தகைய குழப்பங்களும் ஏற்பட்டன. பாகவத புராணத்தின் காலம் 4-6ம் நூற்றாண்டுகள் என்று குறிக்கப் படுகின்றன. ஆகவே, ஜைன-பௌத்தர் ஒரு பக்கம், சாக்தர் இன்னொரு பக்கம், கிருஷ்ண வழிபாட்டை எதிர்த்துள்ளனர், பிரச்சாரம் செய்துள்ளனர் என்று தெருகிறது. இப்பொழுது கூட, ஶ்ரீமத் பாகவதம், ஒரு போலிநூல் என்று வாதிடும் ஆட்களும் உள்ளனர். போலி நூல் என்றால், நாத்திக-இந்துவிரோதிகளுக்கு பிரச்சினையே இல்லாமல் போய்விடும். இருப்பினும், அத்தகையய அவதூறு வாதங்கள் தொடர்கின்றன.

© வேதபிரகாஷ்

08-09-2018

Viduthalais blashphemus article-13-08-2017

[1] ஶ்ரீதரர் போன்ற சமஸ்கிருத பண்டிதர்கள் அவ்வாறு எடுத்துக் காட்டுகின்றனர். மேலும் 19வது சுலோகத்திற்குப் பிறகும், 19-38 சுலோகங்கள் மற்ற ஓலைச்சுவடி கட்டுகளில் காணப்படவில்லை என்று எடுத்துக் காட்டுகின்றனர்.

  1. M. Sanyal, The Srimad Bhagavatam of Krishna-Dwaipayana Vyasa, Munshiram Manohrlal Publishers, New Delhi, Vol.II, Chapt.XXII, pp. 90-94

[2]  Ravi Gupta and Kenneth Valpey (2013), The Bhagavata Purana, Columbia University Press, , pp. 151-155.

[3] வேதபிரகாஷ், குடும்ப உறவுகள் ஆண்பெண் உறவு, பாசபந்தங்களை பேணுதல்அவற்றிற்கேற்றபடி நூல்கள் வெளிப்படுத்துகின்றனவா, இல்லையா?, [அக்பர், தீன் இலாஹி மற்றும் இஸ்லாத்துக்கு சாதகமாக இந்து நூல்கள் திருத்தப்பட்டது, மாற்றப்பட்டது மற்றும் புதியதாக உருவாக்கப்பட்டது (14)].

[4] https://indianhistoriography.wordpress.com/2015/06/29/hindu-society-depicted-by-the-religious-books-and-hindus-cannot-contradict/

ஶ்ரீகிருஷ்ண தூஷணம் இடைகாலத்தில் வளர்ந்தது ஏன்? பக்தி மார்க்கம் அதனைக் கட்டுப்படுத்தியது எப்படி? [2]

செப்ரெம்பர் 7, 2018

ஶ்ரீகிருஷ்ண தூஷணம் இடைகாலத்தில் வளர்ந்தது ஏன்? பக்தி மார்க்கம் அதனைக் கட்டுப்படுத்தியது எப்படி? [2]

Chaitanya marched always without caring anything

இடைக்காலத்தில் இந்த தத்துவம் உண்டானது, வளர்ந்தது ஏன்?: 1191 மற்றும் 1192 தரைன் யுத்தங்கங்களுக்குப் பிறகு, துலுக்கரின் அட்டூழியம் அதிகமானது[1], முகமதியர் திடீரென்று வந்து கொள்லையடிப்பது, பெண்களைக் கவர்ந்து செல்வது, குழந்தைகளைப் பிடித்து / திருடிச் செல்வது, போன்றவை அதிகமாக இருந்தன. முதலில் தில்லியில் இருந்த இச்செயல்கள் மற்ற பகுதிகளுக்கும் பரவ ஆரம்பித்தன. தீர்த்த யாத்திரைகள் பாதிக்கப் பட்டன. இதனால், துலுக்கரின் அடவாடித்தனம், அக்கிரமங்கள் மற்றும் குரூர குற்றங்கள் பொது மக்களிடம் பரவ ஆரம்பித்தன. இதனால், மக்கள் உஷாராயினர். இத்தத்துவம் [வஸ்த்ர ஹரன், ராஸலீலா], ஶ்ரீசைத்தன்யரில் “கீத கோவிந்தம்” [12ம் நூற்றாண்டு] என்ற கவிதையில் முதன்முதலில் காணப்படுகிறது. ஶ்ரீமத் பாகவத புராணம் [dated to 5th to 8th cent.CE]. ஸ்கந்த.X.29-33, “ரஸபஞ்சதிரையி” அத்தியாயங்களில் விவரிக்கப் படுகின்றது. ஶ்ரீசைதன்யர் அனைத்தையும் துறந்தவர், அவர் பாடி-ஆடிக் கொண்டு சென்றால், சென்று கொண்டே இருப்பார், பாதையை பார்க்க மாட்டார். ஶ்ரீமத் சங்கர தேவர், வல்லபாச்சார்யர், சைதன்யர், இவர்களை விட அறிவிஜீவிகளா, ஶ்ரீகிருஷ்ணரை விமர்சிக்கும் இந்துவிரோத நாத்திகர்கள்? ஐந்து வயது குழந்தை கோபியருடன் ஆடிக் கொண்டிருந்தது [பாகவத் புராணம். X.22], ஒரே குழந்தை எப்படி எல்லோருடன் எப்படி முடியும்?

DK Viramani, less noise - Krishna Jayanti,Vinayaka caturti

இந்துவிரோத பெரியாரிஸ, திராவிட நாத்திகர்களுக்கு வருடா வருடம் தூஷணம் செய்வது வாடிக்கையாக உள்ளது.

ராதாசக்தி பெண்களைக் காக்கும் தெய்வமாக மாறியது: 12ம் நூற்றாண்டில் ஜெயதேவர் என்பவர், “கீத கோவிந்த” (गीत गोविन्द) என்ற சுலோகத்தில் பக்தியை விவரித்துள்ளார். “ராதா” என்ற பெண்சக்தியை “நாயகன்-நாயகி” பாவத்தில், பக்தர்கள் “ராதாராணி” என்று குறிப்பிட்டு, அந்த “ராதாசக்தி” தத்துவத்தை மிகவுயர்ந்த சக்தியாக வழிபட்டனர். நிம்பர்க்கர் சம்பிரதாயம் (13ம் நூற்றாண்டு CE) அவ்வாறு ராதை வழிபாட்டை தெய்வீகமாக மாற்றியது[2]. ராதா பிறந்த நாளை “ராதாஷ்டமி” என்று வடவிந்தியாவில் பிரம்மாண்டமாகக் கொண்டாடப்பட்டது. கோடிக்கணக்கில் பக்தர்கள் இதனைக் கொண்டாட ஆரம்பித்தார்கள். லட்சக்கணக்கில் பக்தர்கள், ராதைப் பிறந்த இடத்திற்கு தீர்த்தயாத்திரையாக சென்று வந்தார்கள். இது கிருஷ்ணரின் பிறந்தநாளாகிய ஜன்மாஷ்டமியிலிருந்து 15 நாட்கள் கழித்து கொண்டாடப்பட்டது. இவ்வாறு 12-17 நூற்றாண்டுகளில் பெண்களை தெய்வமாக மதிக்க வேண்டும் என்ற எண்ணம் ஏன் வந்தது என்று ஆராய்ந்து பார்க்க வேண்டும். இத்தகைய முறைகளில் இந்துக்கள் கூட்டம் கூட்டமாக சென்று வரும்போது, முகமதியர்கள் அவர்களைத் தாக்க முடியாமல் போயிற்று. இந்துபெண்களுக்கும் பாதுகாப்பு கிடைத்தது[3]. இதனால், ஜெசியா போன்ற தீர்த்தயாத்திரையின் மீது விதிக்கப்பட்ட வரியின் மீதும் இந்துக்களுக்கு வெறுப்பு உண்டாகியது. கூட்டம்-கூட்டமாக சென்று வரும்போது, அவர்கள் தடுக்கப்பட்டால், விளைவு என்னாகும் என்று அவ்வரி விலக்கிக் கொள்ளப்பட்டது[4].

Krishna with Mughals

ஶ்ரீகிருஷ்ணரை துலுக்கர் தமது சுல்தானுடன் இருப்பது போலவும் ஓவியங்களில் சேர்த்துக் கொண்டனர்.

ராதா, ராதாகிருஷ்ண, மாபெரும் பெண்தெய்வமாக மாறிய விதம்: இந்துப் பெண்கள் பலவழிகளில் முகமதியர்களால் தாக்குதல்களுக்கு உள்ளானதால், அவர்களைக் காக்க, சதி மற்றும் ஜோஹர் முறைகளில் உயிரைத் தியாகம் செய்த பெண்களை தெய்வமாக்கினர். அவர்கள் உயிர்நீத்த இடங்களே புண்ணியசேத்திரங்களாக மாறின, அங்கு அவர்கள் நினைவாக கோவில்களும் கட்டப்பட்டன. வைஷ்ணவம் திடீரென்று வளர்ந்த நிலையில், கிருஷ்ணருக்கு சம்பந்தப்பட்ட இடங்களில் ராதாவழிபாடு அறிமுகப்படுத்தப்பட்டது. ராதா (राधा), ராதிகா, ராதாராணி, ராதிகாராணி, ராதாசக்தி என்றெல்லாம் வழங்கப்படும் பெண்கடவுள், ஜெயதேவர் (12ம் நூற்றாண்டு CE), நிம்பர்க்க (13ம் நூற்றாண்டு CE), வல்லபர் (1479-1531 CE), கௌடிய, சைதன்ய (1486–1534 CE) சம்பிரதாயங்களில் ஒரு பெரிய முழுமுதல் பெண் கடவுளாக, மாபெரும் சக்திரூபமாக பாவிக்கப்பட்டது. ராதா மிகமுக்கிய, பெரிய, மஹாசக்தியாக ஸ்கந்தபுராணத்தில் குறிப்பிடப்படுகின்றது. கோபி, கோபிகா, கோபிகை என்றால் இடையர்குலப்பெண் என்று பொருள். பக்தி இலக்கியத்தின்படி, ராதா என்ற கோபிகை கிருஷ்ணரிடம் மிக அதிகமான பக்தியை வைத்திருந்தாள். அந்நிலையில் தான் ராதா கிருஷ்ண (राधा कृष्ण) என்ற நம்பிக்கை, வழிபாடு, தத்துவம் தோன்றியது. இக்காலத்தில் இவர்கள் எல்லோருமே எஸ்.சி / பட்டியல் சாதியினர் பிரிப்புகளில் வருவர். ஆனால், பார்ப்பனியம் என்று திரிபு விளக்கம் கொடுப்பதை கவனிக்கலாம்.

Krishna and Radha Lie in a Bower

இடைச்செருகல்கள் மூலம் சிருங்காரரஸத்தை உட்புகுத்தி மாற்றத்தை உண்டாக்கியது: கிருஷ்ணருடன் இருநிலைகளில் மனைவியாக (ஸ்வக்ய ரஸா) மற்றும் காதலியாக (பரக்கிய ரஸா) சித்திரிக்கப்பட்டது. இத்தகைய மாறுபாடு விசித்திரமாக இருக்கிறது, ஏனெனில், ராதை, கிருஷ்ணனைவிட வயதில் பெரியவள் மற்றும் பக்தி வெறெந்த உணர்வுடன் ஒப்பிட முடியாது என்றுள்ளது. மேலும் ஹரிவம்சம் மற்றும் பாதவத புராணத்தில் உள்ள சில வரிகள் இட்டைசெருகல்களாக நுழைக்கப் பட்டன. வார்த்தைகளும் மாற்றப்பட்டன. இதனை, கீழ்கண்ட உதாரணம் மூலம் அறிந்து கொள்ளலாம்:

ஹரிவம்சத்தில், -“சவ்யர்மானஹ பித்ர்பிர் ப்ரத்பிர் மாத்ரபிஸ் தத” [63.24] என்றுள்ளது. இது, பாகவதபுராணத்தில்,

“த வர்யமாஹ பதிபிஹ் ப்த்ரபிர் பாத்ரபந்துபிஹ் [10.29.8]” என்று மாற்றப்பட்டுள்ளது.

இவ்விருவரிகளைப் பார்க்கும் போதே, ஒரே மாதிரியாக இருந்தாலும், எப்படி, சில எழுத்துகள்-வார்த்தைகள் மாற்றப்பட்டுள்ளன என்பதை அறிந்து கொள்ளலாம். அதாவது, உறவை பாலியல்ர்ரீதியில் கொச்சைப்படுத்தப் பட்டது. இதை ஜைனர் மற்றும் பௌத்தர்கள் ஓலைச்சுவடி பிரதிகளில் செய்துள்ளனர். அந்நிலையில் இத்தகைய “நாயக-நாயகி” பாவத்தில் பக்தி மூலம் பெண்மையை தெய்வமாக, சக்தியாக இடைக்காலத்தில் மாற்ற வேண்டிய தேவை என்ன என்று ஆராயவேண்டியுள்ளது. உண்மையில் முகமதியர்களால் சீரழிந்த பெண்கள் மறுபடியும் குடும்பத்தினரால் ஏற்றுக் கொள்ளமுடியாத நிலையில், அவர்கள் ஹேரத்திற்கு செல்வதற்கு பதிலாக கோபிகைகளாக பிருந்தாவனத்தில் இருக்க பெண்கள் காப்பகங்கள் உருவாக்கப்பட்டன.

Meera, Chaitanya, Kabir-duality, Machendra-imitation

துலுக்க கவிஞர்கள், சூபி போர்வையில், மச்சேந்திரர் பாணியில், “ராதா கிருஷ்ண” பாவத்தைக் கொச்சைப்படுத்தினர்.

ராதாகிருஷ்ண பக்தியைக் கொச்சைப் படுத்தியது, கவிதைகள்புனைந்தது, சித்திரங்கள் வரைந்தது: முகலாயர் காலத்தில் வேண்டுமென்றே, “ராதா-கிருஷ்ண” பக்தி இணைப்புகள் கொச்சைப்படுத்தப் பட்டு, கொக்கோக கவிதைகள் புனையப்பட்டன[5]. அவற்றில் ஆபாசமான படங்களும் வரைந்து சேர்க்கப்பட்டன. இன்னொரு பக்கம், ராதாவைப் பெரிய தெய்மாக்க இந்துக்கள் ஈடுபட்டுக் கொண்டிருக்கும் போது, இதில் அவர்கள் ஈடுபட்டிருக்க முடியாது. அதனால், முகமதியர்களே அத்தகைய, “இந்து கொக்கோக கவிதைகளை” உருவாக்கி புழக்கத்தில் விட்டிருக்கின்றனர். இதற்கான ஆதாரங்கள் சூபிக்களின் நூல்களில் காணப்படுகின்றன, ஏனெனில், அவர்கள் இதில் பெருமளவில் ஈடுபட்டனர். அலி முட்டாகியின் சீடன் ஒருவன் பிருந்தாவன் முதலிய இடங்களுக்குச் சென்று வந்தது விமர்சிக்கப்படுகிறது. ஷா ஹுஸைன் போன்ற சூபிக்கள் “ஹீர்-ராஞ்சா” என்று “ராதா-கிருஷ்ண” ஜோடி மாற்றப்பட்டு, தமதிச்சைகேற்றபடி, கொக்கோகத்தை அதில் ஏற்றிக்கொண்டனர். கிருஷ்ணரின் காமக்களியாட்டமான “ராஸலீலையை”, குரானில் காணப்படும் ஒரு உதாரணத்துடன் ஒப்பிட்டும், இது ஊக்குவிக்கப்பட்டது[6]. இது அக்பரின் “தீன்-இலாஹி”யைப்போன்றது. பிறகு இவை சித்திரங்களாக வரையப்பட்டன, அந்நூல்களில் மற்றும் கொக்கோக நூல்களில் சேர்க்கப்பட்டன. மொஹம்மது ஜாய்ஷி [मलिक मोहम्मद जायसी) (1477–1542)] என்ற சூபி கவிஞன், கவிதைகளில் ராணி பத்மினிய அழகின் சின்னமாக உதாரணமாக உருவகமாக உபயோகித்தான். பத்மினி உருவகமாக பயன்படுத்தப்பட்டாள் என்பது குறிப்பிடப்பட்டது. அவ்வாறே “ராதா-கிருஷ்ண” பக்தியும் கொச்சைப்படுத்தப்பட்டது. அத்தகைய சித்திரங்கள் இன்றும் வரையப்பட்டு விற்கப்படுகின்றன.

© வேதபிரகாஷ்

08-09-2018

Radha Krishna depicted in lewd pose

[1] தரைன் என்பது, இப்பொழுதைய ஹரியானா மாநிலத்தில், தில்லிக்கு வடக்கில் 150 கி.மீ தொலைவில் உள்ளது. 1216ல் மூன்றாவது தரைன் யுத்தத்தில், சன்ஷத்தூன் இல்டாமிஷ் பதௌனியைக் கொன்று தில்லியை  ஆக்கிரமித்துக் கொண்டான்.

[2] நிம்பர்க்கர், ஶ்ரீ நிம்பர்க்க ஆச்சாரியர் 3096 BCEம் ஆண்டு (பாரம்பரிய தேதி) ஆந்திராவில் பிறந்தவர். இவர் காலத்தில் அர்ஜுனனின் பெயரன் இருந்தான். “மாதவ முக மர்த்தன” என்ற நூலை இயற்றியுள்ளார். ஆனால் 1162ம் ஆண்டு இவர் மறைந்தார் என்று பண்டார்கர் எடுத்துக் காட்டுகிறார்.

[3] வேதபிரகாஷ், சமஸ்கிருதத்தில் கொக்கோக நூல்கள் எழுதப்படல் – “ராதாகிருஷ்ணதத்துவத்தைக் கொச்சைப்படுத்தியது, ஆபாசப்படுத்தியது, ஜூன்.25, 2015.

[4] https://indianhistoriography.wordpress.com/2015/06/25/pornography-like-works-written-during-mughal-period-involving-even-radha-krishna/

[5] Allison Busch, Poetry of Kings: The Classical Hindi Literature of Mughal India, Oxford University Press, 2011, USA, p.232.

[6] Scott A. Kugle, Sufis and Saints’ Bodies- Mysticism, Corporeality and Dacred Power in Islam, University of North Carolina Press, USA,  p.207.

ஜெயலலிதா கைது, சிறையிலடைப்பு, ஜாமீன் கோறல், விடுதலை, விமர்சனங்கள் (2002 மற்றும் 2014 நிகழ்ச்சிகள்)!

ஒக்ரோபர் 21, 2014

ஜெயலலிதா கைது, சிறையிலடைப்பு, ஜாமீன் கோறல், விடுதலை, விமர்சனங்கள் (2002 மற்றும் 2014 நிகழ்ச்சிகள்)!

ஜெயலலிதா வருமானத்திற்கு அதிகமாக சொத்து சேர்த்து வைத்திருந்தார் என்பதற்காக, சுப்ரமணியன் சுவாமி 1996/97ல் வழக்குத் தொடர்ந்து, சிறப்பு நீதிமன்றம் மூலம் விசாரிக்கப் பட்டு, சமீபத்தில் தீர்ப்பளிக்கப் பட்டு, சிறைலடைக்கப் பட்டது தெரிந்த விசயம் தான். இருப்பினும், அவருக்கு அளிக்கப் பட்ட சிறைவாசம், தண்டனை முதலியவற்றைப் பற்றி ஊடகங்களில் மற்றும் மக்களிடம் பெருத்த விவாதத்தை ஏற்படுத்தியுள்ளது. விரும்பினாலும், விரும்பா விட்டாலும், இப்பிரச்சினை பலரது மனங்களில் ஓடிக் கொண்டிருந்தன. மக்களின் உணர்ச்சிப் பூர்வமான ஆதரவைப் பார்த்ததும், ஊடகங்கள் கூட ஜெயலலிதாவுக்கு எதிராக விமர்சிப்பதை அடக்கி வாசிக்க ஆரம்பித்து விட்டது. ஆங்கில செனல் ஒன்று இம்முறை அம்மா, தீபாவளியை சிறையில் தான் கழிக்க வேண்டும் என்று, கீழே செய்தியாக போட்டுக் காட்டியபோது, ஆதரவாளர் ஒருவர் பொரிந்து தள்ளிவிட்டார். உடனே, இதனால், ஜெயலலிதா மீது மக்களுக்கு அனுதாபம் அதிகமாகும் என்றுகூட விவாதிக்க ஆரம்பித்து விட்டனர். அரசியல் ரீதியில் கருணாநிதி, திமுக மற்ற திராவிட கட்சிகளுக்கும் ஜெயலலிதா மீது விரோதம், காழ்ப்பு, துவேஷம் முதலியன இருந்தாலும், அவையும் அடக்கித் தான் வாசித்தன.

2002 மற்றும் 2014 கைதுகள், சிறைவாசங்கள்: டான்சி வழக்கில் கைதாகி, சிறைக்குச் சென்று மே 2001ல் மறுபடியும் முதலமைச்சரானார். அப்பொழுது யாரும் இந்த அளவிற்கு ஆர்பாட்டம் செய்யவில்லை. 1996ல் சுவாமி 1991-96 ஆண்டுகளில் முதலமைச்சாராக இருந்த போது ரூ.66.65 கோடிகள் சேர்த்து வைத்தார் என்று வழக்கு போட்டார்[1]. ஜெயலலிதா 1996ல் தேர்தலில் தோல்வியடைந்தார். 1997ல் வருமானத்திற்கு அதிகமாக சொத்து சேர்ப்பு வழக்கு போடப்பட்டது. டிசம்பர் 7, 1996 அன்று கைது செய்யப்பட்டார், அதனால், செப்டம்பர் 21, 2001லிருந்து பதவி இழக்க நேர்தது. அக்டோபர் 2000ல் டான்சி வழக்கில் விடுவிக்கப் பட்டார்.  மே.14  2001 முதல் செப்டம்பர் 16 2001 வரையிலான காலத்தில் ஓ. பன்னீர்செல்வம் முதலமைச்சராக இருந்தார். பிப்ரவரி 21, 2002ல் தேர்தலில் வெற்றிப் பெற்று, மறுபடியும் முதலமைச்சர் ஆனார். 2003ல் திமுக மனு போட்டு வழக்கை கர்நாடகாவிற்கு மாற்றியது[2]. 1996-2001 மற்றும் 2006-2011 ஆண்டுகளில் கருணாநிதி முதலமைச்சராக இருந்தார். அக்காலத்தில் திமுகவினர் ஜெயலலிதா கடந்த வாழ்க்கை, ஜெயலலிதா-சசிகலா பற்றி ஜாதிரீதியிலும், பார்ப்பன-எதிர்ப்பு முறையிலும் அதிகமாக விமர்சனம் செய்துள்ளனர். இடையில் 2002-2006 ஆண்டுகளில் ஜெயலலிதா முதலமைச்சராக இருந்தார். ஆனால், 2014 கைது, சிறைவாசம், பெயில் முதலியன பற்றி வேறுவிதமான விமர்சனங்கள் வந்து கொண்டிருக்கின்றன. ஆனால், அவை இந்துக்கள், மோடி-முகமூடிகள், சங்கப்பரிவார் என்று சொல்லிக் கொள்பவர்களிடமிருந்து வந்து கொண்டிருக்கின்றன.

ஆரியதிராவிட திரிபுவாதம் இப்பொழுது வேறுவிதமாக செயல் பட்டது: ஆரிய-திராவிட சித்தாந்தம் நீர்த்துவிட்டதால், மற்ற திராவிடக் கட்சிகள் அத்தகைய திரிரிபுவாதங்களை வைக்க வில்லை. மேலும், ஏற்கெனவே, கனிமொழி, ராஜா போன்றவர்கள் திஹார் சிறையில் இருந்து ஜாமீனில் வெளிவந்து வாழ்ந்து கொண்டிருப்பதாலும், மாறன் சகோதரர்கள் மற்றும் கருணாநிதி மனைவி முதலியோர்கள் மீதான வழக்குகள் நடந்து கொண்டிருக்கின்றன என்பதாலும், அவை மறுபடியும் நீதிமன்றங்களில் முடிவாக தீர்ப்பாகும் போது, ஜெயலலிதா நிலைதான் அவர்களுக்கும் உண்டு என்பதும், அவர்களுக்கு நன்றாகவே தெரிந்திருந்ததால், “சட்டம்-ஒழுங்குமுறை”களை ஆளும் கட்சி மீறுகிறார்கள் என்று விமர்சித்தனர். ஜாதிரீதியிலான விமர்சனம் இல்லை. ஆனால், “இந்து-பிஜேபி-சங்கப்பரிவார்-மோடி முகமூடிகள்”, சுனா-சானா என்று இத்தீர்ப்பை, ஜெயலலிதாவின் பழைய படங்களைப் போட்டு விமர்சனம் செய்து கொண்டிருந்தன. இந்துவிரோத இணைதளங்களிலிருந்து[3] அதாவது “திராவிடர்கள்” அமைதியாக இருந்தாலும், “ஆரியர்கள்” உற்சாகமாக இருந்தார்கள் போலும்! “இந்துத்வவாதிகள்” இந்த முரண்பாட்டை ஏன் புரிந்துகொள்ளவில்லை மற்றும் அவ்வாறு விமர்சித்தவர்களைக் கண்டிக்கவில்லை என்று தெரியவில்லை!

பிராமணர்களுக்குள் இருந்த பிரச்சினை என்பது போல காட்டியது: ஒரு பிராமணர், இன்னொரு பிராமணர் மீது வழக்கு போட்டு மாட்டி வைத்தார், அதாவது சுப்ரமணியன் சுவாமி ஒரு பார்ப்பனர் ஆனால், அவர் ஜெயலலிதா மீது வழக்குப் போட்டு சிறைவாசம் வாங்கிக் கொடுத்திருக்கிறார், சுனா-சானாவை நான் மற்ற விசயங்களில் ஆதரிக்காமல் இருந்தாலும், இவ்விசயத்தில் ஆதரிக்கிறேன் என்ற எண்ணங்களுடன் விமர்சித்தனர். பிராமணர்களுக்கு மத்தியில் இதனால், கருத்து வேற்றுமை ஏற்பட்டது. இதனை ஊதிவிட்டவர்கள் பிராமணர்-அல்லாதவர் என்று குறிப்பிடத் தக்கது. ஆனானப் பட்ட திராவிடக் கட்சிகளே அளந்து வாசித்தபோது, சிலர் அதிகமாகவே விமர்சித்தனர். சமூகவலைத்தளங்களில் இந்து-பிஜேபி-சங்கப்பரிவார் போன்று போலிமுகமூடிகளை வைத்துக் கொண்டு உலாவருபவர்கள், அதிகமாகவே அவதூறான பதிவுகளை செய்தனர். சுப்ரமணியன் சுவாமி ஜெயலலிதாவிற்கு மொட்டை போடுவது போன்று படத்தை வெளியிட்டனர். குறிப்பாக இந்து-விரோத இணைதலங்களில் உள்ள சரக்கை அதிகமாகவே உபயோகப் படுத்திக் கொண்டனர். தங்களுடைய பிராமண துவேஷத்தை தாராளமாக வெளிப்படுத்திக் கொள்ள இச்சந்தர்ப்பத்தை உபயோகப்படுத்தினர். எல்லா விசயங்களுக்கும் எளியதாக்குதலுக்கு இவர்கள் இருப்பது அல்லது உபயோகப் படுத்திக் கொள்வதும், சமூகவியல் மற்றும் மனோதத்துவயியல் ரீதிகளில் நோக்கத்தக்கது.

இந்துத்வவாதிகளின் வாதங்கள்: பூலன் தேவிக்கும், ஜெயலலிதாவுக்கு என்ன வித்தியாசம், ஜெயலலிதாவுக்கு உடல் நலமின்மை காரணமாக பெயில் கொடுத்துள்ள போது, சாத்வி பிரக்னாவுக்கு ஏன் கொடுக்கப்படவில்லை என்ற வாதங்களும் வைக்கப் படுகின்றன. இதில் உள்ள பிரச்சினைகள், விசயங்கள் அவற்றின் தீவிரத்தன்மை, மற்ற விசயங்களுடன் சம்பந்தப் பட்டுள்ள விவகாரங்கள் இவற்றையெல்லாம் அறியாமல் அல்லது அறிந்தும் அறியாதது போல, “ஜெயா-சாமி தூஷணங்கள்” போல, இவற்றை கிளப்பிவிடப் பார்க்கிறார்கள். சாத்வி பிரக்னா விசயத்தை யாரும் பார்ப்பன-பார்ப்பன விரோத முறையில் பார்க்கவில்லை, விமர்சிக்கவில்லை. அமித் ஷா கூட சிறையிலிருந்து, பெயிலில் வெளிவந்துள்ளார், அதையும் யாரும் ஜாதி ரீதியில் அலசுவதில்லை. அவர் அரசிலில் வேலை செய்து கொண்டிருக்கிறார். அதைப் பற்றி இவர்கள் ஒப்பீடு செய்வதில்லை. இப்படி குறிப்பிட்டாலே அவர்களுக்கு கோபம் வரும். நம்மை தாக்கவும் ஆரம்பித்து விடுவார்கள். ஆனால், பிரச்சினையை நடுநிலையாக ஆய்வது என்பதில்லாமல் இருப்பதுதான் ஆச்சரியமாக இருக்கிறது.

பிஜேபிக்காரர்கள் நடந்து கொண்ட விதம்: சமீபத்தில் கவுன்சிலர் தேர்தலில் பிஜேபிக்கு எதிராக அதிமுக நடந்து கொண்ட விதம், பிஜேபிக்காரர்களுக்கு எரிச்சல் ஏற்படுத்தியது, மத்தியில் பிஜேபி ஆட்சியில் உள்ளதால், கொஞ்சம் அதிகமாகவே பேசினர். இருப்பினும், அதிமுகதான் அதிகமான இடங்களில் வெற்றிப் பெற்றது. மோடி ஜெயலலிதாவின் நண்பர், என்றெல்லாம் பேசப்பட்டு வந்தாலும், தேர்தலில் எதிர்-எதிராக போட்டியிட வேண்டியதாகியது. பாராளுமன்ற தேர்தலில், அதிமுக பிஜேபிக்கு ஆதரவு மட்டும் தராமல், தனித்துப் போட்டியிட்டதால், அதிக இடங்களை அதிமுக தான் பெற்றது. இதனாலும், தமிழக பிஜெபிக்காரர்களுக்கு வெறுப்பு ஏற்பட்டது. முதல் அமைச்சர் ஜெயலலிதா மீது மேலும் ஒரு சொத்து குவிப்பு வழக்கை தொடர்வது குறித்து ஆலோசித்து வருவதாக சுப்ரமணிய சாமி டிவிட்டரில் தெரிவித்த போது, “நீலகிரி மாவட்ட பாஜகவினர் தன்னை சந்தித்து, கோடநாடு பகுதியில் ஜெயலலிதா மற்றும் அவரது தோழி சசிகலா ஆகியோரது சொத்துக்கள் அடங்கிய பட்டியலை கொடுத்துள்ளனர்”, என தெரிவித்துள்ளார்[4]. அதாவது இவ்வாறு சாமி அவருக்குத் தேவைப் படுகிறது. ஆனால், “பாஜகவில் ஒரு பொறுப்பிலும் இல்லாதவர் சுப்பிரமணியம் சாமி. இவருக்கெல்லாம் பதில் தர விரும்பவில்லை”, என மத்திய அமைச்சர் பொன் ராதாகிருஷ்ணன் கூறியுள்ளார், என்றும் உள்ளது.

பிஜேபிக்காரர்கள் நடந்து கொள்ளும் விதம்: “அம்மா கைது” விசயத்தில், அவர்கள் அதிகமாகவே வித்தியாசமாக நடந்து கொண்டனர். மோடி சுத்தமாக்க விரும்புகிறார், அதனால் தான் ஜெயலலிதா மீதான வழக்கில் தீர்ப்பு கொடுக்கப் பட்டுள்ளது. குற்றம் செய்தவர்கள் யாரானாலும் தண்டிக்கப் படவேண்டும் என்றெல்லாம் கருத்துத் தெரிவித்தனர்[5]. அதற்குள் ஏதோ தாங்களே ஆட்சியைப் பிடித்து விடலாம் என்பது போல, ரஜினியை பிஜேபிக்கு சேர அழைத்தனர்[6]. தமிழிசை சௌந்தரராஜன், ஜெயலலிதாவின் படங்கள் எல்லாம் எடுக்கும் வரை போராட்டம் நடத்துவோம் என்றெல்லாம் சொல்லியிருக்கிறார்[7]. ஆனால், அதே நேரத்தில், “மீண்டும் முதல்வராக தகுதி உள்ளவர் ஜெ.என்று வெங்கையா நாயுடு திடீர் கணிப்பு”, என்று செய்தி வந்துள்ளது[8]. ஆகவே, மற்ற தமிழக பிஜேபி தலைவர்கள் அமைதியாக இருக்கும் போது, இந்த இருவர் மட்டும் ஜெயலலிதாவுக்கு எதிராகப் பேசிக் கொண்டிருப்பது மர்மமாக இருக்கிறது. போதாகுறைக்கு, ரஜினி, மேனகா ஜெயலலிதாவுக்கு எழுதப் பட்ட கடிதங்கள் வெளியிடப் பட்டதும், தமிழக பிஜேபிக்காரர்களுக்கு ஈயாடவில்லை[9]. இதெல்லாம், அவர்களது வியர்த்தமான, பலனற்ற செயல்கள் என்றுதான் ஆகின. மற்ற திராவிட கட்சிகளை விட தாங்கள் பெரிய இடத்தை அடைந்து விட்டது போல நடந்து கொண்டது ஆச்சரியமாக இருந்தது. தமிழக பிஜேபிகாரர்களுக்கு இன்னும் அரசியல் பக்குவம் வரவில்லை என்பது தான் தெரிகிறது.

தமிழகத்தைப் பொறுத்தவரையில் திராவிட கட்சிகள் தான் ஆட்சிக்கு வரும் பலம் கொண்டுள்ளன: காங்கிரஸ் 1960களில் அரசியல்ரீதியில் செல்வாக்குடன் தமிழகத்தை ஆண்டு வந்தாலும், காமராஜருக்குப் பிறகு, சிறந்த அரசியல்வாதி இல்லாததாலும், 1970களிலிருந்து திமுக பெரும்பான்மையுடன் ஆட்சிக்கு வந்து விட்டதாலும், பிறகு அதனை எம்.ஜி.ஆரின் அதிமுக அசைத்து, மாற்றி, திமுகவுக்கு மாற்றாக அதிமுகவை ஆட்சிக்கு வந்ததை மக்கள் பார்த்தனர். பிறகு இவ்விருக்கட்சிகள் தாம் மாறி-மாறி ஆட்சி அமைத்துக் கொண்டு ஆண்டு வருகின்றன. இதனால், காங்கிரஸ் இவ்விரு கட்சிகளில் ஒன்றைப் பிடித்துக் கொண்டுதான் காலம் தள்ளிக் கொண்டுவர வேண்டியதாகியது. எனவே, தமிழகத்தைப் பொறுத்தவரையில் திராவிட கட்சிகள் தான் ஆட்சிக்கு வரும் பலம் கொண்டுள்ளன. போஸ்டர் ஒட்டக் கூட தவித்துக் கொண்டிருந்த காலத்தில் பிஜேபி இருந்தபோது, “கமலாலயம்” கட்டிடம் வாங்கியபோது, உழைத்தவர்கள் பற்றி இப்பொழுதைய பிஜேபிக்காரர்களுக்கு தெரியாமல் இருக்கலாம். ஆனால், இன்று ஏதோ பதவி கிடத்து விட்டது, அல்லது அவர்கள் நமக்கு நண்பர்களாக இருக்கிறார்கள்…….என்ற ரீதியில் இப்பொழுதைய பிஜேபிக்காரர்கள் நடந்து கொள்வது வேடிக்கையே! காங்கிரஸே செய்யாத வேலையை, பிஜேபி செய்ய வேண்டும் என்றால், அதற்காக சித்தாந்த ரீதியில் உழைக்கவேண்டும். “அமித் ஷா” போன்று செயல்பட வேண்டும். அதை விட்டுவிட்டு சுனா-சானா துவேஷங்களை எழுப்பிக் கொண்டிருந்தால் ஒன்றும் நடக்காது. ரஜினியை வைத்து அரசியல் செய்ய வேண்டாம் என்று சுப்ரமணியன் சுவாமி சொன்னது மட்டும் இவர்களை யோசிக்க வைக்கிறது[10].

நீதிமன்றத் தீர்ப்பும், அதிமுகவின் தர்ம சங்கடமும்: வருமானத்திற்கு அதிகமாகச் சொத்து சேர்த்த வழக்கில் 18 ஆண்டுகால இழுத்தடிப்பு, வாய்தாக்கள் தாண்டி வந்த தீர்ப்பின்படி, முதல்வராக இருந்த முதல் குற்றவாளியான ஜெயலலிதாவுக்கு நான்கு ஆண்டு சிறைத் தண்டனை, 100 கோடி ரூபாய் அபராதம் மற்றும் உடந்தையாக இருந்த வர்களுக்கு அதேபோல் நான்காண்டு சிறைத் தண்டனை, ரூ.10 கோடி அபராதம் என்ற தீர்ப்பு அதிர்ச்சியை அ.தி.மு.க.வினருக்குக் கொடுத்தது. அதுமட்டுமல்ல, உச்சநீதி மன்ற அண்மைக்கால சட்ட வலிமை பெற்ற தீர்ப்பின் விளைவாக, மூன்றாண்டுகளுக்குமேல் தண்டனை பெற்ற பதவியாளர்கள், சிறைத் தண்டனை மாத்திரமல்லாமல், பதவியை உடனடியாக இழக்கும் நிலையும் ஏற்படுகிறது. அதன்படி, முதல்வராக இருந்த ஜெயலலிதா எம்.எல்.ஏ., முதல்வர் பதவியையும் இழந்தவராகிறார் என்ற சட்டபூர்வ நிலையாகிறது. மேலும் அவர் சிறையில் இருப்பதால், அவருக்குப் பதிலாக – அரசியல் சட்டப்படி ஓ. பன்னீர்செல்வம் முதலமைச்சர் பொறுப்பை ஏற்றுள்ளார். முன்னரும் இதுபோலவே இவர் முதலமைச்சாராக இருந்தார் என்பது குறிப்பிடத்தக்கது.

ஜெயிலில் ஜெயலலிதா, ஜாமீன் மனு நிராகரிப்பு (27-09-2014 முதல் 17-10-2014 வரை: ஜாமீனில் வெளிவர மனுதாக்கல் செய்தபோது, கர்நாடக உயர் நீதிமன்றம் நிராகரித்தது. இதனால், முன்பு ஏற்பாடு செய்திருந்த, பிரபல வழக்குரைஞர்களுக்குப் பதில் வேறு இரண்டு பிரபல மூத்த வழக்குரைஞர்களை வைத்து உச்சநீதிமன்றத்தில் மேல்முறையீடு / அப்பீல் செய்யப்பட்டது. சட்டத்தினால் தண்டிக்கப்பட்டவர்கள் சட்ட முறைகளான மேல்முறையீடுகள், ஜாமீன் போன்றவை மூலம்தான் வெளிவர முயற்சிக்கலாம். ஆனால், அதிமுகவினர் தங்களது விசுவாசத்தைத் தெரிவித்துக் கொள்ள, தீர்ப்பு வழங்கிய நீதிபதியைப்பற்றி தாறுமாறாக வசை பாடி, விமர்சித்து சுவரொட்டிகள் அடித்து ஒட்டினர். பதாகைகளை வைத்து, “கடவுளை மனிதன் தண்டிக்கலாமா? கர்நாடகாவே எங்கள் அம்மாவை எங்களுக்குக் கொடுத்துவிடு – காவிரியை நீயே எடுத்துக்கொள்! மோடி அரசே தலையிட்டு எங்கள் அம்மாவை வெளியே கொண்டுவர முயற்சி செய்! என்று சுவரொட்டிகள், ஒட்டி ஆர்பாட்டம் செய்தது வேடிக்கையாக இருந்தது. ஆனால், இதெல்லாம் அதிமுக-பாணி அல்லது திராவிட-பாணி என்று எல்லோருக்கும் தெரிந்த விசயம் தான்.

தொடர்ந்து அதிமுகவினரின் போராட்டங்கள்: தீர்ப்பளித்த நீதிபதியை விமர்சித்து போஸ்டர்கள் ஒட்டியதைத் தவிர, தினம்-தினம், ஒப்பாரி வைத்து மாரடிப்பது, பேருந்துகளைக் கொளுத்துவது, பேருந்துகளில் பயணம் செய்வோர்களுக்கு இடைஞல் செய்யும் வகையில் நிறுத்துவது, கடைகளை மூடச் சொல்லியது, என்று “பந்த்” செய்து வந்தனர். இதனால், ஆரம்பத்தில் பொது மக்களுக்கு பிரச்சினைகல் ஏற்பட்டன. பிறகு பள்ளிகள் கூட பந்த் என்று மூடப்பட்டன; நூற்றுக்கணக்கானவர் மொட்டை போட்டுக் கொள்வது, தாடி வளர்ப்பது போன்றவையும் நடந்தன[11]. யாகங்கள், பூஜை, புனஸ்காரங்கள், கல் சோறு, மண் சோறு சாப்பிடுவது போன்றவைகளும் நடந்தன[12]. ஜெயலலிதாவின் கைது சம்பவத்தால் மனதளவில் பாதிக்கப்பட்டு இதுவரை 62 பேர் இறந்துள்ளனர். மேலும், 4 பேர் மருத்துவமனையில் சிகிச்சை பெற்று வருகின்றனர். மாரடைப்பு காரணமாக மட்டும் 44 பேர் இறந்துள்ளதாக கட்சி வட்டாரங்கள் தெரிவிக்கின்றன[13].

  • ஜெ., விடுதலையாக சேலம் சித்தர் கோவிலில் 1,006 பேர் மொட்டை (தினமலர், அக்டோப்பர்.11, 2014)
  • ஜெ., விடுதலையாக அசைவம் கூடாது; சுத்த பத்தமாக இருக்க வேண்டும் – அதிமுகவினருக்கு ஜோதிடர்கள் ஆலோசனை (அக்டோப்பர்.14, 2014)
  • கோவில் நிலங்களை மீட்போம்; ஜெவை காப்போம் – அதிமுகவினருக்கு மடாதிபதிகள் வேண்டுகோள் (அக்டோப்பர்.14, 2014)
  • ஜெ., விடுதலைக்காக முதல்வர், அமைச்சர்கள் விரதம் (தினமலர், அக்டோப்பர்.16, 2014)
  • ஜெ, விடுதலைக்காக அதிமுகவினர் சபதம் – கோவில் நிலமீட்பு இயக்கமாக எடுத்து செல்வோம்(தினமலர், அக்டோப்பர்.16, 2014)

அதிமுகவினரின் காரியங்களால் இயல்பு வாழ்க்கை பாதிக்கின்றன என்று பொதுநல மனுக்களும் தாக்கல் செய்யப் பட்டன.

17-10-2014 அன்று உச்சநீதி மன்றம் ஜாமீன் வழங்கியது, 18-10-2014 அன்று போயஸ் கார்டனுக்குத் திரும்பியது: சுப்ரமணியன் சாமி, ஜெயலலிதா சார்பில், உச்சநீதிமன்றத்தில் ஜாமீன் மனு தாக்கல் செய்தவுடன், அதில் தன்னையும் சேர்த்துக் கொள்ளுமாறு ஒரு மனுவை தாக்கல் செய்தார். ஆனால், உடல்நிலை காரணமாக ஜெயலலிதா மனு தாக்கல் செய்திருந்ததால், அதனை தான் எதிர்க்கவில்லை என்று காரணத்தையும் சொன்னார். அம்மாவுக்கு ஜாமீன் கொடுக்கப்படாவிட்டால், தீபாவளி சிறையில்தான் கழிக்க வேண்டியிருக்கும் என்று மறுபடியும் ஊடகங்கள் பாட்டுப் பாட ஆரம்பித்தன. ஆனால், 17-10-2014 அன்று உச்சநீதி மன்றம் நிபந்தைகளுடனான ஜாமீன் வழங்கியது, பலருக்கு வியப்பை அளித்தது. பிறகு 18-10-2014 அன்று அவர் ஜெயிலிலிருந்து வெளியே வருவார் என்பதால், அதிமுகவினரால் பெங்களூர் சிறையிலிருந்து, அவரது வீடு வரை வரவேற்பு அளித்தனர். சென்னையிலேயோ இரண்டு நாட்களாக நன்றாக மழை பெய்து கொண்டிருந்தது. அந்தமழையினையும் பொருட்படுத்தாது, அதிமுகவினர் வரவேற்பில் கலந்து கொண்டனர். எது எப்படியிருப்பினும், தமிழக மக்களில் பலர் ஜெயலலிதாவை சிறையில் அடைத்தது, ஜாமீன் தர நேரம் கடத்தியது, பிறகு கொடுத்தது போன்ற செயல்களினால் வருத்தமடைந்தனர் மற்றும் அவர் மீதான ஆதரவு இன்னும் பெருகியது என்றுதான் தெரிகிறது. குறிப்பாக பெண்களின் ஆதரவு கூடியிருக்கிறது என்று அறியப்படுகிறது. போயஸ் கார்டனுக்குத் ஜெயலலிதா திரும்பியது வெற்றியாகக் கருதப்பட்டது.

ஊடகங்களின் 18-10-2014 அன்று தொடர்ந்து ஒலிபரப்பியது: பெங்களூர் பரப்பன அக்ரஹார சிறை முதல், போயஸ்கார்டன் வரை ஊடகக்க்கரர்கள், குறிப்பாக ஆங்கில செனல்கள் போட்டிப் போட்டுக் கொண்டு, விவரங்களை விடாமல் “ரன்னிங் கமென்டரி” போல சொல்லிக் கொண்டிருந்தது, காட்டிக் கொண்டிருந்தது விசித்திரமாக இருந்தது. ஏதோ அவற்றிற்கு வேறு எந்த செய்தியும் இல்லையா, அல்லது இரண்டு மாநிலங்களில் ஒரு தலைவருக்கு இத்தனை வரவேற்பு கொடுக்கிறார்கள் என்பதை அறிந்து வியந்து காட்ட முடிவு செய்தனரா, அல்லது அவற்றிற்கான “ரேடிங்” கூட செய்ததா என்று ஆராய்ந்தாலும், செனல்களில் காட்டியது உண்மை. இதை தொடர்ந்து ஆங்கில செனல்கள் “நேரடியாக” ஜெயா டிவி உதவியுடன் காட்டிக் கொண்டிருந்ததும் உண்மை. மக்கள் வீடுகளில் உட்கார்ந்து கொண்டு பார்த்ததும் உண்மைதான்! 19-10-2014 அன்றும் ஊடகங்கள் இச்செய்தியைப் பற்றி அதிகமாகவே பதிவு செய்திருந்தன[14].

© வேதபிரகாஷ்

20-10-2014

[1] http://www.thehindu.com/news/national/tamil-nadu/jayalalithaas-da-case-chronology-of-events/article6452761.ece

[2] http://indianexpress.com/article/india/politics/chronology-jayalalithaa-disproportionate-assets-case/

[3] www.vinavu.com, http://namathu.blogspot.in

[4] http://www.dailythanthi.com/News/India/2014/09/17131028/.vpf

[5] தமிழிசை சௌந்தரராஜனே அத்தகைய கருத்தை வெளியிட்டுள்ளார்.

[6] ஜினி வீட்டு கொலுவுக்கு சென்ற தமிழக பா.ஜ., தலைவர் தமிழிசை, அவரை பா.ஜ.,வில் சேர்ப்பதற்கு முயற்சி செய்தார். அது குறித்து, பரபரப்பு பேட்டிகளும் அளித்து வந்தார்.ரஜினி வந்து விடுவார் என்ற நம்பிக்கையில், அ.தி.மு.க., வுக்கு அடுத்து, பா.ஜ., தான் என்கிற ரீதியில் பேசி வந்தார்.இந்த பேச்சுக்கு முற்றுப்புள்ளி வைக்க வேண்டும் என்பதற்காக தான், ஜெயலலிதாவுக்கு ரஜினி எழுதிய கடிதம், பத்திரிகைகளுக்கு வெளியிடப்பட்டது. http://www.dinamalar.com/news_detail.asp?id=1096270

[7] ”சட்டத்தின் முன் குற்றவாளியாக இருக்கும், ஜெயலலிதாவின் படத்தை, அரசு அலுவலகங்களில் இருந்து நீக்கவில்லை என்றால், அதை அகற்றுவதற்காக, தமிழக பா.ஜ., போராட்டத்தில் இறங்க வேண்டியிருக்கும்,” என, தமிழக அரசுக்கு எச்சரிக்கை விடுத்திருக்கிறார், தமிழக பா.ஜ., தலைவர் தமிழிசை சவுந்தரராஜன்.

http://www.dinamalar.com/news_detail.asp?id=1093559

[8] தினமலர், 18-10-2014, ப.6. http://www.dinamalar.com/news_detail.asp?id=1094572

[9] http://www.dinamalar.com/news_detail.asp?id=1096270

[10] தினமலர், பாஜகவுக்கு ரஜினி தேவையா? – பதிலளிக்கிறார் சு.சாமி, 12-10-2014, ப.5.

[11] http://www.viduthalai.in/headline/89359-2014-10-16-08-57-06.html

[12] Read more: http://www.viduthalai.in/headline/89359-2014-10-16-08-57-06.html#ixzz3GURpd1J5

[13]http://www.dinamani.com/tamilnadu/2014/10/05/%E0%AE%9C%E0%AF%86%E0%AE%AF%E0%AE%B2%E0%AE%B2%E0%AE%BF%E0%AE%A4%E0%AE%BE-%E0%AE%95%E0%AF%88%E0%AE%A4%E0%AF%81-%E0%AE%8E%E0%AE%A4%E0%AE%BF%E0%AE%B0%E0%AF%8A%E0%AE%B2%E0%AE%BF-%E0%AE%87%E0%AE%A4%E0%AF%81%E0%AE%B5%E0%AE%B0/article2462486.ece

[14]http://www.dinamani.com/india/2014/10/19/%E0%AE%9A%E0%AF%86%E0%AE%A9%E0%AF%8D%E0%AE%A9%E0%AF%88-%E0%AE%A4%E0%AE%BF%E0%AE%B0%E0%AF%81%E0%AE%AE%E0%AF%8D%E0%AE%AA%E0%AE%BF%E0%AE%A9%E0%AE%BE%E0%AE%B0%E0%AF%8D-%E0%AE%9C%E0%AF%86%E0%AE%AF%E0%AE%B2%E0%AE%B2%E0%AE%BF/article2485054.ece