Archive for the ‘பலி’ Category

இருக்கின்ற கோவில்-போன்ற சர்ச்சை வைத்துக் கொண்டு பொய் பிரச்சாரம் செய்தது ஏன்? இந்துத்துவவாதிகள் தங்களது அணுகுமுறைகளை மாற்றிக் கொள்ளவேண்டும்.

ஜூலை 2, 2020

இருக்கின்ற கோவில்போன்ற சர்ச்சை வைத்துக் கொண்டு பொய் பிரச்சாரம் செய்தது ஏன்? இந்துத்துவவாதிகள் தங்களது அணுகுமுறைகளை மாற்றிக் கொள்ளவேண்டும்.

Hindutwa reaction on Tirupatur temple

கோவில்போன்ற சர்ச்சை வைத்துக் கொண்டு பொய் பிரச்சாரம் செய்தது ஏன்? கடந்த வாரத்தில் (ஜூன் மாதம் 2020), இக்கோவில் ராமநாதபுரத்தில் உள்ளது, ஒரு இந்து கோவிலை ஆக்கிரமித்துக் கொண்டு, சர்ச்சாக மாற்றி விட்டார்கள் என்று இந்துத்துவ வாதிகள் மாறி-மாறி இப்படத்தைப் போட்டார்கள், பதிவு ஆனால், எங்கே இருக்கிறது என்று கேட்டால் பதில் சொல்லவில்லை. நண்பர்களியம் விசாரித்தேன்…..ஷேர் செய்யும் பேட்டனை கவனித்தேன்….. எல்லாமே “உள்ளுக்குள்” நடக்கிறது. முன்னர் குறிப்பிட்ட ஒரு நபரிடத்தில், ஏனிப்படி தவறான, ஆதரமில்லாத பதிவுகளை போடுகிறீர் என்று கேட்டதற்கு, “எதிரிகள் போடுகிறார்கள், அதனால், நாங்கள் அப்படித்தான் போடுவோம்,” என்றார். இந்த விசயத்திலும், உடனே, குறிப்பிட்ட நபர்கள், புகார் செய்யுங்கள் என ஆரம்பித்து நின்றுள்ளது…..பொய்யுக்கு-பொய் என்ற லாஜிக், வாதம், தத்துவம் சரியில்லை.

Christukula Ashramam -Tirupattur

ஹிந்து அமைப்புகள் முழுமையான விசாரணை செய்து அறிக்கையை வெளிப்படுத்த வேண்டும்: திருநாவுக்கரசு, தலைவர், தேசிய சிந்தனை பேரவை, தனது பதிவில், “கிறிஸ்தவ குருகுலம் என்னும் பெயரில் …….!!! சர்ச்சைக்குரிய வகையில் ஹிந்து திருக்கோவிலை போல கட்டப்பட்டுள்ள இந்த கிறிஸ்தவ வழிபாட்டு கூடம் குற்றாலத்தில் இருப்பதாக தெரியவந்துள்ளது.. 1923 ஆம் ஆண்டு கிறிஸ்தவ குருகுலம் என்னும் பெயரில் இந்த வழிபாட்டு கூடம் அமைக்கப்பட்டுள்ளதாக கிறிஸ்தவர்கள் கூறுகிறார்கள்…..இயேசு கிறிஸ்து தம்முடைய கனவில் வந்து இந்து கோவிலை போன்று தனக்கு ஒரு வழிபாட்டு கூடம் கட்டும்படி கோரியதால் இதை கட்டியதாக டாக்டர் ஏசுதாசன் என்பவர் குறிப்பிட்டுள்ளார்மேற்கண்ட தகவல்கள் இதுவரை கிடைத்துள்ளது.. மேற்கண்ட செய்திகள் உண்மையாகவே இருக்கும் பட்சத்தில், இந்துக்களின் பாரம்பரிய திருக்கோவிலை போன்று வேற்றுமதத்தவர் தங்கள் வழிபாட்டு கூட்டத்தை கட்டுவதற்கு உரிமை கிடையாது..இது அப்பாவி இந்துக்களை மதமாற்றம் நோக்கத்தில் கட்டப்பட்டு உள்ளதாகவே தெரிகிறது..ஆகவே இது தொடர்பாக நீதிமன்றத்தை நாட வேண்டியது அவசியமாகிறதுஇந்த வழிபாட்டு கூடம் கட்டப்பட்டதாகக் கூறப்படும் 1923 என்பது கிறிஸ்தவர்களின் ஆட்சிக் காலம் என்பதால் அந்தப் பகுதியில் இருக்கும் ஹிந்து அமைப்புகள் முழுமையான விசாரணை செய்து அறிக்கையை வெளிப்படுத்த அன்புடன் கேட்டுக்கொள்கிறேன்…”. ஆனால், ஒன்றும் நடக்கவில்லை, பொய் என்றாதால், அப்படியே அமுங்கி விட்டது!

Christukula Ashramam constructed in Dravidian style
கிருத்துவகுல ஆசிரமம், திருப்பத்தூர் திருப்பத்தூர் மாவட்டம்: தேடிப் பார்த்ததில், சரியான விவரங்கள் கிடைக்கவில்லை. அப்பொழுது, ஒரு முகநூல் நண்பர், இந்திய தேசிய மிஷனரி சங்கம் – கிறிஸ்துவகுல ஆஸ்ரமம் (National Missionary Society of India CK Ashram) என்றுள்ளது, என்று எடுத்துக் காட்டினார். அவர்கள் இம்மாதிரியான கோவில்-சர்ச் கட்டியுள்ளனர்…..இந்த கோயில் ராமநாதபுரம் மாவட்டத்திலிருந்து தொண்டி செல்லும் ஈசிஆர் சாலையில் மணக்குடி கிராமம் உள்ளது கிராமத்திலிருந்து திருவெற்றியூர் பாகம்பிரியாள் கோயில் செல்லும் வழியில் வலது பக்கம் உள்ள ஒரு கிராமத்தில் இக்கோயில் உள்ளது… இது முற்றிலும் உண்மை., என்றெல்லாம் நண்பர்கள் எடுத்துக் காட்டினர். பிறகு எல்லாவற்றையும் தேடி, சரிபார்த்ததில்,  மருத்துவர்கள் இ. போரெஸ்டர் பேடன் (Dr.E.Foresstor Paton) மற்றும் எஸ். ஜேசுதாசன் (Dr.S.Jesudasan) மார்ச்.7, 1921ல் இந்த ஆஸ்ரமத்தை ஆரம்பித்ததாகத் தெரிகிறது[1]. டாக்டர் யேசுதாசன் இலங்கை அரசாங்கத்தில் 10 ஆண்டுகள் சேவை செய்த பிறகு, இங்கிலாந்தில் மருத்துவ பட்டம் பெறுவதற்காக சென்றிருந்த போது கேம்பிரிட்ஜ் பல்கலைகழகத்தில் டாக்டர் ஈ. எவ். பேடனை  சந்தித்தார். 1921 ல், இருவரும் தென்னிந்தியாவுக்கு திரும்பிவந்து வடஆற்காடு மாவட்டத்தில் உள்ள திருப்பத்தூர் எனும் கிராமத்தில் இந்த கிறிஸ்துகுல ஆசிரமத்தை ஆரம்பித்தனர். காந்தியின் சபர்மதி ஆஸ்ரமத்தின் சேவைகளில் ஈர்க்கப் பட்டு, அதைப் போலவே, கிருத்துவர்களும் செய்ய வேண்டும் என்று, இந்த கிருத்துவக்குல ஆஸ்ரமங்களை ஆரம்பித்ததாகத் தெரிகிறது. இ. போரெஸ்டர் பேடன், ஒத்துழையாமை இயக்கத்திற்கும் ஆதரவு தெரிவித்துள்ளார்[2]. இங்கு கிருத்துவர்கள் எளிமையான வாழ்க்கை முறைகளைக் கடைப்பிடிக்கின்றனர்[3]. இந்துமுறைகளைப் பின்பற்றி வந்தனர்[4]. இதெல்லாம் சுதந்திரம் கிடைத்த வரையிலும் நடந்தது.

Christukula Ashramam 1928-1933-Hindi

1947க்குப் பிறகு கிறிஸ்துவ ஆஸ்ரமம் மாறியது: வாடிகன் கவுன்சில் – II க்குப் பிறகு, அவையெல்லாம் மாறிவிட்டன. அதாவது, போப்பின் ஆணையின் படி, நற்செய்தியை அறிவித்து, பாவிகளை மனம் திரும்ப செய்யும் வித்தைகளில் ஈடுபட்டு, இந்துக்களைப் போன்று பஜனை செய்ய ஆரம்பித்து விட்டனர். பூஜைகள், ஆரத்திகள், தூப-தீபங்கள் சகிதம், கோவில்களில் நடக்கும் கிரியைகளை செய்தனர். “உள்-கலாச்சாரமயமாக்கல் முழு வீச்சில் நடந்தது. உரையாடல் இல்லாமலே, உரையாடல்கள் இருந்ததாக எழுதி வைத்தனர். பிரசாதமும் கொடுத்தால், கூட்டம் சேராமலா இருக்கும். “பெரியண்ணன்” மற்றும் “சின்னண்ணான்” பார்த்துக் ஒண்டே இருந்தார்கள். ஆனால், இந்துத்துவ வாதிகள், இதையெல்லாம் புரிந்து கொள்ளாமல், பலமுறை எடுத்துக் காட்டினாலும், கண்டு கொள்ளாமல், இத்தகைய அரைகுறை பதிவுகளை சமூக தளங்களில் பரப்பி, தமது, நம்பிக்கையின்மையினை நிரூபித்து வருகிறார்கள்.

Christukula Ashramam 1928-1933

கிறிஸ்தவ ஜெப ஆலயம், திருப்பத்தூர்: இந்த ஆஸ்ரமத்தைப் பற்றிய ஒரு வீடியோவில், பால் பிரபாகர் என்பவர் அனைத்தையும் விளக்குகிறார்[5]. ஆஸ்ரமம் அஸ்திவாரம் 17-02-1928 அன்று நடந்தது, கட்டுமானம் 09-06-1933 அன்று முடிந்தது என்று ஹிந்தி, தமிழ் மற்றும் ஆங்கிலத்தில் இடது பக்கம் கல்வெட்டு வைக்கப் பட்டுள்ளது. “திராவிட கட்டிடக்கலையில் கட்டப் பட்ட கிறிஸ்தவ ஜெப ஆலயம்மென்று சொல்லிக் கொள்கிறார்கள். உள்ளே கர்ப்பகிருகத்தில், பீடத்தில் சிலுவை வைக்கப் பட்டுள்ளது. அவர்கள், தங்களது திட்டத்தை தெளிவாக உணர்து, தேர்ந்தெடுத்து, உழைத்து வருகின்றனர். சில முகநூல்-இத்துவவாதிகள் போல, பொய்களை பரப்புவதில்லை. “திருப்பத்தூரில் கிறிஸ்து குல ஆசிரமத்தை நிறுவிய டாக்டர் சவரிராயன் ஏசுதாசன் என்பவர் தம் ஆசிரம வழிபாட்டு நூலில் திரு.வி.கலியான சுந்தரனார், இராமலிங்க அடிகளார், தாயுமானவர், பட்டினத்தார் ஆகியோர் பாடல்களையும் சேர்த்துள்ளார்,” என்று குறிப்பும் காணப்படுகிறது. அதாவது, “உள்-கலாச்சாரமயமாக்கல்” திட்டத்தைப் பின்பற்றுகிறார்கள். இவ்வாறு, இருத்துவர்கள் விவரமாக வேலை செய்யும் போது, இந்துக்கள், இந்துத்துவவாதிகள், ஆர்.எஸ்.எஸ்-பிஜேபிகாரர்கள், முதலியோர், எந்த திட்டமும் இல்லாமல், பிஜேபி ஆட்சியில் இருந்தால், செயல்படுவது, இல்லையென்றால் காணாமல் போவது என்ற ரீதியில் தான், கடந்த 40 ஆண்டுகளாக, தமிழகத்தில் செயல் பட்டுக் கொண்டிருக்கின்றனர்.:.

National Missionary Society of India, ashram

கிருத்துவ மற்றும் இந்துத்துவவாதி சித்தாந்திகளுக்குள்ள வேறுபாடுகள்: கிருத்துவ மதத்தில், ஒருவர் இருந்தாலும், இல்லாவிட்டாலும், நிறுவன ரீதியில் செயல்படும் அமைப்புகள் தொயர்ந்து செயல் பட்டு வருகின்றன. ஒவ்வொரு செயல்திட்டத்திற்கும், ஒரு அமைப்பு, நிறுவனம் என்றெல்லாம் இருக்கின்றன. அவர்கள் அரசியல்வாதிகள், ஊடகங்கள், மற்ற கருத்துருவாக்கம் உண்டாக்கும் மற்றும் தீர்மானங்கள் எடுக்கும் அதிகாரிகள், முக்கியஸ்தர்கள் முதலியோருடன், நட்பு, நெருக்கம் மற்றும் தொடர்புகள் வைத்திருக்கிறார்கள். அவர்கள் கிருத்துவர்களாக இருந்து விட்டால், கேட்கவே வேண்டாம், அவரது வேலைகள் சுலபமாக நடந்து விடுகின்றன. ஆனால், இதற்கு எதிர்மாறாக, இந்துக்களிடம் அத்தகைய அமைப்புகள், நிருவனங்கள் மற்றும் ஸ்தாபனங்கள் இல்லை. அறிந்து செயல்பட ஆட்களும் இல்லை. இந்துபாதிரிகள் கல்லூரி என்று ஆரம்பிக்கப் பட்டது, தெரியாமல் போய்விட்டது எனலாம்.

National Missionary Society of India, ashram-garba gruha.cross

ஒற்றுமை இல்லாத இந்துக்கள் மற்றும் அமைப்புகள்: “இந்து” என்ற பெயரில், போர்வையில், விளம்பரங்களில் இப்பொழுது, அமைப்புகள், நிருவனங்கள் மற்றும் ஸ்தாபனங்கள் ஏற்படுத்தப் பட்டிருந்தாலும், அவை ஒற்றுமை இல்லாமல் தனித்தனியாக வேலை செய்து கொண்டிருக்கின்றன. அவற்றில் வேலை செய்யும் இந்துக்கள், இந்துத்துவவாதிகள், ஆர்.எஸ்.எஸ்-பிஜேபிகாரர்கள், முதலியோர், அல்லது அவ்வாறு சொல்லிக் கொள்கிறவர்கள், ஒருவரையொருவர் எதிர்ப்பதில், ஓரங்கட்ட மற்றும் அமுக்கிவிட வேலை செய்கிறார்களே தவிர, பொதுவாக எதிரியை, எதிர்ப்புகளை, தாக்குதல்களை அறிந்து கொண்டு ஒன்றாகவோ, தனியாகவோ முறையாக வேலை செய்வதில்லை. அதனால் தான், 1947க்குப் பிறகும், எந்தவித குறிப்பான, வலுவான, திறம்பட செயல்பட சித்தாந்த வீரர்கள், போராளிகள் இல்லாமல், இவ்வமைப்புகள் சுயநலங்களுடன், சில தனிமனிதர்களின் சுயநலங்களால் செயல்பட்டு சீரழிகின்றன. இந்நிலை எப்பொழுது மாறும் என்று தெரியவில்லை.

© வேதபிரகாஷ்

02-07-2020

National Missionary Society of India, ashram-mantap

[1] S. Jesudason, The Ashram Movement and Indigenisation of Worship, Sri Ramachandra Press, Vellore, 1930, p.23.

Such ashrams inspired NMSI to begin a Christian ashram in Tirupathur in the North Arcot district of Tamil Nadu, called Christukula Ashram. The ashram began functioning from in 1921 March 7.

[2] Venkatraman, V. “British vs English: The Pro-Gandhian Attitude of European Elites in the Civil Disobedience Movement in Tamil Nadu 1930–1932.” Available at SSRN 3152441 (2018).

[3] Dr. E.F. Paton and Dr. S. Jesudan were the founders of Christukula Ashram at Tiruppatur and the Ashramites followed a simple life. NMSI was instrumental in Starting Christian Ashrams in different parts of India. Modelled after Gandhi‘s Sabarmathi Ashram, the first Christian Ashram in India, namely Christukula Ashram was started in Tirupattur, in Tamil Nadu. Christukula means the family of Christ.

  1. Joacquim, கிறிஸ்தவ குருகுலம், Tirupattur.NMSI News, Vol. V, No.7, Jul.2008, p.11. See also NMSI News, Vol. II, No.3, Mar.2005, p.5

[4] Savarirayan Jesudason, Ashrams, Ancient and Modern: Their Aims and Ideals, Sri. Ramachandra Press, Vellore, 1937, p.13

[5] Paul Prabhakar, 98803 12231, https://www.youtube.com/watch?v=MC5Tl0zg6PE

National Missionary Society of India, ashram-mantap.another

அலி, பஜ்ரங் பலி, மற்றும் பலியான 75 வயது மோடி ஆதரவாளர்: புரோகிதர்-ஐயர் ஆன ஸ்டாலினும், மந்திரத்திற்கு கூறி விளக்கமும், கனிமொழியின் ஆசைக்கு முருகனும்! [4]

ஏப்ரல் 16, 2019

அலி, பஜ்ரங் பலி, மற்றும் பலியான 75 வயது மோடி ஆதரவாளர்: புரோகிதர்ஐயர் ஆன ஸ்டாலினும், மந்திரத்திற்கு கூறி விளக்கமும், கனிமொழியின் ஆசைக்கு முருகனும்! [4]

Kanimozhi effigies burnt in Rayalaseema AP

திருச்செந்துார் முருகன் அருளால் வெற்றி பெறுவேன்என்று கனிமொழி[1]: தினமலர் தொடர்ந்து சொல்வது, “துாத்துக்குடி தொகுதியில் போட்டியிடும் அவரது தங்கை கனிமொழி, ‘திருச்செந்துார் முருகன் அருளால் வெற்றி பெறுவேன்’ என, பேசுகிறார். தி.மு.க.,வுக்கு எதிராக, இந்துக்களை ஒருங்கிணைக்கும் பணியில் ஈடுபட்டிருக்கும், அகோபில மடம் சார்பில் நடத்தப்படும், ‘நரசிம்மப்ரியா’ என்ற ஆன்மிக பத்திரிகையின் ஆசிரியர் அனந்த பத்மனாபாச்சாரியாருடன் பேசினோம். “இந்து மத சடங்குகளையும், நம்பிக்கைகளையும் கொச்சைப்படுத்துவது, ‘இந்து என்றால் திருடன்’ என, விளக்கம் கூறுவது, ஆண்டாளை கொச்சைப்படுத்தி பேசுவது, கிருஷ்ணரை அவதூறாக பேசுவது, நெற்றியில் விபூதி, குங்குமம் இட்டவர்களை கேலி பேசுவது, கோவிலில் திருநீறு பூசினால் அதை அழிப்பது என, ஸ்டாலினும் அவரது அடிப்பொடிகளும், இந்துக்களுக்கு எதிராக தொடர்ந்து செயல் படுகின்றனர்.”பொறுமைக்கும் எல்லை உண்டு அல்லவா? இந்துக்கள் இப்போது பொங்கி எழுகின்றனர். இந்த தேர்தலில், யாருக்கு ஓட்டுப் போட வேண்டும் என்பதை விட, யாருக்கு ஓட்டு போட கூடாது என்பதை இந்துக்களிடம் எடுத்துச் சொல்ல, தீவிரமான முயற்சிகள் எடுத்து வருகிறோம். தி.மு.க.,வை எதிர்ப்பதால், வேறு ஏதாவது கட்சிக்கு ஆதரவாக செயல்படுகிறோம் என்று அர்த்தம் இல்லை. ஏனென்றால், எந்தக் கட்சிக்கு ஓட்டு போட வேண்டும் என்று நாங்கள் சொல்லவில்லை.”என்ன பேசினாலும், அந்த பொருளில் பேசவில்லை என்று கடைசி நேரத்தில், ஒரு விளக்கம் கொடுத்து விட்டால், இந்துக்கள் அதை நம்பி நமக்கு ஓட்டு போடுவார்கள் என்ற எண்ணம் கருணாநிதிக்கு இருந்தது. அதை, அவர் பல தேர்தல்களில் பயன்படுத்தி விட்டார். ஸ்டாலினால் அந்த அளவுக்கு சிந்திக்க தெரியவில்லை. ஒரு கண்டன அறிக்கையைக்கூட, மக்கள் நம்பும் வகையில் எழுதிக் கொடுக்க அவரிடம் ஆட்கள் இல்லை.”இனியும், இளிச்ச வாயர்களாக இருந்து ஏமாற, இந்துக்கள் தயாராக இல்லை. தேர்தல் முடிவுகள் வரும் போது, எங்கள் முயற்சியின் சக்தி உலகத்துக்கு தெரியும்,” என்றார் ஆச்சாரியார்.

Kani, Vairamuthu, Veeramani- the trio
இந்துக்கள் அனைவரும், திமுகவிற்கு எதிராக ஓட்டுப் போடுவார்களா?[2]: தினமலர் தொடர்ந்து சொல்வது[3], “மன்னார்குடி செண்டலங்கார சம்பத்குமார் ஜீயர், தி.மு.., தலைவரை கெடுப்பதே வீரமணி தான் என்று நம்புகிறார்.“கடவுளை நாங்கள் நம்புகிறோம். கும்பிடுகிறோம். சிலர் கடவுள் இல்லை என்கின்றனர். அவர்களை நாங்கள் எதிர்க்கவில்லை; விமர்சனம் செய்யவில்லை; கேலி, கிண்டல் செய்யவில்லை. அப்படி இருந்தும், எங்களை ஏன் வம்புக்கு இழுக்கிறார்கள்? இதுவரை பொறுமையாக இருந்தோம். ஆனால், அவர்கள் இதை எங்கள் பலவீனமாக நினைக்கின்றனர். ஆகவே தான், கேலி, கிண்டலை நிறுத்தவில்லை. சரி, இனியும் அமைதி வேண்டாம். குறைந்த பட்சம், தேர்தலிலாவது பாடம் புகட்டுவோம் என்றுதான், இந்த முடிவுக்கு வந்தோம்,” என்கிறார் அவர். தி.மு.., அமைப்புச் செயலர் ஆர்.எஸ்.பாரதிக்கு இப்படி, ஒரு இயக்கம் நடப்பதாகவே தெரியவில்லை.“தேர்தல் களம், தி.மு..,வுக்கு சாதகமாக இருக்கிறது என்றவுடன், பயந்து நடுங்கி, எதிர் தரப்பினர் செய்யும் பொய் பிரசாரம் இது. இப்படித்தான், 1971ல், தி.மு..வுக்கு எதிராக மதத்தின் பெயரால் தீவிர பிரசாரம் செய்தார்கள். என்ன ஆனது? தி.மு.., அமோக வெற்றி பெற்று, 184 தொகுதிகளை பிடித்து ஆட்சிக்கு வந்தது. இப்போதும் அப்படிதான் நடக்கும்,” என்கிறார் பாரதி. இந்துக்கள், ஒரே மாதிரி ஓட்டு போடுவார்களா என்பது மே, 23ம் தேதி தெரியும்”. – வி

Kani, Tirupati case filed

திராவிட தீவிரவாதம் வளர்த்து வரும் வெறுப்புப் பேச்சு: வெறுப்புப் பேச்சு (Hate Speech[4]) என்பது ஒரு இனம், சாதி, மதம், பால், வயது, நாட்டுரிமை, பரம்பரை, உடல் குறைகள், பேசும் மொழி, அரசியல் ஈடுபாடு, சமுதாயப் பின்னணி, குறிப்பிட்ட குழுவினரின் வெளித்தோற்றம் (உயரம், அகலம், எடை, தோலின் நிறம் ஆகிய குறிப்பிட்ட அடையாளம்) கொண்டோரை மற்றவர்களிடமிருந்து வேறுபடுத்திக் காட்டி அந்த அடையாளங்களைப் பழித்துப் பேசி மற்றவர்களுக்கும் அவர்கள் மீது வெறுப்பு ஏற்படுத்த வேண்டும் என்கிற நோக்கத்தில் பேசுவதும் பரப்புரை செய்வதும் வெறுப்புப் பேச்சு ஆகும். இதை சினிமா, வசனங்கள், ஜோக்குகள் என்ற போர்வையில் செய்யப் பட்டு வருகின்றன. சொற்களால் குறிப்பிட்ட நபர் அல்லது சாராரின் மனம் புண்படுவதோடு மட்டுமல்லாது பல வகையான செயல்பாடுகளாலும் இவ் வெறுப்பை வெளிப்படுத்தும் காரியங்களை திராவிடத்துவவாதிகள் செய்து வருகின்றனர். இவ்வகையான நடவடிக்கைகளை பல நாடுகளிலும் அரசுகள் கூர்ந்து கவனித்து தக்க நடவடிக்கை எடுக்கின்றன, ஆனால், தமிழகத்தில் திராவிடக் கட்சிகள் ஆள்வதாலும், 1970லிருந்து திராவிடத்துவ ஆதரவு அதிகாரிகள், நீதிபதிகள், போலீஸார் முதலியோர் இருப்பதனால், முறையாக சட்ட நடவடிக்கையும் எடுப்பதில்லை. “காலை கைது, மாலை விடுதலை” என்ற கொள்கையில் நிறைவேறி வருகிறது.. அதே குற்றத்தை ஆயிரக் கணக்காணோர் 50 ஆண்டுகளாக திரும்பி-திரும்பி செய்து வருகின்றனர். சிலர் இதனை குற்றம் என்ற கண்ணோட்டத்தில் கண்டாலும் இது கருத்துச் சுதந்திரத்தைத் தடுப்பதாக இருக்கின்றது எனவும் சில சாரார் வாதிடுகின்றனர்.

Kani going spree-temples

கருத்துச் சுதந்திரமும், அரசிலல் போலித் தனமும்: இப்படியும் குற்றங்கள் வளர்ந்து வருகின்றன, வளர்க்கப் பட்டு வருகின்றன. அதே நேரத்தில் “கருத்துச் சுதந்திரம்” என்பதற்கு, விள்க்கம் இல்லை, இப்பொழுது, திராவிடத்துவ கருத்துச் சுதந்திரம், இந்துக்களைத் தாக்கியுள்ளது, பிறகு ஏன் மற்ற நம்பிக்கையாளர்களை அவர்களது கருத்துச் சுதந்திரம் மண்டியிடுகிறது என்று தெரியவில்லை. ஆகவே, இது போலித் தனமானது என்று தெரிகிறது. இந்துக்களுக்கும் கருத்துச் சுதந்திரம் உள்ளது, அவர்கள் பதிலுக்கு எதையும் சொல்ல 1950களிலிருந்து, அனுமதிக்கப் படவில்லையே? இதுவரை “பார்ப்பன எதிர்ப்பு” போர்வையில் இருந்ததால், அமைதியாக இருந்தனர் போலும். இப்பொழுது, அதிகாரம் தேவை எனும் போது, இந்து உணர்வு மற்றவர்களுக்கும் வந்து விட்டதால், அதையும் அரசியல் ஆக்கப் பார்க்கின்றனர்.  இதனை 14-04-2019 அன்று நியூஸ்-எக்ஸில் அதிமுக [கிஷோர்] மற்றும் திமுக [இளங்கோவன்] பேச்சாளர்களிடமிருந்து நன்றாகவே வெளிப்பட்டது.

75 years old man killed canvassing for Modi 13-04-2019.vedaprakash

திராவிட தீவிரவாதம், மோடி துவேசமாகி, கொலையில் முடிந்துள்ளது: வெறுப்புப் பேச்சு [Hate speech] என்று இன்று பரவலாக பேசப்பட்டு, கண்டிக்கப் படுகிறது, ஆனால், திராவிடத்துவ அரசியல் மேடை பேச்சுகளே அதில் தான் வளர்ந்தது, திறமையை வளர்த்தது, அத்தகையெ துவேச கக்கல்களுக்கு பரிசுகளும் பட்டங்களும் கொடுக்கப் பட்டன.  இன்றும் ஸ்டாலின் அதில் சளைத்தவராக இல்லை. மோடி எதிர்ப்பு துவேசம் எதற்கு? முதலில் திமுக என்.டி.ஏவோடு கூட்டணி வைத்துக் கொள்வதாக இருந்தது. மோடி கருணாநிதி வீட்டிற்கு எல்லாம் சென்று குசலம் விசாரித்தார். ஸ்டாலினும், கனிமொழியும் பூரித்து விட்டனர். ஆனால், திடீரென்று திமுக மோடிவிரோதியாகியது. சகிப்புத் தன்மை [Tolerance] எப்படி சகிப்புத் தன்மையற்றதாகி [Intolerance] துவேசத்தில் முடிந்தது என்பது அரசியல் ரகசியம் என்று சொல்ல வேண்டும். காங்கிரஸ் கூட்டு உண்டாகியவுடன், ஸ்டாலின், மோடியை திருடன், களவாணி என்றெல்லாம் பேச ஆரம்பித்து விட்டார். மோடி தமிழக விரோதி போல சித்தரித்து, அதில் வெற்றியும் கண்டனர். ஈவேராவின் “பார்ப்பானைக் கொல்” போன்ற திராவிட தீவிரவாதம், கொலைவெறி முதலியன எப்படி இன்று வரை, பூணூல் / தாலி அறுப்புகளில் நடந்து வருகின்றனவோ, அதுபோல, ஜல்லிக்கட்டில் ஆரம்பித்து வைக்கப் பட்ட மோடி துவேசம், கருப்பு பலூன்கள் விட்டு, இன்று கொலையில் முடிந்துள்ளது.

Veeramani condemned, Charu Nivedita-2

தாலி கட்ட ஸ்டாலின் ஐயர், தாலி அறுக்க வீரசமணி ஐயர்: நாங்களும் “ஐயர்” தான் இந்த திருமணத்தை செய்து விட்டு, இன்னும் இரண்டு திருமணங்க்களுக்கு செல்ல வேண்டியுள்ளது, என்று ஒப்புக்கொள்ளும் நிலைக்கு ஸ்டாலின் வந்தாகி விட்டது[5]. நாளைக்கு தாலி அறுக்க, அந்த வீரமணி ஐயர் வரலா.ஆனால், இத்திருமணங்கள் எல்லாம், இத்தகைய இந்து விரோதிகள், இந்துமத துவேசிகள் முதலியோர் நடத்தி வைப்பதால், திருமணங்கள் மங்கலமாக இருக்குமா, இல்வாழ்க்கை சிறக்குமா, நாளைக்கு தாலி அறுப்பில் முடியுமா போன்ற பிரச்சினைகளை ந்ன்றாக கவனித்து தீர்மானம் செய்ய வேண்டும். ஈவேரா நடத்தி வைத்த திருமணங்கள் அசிங்கப்பட்டதை ஸ்டாலினே, இந்த வீடியோவில் ஒப்புக் கொண்டு சொல்லியாகி விட்டது. ஆகவே, சட்டப்படி, மரியாதை, நோக்கியதை பெற்ற பிறகு, இத்தகைய ராசியில்லாத, அமங்கல, மூளிகளால் செய்து வைக்கும் திருமணங்கள் எங்கு போய் முடியும் என்று யோசிக்க வேண்டும். சட்டப்புறம்பாக இருப்படை, சட்டத்தில் கொண்டு வந்து, மரியாதை கொள்ளலாம். ஆனால், இத்தகைய ராசியில்லாத, அமங்கல, மூளிகளால் உண்டாகும் அநாச்சாரங்களை, குழப்பங்களை யாரும் ஒன்றும் செய்ய முடியாது. அனுபவிக்க வேண்டியது தான்.

வேதபிரகாஷ்

14-04-2019

Stalin witdrawing Vinayaka caturti greetings

[1] தினமலர், ஸ்டாலினுக்கு மதச்சிக்கல்: தி.மு..,வை சுழற்றி அடிக்கும் புது புயல்,

Updated : ஏப் 11, 2019 17:48 | Added : ஏப் 11, 2019 17:46 .

[2] தினமலர், ஸ்டாலினுக்கு மதச்சிக்கல்: தி.மு..,வை சுழற்றி அடிக்கும் புது புயல்,

Updated : ஏப் 11, 2019 17:48 | Added : ஏப் 11, 2019 17:46 .

[3] https://www.dinamalar.com/news_detail.asp?id=2253579

[4] speech that attacks, threatens, or insults a person or group on the basis of national origin, ethnicity, color, religion, gender, gender identity, sexual orientation, or disability

[5] https://www.youtube.com/watch?v=Declz2hIXIA

அலி, பஜ்ரங் பலி, மற்றும் பலியான 75 வயது மோடி ஆதரவாளர்: செக்யூலரிஸ போதையில் கொலைவெறியில் ஆடும் இந்துவிரோத சித்தாந்தங்கள்! [2]

ஏப்ரல் 16, 2019

அலி, பஜ்ரங் பலி, மற்றும் பலியான 75 வயது மோடி ஆதரவாளர்: செக்யூலரிஸ போதையில் கொலைவெறியில் ஆடும் இந்துவிரோத சித்தாந்தங்கள்! [2]

Yogi and Mus;ims friendship

தேர்தல் ஆணையம் நோட்டீஸ்: “பச்சை” நிறத்தை வைத்து, வைரஸ் என்றும் முஸ்லிம்களின் ஓட்டுவங்கியை விமர்சித்தார். மேனகா காந்தி, முஸ்லிம்கள் தனக்கு ஓட்டுப் போடமாட்டார்கள் என்று அறிந்ததும், இனி சலுகைக்ளும் அவ்வாறே கிடைக்காது என்று பேசினார். இதுபோன்ற பிரச்சாரம் மதவாதப் பேச்சாக இருப்பதாக யோகி மீது தேர்தல் ஆணையத்தில் தொடர்ந்து பல புகார்கள் வருகின்றன[1]. இவர் மூன்று தினங்களுக்கு முன் சஹரான்பூரில் பேசியபோது ‘அலி’ என முஸ்லிம் மற்றும் ‘பஜ்ரங்பலி’ என இந்துக்கள் வாக்குகளையும் குறிப்பிட்டு பேசினார்[2]. இது விதிமீறல் எனக் கூறி மத்திய தேர்தல் ஆணையம் யோகியிடம் விளக்கம் கேட்டு நேற்று நோட்டீஸ் அனுப்பியுள்ளது[3]. இதேபோல், அலிகரில் யோகி பேசியதன் மீதும்  24 மணி நேரத்திற்குள் பதிலளிக்க வேண்டும் ஆணையத்திற்கு புகார் அனுப்பப்பட்டுள்ளது[4].

UP and Muslim politics

உபியின் நிலையும்,தேர்தல் களமும்: வாக்காளர்களை மதம், ஜாதி ரீதியில் கணக்கிட்டு, வெற்றிப் பெறுவது எப்படி என்று திட்டம் போட்டப் பிறகு, கூட்டணி சித்தாந்தம் நீர்த்து, மேடைப் பேச்சுகளும் மாறத்த்ஹான் செய்யும். அதனால், 07-04-2019:  சகரன்பூரில் மாயாவதி: “உத்தரபிரதேசத்தில் பாஜகவை வீழ்த்த எண்ணினால், உங்கள் வாக்குகளை பிரிக்காமல், மாபெரும் கூட்டணிக்கு பதிவிடுங்கள்,” என்று மதரீதியிலாக, இவ்வாறு பிரசாரம் செய்ததால், 19% உபி முஸ்லிம்கள் குழம்பியுள்ளனர். புகார் கொடுக்கப் பட்டது. பதிலுக்கு, 09-04-2019 அன்று, யோகி ஆதித்யநாத் ”மாயாவதிக்கு… முஸ்லிம் மக்களின் வாக்குகளே தேவை. மாபெரும் கூட்டணிக்கு மற்ற மக்களின் வாக்குகளை விரும்பவில்லை….காங்கிரஸ், சமாஜ்வாடி, பகுஜன் சமாஜ் ஆகிய கட்சிகளுக்கு அலி மீது நம்பிக்கை உள்ளது என்றால், எங்களுக்கு பஜ்ரங்பலி மீது நம்பிக்கை உள்ளது!,”என்று பதில் அளித்தார். உடனே அடுத்த நாள் 10-04-2019 அன்று, மாயாவதி டுவிட்டரில்: “ராம நவமிக்கு என் வாழ்த்துக்கள் பஜ்ரங்பலி மற்றும் அலி இடையில் வெறுப்பு மற்றும் மோதல் தேவையில்லை…. பஜ்ரங்பலி ஒரு தலித், அதனால், தலித்துகள் எனக்கு ஓட்டுப் போடுங்கள்”, என்று டுவிட்டரில் பதிவு செய்தார். உடனே ஆஸம் கான் அலி-பஜ்ரங் பலி என்று கூப்பாடு போட்டதை கவனிக்கலாம்!

Stali condemned Rama rath yathra

தென்னிந்திய திராவிடமும், தமிழக ராமர் துவேசமும்: தமிழகத்தில் ராமசாமி மற்றும் ராமச்சந்திரன் இவர்களின் தாக்கம் இருக்கத்தான் செய்கிறது. இங்கோ ராமரை தூஷிக்கும் வம்சம், நானும் இந்து என்று புலம்பல்! ஆக, நாடு முழுவதும் ராமர் பெயரை வைத்துக் கொண்டு எப்படி நடிக்கிறார்கள், என்பதை கவனிக்கலாம்! உண்மையில் ராமர் தான் எல்லா ஜாதிகளையும் உயர்த்தியவர், தன்னுடைய நண்பகளாக்கிக் கொண்டவர், அதனால் தான், “மரியாதா புருஷோத்தமன்” என்று அழைக்கப் படுகிறார். படகோட்டி, ஜடாயு, வானரன், ஜாம்பவான், விபீஷணர், சபரி என்று கிரி-வன ஜனங்கள் எல்லோருமே நண்பர்கள், வணக்கத்திற்கு உரியவர்கள் ஆனார்கள். சூர்ப்பனகை, அகலிகை, சபரி, மண்டோதரி, கைகேயி என்று பலதரப்பட்ட பெண்களுக்கு உயர்ந்த இடம் கொடுத்தவர் ராமர். ராமன் எத்தனை ராமனடி மட்டுமில்லை, ஜாதியம் இல்லாமல், எல்லா நகர்புற, காடுகள், மலைகள் வாழ் மக்களை உயர்த்திய ராமனடி என்றானார்! இங்கிருக்கும் திராவிடப் பதர்கள், ராமரைத் தூற்றி, தூஷித்து, திராணி இல்லாமல் பெண்டாட்டிகளை வைத்து சாமி கும்பிடுகிறார்கள். ராமதூதர்கள் மக்களுக்கு தொண்டாற்றுபவர்கள், திராவிட ராமசாமிகளோ கோவில்களை இடிப்பவர், சிலைகள் திருடுப்பவர், சொத்துகளை அபகரிப்பவர்…….என்றகி விட்டனர்.

75 years old man killed canvassing for Modi 14-04-2019

13-04-2019, சனிக்கிழமை, தஞ்சாவூர், ஒரத்தநாடு: தஞ்சை அருகே மோடியின் படத்தை கழுத்தில் வாக்கு கேட்ட முதியவர் 13-04-2019 அன்று கொலை செய்யப்பட்டார்[5]. நாடாளுமன்றத் தேர்தலையொட்டி ஆங்காங்கே வாக்கு சேகரிப்பு நடந்து வருகிறது. தஞ்சை மாவட்டம் ஒரத்தநாடு அருகே உள்ள தென்னமநாடு கிராமத்தை சேர்ந்தவர் கோவிந்தராஜ் (75)[6]. ஒரத்தநாட்டில் உள்ள கால்நடை பண்ணை அலுவலக ஊழியராக இருந்து வந்தார். இவருக்கு 2 மகன் மற்றும் ஒரு மகள் உள்ளனர். தற்போது குடும்பத்தில் ஏற்பட்ட கருத்து வேறுபாடு காரணமாக கோவிந்தராஜ் தனியாக வசித்து வந்தார். இவர் பாஜகவில் இல்லாவிட்டாலும் மோடி மீது மிகுந்த ஈடுபாடு கொண்டவர். பிரசாரம் இதனால் நாடாளுமன்றத் தேர்தலில் பாஜகவுக்கு ஆதரவாக வாக்கு சேகரிக்க முடிவு செய்தார்[7]. அதன்படி ஒரத்தநாடு மற்றும் சுற்றியுள்ள பகுதிகளில் தீவிர பிரசாரம் மேற்கொண்டார்.  மோடியின் புகைப்படம் மக்கள் கூடும் இடங்களில் எல்லாம் மோடிக்கு வாக்களியுங்கள், மோடிக்கு வாக்களியுங்கள் என்றே வலியுறுத்தி வந்தார்[8]. இந்த நிலையில் கோவிந்தராஜ், ஒரத்தநாடு பஸ் நிலையம் அருகே மோடியின் படத்தை கழுத்தில் மாட்டிக் கொண்டு பிரசாரம் செய்தார்[9].

Modi followers killed 13-04-2019, Tamil news cutting.3

மோடிக்கு ஆதரவாக பிரச்சாரம் செய்த 75 வயது கிழவர் அடித்துக் கொலை: முதியவருடன் தகராறு அப்போது அங்கிருந்த கடைக்காரர்கள், வாடிக்கையாளர்களிடம் வாக்குச் சேகரித்தார். அங்கு ஒரத்தநாட்டை அடுத்த கண்ணந்தங்குடி மேலையூரை சேர்ந்த பஸ் ஓட்டுநர் கோபிநாத் என்பவர் முதியவருடன் தகராறில் ஈடுபட்டார்[10]. பின்னர் வாக்குவாதம் முற்றியதில் ஆத்திரம் அடை——-ந்த கோபிநாத், முதியவரை சரமாரியாக அடித்து உதைத்தார். வலி தாளாமல் அலறினார். சிறிது நேரத்தில் அவர் மயங்கினார்[11]. அப்போது அக்கம்பக்கத்தினர் மீட்டு ஒரத்தநாடு அரசு மருத்துவமனைக்கு அனுப்பி வைத்தனர். பரபரப்பு எனினும் அந்த முதியவர் சிகிச்சை பலனின்றி உயிரிழந்தார்[12]. இதையடுத்து முதியவரின் மகள் ஒரத்தநாடு காவல் நிலையத்தில் புகார் செய்தார். அதன் பேரில் வழக்கு பதிவு செய்த போலீஸார் கோபிநாத்தை கைது செய்தனர்[13]. முதியவர் அடித்துக் கொல்லப்பட்ட விவகாரத்தில் பெரும் பரபரப்பு ஏற்பட்டது.

Modi followers killed 13-04-2019, Tamil news cutting.2

ஸ்டாலின் திருமண மந்திரங்களை தூஷித்துப் பேசியது[14]: ஸ்டாலின், பேசும்போது, “…………….இடையிலே நெருப்பை மூட்டி, புகை மண்டலத்தை கிளப்பி, ..ஹோமம் வளர்ப்பார்கள், புகை வரும்…அப்புகை மணப்பெண்ணுக்கு கண்ணீர் வரவழைக்கும்….வந்திருக்கும் மற்றவர்களுக்கும் கண்ணீர் வரவழைக்கும்….ஐயர் மந்திரம் சொல்வார், அவர் சொல்லும் மந்திரங்கள் மற்றவர்களுக்கும் புரியாது, உங்களுக்கும் தெரியாது…எல்லா கடவுளர்களையும் அழைப்பார், முக்கோடி தேவர்களையும் அழைப்பார்…அதன் உள்ளர்த்தத்தை நினைத்து பார்த்தீர்கள் ஆனால், உடல் எல்லாம் நடுங்கும், அவ்வளவு கேவலமாக அந்த மந்திரங்கள் இருக்கும்……பிறகு சந்திரனை, இந்திரனை எல்லாம் அழைப்பர்…..”, என்றெல்லாம் கூறி முடித்தார்.

வேதபிரகாஷ்

14-04-2019

Stalin on marriage mantras

[1] தினபூமி, தேர்தல் விதிமீறல் எதிரொலி: யோகி,மாயாவதி பதிலலிக்க தேர்தல் ஆணையம் கெடு, வெள்ளிக்கிழமை, 12 ஏப்ரல் 2019.

[2] http://www.thinaboomi.com/2019/04/12/107923.html

[3] நியூஸ்.18, யோகி ஆதித்யநாத், மாயாவதிக்கு தேர்தல் ஆணையம் நோட்டீஸ், Web Desk | news18, Updated: April 12, 2019, 12:22 PM IST.

[4] https://tamil.news18.com/news/national/ec-issues-show-cause-notice-to-yogi-adityanath-and-mayawati-for-violating-model-code-of-conduct-va-139065.html

[5] தமிழ்.ஒன்.இந்தியா, தஞ்சையில் பயங்கரம்.. மோடி படத்தை கழுத்தில் போட்டு வாக்கு கேட்ட முதியவர் கொலை, By Vishnupriya R | Updated: Sunday, April 14, 2019, 12:40 [IST] .

[6] https://tamil.oneindia.com/news/thanjavur/elder-man-murdered-for-asking-vote-for-bjp-in-tanjore-346864.html

[7] விகடன், மோடி, எம்.ஜி.ஆர் படங்களுடன் பி.ஜே.பிக்கு வாக்குக்கேட்ட முதியவர் கொலை! – தஞ்சை டிரைவர் கைது, வெளியிடப்பட்ட நேரம்: 17:40 (14/04/2019) கடைசி தொடர்பு:17:40 (14/04/2019).

[8] மாலைமலர், பா...வுக்கு ஆதரவாக ஓட்டு கேட்ட சமூக ஆர்வலர் அடித்து கொலை, பதிவு: ஏப்ரல் 14, 2019 10:36; மாற்றம்: ஏப்ரல் 14, 2019 13:54.

[9] https://www.maalaimalar.com/News/District/2019/04/14103609/1237084/BJP-support-campaign-social-activist-murder-police.vpf

[10] தமிழ்.வெப்.துனியா, மோடியின் படத்தை அணிந்திருந்த முதியவர் கொலை, Last Modified ஞாயிறு, 14 ஏப்ரல் 2019 (18:32 IST).

[11] https://tamil.webdunia.com/article/lok-sabha-election-interesting-facts/killing-a-voter-wearing-modis-image-119041400025_1.html

[12] நக்கீரன், மோடிக்கு ஓட்டுக் கேட்ட முதியவரை அடித்துக் கொன்ற டிரைவர்!, பகத்சிங், Published on 14/04/2019 (23:23) | Edited on 14/04/2019 (23:32)

[13] https://www.nakkheeran.in/24-by-7-news/thamizhagam/thanjavur-district-orathanadu

[14] https://www.youtube.com/watch?v=RhSkE9mnbYM