Archive for the ‘கத்தி’ Category

இந்துத்துவம் பிணைக்கும் போது பிஜேபிகாரன், ஆர்.எஸ்.எஸ்.முதியவரைக் கொலை செய்ய முடியுமா? குற்ற மனப்பாங்கு எப்படி வந்தது – சுயபரிசோதனை செய்யவேண்டும்!  

ஜூலை 3, 2020

இந்துத்துவம் பிணைக்கும் போது பிஜேபிகாரன், ஆர்.எஸ்.எஸ்.முதியவரைக் கொலை செய்ய முடியுமா? குற்ற மனப்பாங்கு எப்படி வந்ததுசுயபரிசோதனை செய்யவேண்டும்!

Self-introspection required to check-power struggle or ideology failure

கருடா சௌக்கியமா? பரசிவன் கழுத்தில் இருக்கும் பாம்பு கேட்டது!: அதிகாரம் ஊழலை உண்டாக்கும், சிதைக்கும், அதுபோல, அளவுக்கு அதிகமான அதிகாரம், எதேச்சாதிகாரம் அதிக அளவில் ஊழலை, நாசத்தை, சேதத்தை உண்டாக்கும் (Power corrupts, absolute power corrupts absolutely). ஒரு சாதாரண மனிதன் கூட, அதிகாரத்தைக் கொடுத்தால், கொஞ்சம் கொஞ்சமாக அகம்பாவம், ஆணவம், திமிர், மமதை, இருமாப்பு என்று ஆட ஆரம்பித்து விடுவான். “யாரும் இருக்கும் இடத்தில் இருது கொண்டால், எல்லாம் சௌக்கியமே,” கருடன் சொன்னது. இந்துத்துவ வாதிகளுக்கு, இதெல்லாம் தெரியாது என்று சொல்ல முடியாது. தொடர்ந்து நடந்து வரும் நிகழ்வுகளால், முதலில் சுய-பரிசோதனை செய்து கொண்டு, என்ன பிரச்சினை என்று அறிந்து, அதனை தீர்க்க முயற்சிக்க வேண்டும். பிரம்மாவை ஒதுக்கி, சிவனைப் போல வரம் கொடுத்துக் கொண்டே இருந்தால், பஸ்மாசுரர்கள் அதிகமாகிக் கொண்டே இருப்பார்கள். கட்டுப் படுத்த வேண்டும். லெட்டர்பேட், விசிடிங் கார்டுகள் அதிகமாகின்றன எனும்போதே, செக் வைக்க வேண்டும்.

Shri Vijayendra Swamigal Mutt, Kumbakonam HO - Temples in Kumbakonam

அபினவ் தீர்த்தசுவாமி சொத்துக்களும், ஆக்கிரமித்த பிஜேபி தலைவரும்: மடத்தின் கும்பகோணம் அருகே நாச்சியார்கோவில் வடக்கு மடவிளாகம் பகுதியைச் சேர்ந்தவர் கோபாலன் (68), (வயது 80) என்கிறது மாலைமுரசு, 65 என்கிறது இன்னொரு ஊடகம்[1]. ஓய்வுபெற்ற ஆசிரியர். இவரது மகன் வாசுதேவன், ஆர்எஸ்எஸ் அமைப்பின் முன்னாள் மண்டல பொறுப்பாளர்[2]. அப்பகுதியில் உள்ள அபினவ் தீர்த்தசுவாமி மடத்தின் பொறுப்பாளராக கோபாலன் இருந்துவந்தார்[3]. இந்த மடத்துக்கு கும்பகோணம், நாச்சியார்கோவில் பகுதியில் நிறைய சொத்துக்கள் உள்ளதால், இதை கோபாலன்தான் நிர்வகித்து வந்துள்ளார். இந்த மடத்துக்கு சொந்தமான 13 கடைகள் அப்பகுதியில் உள்ளன. இங்கு கடை நடத்தியவர்களில் பலர் வாடகை செலுத்தாமல் இழுத்தடித்ததால், மடத்தின் நிர்வாகத்தினர் கூறியதன்பேரில், அனைவரும் கடைகளை காலி செய்துவிட்டனர். ஆனால், அங்கு டெய்லர் கடை நடத்திவந்த பாஜகவின் நாச்சியார்கோவில் நகரத் தலைவரான சரவணன் (48) மட்டும், கடையை காலி செய்ய மறுத்துவிட்டார்.

BJP person kills RSS worker, Velli Idazh, 02-07-2020

நீதி மன்றத்திற்குச் சென்றது, காலிசெய்யச் சொன்னது:  இதையடுத்து, நீதிமன்றத்தில் கோபாலன் தொடர்ந்த வழக்கில், கடையை காலிசெய்யும்படி நீதிமன்றம் உத்தரவிட்டதால், கடை காலி செய்யப்பட்டது. இதுதான் இவர்களுக்கு இடையே பிரச்சனையாக இருந்தது[4]. முதலில் 2 லட்சம் வாடகை பணத்தை தருகிறேன் என்றவர் நாளடைவில், “இது என் அப்பா வெச்ச கடை, ரொம்ப வருஷமா கடை வெச்சிருக்கோம். நீ கோர்ட்டுக்கு போனால்கூட கடை எங்களுக்குதான்,” என்று சொல்லி உள்ளார். சரவணன் இப்படி சொல்லிவிட்டதால், கோபாலன் வேறு வழி தெரியாமல் கோர்ட் உதவியை நாடினார்.. கடைசியில் சரவணனை கடையை காலி செய்ய கோர்ட் சொல்லிவிட்டது. இந்த உத்தரவையடுத்து, “கடையை காலி செய்தால் ரூ.2 லட்சம் தரேன்னு சொன்னீங்களே அந்த பணம் எங்கே,” என்று கோபாலன் கேட்டார்.. அதற்கு சரவணன், “அது கோர்ட்டுக்கு போறதுக்கு முன்னாடி சொன்னது, இப்பதான் தீர்ப்பு வந்துடுச்சே” என்று வாக்குவாதம் செய்து வந்துள்ளார்[5].

How BJP Saravanan could kill RSS old man-news

முதியவர் கோபாலன் 30-06-2020 அன்று கொலை செய்யப் பட்டார் – 01-07-2020 மாலை செய்தி: 30-06-2020 செவ்வாய் கிழமை, இரவு தனது வீட்டின் திண்ணையில் கோபாலன் அமர்ந்து இருந்தார்[6]. முதலில் வாக்குவாதம் நடந்துள்ளது[7]. அப்போது அங்கு வந்த மர்ம நபர் ஒருவர், கோபாலனை அரிவாளால் சரமாரியாக வெட்டி விட்டு அங்கிருந்து தப்பி ஓடிவிட்டார்[8]. இதில் படுகாயத்துடன் ரத்த வெள்ளத்தில் கிடந்த கோபாலனை அக்கம் பக்கத்தினர் மீட்டு கும்பகோணம் அரசு மருத்துவமனைக்கு சிகிச்சைக்காக கொண்டு சென்றனர். அங்கு அவரை பரிசோதித்த டாக்டர், கோபாலன் ஏற்கனவே உயிரிழந்து விட்டதாக தெரிவித்தனர்[9]. இதையடுத்து அவருடைய உடல் பிரேத பரிசோதனைக்காக கொண்டு செல்லப்பட்டது. மடத்தின் பொறுப்பாளராக பதவி வகித்து வந்த கோபாலன், மடத்துக்கு சொந்தமான சில கடைகளை பல மாதங்களாக போராடி காலி செய்ததாகவும், இதனால் ஏற்பட்ட முன் விரோதம் காரணமாக இந்த கொலை நடந்திருக்கலாம் எனவும் கூறப்படுகிறது. இதுகுறித்து நாச்சியார்கோவில் போலீசார் வழக்குப்பதிவு செய்து விசாரணை நடத்தி வருகிறார்கள். மேலும் அரிவாளால் வெட்டி விட்டு தப்பி ஓடிய மர்ம நபரையும் போலீசார் வலைவீசி தேடி வருகிறார்கள்.

BJP person kills RSS worker, Tamil Hindu, 02-07-2020

பிஜேபி நகரத்தலைவர் கொன்றதை ஒப்புக் கொண்டது, 02-07-2020 மாலை செய்தி இதனால், கோபத்தில் இருந்துவந்த சரவணன் 30-06-2020 இரவு மதுபோதையில் சென்று, தன் வீட்டுக்கு வெளியே நின்றிருந்த கோபாலனை கத்தியால் குத்திவிட்டு தப்பினார். இதில், கோபாலன் உயிரிழந்தார். நாச்சியார்கோவில் போலீஸார் வழக்கு பதிவு செய்து, சரவணனை கைது செய்தனர்[10]. விசாரணையில் உண்மையினை ஒப்புக் கொண்டார் என்று போலீஸார் கூறுகின்றனர்[11]. இதுகுறித்து போலீஸ் தரப்பில் விசாரித்தோம்[12]. “கடையை காலி செய்யச் சொன்னதால் கோபாலன் மீது கோபத்தில் இருந்துள்ளார் சரவணன். இவர் பி.ஜே.பி-யின் நாச்சியார் கோயில் பகுதியின் நகரத் தலைவராக உள்ளார். இந்நிலையில் கொரோனாவால் டெய்லர் கடை வருமானமும் போய்விட்டதால், பணரீதியாக கஷ்டப்பட்டு வந்துள்ளார். இதனால் கோபாலன் மீதான ஆத்திரம் அதிகமாகியுள்ளது. இந்நிலையில் நேற்று இரவு மதுபோதையில் இருந்த சரவணன் மாம்பழம் வெட்டுவதற்கு எனக் கூறி புதிய கத்தி ஒன்றை வாங்கி வந்துள்ளார். அப்போது வீட்டிற்கு முன் நின்றுகொண்டிந்த கோபாலனிடம், ` என் கடையைக் காலி செய்ய வைத்துவிட்டாயே.. உன்னை சும்மாவிடமாட்டேன்’ எனக் கூறி கத்தியைக் கொண்டு முகம் உள்ளிட்ட பகுதிகளில் வெட்டிக் கொலை செய்துள்ளார். அடுத்த ஒரு மணி நேரத்திலேயே சரவணனைக் கைது செய்துவிட்டோம்” என்றனர்[13].

BJP person kills RSS worker, Tamil One India, 02-07-2020

இது என் அப்பா வெச்ச கடை, ரொம்ப வருஷமா கடை வெச்சிருக்கோம். நீ கோர்ட்டுக்கு போனால்கூட கடை எங்களுக்குதான்,”: பி.ஜே.பி-யின் நாச்சியார் கோயில் பகுதியின் நகரத் தலைவராக உள்ள சரவணன் இவ்வாறு சொன்னதில் பல திடுக்கிடும் விவரங்கள் வெளி வருகின்றன:

  1. கோவில்-மடத்து சொத்து என்று சரவணனுக்குத் தெரிந்திருக்கிறது.
  2. பிஜேபி கோவில்-மடத்து சொத்துக்களை அரசிடமிருந்தே மீட்க போராடி வருவது தெரிந்த விசயமே.
  3. “உழுதவனுக்குத் தான் நிலம்,” என்பது போல, “ஆக்கிரமிப்புக் காரனுக்குத் தான் சொத்து சொந்தம்,” என்ற தத்துவத்தை யார் சொல்லிக் கொடுத்தது?
  4. அந்நிலையில் பிஜெபி தலைவரே, அவ்வாறு மடத்து சொத்தினை அபகரித்து, தனதாக்கிக் கொள்ள வேண்டும் என்ற எண்ணம் எப்படி வந்தது?
  5. பிஜேபிகாரர்களுக்கு அவ்வாறு தான் பயிற்சி அளிக்கப் படுகிறதா? சரவணனுக்கு அத்தகைய எண்ணன் வந்தபோதே, அவன் தடுக்கப் பட்டிருந்தால், இத்தகைய ஆக்கிரமிப்பு நடந்திருக்காது.
  6. கோவில்-மடத்து சொத்துக்கள் ஆக்கிரமிப்பு என்றால், சமூகவளைதளங்களில் இந்துத்துவவாதிகள் பிண்ணி எடுத்து விடுகிறார்கள்.
  7. ஆனால், இதை எப்படி கண்டு கொள்ளாமல் விட்டர்கள் என்று தெரியவில்லை.
  8. ஆகவே, சட்டப் படியான நடவடிக்கை, போராட்டம், மீட்பு எனும்போது, சம்பந்தப் பட்டவர்கள் கொள்கைகளுடன் செயல்பட வேண்டும்.
  9. நானும் மற்றவர்களைப் போல [திக, திமுக, அதிமுக, கம்யூனிஸ்ட், முஸ்லிம் ஆக்கிரமிப்புக் காரர்கள்] ஆக்கிரமித்துக் கொள்வேன், தனதாக்கிக் கொள்வேன் என்ற மனப்பாங்கில் இருந்தால், பிஜேபியில் இருக்க வேண்டிய அவசியமே இல்லையே?
  10. அதிகாரம், பணம் எல்லாம் வந்தால், அகம்பாவம், ஆணவம், திமிர் எல்லாம் வரலாம், ஆனால், இந்து என்ற உணர்வு இருக்க வேண்டும். அது இல்லாமல், இவ்வாறு செயல்பட்டதால் தான், இந்த ஆள் கொலையும் செய்திருக்கிறான்.

இந்துத்துவவாதிகள், இந்துத்துவ அரசியல்வாதிகள், இந்துத்துவ சிந்தனையாளர்கள், இந்துத்துவ அபிமானிகள் …இவற்றைப் பற்றி பொறுமயாக ஆராய வேண்டும், மாற்றிக் கொள்ள வேண்டும்.

© வேதபிரகாஷ்

02-07-2020

BJP person kills RSS worker, Tanjai Malar, 02-07-2020

[1] ஊடகங்கள் எப்படி விவரங்களை சேகரிக்கின்றன, செய்திகளாகப் போடுகின்றன, செய்திகளாக்குகின்றன, அவற்றின் தரம் எப்படியுள்ளது என்பதனை, இது போன்று என்னுடைய பல பதிவுகளில் எடுத்துக் காட்டியுள்ளேன்.

[2] தமிழ்.இந்து, ஆர்எஸ்எஸ் பிரமுகரின் தந்தை கொலை; நாச்சியார்கோவில் நகர பாஜக தலைவர் கைது, Published : 02 Jul 2020 07:33 AM; Last Updated : 02 Jul 2020 07:37 AM

[3] https://www.hindutamil.in/news/tamilnadu/562225-bjp-leader-arrested-for-rss-cadre-murder.html

[4] தமிழ்.ஒன்.இந்தியா, 65 வயது ஆர்எஸ்எஸ் பிரமுகரை.. கத்தியால் சரமாரியாக குத்தி கொன்ற.. பாஜக நிர்வாகி.. ஷாக்கில் கும்பகோணம்! By Hemavandhana | Updated: Wednesday, July 1, 2020, 17:44 [IST]

[5] https://tamil.oneindia.com/news/thanjavur/kumbakonam-mattam-incharge-murder-by-bjp-cadre-390012.html

[6] தினமணி, கும்பகோணம் அருகே அபிநவதீர்த்தர் மடத்தின் பொறுப்பாளர் கொலை, By DIN | Published on : 30th June 2020 10:36 PM.

[7] https://www.dinamani.com/latest-news/sub-latest-news/2020/jun/30/uttaradi-mutt-incharge-killed-near-kumbakonam-3431524.html

[8] மாலைமலர், ஆர்.எஸ்.எஸ். நிர்வாகியின் தந்தை கொலைமர்ம நபருக்கு போலீசார் வலைவீச்சு, பதிவு: ஜூலை 01, 2020 13:23 IST

[9] https://www.maalaimalar.com/news/district/2020/07/01132323/1661015/RSS-Administrator-father-murdered-police-investigation.vpf

[10] NEWS18, தஞ்சையில் 87 வயது முதியவர் கொலையில் சிக்கிய பாஜக முன்னாள் நிர்வாகி, LAST UPDATED: JULY 2, 2020, 8:59 PM IST.

[11] https://tamil.news18.com/news/live-updates/tanjore-rss-man-murder-ex-bjp-man-arrested-san-312139.html

[12] விகடன், `வருமானமும் போச்சு.. கடையும் போச்சு!’ –மடத்தின் மேலாளரைக் கொன்ற பா.. நிர்வாகி, கே.குணசீலன், Published:Yesterday at 11 AMUpdated:Yesterday at 11 AM.

[13] https://www.vikatan.com/news/crime/old-man-murdered-by-bjp-cadre-in-kumbakonam?artfrm=v4

How BJP Saravanan could kill RSS old man-Vikatan

ராமன் சம்புகனைக் கொன்றான் என்ற கட்டுக் கதையை அடிக்கடி கிளரப் படுவது ஏன்? அதன் பின்னணி என்ன? [1]

ஜூன் 30, 2020

ராமன் சம்புகனைக் கொன்றான் என்ற கட்டுக் கதையை அடிக்கடி கிளரப் படுவது ஏன்? அதன் பின்னணி என்ன? [1]

Sambuka episode.sketch, muslim

ஷம்பூகன் (शंबूक) என்ற பெயரும், புனையப்பட்டக் கட்டுக் கதையும்: சம்புகன் என்று தமிழில் உபயோகப் படுத்தினாலும், அவனது பெயர் ஷம்பூக / ஷம்பூகன் (शंबूक) என்று குறிப்பிட வேண்டும். ஆனால், இது கூட தெரியாமல், வாத-விவாதங்கள் நடந்து கொண்டிருக்கின்றன. வால்மீகி ராமாயணம், ஜைன ராமாயணம், பௌத்தக் கதைகள் முதலியவற்றைப் படிக்காமல், பக்கம்-பக்கமாக எழுதிக் கொண்டிருப்பார்கள், இருக்கிறார்கள். இதில் திகைப்படைய வேண்டிய விசயம் என்னவென்றால், பல்கலக் கழகங்களில் பேராசிரியர், ஆராய்ச்சியாளர், சரித்திராசியர், தமிழில் பெரிய புலவர் என்றெல்லாம் இருப்பவர்கள் தான், மூலங்களைப் படிக்காமல், சரி பார்க்காமல், இரண்டாம் மூலங்களை (secondary sources), இரண்டாம் தர எழுத்துக்களை ஆதாரமாக வைத்துக் கொண்டு, ஒருத்தர் குறிப்பிட்டதை-இன்னொருவர் குறிப்பிடுவது என்ற முறையில் (quoted-quoted methodology), பொய்களை வளர்த்து, போலித்தனத்துடன் கட்டுக்கதைகளைப் புனைத்து பரப்பி வருகின்றனர். ஜாதியத்தையும் சேர்த்தால், உணர்ச்சிகளைத் தூண்டும் வகையாகி விடும். பிறகு, அவ்வழியில் வாத-விவாதங்கள் செல்லும் போது, உண்மைப் பற்றிக் கவலைப் படுவதே இல்லை. இதைத்தான் திட்டமிட்டு செய்து வருகின்றனர்.

Rama serching for Shambuka-2

சம்புகன்[1] கொலைசெய்யப் பட்ட கதை: ராமர் ஆண்ட காலத்தில், ஒரு பிராமணனின் குழந்தை அகால மரணம் அடைந்து விடுகிறது. அப்பொழுது, அந்த பிராமணன், அரசவைக்கு வந்து, “ராம ராஜ்யம்” நடக்கிறது என்றால், இப்படி நடக்குமா என்று முறையிடுகிறான். சூத்திரன் யாகம் செய்வதால் அவ்வாறு நடக்கிறது என தெரிந்ததால், ராமன் தேடிப் போகிறான். ஒரு துறவி, தலைகீழாக நின்று உக்கிர தவம் செய்து கொண்டிருப்பதைக் கண்டு , “ துறவியே, மங்களம் உண்டாவதாக, நீர் பிராமணரா, வெற்றிக் கொள்ள முடியாத க்ஷத்திரியரா, வைசியரா அல்லது சூத்திரரா?,” என்று கேட்டபோது, “நான் சூத்திரனாகத் தான் பிறந்தேன். நான் இந்த உடலோடு சுவர்க்கம் செல்வதற்காகத் தான், இக்ககடினமான தபசை செய்கிறேன். எனக்குத் தெரியும் நான் சூத்திரன் தான், நான் சம்புகன்,” என்று பதில் கொடுக்கிறான். இதனால், ராமன் அது ஒவ்வாதது என்று, அவனை கத்தியால் வெட்டி கொலைசெய்கிறான். அதே நேரத்தில், அந்த பிராமணக் குழந்தை உயிரோடு எழுகிறது. இக்கதை வால்மீகி ராமாயணத்தில் இல்லை என்பது எல்லோருக்கும் தெரியும். பிறகு, எழுதி சேர்க்கப் பட்ட “உத்தர காண்டத்தில்” உள்ளது.  இருப்பினும், இதைத்தான் ஆதாரமாக வைத்துக் கொண்டு 2020லு வாதித்துக் கொண்டிருக்கின்றனர். ராமன் மனுதருமத்தை நிலைநிறுத்த, பார்ப்பன வருணாஷ்ரமத்தைக் காக்க சூத்திரனைக் கொன்றான். அதே போல, இப்பொழுது “ராம ராஜ்யத்தை” உண்டாக்கினால், சூத்திரர்கள் கொலை செய்யப் படுவர் என்பது போல, பேச்சுகளும், எழுத்துகளும் அதிரடி பிரச்சாரங்களாகத் தொடர்கின்றன.

Sambuka episode. N.L. Gupta, An Introduction to Eastern Ways of Thinking, Concept Publications P.Ltd., New delhi, 2003

எஸ்.டி, எஸ்.சிக்கள் வனவாசி, மலைவாசி, சூத்திரர்கள் உதவியுடன் தான் ராமன் போரிட்டு வென்றிருக்கிறான்: ராமன் சூத்திரர்களின் உதவியால் தான், போராடி வெற்றிப் பெற்றிருக்கிறான். சரயூ நதியைக் கடக்க உதவிய படகோட்டி குகன் சூத்திரன் / நிஷாதன் தான். வேடனாக இருந்த குகனை ராமன் கட்டித் தழுவுகிறான் பிறகு சபரி கொடுத்த உணவைப் புசிக்கிறான். அப்பெண்ணும் சூத்திரப் பெண்தான், ஆனால், அவள் கொடுத்த உணவை ராமன் உண்டது உணர வேண்டும். பிறகு, அனுமன், சுக்ரீவன், ஜடாயு, ஜாம்பவான்…. போன்றவர்கள் வனவாசிகள். விபீஷ்ணன் அரக்கன் / ராக்ஷசன்.  ஜடாயுக்கு மகனைப் போல இறுதி சடங்குகளை செய்கிறான். அங்கு, ஜடாயு உண்மையில் பறவையா அல்லது காட்டுவாசியா என்று ஆய்ந்தால் கூட, பறவைகளைக் கூட மதிப்பவனாக சேவை செய்யும் மனிதனாக இருந்தான். பிறகு வானரங்கள், கரடிகள், அணில் என்று எல்லா விலங்குகளிடமும் பிரியமான நண்பனாக இருக்கிறான். எல்லாவற்றையும் விட, ராமனே க்ஷத்திரியன் தான். ஆக எஸ்.டி, எஸ்.சிக்கள் தான் ராமனுக்கு உற்ற தோழர்களாக இருந்துள்ளனர். அவர்களுடன் சேர்ந்து இருந்து, ராவணுடன் போரிட்டிருக்கிறான். தான் பட்டம் சூட்டிக் கொள்ளும் போதும், அனைவரையும் வரவழைத்துப் பாராட்டியிருக்கிறான். தசரதன் பிள்ளைக் கொன்ற பாவமும் அவரை விடவில்லை. ராமன் வாலியைக் கொன்ற பாவமும் விடவில்லை. இதெல்லாம் நம்புகிறவர்கள் ரசிப்பர். இப்படி வேறுபாடு பார்க்காமல், எல்லோருக்கும் நண்பனாக, சகோதரனாக, அவர்களது மேன்மைக்கு பாடுபட்ட, ராமனை இவர்கள் ஏன் தூஷிக்கிறார்கள் என்று கவனிக்க வேண்டும். ஆக, வால்மீகி ராமயணத்தின் படி, இக்காலத்தில் சொல்லபடும் எதுவும் இல்லை. எனவே பொய் சொல்கிறார்கள் என்று தெரிகிறது.

Uttrarakandam interpolated-1

க்ஷத்திரிய-பிராமண போராட்டமும், ஜைன-பௌத்த இடைசெருகல்களும்: வசிஷ்டர்-விஸ்வாமித்திரர் கதைகள், பிராமண-க்ஷத்திரிய போராட்டங்களை எடுத்துக் காட்டுகின்றன. அது பசு விவகாரத்தில் தான் ஆரம்பிக்கிறது. காமதேனு என்ற பசுவால் விஸ்வாமித்திரர் படைவீரர்கள் கொல்லப் பட்டனவோ, இல்லையோ, பசுக்கள் கொல்லப் பட்டன. போர்களில், “ஆநிரைகள்” கவரப் பட்டன. அந்நேரத்தில் எத்தனை ஆநிரைகள் பாதிக்க-காயப் பட்டு தவித்தன, என்பதை யோசிக்க வேண்டும். விஸ்வாமித்திரரும் அந்த வேலையை செய்யும் போது தான் மோதல் ஆரம்பிக்கிறது. திரிசங்குவும், தன்னுடைய சுவர்க்கத்திற்கு போக முயல்கிறான், முடியவில்லை. விஸ்வாமித்திரர் யாகம் செய்து அனுப்பி வைக்கிறார். ஆனால், இந்திரன், அவரை ஏற்காமல், தள்ளி விடும் போது, தலைகீழாக விழுகிறான். விஸ்வாமித்திரர் தடுத்துக் காப்பாற்றுகிறார். ஆக, இந்த உடலோடு சுவர்க்கம் போகும் கதைகள் இருந்துள்ளன. ஜைனர்கள் “சல்லேகன” என்று உண்ணாவிரதம் இருந்து இறந்திருக்கின்றனர். ஆனால், சுவர்க்கம் கிடைத்ததா என்று தெரியவில்லை. புத்தரும் “நிரியாணம்” கிடைக்க பாடுபட்டாலும், பன்றி கறி சாப்பிட்டு இறந்ததாகத் தெரிகிறது. அந்நிலையில் தான், ஜைன-பௌத்தர்கள் இடைச்செருகல்களை ஆரம்பித்தனர்.  ஆக, கடவுள் கொள்கையை மறுத்த சத்திரியர்களான, மகாவிரரும், புத்தரும் சுவர்க்கத்திற்கு சென்றார்களா என்று தெரியவில்லை.

Uttrarakandam interpolated-2

சம்புகன், ராமன், க்ஷத்திரியன், அம்பேத்கர்: ராமன் க்ஷத்திரியன், சம்புகன் சூத்திரன் என்றால், க்ஷத்திரியன் சூத்திரனைக் கொன்றான் என்றாகிறது. அம்பேத்கரின் ஆராய்ச்சியின் படி, சூத்திரர்கள் தரமிழந்த, தாழ்ந்த க்ஷத்திரியர்கள் (degraded Khatriyas) தான்[2]. அப்படியென்றால், ஒரு க்ஷத்திரியன், இன்னொரு க்ஷத்திரியனக் கொன்றிருக்கிறான். அதனால், தான், அம்பேத்கர், சம்புகன் கதையை பெரிது படுத்தவில்லை[3]. “முன்னரே குறிப்பிட்டப் படி, ராமன் ஒன்றும் பொதுப்பணி செய்யவில்லை….ஒரே ஒரு தடவை மக்கள் குறை கேட்க வெஇயே சென்றான். அதுவே பெரிய குற்றமாகி விட்டது,” என்று ஆரம்பித்து, சம்புகன் கதையை விவரித்து, “இது தான் ராமன்,” என்று முடித்து விட்டதிலிருந்து அறிந்து கொள்ளலாம். பிறகு, “விக்கிரமாதித்தியனும், வேதாளமும்” கதைகளில், வேதாளம், மரத்தில் தலைகீழாகத் தொங்கிக் கொண்டிருக்கும். அதனால், விக்கிரமதித்தன் அதனை தோளில் சுமந்து, கதை கேட்பான். “கதாசரித் சாகர” போன்ற பௌத்தர்களின் கதைப் புத்தகம் போல, “விக்கிரமாதித்தியனும், வேதாளமும்” கதைகள் இடைகாலத்தில் தோன்றின. க்ஷத்திரியன் விக்கிரமாதித்யன், வேதாளத்தின் கேள்விகளுக்கு சரியான பதில் சொன்னதால், மண்டை உடையவில்லை, ஆனால், வேதாளம் மரத்தில் ஏறிக் கொண்டது. இங்கும் க்ஷத்திரிய-க்ஷத்திரியன்-அல்லாத மோதல் தான் வெளிப்படுகிறது. எனவே, அம்பேத்கர்வாதிகள், அம்பேத்கர் புத்தகங்களையே ஒழுங்காகப் படிக்காமல், திரித்து, பொய்மையுடன் வாதிட்டு வருகின்றனர்.

© வேதபிரகாஷ்

29-06-2020

Shuras, degraded Khatriyas, Ambedkar

[1] வசதிக்காகவும், புழக்கத்தில் உள்ளது என்ற காரணத்திற்காகவும் இவ்வார்த்தை உபயோகப் படுத்தப் படுகிறது.

[2]  B. R. Ambedkar, Who were Shudras?, pp.11-12.

(1) The Shudras were one of the Aryan communities of the Solar race.

(2) There was a time when the Aryan society recognized only three Varnas, namely, Brahmins, Kshatriyas and Vaishyas.

(3) The Shudras did not form a separate Varna. They ranked as part of the Kshatriya Varna in the Indo-Aryan society.

(4) There was a continuous feud between the Shudra kings and the Brahmins in which the Brahmins were subjected to many tyrannies and indignities.

(5) As a result of the hatred towards the Shudras generated by their tyrannies and oppressions, the Brahmins refused to perform the Upanayana of the Shudras.

(6) Owing to the denial of Upanayana, the Shudras who were Kshatriyas became socially degraded, fell below the rank of the Vaishyas and thus came to form the fourth Varna.

[3]  B. R. Ambedkar, Riddles of Rama and Krishna, Vol.4, pp.331-332.

“As has already been said Rama never attended to public business. He never observed the ancient rule of Indian kings of hearing the wrongs of his subjects and attempting to redress them. Only one occasion has been recorded by Valmiki when he personally heard the grievance of his subjects. But unfortunately, the occasion turned out to be a tragic one. He took upon himself to redress the wrong but. in doing so committed the worst crime that history has ever recorded. The incident is known as the murder of Sambuka the Shudra…… Rama thence proceeded to the Ashrama which was nearby of the sage Agastya, who commended the step he had taken with Sambuka, and presented him with a divine bracelet. Rama then returned to his capital. Such is Rama”.

John Brockington, Mary Brockington, The Other Ramayana Women- Regional Rejection and Response, Routledge, New York, 2016

தமிழகத்தில் தொடர்ந்து இந்து அமைப்புகளைச் சேர்ந்தவர்கள் படுகொலை செய்யப்பட்டு வருவது எதைக் காட்டுகிறது?

ஜூலை 20, 2013

தமிழகத்தில் தொடர்ந்து இந்து அமைப்புகளைச் சேர்ந்தவர்கள் படுகொலை செய்யப்பட்டு வருவது எதைக் காட்டுகிறது?

BJP functionary murdered 2013அரசியலைத் தாண்டி கொலைகளைச் செய்யத் தூண்டும் காரணிகள் யாவை?: தொடர்ந்து இந்து அமைப்புகளைச் சேர்ந்தவர்கள் படுகொலை செய்யப்பட்டு வருவது, ஒரு குறிப்பிட்ட மாதிரி, உதாரணம், போக்கைக் காட்டுவதைப் போலிருக்கிறது. திக்விஜயசிங், சுசில்குமார் ஷிண்டே போன்றோர் வார்த்தைகளால் காவி தீவிரவாதம் என்றெல்லாம் பேசிவரும் வேலையில், தமிழகத்தில் கொலைகள் நடந்து வருவது அம்மாதிரியான முறையைக் காட்டுவதாக தோன்றுகிறது. அரசியலாக இருந்தால், தேர்தலில் போட்டியிடலாம், ஜெயிக்கலாம், தோற்கலாம். வியாபரமாக இருந்தாலும், அவரவர் சாமர்ட்தியற்த்திற்கு ஏற்றப்படி லாபம்-நஷ்டம் பெறலாம். ஆனால், இவற்றை விடுத்து வேறொரு முறையில் கணக்குப் பார்த்துக் கொள்கின்றனர், கொலை செய்கின்றனர் என்றால், பின்னணியை ஆராய வேண்டியுள்ளது. அதாவது, இவ்விவகாரங்கள் அரசியல், வியாபாரம் முதலிய காரணிகளையும் தாண்டி, வேறொதையோச் சுட்டிக் காட்டுகிறது.

BJP protest  Ramesh murder - Photo E. Lakshmi Narayananஆடிட்டர் ரமேஷ் கொலை  (19-07-2013): சேலத்தில் பாஜகவின் மாநில பொதுச் செயலாளர் வி. ரமேஷ் (52) வெள்ளிக்கிழமை 19-07-2013 அன்று இரவு அடையாளம் தெரியாத மர்ம நபர்களால் வெட்டிக் கொலை செய்யப்பட்டார்[1]. சேலம் மரவனேரியில் வசித்து வந்த ரமேஷ், வெள்ளிக்கிழமை இரவு குடும்பத்துடன் உணவகத்துக்கு சென்றுவிட்டு வீடு திரும்பினார். மனைவி, மகளை வீட்டில் விட்டுவிட்டு, தனது வாகனத்தை மரவனேரி 2-ஆவது குறுக்குத் தெருவில் உள்ள அலுவலகத்தில் விடுவதற்குச் சென்றார்[2]. அப்போது ரமேஷின் அலுவலக வளாகத்துக்குள் நுழைந்த மர்ம நபர்கள், சுமார் 10 மணி அளவில்[3] அவரைக் வெட்டிக் கொலை செய்தனர்[4]. மிகவும் கூர்மையான ஆயுதங்களால் தாக்கப் பாட்டிருந்ததால் உயிர் உடனே பிரிந்தது என்று போலீஸார் கூறுகின்றனர்[5]. Blood soaked body of Ramesh 2013ரமேஷ் ரத்த வெள்ளத்தில் கிடந்ததை பார்த்த அக்கம் பக்கத்தினர் அவரது குடும்பத்தினருக்குத் தகவல் கொடுத்தனர். இதையடுத்து பாஜகவினருக்கும் தகவல் தெரிவிக்கப்பட்டது. அந்தக் கட்சியைச் சேர்ந்த நூற்றுக்கணக்கானோர் சம்பவ இடத்தில் திரண்டனர். PTI கொடுத்த செய்தியை மற்ற நாளிதழ்கள், டிவி ஊடகங்கள் அப்படியே போட்டுள்ளன[6] / அறிவித்துள்ளன[7]. என்.டி.டிவி மட்டும் ரமேஷின் புகைப்படத்தைப் போட்டுள்ளது[8].

Auditor Ramesh murdered 2013பிஜேபி போலீஸ் பாதுகாப்பு கேட்டும் கொடுக்கப் படவில்லை: தகவல் அறிந்து, மாநகரக் காவல் துணை ஆணையர் ஏ.ஜி.பாபு தலைமையில் நூற்றுக்கும் மேற்பட்ட போலீஸார் அங்கு விரைந்து வந்தனர். ரமேஷ் உடலை போலீஸார் எடுக்க முயற்சித்த போது அதற்கு பாஜகவினர் கடும் எதிர்ப்புத் தெரிவித்தனர். ஆனால், அவர்களைச் சமாதானம் செய்து, ரமேஷின் உடலை அரசு மருத்துவக் கல்லூரி மருத்துவமனைக்கு போலீஸார் எடுத்துச் சென்றனர். “கட்சி தொண்டர்களை சந்திக்க சென்று, 10 மணி அளவில் திரும்பி வரும் போது, அவரது வீட்டின் மதிர் சுவர்களுக்கு பின்னால் மறைந்திருதவர்கள் தாக்கியிருக்கிறார்கள். கழுத்திலும், தலையிலும் ஆழமான வெட்டுகள் வீழ்ந்ததால் இறந்திருக்கிறார்”, என்று ஆர். பி. கோபிநாத் என்ற சேலத்தின் பிஜேபி பொதுச் செயலாளர் கூறுகிறார்[9]. இரு வருடங்களுக்கு முன்னர், இவர் தாக்கப்பட்டு கார் எரிக்கப்பட்டது, ஆனால், எப்படியோ தப்பி விட்டார். “இந்து முன்னணி தலைவர் வெள்ளையன் கொலை செய்யப்பட்டதற்குப் பிறகு, பிஜேபி தலைவர்களுக்கு போலீஸ் பாதுகாப்பு கேட்டிருந்தோம், ஆனால், கொடுக்கப்படவில்லை”, என்றும் சொன்னார்[10]. மாநில தலைவர் பொன் ராதாகிருஷ்ணன் கூரும் போழுது, “இவ்வழக்குகளில் பொலீஸார் வேண்டுமென்றே யாரையோப் பிடித்து நீதிமன்றங்களில் ஆஜர் செய்விக்கிறார்கள். ஆனால், அவர்கள் உண்மையான குற்றவாளிகள் அல்ல”, என்று எடுத்துக் காட்டுகிறார்[11].

Murder of Hindu leaders - functionaries4பாஜக புகார்,  போலீஸாரின் நடவடிக்கை: ரமேஷுக்கு தொடர்ந்து கொலை மிரட்டல் இருந்து வந்ததாகவும், அவருக்கு போலீஸார் பாதுகாப்பு வழங்கத் தவறி விட்டதாகவும் பாஜகவினர் குற்றம்சுமத்தினர். சேலம் இதையடுத்து சேலம் மாநகரில் உள்ள அனைத்து சோதனைச் சாவடிகளுக்கும் சீல் வைக்கப்பட்டது. மாநகரின் முக்கிய இடங்களில் எவ்வித அசம்பாவிதச் சம்பவங்களும் நடைபெறாமல் இருக்க போலீஸார் குவிக்கப்பட்டுள்ளனர். மரவனேரி பிரதான சாலையில் பாஜகவினர் தொடர்ந்து மறியலில் ஈடுபட்டனர். அப்போது, அந்த வழியாக வந்த மூன்று அரசுப் பேருந்துகள் கல்வீசித் தாக்கப்பட்டன. இதனால் சேலம் மாநகரம் முழுவதும் பதற்றம் நிலவுகிறது.

Murder of Hindu leaders - functionaries2சேலம் பஸ் ஸ்டாண்ட் சிறைபிடிப்பால் பதட்டம்[12]: பா.ஜ., மாநில பொதுச் செயலாளர் ஆடிட்டர் ரமேஷ் படுகொலை செய்யப்பட்டதை கண்டித்து, சேலம் மரவனேரி, நான்கு ரோடு, ஓமலூர் மெயின்ரோடு வழியாக, பா.ஜ., கட்சியினர், புது பஸ் ஸ்டாண்டுக்கு சென்றனர்.அங்கு நுழைவு வாயிலில் அமர்ந்து, மறியல் போராட்டத்தில் ஈடுபட்டனர். போலீஸார், அவர்களை சமாதானம் செய்தனர். ஆனால், அவர்கள் பஸ்கள் வெளியேறும் பாதையில் அமர்ந்து கொண்டனர். இரவு, 11 முதல், 12 மணி வரை எழுந்து செல்லவில்லை. அதனால், 60க்கும் மேற்பட்ட பஸ்கள் வெளியே செல்லவில்லை.மேலும், வெளியூரில் இருந்து வந்த பஸ்கள், மூன்று ரோடு, ஐந்து ரோடு, கந்தம்பட்டி பைபாஸ் ஆகிய இடங்களில், ஆங்காங்கே நிறுத்தப்பட்டது. இதனால், பயணிகள் கடும் அவதிக்குள்ளாகினர்.

Murder of Hindu leaders - functionaries3உறவினர்கள் அதிர்ச்சி[13]: சில நாட்களுக்கு முன்பு, ஆடிட்டர் ரமேஷின் உறவினர்கள், துபாயில் இருந்து, அவரை பார்ப்பதற்காக சேலம் வந்தனர். இந்நிலையில், ரமேஷ் படுகொலை செய்யப்பட்டதால், அவர்கள் கடும் அதிர்ச்சியடைந்தனர். கொலை செய்யப்பட்ட ஆடிட்டர் ரமேஷுக்கு சுபா என்ற மனைவியும் பிளஸ் 1 படிக்கும் ஸ்மிருதி என்ற மகளும் உள்ளனர்.

Vellaiyan murder 2013ஜூலையில்இரண்டாவதுகொலை: கடந்த அக்டோபர் 2012ல், வேலூரில், மருத்துவப் பிரிவைச் சேர்ந்த, டாக்டர் வி. அரவிந்த தனது கிளினிக்கின் முன்பாகவே கொலை செய்யப் பாட்டார். ஆக, பிஜேபி தலைவர்களில் கொல்லப்படுவது, ஒன்பது மாதங்களில் இது இரண்டாவது முறையாகும்[14]. இந்து அமைப்பினர் கொலை செய்யப்படுவது என்று பார்க்கும் பொழுது, ஜூலையில் நடக்கும் இரண்டாவது கொலையாகும். வேலூ‌ர் இந்து முன்னணி அமைப்பி்ன் செயலர் வெள்ளையன் (50), ஜூலை 1 அன்று வேலூர் புதியபஸ் நிலையம பின்புறம் முத்து மண்டபம் அருகே உள்ளராமகிருஷ்ணா மடத்திற்கு மதியம் 3.20 மணியளவில் செல்லும்போது, அவரை அடையாளம் தெரியாத 6 பேர் கொண்ட மர்ம நபர்களால் சரமாரியாக வெட்டினர். இதில் 26 இடங்களில் அவருக்கு வெட்டு விழுந்ததால் ரத்த வெள்ளத்தில் சம்பவ இடத்திலேயே இறந்தார்[15].

ஜூலை 2013ல் நடக்கும் நிகழ்சிகள் சொல்லிவைத்தல் போல இருக்கிறது, என்று முன்னமே சுட்டிக் காட்டியுள்ளேன்[16].

01-07-2013 (திங்கட்கிழமை): வெள்ளையன், இந்து முன்னணி கொலை[17].

04-07-2013 (வியாழக்கிழமை): அத்வானி கொலை முயற்சி வழக்கில் சையது சகாபுதீன், தர்வீஸ் முகைதீன், முஸ்தபா ஆகியோருக்கு ஜாமின் வழங்கப்பட்டது[18].

07-07-2013 (ஞாயிற்றுக்கிழமை): தமுமுக நீதிமன்ற மறுப்பு, தடைகளை மீறி ஊர்வலம், ஆர்பாட்டம்.

08-07-2013 (திங்கட்கிழமை): சிறப்பு புலனாய்வுபிரிவு போலீசார் தென்காசி முகமது அனீபாவை திருமங்கலம் கோர்ட்டில் ஆஜர் படுத்தினர். அவரை வருகிற 22–ந் தேதி வரை காவலில் வைக்க நீதிபதி பன்னீர் செல்வம் உத்தரவிட்டார். அதைத்தொடர்ந்து முகமது அனீபா சிறையில் அடைக்கப்பட்டார்[19].

Contradicting reports - media - propagandaகேரளாவில் கம்யூனிஸ்டுகளுக்கும் ஆர்.எஸ்.எஸ் சித்தாந்திகளுக்கும் அடிதடி, மோதல்கள், கொலைகள் கூட இருந்து வந்தன. அதே போன்ற நிலை இன்று இந்து முன்னணி, பிஜேபி, ஆர்.எஸ்.எஸ் மற்றும் முஸ்லிம்கள் இடையே கொலைகள் ஏற்பட்டு வருகின்றன. அதாவது, நேரிடையான மோதல்கள் இல்லாமல், திட்டமிட்ட கொலைகளாக நடந்து வருகின்றன. இது ஆபத்தான நிலைக்கு செல்லும் பாதையாகும்.

Why this anti-Hindu attitude in TNவேதபிரகாஷ்

© 20-07-2013


[2] தினமணி, சேலத்தில்பாஜகமாநிலநிர்வாகிவெட்டிக்கொலை, 20-07-2013, சென்னை பதிப்பு.

[5] BJP Tamil Nadu unit General Secretary V Ramesh was hacked to death by unidentified assailants near his house in Salem on Friday night, police said. The 52-year-old Ramesh alias Auditor Ramesh was attacked with sharp-edged weapons and he died on the spot, they said.

http://ibnlive.in.com/news/tamil-nadu-bjp-state-general-secretary-v-ramesh-hacked-to-death-by-unidentified-assailants-in-salem/407998-62-128.html

[11] BJP state president Pon Radhakrishnan said Hindu leaders are being targeted and the government is not taking these murders seriously. The men produced in court by police in these cases are not the real assailants, Radhakrishnan said.  http://timesofindia.indiatimes.com/india/Senior-BJP-leader-hacked-to-death-in-Salem/articleshow/21178446.cms

[13] தினமலர், சேலம்பஸ்ஸ்டாண்ட்சிறைபிடிப்பால்பதட்டம், 20-07-2013, சென்னை பதிப்பு.

[17] வேலூரில் இந்து முன்னணி செயலாளர் படுகொலை: 5 வெடிகுண்டுகள் பறிமுதல், பதிவு செய்த நாள் – ஜூலை 02, 2013  at   10:28:57 AM; http://puthiyathalaimurai.tv/five-bombs-seized-in-vellore

[18] இவ்வழக்கில் சையது சகாபுதீன், தர்வீஸ் முகைதீன், முஸ்தபா ஆகியோர் கைது செய்யப்பட்டனர். இவர்கள் ஜாமீன் கோரி சென்னை உயர் நீதிமன்ற மதுரை கிளையில் மனு தாக்கல் செய்தனர். இவ்வழக்கில் தலைமறைவாக இருப்பவர்களுக்கும் எங்களுக்கும் எவ்விதத் தொடர்பும் இல்லை என மனுவில் குறிப்பிட்டிருந்தனர். இதை விசாரித்த நீதிபதி ஆர். மாலா, மனுதாரர்கள் மூவரும் மறு உத்தரவு வரும் வரை திருச்சி மாஜிஸ்திரேட் நீதிமன்றத்தில் (எண் 1) தினமும் கையெழுத்திட வேண்டும் என்ற நிபந்தனையுடன் ஜாமீன் வழங்கி உத்தரவிட்டார்.

http://dinamani.com/tamilnadu/2013/07/05/%E0%AE%85%E0%AE%A4%E0%AF%8D%E0%AE%B5%E0%AE%BE%E0%AE%A9%E0%AE%BF-%E0%AE%AF%E0%AE%BE%E0%AE%A4%E0%AF%8D%E0%AE%A4%E0%AE%BF%E0%AE%B0%E0%AF%88%E0%AE%AA%E0%AF%8D-%E0%AE%AA%E0%AE%BE%E0%AE%A4%E0%AF%88%E0%AE%AF%E0%AE%BF%E0%AE%B2/article1668100.ece