Archive for the ‘கோவில் அர்ச்சகர்’ Category

திமுக, ஸ்டாலின், திராவிட குடும்பத்தினர் இருந்துவிரோதிகளா, இல்லையா? ஸ்டாலின் நமக்கு நாமே போர்வையில் செக்யூலரிஸ நாடகம் ஆடி விளக்கம் கொடுக்க வேண்டிய அவசியம் என்ன? [2]

செப்ரெம்பர் 26, 2018

திமுக, ஸ்டாலின், திராவிட குடும்பத்தினர் இருந்துவிரோதிகளா, இல்லையா? ஸ்டாலின் நமக்கு நாமே போர்வையில் செக்யூலரிஸ நாடகம் ஆடி விளக்கம் கொடுக்க வேண்டிய அவசியம் என்ன? [2]

Stalin visited temple- 2015-Tirukostiyur-3

நமக்கு நாமே போர்வையில் செக்யூலரிஸ நாடிகம் ஆடிய ஸ்டாலின் (2015): ஸ்டாலின் தனது ‘நமக்கு நாமே’ பயணத்தின் 10 ஆவது நாளான செப்டம்பர் 2015 அன்று, திருக்கோஷ்டியூர் நோக்கி மனைவி துர்கா மற்றும் கட்சி நிர்வாகிகளுடன் சென்றார். சுற்றுப்பயணத்தில் திட்டமிடாத பகுதிக்கு ஸ்டாலின் சென்றதால் தொண்டர்கள் அவரைப் பின் தொடர்ந்தனர். 108 வைணவத்தலங்களில் ஒன்றான திருக்கோஷ்டியூர் சௌமிய நாராயண பெருமாள் கோவிலுக்கு அவர் சென்றார்[1]. இதனால் பரபரப்பு ஏற்பட்டது. அங்கு ஸ்டாலினுக்கு கோவில் சார்பில் பூரண கும்ப மரியாதை வழங்கப்பட்டது[2]. இதைத் தொடர்ந்து கோவிலை சுற்றிப்பார்த்த மு.க.ஸ்டாலின், அவரின் மனைவி துர்கா ஆகியோர் ராமானுஜர் உபதேசித்த 106 அடி உயர கருங்கல் கோபுரத்தையும் பார்வையிட்டு தரிசனம் செய்தனர்[3]. அதாவது, வேடிக்கைப் பார்க்கச் சென்றார் அவ்வளவுதான். இந்து போல அல்லது பக்தியுடன் செல்லவில்லை. பிறகு, அக்டோபர் முதல் வாரத்தில், தஞ்சாவூர், திருவாரூர் மாவட்டங்களில் மக்களை சந்தித்து குறை கேட்டார். தஞ்சை மேல வீதி காமாட்சி அம்மன் கோவிலில் இந்து மத குருக்கள், அர்ச்சகர்களுடன் கலந்துரையாடினார்[4]. பட்டாச்சாரியர்கள், குருக்கள், அர்ச்சகர்கள் சந்திப்பு என்று ஶ்ரீ பங்காரு காமாக்ஷி அம்மன் திருமண மண்டபத்தில் நடந்தது அந்த நாடகம். ஸ்டாலின், பின்னர் மறை மாவட்ட ஆயர் இல்லத்தில் ஆயர் மற்றும் தேவாலய பிரதிநிதிகளை சந்தித்துப் பேசினார். இதுதான் அந்த இந்துவிரோதியின் செக்யூலரிஸ நாடகம் எனலாம். ஆனால், இந்து அமைப்பினர் இதனை ஏன் கண்டுகொள்ளவில்லை என்ரு தெரியவில்லை. ஶ்ரீரங்கத்தில், சந்தனத்தை நெற்றியில் வைத்ததும், போத்திய பொன்னாடையாலேயே அழித்த ஸ்டாலின், இந்து விரோதி தானே?

Stalin visited temple- 2015-Tirukostiyur-2

நாத்திகன் கோவிலுகுச் சென்றதும், பூரண கும்ப மரியாதை பெற்றதும்ஜூன் 2018: ஜூன் 21-22, 2018 தேதிகளில், இரண்டு நாள் பயணமாக திருச்சி வந்துள்ள தி.மு.க. செயல் தலைவர் மு.க.ஸ்டாலின், திருச்சியில் பல்வேறு நிகழ்ச்சிகளில் கலந்துகொண்டார். உடல்நலன் பாதிக்கப்பட்டுள்ள இந்திய யூனியன் முஸ்லிம் லீக்கின் தேசியத் தலைவர் பேராசிரியர் கே.எம்.காதர்மொய்தீனின் துணைவியார் ஹாஜியானி லத்திபா பேகத்தை அவரின் இல்லத்தில் சென்று உடல் நலம் விசாரித்தார். காலை 8 மணியளவில் திருவரங்கத்தில் உள்ள ஸ்ரீராமனுஜர் மடத்தில் இருக்கும் பத்மசாலி திருமண மண்டபத்துக்குச் சென்றார். வரும் வழியில் திருவரங்கத்தில் உள்ள ஸ்ரீஅரங்கநாதர் சுவாமி திருக்கோயில் எதிரில் உள்ள ரெங்கா கோபுரம் அருகே திருக்கோயில் சார்பில் அர்ச்சகர் சுந்தர் பட்டர் தலைமையில் பூரணகும்ப மரியாதை அளிக்கப்பட்டது. பின்னர் ஸ்டாலினை யானை ஆசீர்வதித்து மாலை அணிவித்தது. பின்னர் வெள்ளை கோபுரம் அருகே அகோபிலம் மடத்தைச் சேர்ந்த தேசிய ஆச்சாரியார் தலைமையில் பூரணகும்ப மரியாதை வழங்கப்பட்டு மாலை அணிவிக்கப்பட்டது[5]. இதையடுத்து ஶ்ரீரங்கம் வந்த ஸ்டாலினுக்கு சுந்தர் பட்டர் தலைமையில் ராஜகோபுரம் அருகே, யானை மாலை அணிவிக்க, அடுத்து பூரண கும்ப மரியாதை அளித்தனர்[6]. இதற்கு “நக்கீரன்” கொடுத்துள்ள வக்காலத்து இதோ!

Stalin visited temple- 2015-Tirukostiyur

நக்கீரனின் வக்காலத்து – ஆன்மீக அரசியலும், பெண்டாட்டியின் சுக்கிரபரிகார பூஜையும், நாத்திக ஸ்டாலினும்: திருச்சி ஸ்ரீரங்கம் கோயில் பெருமாளை தரிசனம் செய்ய இந்தியா முழுவதிலும் இருந்து பக்தர்கள் எப்போதும் திரண்டு வருவார்கள்.

தமிழகத்திலும் பாரதிய ஜனதா கட்சி தன்னை தக்கவைத்து கொள்வதற்காக மக்களிடையே ஆன்மீகம் குறித்து நிறைய பேச ஆரம்பித்தனர். அதன் ஓரு பகுதியாக தான் சமீபத்தில் ரஜினி அரசியல் இறங்குவேன் என்று அறிவித்ததற்கு பிறகு ஆன்மீக அரசியல் பற்றி தமிழகத்தில் பரபரப்பாக பேசப்பபட்டது. இந்த நிலையில் இந்த ஆன்மீக அரசியல் என்பது திமுக செயல்தலைவர் மு.க.ஸ்டாலினையும் விட்டு வைக்கவில்லை என்கிறார்கள்.

நாத்திகர்களுக்கும், பகுத்தறிவுகளுக்கும், வெங்காயங்களும் என்ன ஆன்மீகம் இருக்கிறது, அதிலிருந்து ஆன்மீக அரசியல் வருவதற்கு என்று தெரியவில்லை!  அரசமரத்தைச் சுற்றினால் இடுப்புப் பெருக்குமா என்று கேள்வி கேட்கும் கோஷ்டியினருக்கு, ஏனிந்த “ஆன்மீக” ஆசை? யார் நம்புவார்கள்?

உடன் பிறப்புகள். திருச்சி ஸ்ரீரங்கம் கோயிலில் பிராத்தனை செய்வதற்காக மு.க.ஸ்டாலின் மனைவி துர்கா ஸ்டாலின் அடிக்கடி வருவது வழக்கம்.

June 2018, SriRangam temple, Stalin, priest apply paste

அப்படி அவர் வரும்போது எல்லாம் அவருடன் கே.என். நேருவின் மனைவியும் வருவார்களாம். எதிரிகளிடம் இருந்து காப்பாற்றுவதற்காகவும், இழந்ததை மீண்டும் பெறுவதற்காகவும் கடந்த சில வருடங்களுக்கு முன்பு சுக்கிரபரிகாரா பூஜை செய்ததன் பலனாக தான் தன் குடும்பத்திலும், அரசியலிலும் இரு தனித்தன்மை கிடைத்தாம்[7]. அதே போல தான் தற்போதும் ஸ்ரீரங்கம் கோவிலுக்கு செல்ல வேண்டும் என்று மனைவியின் ஆசையை நிறைவேற்றியிருக்கிறார்[8]. மு.க.ஸ்டாலின் என்கிறார்கள்.

நாத்திகனுக்கு பெண்டாட்டி சுக்கிரபரிகாரா பூஜை செய்தால், பலன் கிடைக்கும் என்று எந்த புராணம் சொல்கிறது? பெண்டாட்டியின் ஆசையை நிறைவேற்ற மற்ற கோவில்களுக்கும் சென்றிருக்க வேண்டுமே? செல்லவில்லையே? இங்கே மட்டும், பலன் கிடைக்க வேண்டுமானால்வெங்காயம், பெண்டாட்டியுடன் வரவேண்டும் என்று சொல்லப் பட்டதா?

இதன் அடிப்படையில், அன்பில் மகேஷ் பொய்யாமொழி உறவினர்கள் இரண்டு பேரின் திருமணமும், கட்சியினர் இருவரது மகளுக்கும், மகனுக்கு காதுகுத்தும் நிகழ்ச்சியும் ஸ்ரீரங்கம் கோவில் அருகே உள்ள திருமண மண்டபத்தில் வைத்து நடைபெறும் வகையில் ஏற்பாடு செய்யப்பட்டிருந்தது.

June 2018, SriRangam temple, Stalin, priest apply paste-Stalin removed

அந்த வகையில், இந்த நிகழ்ச்சிகளில் கலந்து கொள்வதற்காக திருச்சி வருகை தந்த மு.க.ஸ்டாலினுக்கு ஸ்ரீரங்கம் ரெங்கா கோபுர வாசலில், யானை வைத்து மாலை அணி்வித்து ஸ்ரீரங்க பட்டர்கள் தலைமையில் ஸ்டாலினுக்கு பூரண மரியாதை கொடுத்தனர். தொடர்ந்து மு.க.ஸ்டாலினுக்கு திருமஞ்சன பொட்டு வைத்தார் பட்டர். அதனை சிரித்துக்கொண்டே ஏற்றுக்கொண்ட ஸ்டாலின் மெதுவாக அழித்தார்.

அதாவது ஸ்டாலின் துர்கா தம்பதியராக வந்து செல்ல, எல்லாமே, திமுகவினரால் செய்த “செட்அப்” போலும்! அப்படி, எந்த திராவிடப் புரோகிதர் சொன்னார் என்று தெரியவில்லை. பட்டர் வைத்த சந்தனத்தை பட்டென்று, போத்திய பட்டு வஸ்திரத்தினால், துடைத்தெரிந்ததும், பரிகார பூஜை தானோ? சிரித்துக் கொண்டே துரோகம் செய்யும் போக்கு வெளிப்பட்டு விட்டதே?

உடன் இருந்த வழக்கறிஞர் பாஸ்கர் மாலை அணிவித்த யானைக்கு கரும்பு சாப்பிட கொடுத்தார். கோவிலுக்குள் வருமாறு பட்டர்கள் அழைத்த போது, மறுத்து சென்று விட்டார். அதன் பிறகு உடனே கோவிலின் வெளி சுற்று வழியே ஒரு சுற்று சுற்றி நேராக கல்யாண மண்டபத்திற்கு சென்றார்.

© வேதபிரகாஷ்

15-09-2018

June 2018, SriRangam temple, Stalin, priest apply paste-Stalin removed-2

[1] விகடன், மனைவியுடன் ஸ்டாலின் கோவிலுக்கு திடீர் வருகை; சாமி தரிசனம்: கட்சியினரிடையே பரபரப்பு!, Posted Date : 13:03 (29/09/2015)Last updated : 13:43 (29/09/2015)

[2]  https://www.vikatan.com/news/tamilnadu/53036.html

[3] தமிள்ஸ்.நவ்.நியூஸ், திமுக இந்து எதிர்ப்பு இயக்கம் அல்லள் மு ஸ்டாலின், அக்டோபர் 17, 2015.

[4] http://tamilsnow.com/?p=62030

[5] விகடன், பூரண கும்ப மரியாதையானை ஆசீர்வாதம்ஸ்ரீரங்கத்தில் ஸ்டாலினுக்கு நடந்த வரவேற்பு, சி.ய.ஆனந்தகுமார், மற்றும்ன்.ஜி.மணிகண்டன்,  Posted Date : 11:48 (22/06/2018)Last updated : 11:48 (22/06/2018)

[6] https://www.vikatan.com/news/tamilnadu/128482-stalins-srirangam-visit.html

[7] நக்கீரன், மனைவிக்காக ஸ்ரீரங்கம் வந்த மு..ஸ்டாலின்!, ஜே.டி.ஆர், Published on 22/06/2018 (12:28) | Edited on 22/06/2018 (12:30)

[8] https://nakkheeran.in/24-by-7-news/politics/mk-stalin-cames-srirangam-temple-his-wife

Advertisements

இந்து முன்னணியே, ஓடாதே – நில்! இப்படி கத்துவது திக!

ஜூலை 11, 2010

இந்து முன்னணியே, ஓடாதே – நில்! இப்படி கத்துவது திக!

கரூரில் இந்து முன்னணியின் வாலாட்-டத்தால் – திராவிடர் கழகத்தின் மண்-டல மாநாடு ஒன்றை ஈரம் காய்வதற்குள் நடத்தும்படி நேர்ந்தது.

செம்மொழி மாநாட்டு விளம்பரப் பதாகையைக் கிழித்து தங்களின் தமிழ் வேஷத்தினை துல்லியமாகக் காட்டிவிட்டனர். கலைஞரின் உருவப்படத்தைக் சிதைத்ததன் மூலம் தங்களின் ஜென்ம விரோதத்தனத்தை விளம்பரப் படுத்திக்கொண்டனர்.

மாநாட்டில் அவர்கள் போட்ட காட்டுக் கூச்சல் கரூர் மக்களை ஆத்திரம் கொள்ளச் செய்தது. அந்த நேரம் பார்த்து திராவிடர் கழகத் தலைவர் கரூரில் திராவிடர் கழக மண்டல மாநாடு என்று வெளியிட்ட அறிவிப்பு கரூர் மக்களைக் களிப்படையச் செய்துவிட்டது.

கடந்த செவ்வாயன்று (6-.7-.2010) கரூரைச் சிறுக்கச் செய்து கருஞ்சட்டைக் கடல் பெருக்கெடுத்து ஓடியது. கருஞ்சட்டைச் சேனை பெருத்தது – கரூர் சிறுத்தது. ஆத்திரம் வராதோ ஆரியக் கும்பலுக்கு? எரிச்சல் முட்டாதா இந்து முன்னணிக் கூட்டத்துக்கு?

கழக மாநாடு நடக்குமுன் கரூர் இந்து முன்னணியினர் சில வினாக்களைத் துண்டு வெளியீடுகள் மூலமாகவும், சுவரொட்டிகள் மூலமாகவும் எழுப்பியிருந்தனர்.

வினாக்கணைகள்தானே கருஞ்சட்டைச் சேனைக்கு விருப்பமான உணவு? எதிர்ப்புதானே எங்களுக்கு இன்பத் தேனிலா?

இந்து முன்னணி எழுப்பிய வினாக்களுக்குத் திராவிடர் கழகத் தலைவர் கி.வீரமணி மாநாட்-டில் பதில்களைக் கூறிவிட்டார் என்று தினமணி (9.-7.-2010) மரியாதையாக ஒப்புக் கொண்டிருக்கிறது – அதனைப் பாராட்டலாம்தான்!

இந்து முன்னணியினர் புதியதாக சில வினாக்-களை எழுப்பியதாக அதே தினமணி வெளியிட்டுள்ளது.

(1) காஞ்சி சங்கரமடத் தலை-வராக தலித் ஒருவர் தலைவராக நியமிக்கப்படும்பொழுது தி.க.விலும் நியமிப்போம் என்று வீரமணி தெரிவித்துள்ளார்.

காஞ்சி சங்கர மடம் பிராமணர்-களாலும், மதுரை ஆதீனம் மடம் பிள்ளைமார்-களாலும், கோவை மருதாச்சலம் அடிகளார் மடம் கவுண்டர்-களாலும், கோவிலூர் மடம் செட்டியார்களாலும் பராமரிக்-கப்படுகிறது. இவ்வாறு சமுதாய-வாரியாக மடங்கள் உள்ளன.

தி.க. கடவுள் மறுப்பு இயக்-கமாக இருந்து வந்ததா? இல்லை, ஒரு ஜாதி சார்ந்த இயக்கமா என்பதைத் தமிழக மக்களுக்குத் தெளிவுபடுத்த வேண்டும் என்று இந்து முன்னணி வேண்டு-கோளுடன் கூடிய கேள்விகளை எழுப்பியிருக்கிறது.

இதன் மூலம் காஞ்சி சங்கர மடம் பிராமணர்-களுக்கு மட்-டும், பிராமணர்களால் தோற்று-விக்கப்பட்டது என்பதை வெளிப்படையாக ஒப்புக் கொண்டதற்கு வேண்டுமானால் கரூர் இந்து முன்னணியினரை ஒரு முறை கைதட்டிப் பாராட்டலாம்.

காஞ்சி மடம் என்பது பார்ப்பனர்களின் மடம்- பார்ப்-பனர்களுக்காகவே உள்ள மடம். சூத்திர பஞ்சம தமிழர்-களே, அங்கு ஏன் செல்-கிறீர்கள்? அவர்களின் கால்-களில் ஏன் மண்டியிடுகிறீர்கள்? ஏன் காணிக்கையைக் கொட்டு-கிறீர்கள்.

சங்கர மடத்தினால் நிறு-வப்பட்ட அத்தனை அறக்-கட்டளைகளும் பார்ப்பனர்-களுக்காகத்தான் _ அத்தனை உதவிகளும், சலுகைகளும். சமாராதனைகளும் பார்ப்-பனர்களின் வயிற்றில் அறுத்துக் கட்டுவதற்குத்தான் என்று திராவிடர் கழகம் சொல்லும் பொழுதெல்லாம் – எழுதும்-போதெல்லாம் – இது குறுகிய கண்ணோட்டம், பிராமணத் துவேஷம் என்று சொல்லி வந்ததெல்லாம் பசப்பு வார்த்தைகள்; பகட்டு வார்த்தைகள் என்பது புரியவில்லையா? கரூர் கொடுத்த அடியில், தமிழர் தலைவர் மான-மிகு கி.வீரமணி அவர்கள் கொடுத்த சாட்டை-யடியில் விழி பிதுங்கி, மண்டைக் காய்ந்து, மளமளவென்று உண்மைச் சரக்கை ஊரறிய உலகறிய உளறிக் கொட்டி விட்டது. இது சங்கர மடத்துக்கும், சங்கர மடப் பக்தர்களுக்கும் மறை-விடத்தில் தேள் கொட்-டியது போன்றதுதான். இந்து முன்னணி வகையறாக்களுக்கு மிக முக்கியமான கேள்வி ஒன்று செங்குத்தாக எழுந்து நிற்கிறது.

இனி சங்கராச்சாரியாரை ஜெகத்குரு என்று சொல்லலாமா? அப்படிச் சொல்லப்படுவதற்கு அவர் அருகதை உடையவர்தானா?

இனி கண்டிப்பாக அழுத்தம் திருத்தமாக ஜெகத்குரு என்று சொல்லுவதை வாபஸ் வாங்கிக் கொண்டு, பார்ப்பன குரு என்றுதான் அழைக்க வேண்டும். ஏன் என்றால் இந்து முன்னணியே ஒப்புக் கொண்டுவிட்டது – சங்கர மடம் பார்ப்-பனர்களுக்கானது என்று. அவாள் அவாளை எப்படி வேண்டுமானாலும் அழைத்துக் கொள்ளட்டும் – தாராளமாக தூக்கிச் சுமக்கட்டும் -_- சுயமரியாதைக்காரர்கள் அப்பொழுது கண்டிப்பாக குறுக்கிடவே மாட்டார்கள் _- மாட்டவே மாட்டார்கள். அப்பொழுதும் கூட பார்ப்பன குரு என்று அழைக்க-வேண்டுமே தவிர பிராமணக் குரு என்று அழைக்கக்கூடாது. அப்படி அழைத்தால் பார்ப்-பனர் அல்லாத எங்களை சூத்திரர்கள் என்று மறை-முகமாக அழைப்பதாகப் பொருள்படும். அதன் காரண-மாக சூத்திரன் என்றால் ஆத்திரம் கொண்டு அடி! என்ற முழக்கம் எங்களை உசுப்பிவிடும்.

இன்னொன்றும் இருக்-கிறது. இந்துக்களின் தலைவர் சங்கராச்சாரியார் என்றும் குறிப்பிடக்கூடாது; இந்துக்-களே ஒன்று சேர்வீர் என்று அழைப்பு கொடுக்கும் யோக்-கியதையும் அவாளுக்குக் கிடை-யவே கிடையாது; வேண்டுமா-னால் பார்ப்பனர்களே ஒன்று சேருங்கள் என்று கூப்பிட்டுத் தொலையட்டும்!

இனிமேல் சைவக் கோயில்களில் குடமுழுக்கு செய்ய சங்கராச்சாரி-யார்கள் வரக்கூடாது. அப்படி ஒரு தடைச் சட்டம் போட்டுக் கொள்ள வேண்டும். சைவர்கள் வேறு – பார்ப்-பனர்கள் வேறு என்பதை ஆயிரம் ஆயிரம் எடுத்துக் காட்டுகளுடன் தமிழ-ரான _ சைவ மெய்யன்பரான, தமிழ்க்கடல் மறைமலை அடிகள் எம்.எல். பிள்ளை என அழைக்கப்பட்ட கா.சு.பிள்ளை போன்றவர்கள் கறாராகவே எழுதி வைத்துவிட்டுச் சென்றுள்ளனர்.

இனிமேல் சங்கராச்சாரியார் உபந்நியாசம் செய்ய வேண்டுமானால் பார்ப்பனர் வட்டத்துக்குள் தான் சுருங்கிக் கொள்ள வேண்டும்.

ஆன்மீகம் என்ற போர்வையில் பார்ப்பனர் அல்லாதாரை வளைக்கும் அயோக்கியத் தனத்தில் ஈடுபடக்கூடாது – அதற்கான அடிப்படைத் தகுதி அவர்களுக்குக் கிடையாது என்பதை இந்து முன்னணி தினமணி வாயிலாகத் தெரிவித்துக் கொண்டு விட்டது.

திராவிடர் கழகத்துக்குத் தலித் ஒருவர் தலைவராக வருவதில் எந்த விதத் தடையும் கிடையாது. தலித் வரக்கூடாது என்ற விதிகளும் இல்லை.

இயக்கத்தின் கொள்கைகளில் தோய்ந்து, இயக்கத்திற்காகப் பாடுபடும் இயக்கத் தோழர்களின் மதிப்பைப் பெறும் எந்தத் தலித்தும் திராவிடர் கழகத்தின் தலைவராக வருவதில் தடையில்லை. கழகப் பொறுப்புகள் என்பது வேலை வாய்ப்பு அலுவல-கமும் அல்ல -_ இடஒதுக்கீடு சுழற்சி முறைக்கு. தொண்டு செய்வதற்குரிய துல்லியமான இடம்.

பார்ப்பனர்கள் கழகத்தில் உறுப்பிரான முடியவே முடியாது. கழகத்தில் உறுப்பினராகும் எவரும் அதன் தலைமையிடத்துக்கு வர வாய்ப்பு இருக்கும் போது திராவிடர் கழகத்திற்குத் தலித் தலைவர் என்ற கேள்விக்கே இடமில்லை.

ஜாதி உணர்வுக்கு அப்பாற்பட்ட ஒரு சமூகப் புரட்சி இயக்கம் திராவிடர் கழகம் என்பது எதிரிகளும் ஒப்புக்கொள்ளக்கூடியதாகும். இதில் ஜாதிப் பிரச்சினையைத் திணிக்கப் பார்ப்பது பரிதாபத்திற்குரியது.

தலித் ஒருவர் திராவிடர் கழகத்-திற்குத் தலைவராக வருவதற்குத் தடையில்லை என்பது போல, சங்கர மடத்திற்கு அப்படி ஒரு விதி _- சம்பிரதாயம் உண்டா – இருக்கிறதா என்ற கேள்விக்குப் பதில் தேவை.

(2) கடவுள் இல்லை என்பதை மாநாட்டில் பங்கேற்கும் அரசியல் கட்சி-யினரைத் தேர்தலில் போட்டி-யிடும்போது கடவுள் இல்லை என்று கூறுவோரின் வாக்குகள் மட்டுமே போதும், கடவுள் நம்பிக்கை உள்ள-வர்கள் வாக்களிக்க வேண்டாம் என்று கூறமுடியுமா என்று இந்து முன்னணி கேள்வி எழுப்பியுள்ளதாக தினமணி கூறுகிறது. இது தேர்தலில் நிற்கக் கூடியவர்-களைப் பார்த்து எழுப்பப்பட வேண்டிய கேள்வி.

இன்னொன்று, – தேர்தல் என்பது கடவுள் உண்டா -இல்லையா என்பதற்-காக நடத்தப்படுவது அல்ல. – ஆட்சியை அமைப்பதில் அந்தந்தக் கட்சிகள் தங்கள் வேட்பாளர்களை நிறுத்து-கின்றன. அங்கே அரசியலைப் பார்க்-கிறார்களே தவிர ஆன்மிகவாதிகளா, நாத்திகர்களா என்று பார்ப்பதில்லை. அரசியல் கட்சிகளில் ஆன்மிகவாதி-களும் உண்டு. நாத்திகவாதிகளும் உண்டு. அப்படி இருக்கும் போது அரசி-யல் கட்சிகள் இதனை முன்னிறுத்த வாய்ப்பே கிடையாது.

அதே நேரத்தில் இந்து முன்னணி-யினர் கவனத்தை 1971-_ஆம் ஆண்டிற்கு இழுத்துப் போக வேண்டியதுதான்.

சேலத்தில் 23-.1.-1971 அன்று மாபெரும் மூட நம்பிக்கை ஒழிப்பு மாநாடு திராவிடர் கழகத்தால் நடத்தப்பட்டது. அன்றைய ஜனசங்கத்தினர் (இன்றைய இந்து முன்னணி – பா.ஜ.க. வகையறா) தந்தை பெரியார் அவர்களுக்குக் கருப்புக் கொடி காட்டுவதாகக் கூறி, தந்தை பெரியார் அவர்கள் ஊர்வலமாக அழைத்து வரப்பட்ட அலங்கார வண்டியின் மீது செருப்பை வீசினார்கள். அந்தச் செருப்பை இலாவகமாகப் பிடித்து ஊர்வலத்தில் எடுத்துச் செல்லப்பட்ட இராமன் உருவத்திற்குப் பாதுகா பட்டாபிஷேகம் (செருப்படி) செய்தனர். கழகத் தோழர்கள்! ஊர்வ-லத்தின் முடிவில் இராமர் உருவமும் கொளுத்தப்பட்டது. அதன் மூலம் தமிழர்களின் தன்மான உணர்வுத் தீயின் உக்கிரம் வெளிப்பட்டது.

அவ்வளவுதான்! மார்ச்சு முதல் வாரத்தில் நடைபெற விருந்த தமிழ்நாடு சட்டப் பேரவைத் தேர்தலில் தி.மு.க.-வுக்கு எதிராக இந்தப் பிரச்சினையைத் திருப்பினார்கள். இராமனை செருப்பா லடித்த தி.க. ஆதரிக்கும் தி.மு.க.வுக்கா ஓட்டு என்று பெரிய பெரிய சுவரொட்-டிகளை வெளியிட்டனர். துக்ளக்கும் இதே தினமணியும் நிர்வாண ஆட்டம் போட்டன. அய்யப்பனையும் முருகனை-யும் பிரார்த்தித்தது தினமணி -_- தி.மு.க. தோற்க வேண்டுமாம்

முடிவு என்ன தெரியுமா? ராமனை செருப்பாலடித்த தி.க. ஆதரித்த தி.மு.க. 183 இடங்களில் வெற்றி பெற்றது. 1967 இல் அதற்குக் கிடைத்த இடங்கள் 138 தான். இராமனை செருப்பாலடித்த நிலையில் 45 இடங்களைக் கூடுதலாகப் பெற்றது. அப்போது ராஜாஜி என்ன அறிக்கை வெளியிட்டார்? தேசம் முழுமைக்கும் இன்று ஒரு துர்ப்பாக்கிய நிலை ஏற்பட்டிருக்கிறது. இந்தத் துர்ப்பாக்கியம் தமிழகத்தை இரட்டிப்புத் தீவிரத்துடன் தாக்கியிருக் கிறது. மதம், சம்பிரதாயக் கட்டுப்பாடு கள், தெய்வபக்தி இவற்றின் முழு எதிரி என்று தம்மை முழு மூச்சுடன் பகிரங்கப் படுத்திக் கொள்வோரின் திருமுன்னரே அவரது ஆசியும் அனுக்கிரகமும் பெற்றுப் பதவிப் பிரமாணம் செய்து கொண்டிருக்கிறது தமிழக மந்திரிசபை.

இனித் தமிழகம் ஆஸ்திகர்கள் வாழத் தகுதி யிழந்துவிட்டது; இந்த ராஜ்யத்தை விட்டே வெளியேறிட வேண்டும் என்று சில மகா புருஷர்கள் உள்படப் பலர் எண்ணத் தொடங்கிவிட்டனர் என்று கல்கியில் (4.-4.-1971) தமது கருத்தை வெளியிட்டார் ஆச்சாரியார்.

இந்து முன்னணியே! இந்து முன்-னணியே! இதற்கு என்ன பதில் சொல்-கிறாய்?

ஆஸ்திகம் – நாஸ்திகத்தை முன்னி-றுத்தி நடைபெற்ற தேர்தலில் நாஸ் திகம் வென்றுவிட்டதே – _ நாக்கைப் பிடுங்கிக் கொள்ளப் போகிறாயா? வீண் சவடால் வேண்டாம்! ஓடாதே, நில்!

சிறுமி அர்ச்சகர் ஆனார் வழிகாட்டுகிறது கேரளம்

ஜூன் 7, 2010

சிறுமி அர்ச்சகர் ஆனார் வழிகாட்டுகிறது கேரளம்

பதிவு செய்த நாள் : ஜூன் 06,2010,23:13 IST

http://www.dinamalar.com/News_Detail.asp?Id=13866

Girl-becomes-priest

Girl-becomes-priest

திருச்சூர் : ஏழாம் வகுப்பு படிக்கும் ஒரு சிறுமி, நாட்டில் முதன் முறையாக கோவில் அர்ச்சகராகத் தேர்ந்தெடுக்கப்பட்டிருக்கிறார். கல்வியில் முதலிடத்தில் இருக்கும் கேரளா, கோவில் அர்ச்சகர்களாக பெண்களைத் தேர்ந்தெடுப்பதில் வழிகாட்டியுள்ளது. கேரளாவில் உள்ள கோவில்களில், “தந்திரி’ (அர்ச்சகர்) களாக ஆண்கள்தான் பணியாற்றி வருகின்றனர். அவர்களுக்கு, இந்துமத சாஸ்திரங்களிலும், ஆகமங்களிலும் பயிற்சிகள் அளிக்கப்படுகின்றன.

முதல் பெண் அர்ச்சகர்: இரிஞ்ஞாலக்குடாவிலுள்ள தரனநெல்லூர் மடம் மற்றும் ஆலப்புழை மாவட்டத்தின் செங்கண்ணூரிலுள்ள தாழமோன் மடம் ஆகிய, இரண்டு, “தந்திரி’ பயிற்சிப் பள்ளிகள் கேரளாவில் புகழ்பெற்றவை. இவற்றில் தரனநெல்லூர் மடத்தைச் சேர்ந்த பத்மநாபன் நம்பூதிரிபாடு என்பவரின் மகள் ஜ்யோத்ஸ்னா நம்பூதிரிபாடு(11) என்ற சிறுமிதான், முதன் முறையாக நாட்டில் பெண் அர்ச்சகராகத் தேர்ந்தெடுக்கப்பட்டிருக்கிறார். திருச்சூர் மாவட்டம் காட்டூரில், பத்மநாபனின், தரனநெல்லூர் வீட்டுக்குச் சொந்தமான பயிங்கன்னிக்காவு என்ற துர்கா கோவிலில், சிறுமி ஜ்யோத்ஸ்னா அர்ச்சகராக பொறுப்பேற்றுக் கொண்டுள்ளார். அக்கோவில் மூலஸ்தானத்தில் துர்கா தேவியின் விக்ரக பிரதிஷ்டையை தன் குரு முன்னிலையில், சிறுமி செம்மையாக நடத்தி வைத்தார். பின், அதற்கான மண்டல பூஜைகளையும் நடத்தி வருகிறார்.

சிறுவயதிலிருந்தே ஆகம விதிகளை கற்ற சிறுமி: சிறுமியின் சிறுவயது முதலே, பூஜை முறைகளைக் கற்றுக் கொடுத்து வந்திருக்கிறார் பத்மநாபன். அவருக்கு மந்திர அதிகாரத்துக்கான “மந்திர தீட்சை’ அளித்து, பின், ஆகம பூஜைகளைக் கற்றுக் கொள்வதற்கான “கர்ம தீட்சை’யும் அளித்துள்ளார். “தந்த்ர (ஆகம) பூஜைகளைப் பெண்கள் செய்யக் கூடாது என்று சாஸ்திரம் விதிக்கவில்லை. தந்த்ரங்களைக் கற்றவர் யாராயினும், “தந்திரி’ ஆகலாம். ஆனால், நாம் அதைப் பற்றி சிந்திப்பதில்லை. அத்துறையில் ஆண் அர்ச்சகர்களின் ஆதிக்கம் மிகுந்திருப்பதுதான் இதற்குக் காரணம்’ என்கிறார் பத்மநாபன். “ஆகமங்களைக் கற்பதில் நான் ஆர்வம் கொண்டிருக்கிறேன். என்னால் எவ்வளவு முடியுமோ அவ்வளவு கற்பேன்’ என்று உற்சாகத்துடன் கூறுகிறார் ஜ்யோத்ஸ்னா.

துர்கா தேவிக்கு ஆகம விதிப்படி பூஜை செய்யும் பெண் அர்ச்சகர்: துர்கா தேவிக்கு ஆகம விதிப்படி, பிரம்மகலச அபிஷேகம், பரிகலச அபிஷேகம் ஆகியவற்றைச் செய்து முடித்தபின், பக்தர்களுக்கு அவர் பிரசாதம் வழங்கினார். அவரது பெற்றோர் அவரது காலில் விழுந்து வணங்கினர். தரனநெல்லூர் மடம், மத்திய கேரளாவின் இரிஞ்ஞாலக்குடாவிலுள்ள கூடல் மாணிக்கம், திருப்பிறையாற்றிலுள்ள ராமர் கோவில் ஆகியவற்றிலும் “தந்திரி’களை நியமித்துள்ளனர்.