Archive for the ‘ஆந்திரா’ Category

சந்தமாமா குழந்தைகள்-சிறுவர் பத்திரிக்கை – தோற்றம், குழந்தைகளுக்கு-சிறுவர்களுக்கு ஆற்றிய சேவை, தொண்டு, LPG தாக்குதல், மறைவு!

செப்ரெம்பர் 30, 2020

சந்தமாமா குழந்தைகள்-சிறுவர் பத்திரிக்கை – தோற்றம், குழந்தைகளுக்கு-சிறுவர்களுக்கு ஆற்றிய சேவை, தொண்டு, LPG தாக்குதல், மறைவு!

1947ல் சந்தமாமாவின் தோற்றம்: அம்புலிமாமா ஜூலை 1947 ஆம் ஆண்டு பி. நாகிரெட்டி, சக்ரபாணி ஆகியோரால் தெலுங்கில் ஆரம்பிக்கப்பட்டது. இதன் தமிழ்ப் பதிப்பு ஆகஸ்ட் 1947 ஆம் ஆண்டு வெளிவந்தது. சிறுவர்களுக்கு நல்லொழுக்கம், பண்புகள் ஊட்டி, பாரதத்தின் தொன்மை, சரித்திரம், புராணம் முதலியவற்றையும் அறிந்து கொள்ள வேண்டும் என்ற குறிக்கோளுடன் அம்புலிமாமாவின் இதழ்கள் வெளிவந்தன[1]. தெலுங்கு பதிப்பே தமிழ் உட்பட பிற மொழிகளுக்கான மூலப் படைப்பாக இருந்தது. இது கதைகளில் வரும் கதாபாத்திரங்கள், சூழ்நிலைகள், வரைபடங்களில் தெளிவாக வெளிப்படுகின்றது. தமிழ்ப் பதிப்பில் சிறப்புப் படைப்புக்களாக “தமிழகத்து நாட்டுப்புறக்கதை” என்ற ஒரு கதைப்பகுதி அவ்வப்பொழுது வெளியிடப்பட்டது. பிறகு கொஞ்சம்-கொஞ்சமாக மற்ற மொழிகளில் சந்தமாமா பதிப்புகள் வெளி வர ஆரம்பித்தன. பெரியவர்கள், குழந்தைகளுக்கு வாங்கிக் கொடுக்கும் பத்திரிக்கையாக சந்தமாமா இருந்தது. 1940-1970 வரை குழந்தைகள், ஏன் பெரியவர் கூட, இவரது ஓவியங்களால் ஈர்க்கப் பட்டனர்.

14 மொழிகளில் வெளிவந்த சந்தமாமா: கோடவாடிகன்டீ குடும்ப ராவ் (Kodavatiganti Kutumba Rao 1909-1980) என்பவர் தான், எல்லா கதைகளையும் எழுதி வந்தார். பிறகு மொழிபெயர்ப்பாளர்கள் சேர்க்கப் பட்டனர். சந்தமாமா – தெலுங்கு, தமிழ், கன்னடம் (1949), மலையாளம் (1952), மராத்தி (1952), ஒரியா, இந்தி (1949), மராத்தி, குஜராத்தி (1954), பஞ்சாபி, சிந்தி (1956), பெங்காளி (1972), அசாம் (1976), சிங்களம் (1978), சந்தாலி (2004), சமஸ்கிருதம் (1984), ஆங்கிலம், என்று பல மொழிகளில் வெளிவந்தன. அக்காலத்தில் அச்சுகோர்ப்பு, பிழைத் திருத்தல், சரிபார்த்தல் என்றெல்லாம் முடிந்து, முழு இதழாக வெளிவருவதில் உள்ள முறைகளை அறிந்தால், எவ்வளவு கடின உழைப்புகளுடன் அவை வெளி வந்திருக்கும் என்றறியலாம். மோனோ டைப் என்று ஆரம்பித்து ஆப்-செட் வரை அச்சடிப்பு நடந்துள்ளது. இங்கு சந்தாலி மொழி ஒரு வனவாசிகளின் மற்றும் தொன்மையான மொழி என்பது குறிப்பிடத் தக்கது. பொதுவாக எல்லா மொழி இதழ்களும் ஒரே கதைகளைக் கொண்டிருந்தன, மொழிபெயர்ப்புகள் செய்யப் பட்டன. ஓவியர்கள் போல, மொழிபெயர்ப்பாளர்களும் இருந்தனர். பிறகு, மொழிக்கு ஏற்றவாறு, கதைகள், விசயங்கள் மாற்றப் பட்டன. ஆங்கில சந்தமாமா, தனது, தனித்துவத்தை நிலைநிறுத்திக் கொண்டது. இன்றைய தொழிற்நுட்பம் இல்லாத காலத்தில், இவ்வாறு 14 மொழிகளில் இதழ்களை வெளிகொணர்ந்த, சந்தமாமாவின் சேவை அளப்பரியது.

சந்தமாமா இதழ்களின் ஓவியர்கள்: சந்தமாமா அட்டை மற்றும் பின் அட்டை நான்கு வண்னங்களில் ஈர்க்கும் வண்ணம் இருக்கும். கதைகளுக்கு ஏற்றபடி, அவ்வோவியங்கள், பத்திரங்களுக்கு உயிரூட்டும் வகையில் வரையப் பட்டிருக்கும். தவிர, ஒவ்வொரு பக்கத்திலும், ஒரு சித்திரம் இருக்கும். சந்தமாமா இதழ்களுக்கு பல ஓவியர்கள் சித்திரங்கள் வரைந்தனர் –

  1. எம்.டி.வி. ஆச்சார்யா
  2. டி. வீரராகவன் (சித்ரா)
  3. வட்டடி பாப்பைய்யா (வாபா).
  4. கேசவ ராவ் (கேசவா)
  5. எம். கோகலே
  6. கே.சி.சிவசங்கரன் (சங்கர் 1951-2011)
  7. சக்திதாஸ்
  8. எம்.கே. பாஷா
  9. காந்தி ஐய்யா
  10. பி.மஹேஷ் (மஹே).

இவர்கள் பலமொழிகள், பல மாநிலத்தவர், மதத்தவர், ஜாதியினர் என்று வித்தியாசம் பார்க்காமல் வேலை செய்தனர். இப்படியெல்லாம் “செக்யூலரிஸமாக” இருக்கும் பொழுது, விகிபீடியா போன்றவை, ஜாதீயத்தைத் தூக்கிப் பிடிக்கிறது என்றெல்லாம் இன்றும், பொய்-பிரச்சாரம் செய்து வருகின்றன[2].

சந்தமாமாவுக்கு திட்டமிட்டே மூடுவிழா நடத்தப் பட்டதா?: சந்தமாமா மிகச்சிறப்பாக சேவை செய்து கொண்டிருந்தது. ஆனால், அதற்குப் போட்டியாக, சில இதழ்கள் தோன்றின, மறைந்தன. ஏனெனில், அந்த தரம், பாரம்பரியம், கொள்கை முதலியவை அவற்றில் இல்லை. நவீனத்துவ யுக்திகள் அதனைத் தாக்க ஆரம்பித்தன. “டால்டன் காமிக்ஸ்” என்று சந்தமாமா குழுமமே “காமிக்ஸ்” எல்லாம் வெளியிட்டன. ஆனால், முடியவில்லை. நவீனத்துவம், குழந்தைகளைத் திசைத் திருப்பியது. காமிக்ஸ், டிவி, கேம்ஸ் என்று சென்ற போது, கொஞ்சம்-கொஞ்சமாக படிக்கும் பழக்கமும் மாறியது. LPG கொள்கையில், சந்தமாமா கொலை செய்யப் பட்டு, சமாதி கட்டப் பட்டது எனலாம். குழந்தைகளை-சிறுவர்களை எவ்வாறு “நுகர்வோர்” கூட்டத்தில் கொணர்ந்து, அவர்களை கவாவேண்டும் என்று ஆராய்ச்சிகள் எல்லாம் நடந்தன. அதற்கேற்ற முறையில், கோடிகள் செலவழித்து, ஆராய்ச்சிகள் மேற்கொள்ளப் பட்டன, விளம்பரங்கள் செய்யப் பட்டன. இருக்கும் சேவை மற்றும் உற்பத்தி நிறுவனங்கள்-தொழிற்சாலைகள் வாங்கப் பட்டு, ஒன்றாக்க வேண்டும், ஒரே பிரான்டை (brand / trade mark) உபயோகிக்க வேண்டும். பழைய-இந்திய பிரான்டுகளை ஒழிக்க வேண்டும். வால்ட் டிஸ்னி என்ற அமெரிக்கக் கம்பெனி வாங்கப் போகிறது என்றெல்லாம் செய்திகள் வந்தன[3]. 2007ல் சந்தமாமா அச்சிடும் தொழிற்சாலை மற்ற கட்டிடங்கள் இடங்கள் பச்சமுத்து மற்றும் ஐ.டி.கம்பெனிகளுக்கு விற்கப்பட்டது. 1999ல் சந்தமாமா இந்தியா லிமிடெட் என்ற கம்பெனியும் மும்பையில் ஆரம்பிக்கப் பட்டது[4].  மார்ச் 2013லிருந்து, புதிய கம்பெனியும், சந்தமாமாவை அச்சிடுவதை நிறுத்தி விட்டது. கம்பெனி டைரக்டர்கள் பணம் பட்டுவாடாஅந்நிய முதலீடு மோசடி முதலியவற்றில் ஈடுபட்டடாக செய்திகள் வந்தன[5].

29-09-2020 – சங்கர் 2020ல் காலமானது: சந்தமாமா, அம்புலிமாமா என்று 14 இந்திய மொழிகளில் வெளிவந்த சிறுவர் மாதப் பத்திரிக்கையின் சித்திரக்காரர், சங்கர் என்பவர் 29-09-2020 அன்று காலமானார். சந்திரசேகரன் சிவசங்கரன் ஈரோடிற்கு அருகில் உள்ள காரதொழுவு என்ற கிராமத்தில் பிறந்தார். 1934ல் சென்னைக்கு வந்த இவர், அரசு கலைக்கலூரியில் சேர்ந்து படித்து, தேர்ந்தார். உயர்நிலைப் படிப்பை முடித்தவுடன் அந்த ஆசிரியரின் பேச்சுக்கிணங்க ஆர்ட்ஸ் ஸ்கூலில் படித்தார் சங்கர். கலை மகள் குழுவில் ரூ. 150 மாத சம்பளத்திற்கு பணியாற்ற அவருக்கு அம்புலிமாமாவில் மிக சரியான வாய்ப்பு கிடைத்தது. ரூ. 350 என்ற பெரிய தொகையை மனதில் வைத்துக் கொண்டு, திறமைக்கு கிடைத்த வாய்ப்பிற்காக வாழ்த்து கூறி கலைமகள் நிறுவனம் அனுப்பி வைத்தது. 1951லிருந்து, இவர் சந்தமாமா இதழ்களுக்கு படம் வரைய ஆரம்பித்தார். 1946ல் கலைமகளுக்கும் வரைந்தார். ஸ்ரீ ராமகிருஷ்ண விஜயம் பத்திரிகையில் பணியாற்றினார். விக்ரம் / விக்கிரமன் மற்றும் வேதாளம் தொடர்கதைகளுக்கு, இவர் வரைந்த ஓவியம் பிரசித்திப் பெற்றது. ஓவியர் கே.சி. சிவசங்கரன் என்பதற்கு பதிலாக அம்புலிமாமா சங்கராக நமக்கு முந்தைய தலைமுறையினருக்கு நன்கு பரீட்சையமானவர் இந்த சங்கர். அவருக்கு முன்பே சித்ரா என்பவர் அக்கதைகளுக்கு ஓவியம் வரைந்து கொடுத்துள்ளார். ராமாயணம், மஹாபாரதம், புராணக்கதைகள் மற்ற சரித்திரக் கதைகளுக்கு ஓவியம்/சித்திரம் வரைந்த சங்கர், நூற்றுக் கணக்கான பாத்திரங்களை உயிருடன் பார்ப்பது போன்ற ஓவியங்களை உண்டாக்கினர். அம்புலிமாமா / சந்தமாமா ஓவியர் சரியாகக் கவனிக்கப் படவில்லை என்றே சொல்லலாம்.

சந்தமாமா, ஆரம்ப முதலாளிகள், ஓவியர்கள் மறைந்தது: சந்தமாமா இதழ் மறைந்தது, நிச்சயமாக திட்டமிட்ட வியாபார யுக்தி, வணிக சதி மற்றும் கலாச்சார தாக்குதல் என்று தெரிகிறது. குழந்தைகள் மற்றும் சிறுவர்களை மேனாட்டுக் கலாச்சாரத்திற்கு இழுப்பது, அத்தகைய பண்பாட்டை அவர்களுக்கு அறிமுகப் படுத்துவது, நாகரிகத்தைப் புகுத்துவது போன்ற செயல்பாடுகளில் இது நடந்தேறியுள்ளது. நாகி ரெட்டி, சக்ரபாணி இவர்களுக்குப் பிறகு வந்த சந்ததியர் கலாச்சாரம் காக்கும் வியாபாரத்தை விட லாபம் கிடைக்கும் வணிகமே சிறந்தது என்று முடிவெடித்த நிலையில், சந்தமாமா அச்சு தொழிற்சாலை, நிறுவனம், சின்னம், என்று எல்லாமே LPG திட்டத்தில் MNC கம்பெனிகளுக்கு விற்கப் பட்டு, சாகடிக்கப் பட்டு விட்டது. ஒருவேளை சந்தமாமா என்ற பெயருக்குக் கூட, அவர்களிடம் காசு கொடுத்து வாங்க வேண்டிய நிலை இருக்கலாம். இவையெல்லாம் நிச்சயமாக பாரத கலாச்சாரம், பண்பாடு, பாரம்பரியம் மற்றும் ஆகரிகங்களுக்கு எதிராக நடக்கும் போர்களே. உணர்ந்து, இந்தியர்கள் என்று, எப்பொழுது, விழித்துக் கொண்டு, போராட எழுவார்களோ தெரியவில்லை.

© வேதபிரகாஷ் 30-09-2020


[1]  தமிழ்வாணன் போன்றோர் கூட, சிறுவர் பத்திரிக்கை என்று தான் “கல்கண்டை” ஆரம்பித்து, பிறகு, வேறு திசைக்குத் திரும்பினர்.

[2] “அம்புலிமாமாவின் சாதிய பிரதிபலிப்பு [தொகு] – இந்திய தொன்மவியல் கதைகளில் காணப்படும் சாதிய சமூக அதிகாரப் படிநிலைகளை அதன் கதைகளின் ஊடாகப் பிரதிபலித்து முன்னிறுத்தி நிலைநிறுத்த உதவுகின்றது என்ற குற்றச்சாட்டும் அம்புலிமாமா மீது உண்டு,” இவ்வாறு பதிவு செய்யப் பட்டிருப்பது, விகிபீடியாவின் வக்கிரமான மனப்பாங்கை / போக்கைக் காண்பிக்கிறது. https://ta.wikipedia.org/wiki/%E0%AE%85%E0%AE%AE%E0%AF%8D%E0%AE%AA%E0%AF%81%E0%AE%B2%E0%AE%BF%E0%AE%AE%E0%AE%BE%E0%AE%AE%E0%AE%BE

[3]   Walt Disney, the iconic American brand synonymous with kids and fun across the world, is in talks to buy out Chandamama, the well-established household magazine that kids and adults love equally. https://economictimes.indiatimes.com/articleshow/1869114.cms

[4] Chandamama India Limited is a Non-govt company, incorporated on 06 Aug, 1999. It’s a public unlisted company and is classified as’company limited by shares’. Company’s authorized capital stands at Rs 2000.0 lakhs and has 82.832245% paid-up capital which is Rs 1656.64 lakhs. Chandamama India Limited last annual general meet (AGM) happened on 29 Sep, 2012. The company last updated its financials on 31 Mar, 2012 as per Ministry of Corporate Affairs (MCA). Chandamama India Limited is majorly in Manufacturing (Paper & Paper product, Publishing, printing and reproduction of recorded media) business from last 21 years and currently, company operations are active. Company is registered in Mumbai (Maharashtra) Registrar Office. Chandamama India Limited registered address is B-3, LUNIC INDUSTRIES, CROSS ROAD B MIDC, ANDHERI (E) MUMBAI MH 400093.

https://economictimes.indiatimes.com/company/chandamama-india-limited-/U22122MH1999PLC201906

[5] Mumbai-based Geodesic Ltd, which acquired the iconic magazine in 2007, and its three directors are being probed by the Indian authorities for alleged money laundering and other financial irregularities and Switzerland has agreed to provide “administrative assistance” regarding their accounts in Swiss banks, which broadly means sharing of information with India.

The week, Children’s magazine Chandamama’s owners in trouble for illicit funds in Swiss banks, PTI | New Delhi March 11, 2019 12:08 IST

https://www.theweek.in/news/biz-tech/2019/03/11/children-magazine-chandamama-owners-illicit-funds-swiss-banks.html

நாசிக் கும்பமேளா தொடர்பாக பொய்யான திரிபு செய்திகளை வெளியிட்ட ஊடகங்கள் (1)!

ஜூலை 20, 2015

நாசிக் கும்பமேளா தொடர்பாக பொய்யான திரிபு செய்திகளை வெளியிட்ட ஊடகங்கள் (1)!

Shri Trikal Bhavanta Maharaj

Shri Trikal Bhavanta Maharaj

12 ஆண்டுகளுக்கு ஒருமுறை நடக்கும் கும்பமேளா நாசிக்கில், கோதாவரி நதி உற்பத்தியாகும் இடத்தில் அடந்தது. பொதுவாக, கும்பமேளா நன்றாக நடந்து முடிந்துள்ளது. ஆனால், ஒரு பெண்-துறவியினால் கொஞ்சம் சலசலப்பு ஏற்பட்டது. யாரும் அதனை பெரிதாக எடுத்துக் கொள்ளாவிட்டாலும், சில ஊடகங்கள் சர்ச்சையை உண்டாக்க முயன்றுள்ளன. இதே நேரத்தில்  ஆந்திரபிரதேசத்தில் புஷ்கர விழா நடந்த போது, நெரிசலில் சிக்கி பேர் இறந்துள்ளனர்[1]. இதனால், மஹாராஷ்ட்ர அரசு உரிய நடவடிக்கைகளை மேற்கொண்டது. இருப்பினும் ஊடகங்கள் குளிக்கும் இடம் சுத்தமாக இல்லை, நதி நீர் அசுத்தமாக உள்ளது, போதிய ஏற்பாடுகள் செய்யவில்லை என்று செய்திகளை வெளியிட்டன.

Sadhvi.1

Sadhvi.1

மிக முக்கியப் பிரமுகர்களுக்கு தடை விதிக்க மகாராஷ்டிர அரசு முடிவு: நாசிக் கும்பமேளாவில், புனித நீராடல் நடைபெறும் தினங்களில் மிக முக்கியப் பிரமுகர்களுக்கு தடை விதிக்க மகாராஷ்டிர அரசு முடிவு செய்துள்ளது. இதுதொடர்பாக மகாராஷ்டிர நீர்வளத் துறை அமைச்சர் கிரீஷ் மகாஜன் அந்த மாநில சட்ட மேலவையில் வெள்ளிக்கிழமை கூறியதாவது[2]: “நாசிக்கில் தொடங்கியுள்ள கும்பமேளாவில் மிக முக்கியப் பிரமுகர்களுக்கு சில கட்டுப்பாடுகள் விதிக்கப்பட்டுள்ளன.  பக்தர்களுக்கும், மடாதிபதிகளுக்கும் சிரமம் ஏற்படுவதைத் தவிர்க்கும் பொருட்டு, கும்பமேளாவின் புனித நீராடல் நடைபெறும் தினங்களில் மிக முக்கியப் பிரமுகர்களுக்குத் தடை விதிக்கப்படுகிறது.  இந்த நிகழ்ச்சியில் கலந்துகொள்ளுமாறு பிரதமர் நரேந்திர மோடிக்கு அழைப்பு விடுக்கப்பட்டபோது, மிக முக்கியப் பிரமுகர்களுக்கு கட்டுப்பாடு விதிக்குமாறு மாநில அரசை அவர் கேட்டுக் கொண்டார். அதன் அடிப்படையில், இந்த முடிவு எடுக்கப்பட்டது. சட்டம்ஒழுங்கு பிரச்னைகள் குறித்த எந்த அச்சமுமின்றி பக்தர்கள் கும்பமேளாவில் பங்கேற்க வேண்டும் என்பதற்காகவே இந்த ஏற்பாடு செய்யப்பட்டுள்ளது. மேலும், பக்தர்களுக்கு தேவையான அனைத்து வசதிகளும் செய்து கொடுக்கப்பட்டுள்ளன. மடாதிபதிகள் தங்குவதற்காக தனியிடங்களும் ஒதுக்கப்பட்டுள்ளன, என்றார் கிரீஷ் மகாஜன்.

Sadhvi.2

Sadhvi.2

புஷ்கரம் நிகழ்ச்சியில் நெரிசலில் சிக்கி 27 பேர் உயிரிழந்ததன் எதிரொலி: கும்பமேளாவில் ஆகஸ்ட் 29, செப்டம்பர் 13, 18, 25 ஆகிய நாள்களில் புனித நீராடல் நிகழ்ச்சி நடைபெறவுள்ளது. கடந்த 14-ஆம் தேதி நாசிக் கும்பமேளா, கொடியேற்றத்துடன் தொடக்கி வைக்கப்பட்டது. அதே நாளில் ஆந்திரப் பிரதேச மாநிலம் ராஜமுந்திரியின் கோதாவரி நதியில் நடைபெற்ற புஷ்கரம் நிகழ்ச்சியில் ஏற்பட்ட நெரிசலில் சிக்கி 27 பேர் உயிரிழந்தனர். அதைக் கருத்தில்கொண்டே, நாசிக் கும்பமேளாவில் மிக முக்கியப் பிரமுகர்களுக்கு கட்டுப்பாடுகள் விதிக்கப்பட்டுள்ளதாகத் தெரிகிறது[3]. மகாராஷ்டிர மாநில முதல்வர் தேவேந்திர பட்நாவிசிடம், பிரதமர் மோடி தனிப்பட்ட முறையில் பேசி, கும்பமேளாவில், வி.ஐ.பி.,கள் கலந்து கொண்டால், நெரிசல் ஏற்பட்டு, சாதாரண மக்கள் பாதிக்கப்படுவர். எனவே, வி.ஐ.பி.,களை அனுமதிக்க வேண்டாம் என, கேட்டுக் கொண்டதை அடுத்துஇந்த முடிவுக்கு, மகாராஷ்டிர அரசு வந்துள்ளது[4].

Sadhvi.3 registration

Sadhvi.3 registration

போதிய வசதிகள் செய்து தரப்படவில்லை என்று திகம்பர ஜெயின் அகாடாவைச் சேர்ந்த தசரத தாஸ் குறை; மகாராஷ்டிர மாநிலம், நாசிக் கும்ப மேளா விழாவில், போதிய குடிநீர், மின்சார வசதிகள் செய்து தரப்படவில்லை என விழாவுக்கு வந்திருந்த ஆன்மிகத் தலைவர்கள் கூறினர்.  12 ஆண்டுகளுக்கு ஒரு முறை நடைபெறும் முக்கிய விழாக்களில் ஒன்றான கும்ப மேளா, மகாராஷ்டிரத்தின் நாசிக், திரையம்பகேஷ்வர் ஆகிய இடங்களில் செவ்வாய்க்கிழமை தொடங்கியது. இந்த விழாவில் பங்கேற்க பல்வேறு குழுக்களைச் சேர்ந்த சாதுக்கள், துறவிகள் உள்ளிட்ட ஆன்மிகத் தலைவர்கள் நாசிக்கிலும், திரையம்பகேஷ்வரிலும் குவிந்துள்ளனர். இந்நிலையில், தங்களுக்குப் போதிய வசதிகள் செய்து தரப்படவில்லை என்று அவர்கள் குறை கூறினர். இதுகுறித்து திகம்பர ஜெயின் அகாடாவைச் சேர்ந்த தசரத தாஸ், புதன்கிழமை கூறியதாவது:  “இங்கு பல இடங்களில் குப்பைகள் தேங்கிக் கிடக்கின்றன. கூடுதலாக குப்பைத் தொட்டிகளை வைத்திருக்க வேண்டும். போதிய அளவுக்கு மின்சாரம், குடிநீர் ஆகியவை விநியோகிக்கப்படவில்லை. அவற்றில் கவனம் செலுத்தப்பட வேண்டும். சாலைப் பராமரிப்புப் பணி நடைபெற்றுக் கொண்டிருப்பதால், கண்ணம்வார் பாலத்தில் இருந்து லக்ஷ்மிநாராயண் கணவாய் வரை, 1.5 கி.மீ தொலைவுக்கு பாதைத் திறக்கப்படவில்லை.  சாதுக்களுக்கு வழங்கப்பட்டுள்ள கிராமங்களில் முள்மரங்கள் நிறைந்திருப்பதால், அவர்கள் அவதிப்பட்டு வருகின்றனர்”, என்று தசரத தாஸ் கூறினார்[5]. இந்நிலையில், கும்ப மேளாவுக்கான சிறப்பு அதிகாரியும், சாதுக்களின் கிராமப் பொறுப்பாளருமான யோகேஷ் பகாரே கூறியதாவது: சாதுக்களுக்கு குடில்கள் அமைக்கும் பணி நடைபெற்று வருகிறது. அந்தப் பணி நிறைவடைந்தவுடன், குடிநீர், மின்சார விநியோகப் பிரச்னைகள் சரி செய்யப்பட்டுவிடும். விழாவின் முக்கிய நிகழ்வு, ஆகஸ்ட் 19-ஆம் தேதி நடைபெறவுள்ளதால், அதற்குள் பணிகள் நிறைவடைந்துவிடும் என்றார் யோகேஷ் பகாரே[6]. ஆனால், விடுதலையில் மட்டும் வித்தியாசமான செய்தி வந்துள்ளது.

நாசிக் விடுதலை பொய்யான செய்தி

நாசிக் விடுதலை பொய்யான செய்தி

கும்பமேளாவின் யோக்கியதையைப் பாரீர்! பெண்களிடத்தில் பாலியல் தொல்லை கொடுத்த துறவிகள்![7]: இப்படி தலைப்பிட்டு, முதல் பக்கத்தில் விடுதலை வெளிடயிட்டுள்ளது. நாசிக், ஜூலை 18_   நாசிக் நகரில் நடந்துவரும் கும்பமேளாவில் பெண் துறவித்தலைவரான திரிகால் பவந்தாவிற்கும் அவரது பெண் சீடர்களுக்கும் ஆண் துறவிகள் பாலியல் தொந்தரவு கொடுத்ததாகவும் அந்தத்துறவிகள் மீது விழாக்குழுவினர் நட வடிக்கை எடுக்க மறுப்ப தாகவும் திரிகால் பவந்தா செய்தியாளர்களிடம் கூறினார்.  நாசிக் நகரில் ஜூலை 14-முதல் கும்பமேளா என்னும் கூட்டுக் குளியல் திருவிழா நடந்து வருகிறது. இந்த விழாவில் அம்மணச் சாமியார்கள் தான் முதன் முதலாக முழுக்குப் போடுவார்களாம் அவர்கள் குளித்த பிறகுதான் மற்ற வர்கள் குளிக்க வேண்டும் என்ற விதியுள்ளது. இந்த நிலையில் பெண் துறவிகளுக்கு முதலில் குளிக்கவும் அல்லது அவர்களுக்கு என்று தனியான ஒரு இடம் ஒதுக்கித்தரவும் பெண் துறவித் தலைவர் திரிகால் பவந்தா வேண்டுகோள் விடுத்திருந்தார். இந்த நிலையில் திரிகால் பவந்தா செய்தியாளர்களிடம் பேசும் போது  அயோத்தியில் உள்ள சாமியார் மடத் தலைவன் சாமியார் ஞான தாஸ் மீது புகார் கூறியுள்ளார். புதனன்று காலை அவர் நாசிக்கில் செய்தி தொலைக்காட்சிகளுக்கு அளித்த பேட்டியில் நான் இந்தியாவில் முதன் முதலாக பெண் துறவிகளுக்கான அமைப்பு ஒன்றை நடத்தி வருகிறேன். எனது அமைப்பு இந்துமத விதிகளின் படியும் சாஸ்திர சம்பிரதாயங்களின் படியும் இயங்கி வருகிறது. ஆனால் ஆரம்பம் முதலே என்னையும் எனது பெண் சீடர் களையும், சாமியார்களின் தலைமை அமைப்பின் தலைவர் என்று கூறிக் கொள்ளும் ஞானதாஸ்  கேலியும் கிண்டலும் செய்து வருகிறார். கடந்த ஆண்டு நான் நாசிக் கும்பமேளாவில் பெண் துறவிகள் கலந்து கொள்வார்கள் என்று அறிவித்திருந்தேன். இதற்காக கடந்த நவம்பர் முதல் அனைத்துப் புண்ணிய ஸ்தலங்களுக்கும் பாத யாத்திரை சென்று பரப்புரை செய்து வந்திருக்கிறோம். நானும் எனது பெண் சீடர்களும் செல்லும் இடமெல்லாம் சாமியார்கள் பாலியல்ரீதியான தொந்தரவு கொடுத்து வருகிறார்கள். எங்களின் உடல் அங்கங்களைத் தொட்டு தொந்தரவு கொடுப்பது அசிங்கமான செய்கைகள் செய்வது வாடிக்கையாக கொண்டு எங்களை துன்புறுத்தி வந்தனர்[8].

Nasik falsified news - Viduthalai

Nasik falsified news – Viduthalai

பெண்கள் கூடாரத்துக்குள் நுழைந்த தடியர்கள்![9]: இந்த நிலையில் நாங்கள் கடந்த 10 ஆம் தேதி நாசிக் வந்து எங்களுக்கு என்று தனிக்கூடாரம் அமைத்து புண்ணியக்குளியலுக்காக தயாராகி வந்துள்ளோம். நான் நகர நிர்வாகத்திடம் பெண் துறவிகளுக்கு ஆண் சாமியார்களால் தொந் தரவு வர வாய்ப்புள்ளது ஆகையால் எங்களுக்கு தனியாக குளிக்க இடம் வேண்டும் என்றும், எங்களுக்கு பாதுகாப்பு வேண்டுமென்றும் கூறியிருந் தோம் இந்த நிலையில் சில சாமியார்கள் கும்பமேளா விற்கு முதல்நாள் பெண்கள் தங்கியிருந்த கூடாரத்திற்குள் நுழைந்துள்ளனர்.  நான் பாதுகாப்பு காரணங்களுகாக சிலரைச் சந்திக்க சென்று இருந்த போது இந்த சம்பவம் நடந்திருக்கிறது.   இச்சம்பவம் குறித்து கேள்விப்பட்ட உடன் நான் நாசிக் கும்பமேளா விழாக் கமிட்டியிடம் புகார் அளிக்கச் சென்றேன். அப்போது வழிமறித்த சாமியார் மடத்தலைவன் ஞானதாஸ் என்பவன் என்னையும் எனது பெண் சீடர்களையும் வழிமறித்து தவறாக நடக்க முயன்றான். இந்தச் சம்பவத்தின் போது சாமியார்கள் அனைவரும் பெருங் கூட்டமாக எங்களைச் சுற்றி நின்று கொண்டிருந்தனர். மேலும் நான் மக்களிடையே இந்த கொடுமையைக் கூற ஒலி வாங்கியை எடுத்த போது தேவையற்ற இடங்களில் சாமியார் ஞானதாஸூம் அவரது சீடரும் தொட் டுத் துன்புறுத்தினர். இந்தச் சம்பவம் தொலைக்காட்சியில் நேரடி ஒளிபரப்பாகிக் கொண்டு இருந்தது.  ஒரு மதரீதியான விழா நடந்து கொண்டு இருக்கும் போது தொலைக்காட்சியில் ஒளிபரப்பாகிக் கொண்டு இருக்கும் போதே இந்தச் சாமி யார்கள் மோசமாக நடந்து கொண்டுள்ளனர். இவ்வளவு நடந்தும் விழா நிர்வாகம் சாமியார்கள்மீது நடவடிக்கை எடுக்கவில்லை என்று தொலைக் காட்சி செய்தியாளர்களிடம் கூறினார். பெண் சாமியார் திரிகால் பவாந்தா 2008-ஆம் ஆண்டு பெண் துறவி களுக்கான அமைப்பு (அகாடா) ஒன்றை உருவாக்கினார். இவர் ஆரம்பித்த காலத்தில் இருந்தே இவரது அமைப்பின்மீது பல்வேறு தாக்குதல்கள் நடத்தப்பட்டு வந்தன. (குறிப்பு: கடந்த ஆண்டு உண்மை இதழிலும் கட்டு ரையாக வெளி வந்திருந்தது).

© வேதபிரகாஷ்

20-07-2015

[1] http://www.hindustantimes.com/india-news/stampede-at-godavari-pushkaram-in-andhra-pradesh-s-rajahmundry/article1-1368999.aspx

[2] http://www.dinamani.com/india/2015/07/18/%E0%AE%A8%E0%AE%BE%E0%AE%9A%E0%AE%BF%E0%AE%95%E0%AF%8D-%E0%AE%95%E0%AF%81%E0%AE%AE%E0%AF%8D%E0%AE%AA%E0%AE%AE%E0%AF%87%E0%AE%B3%E0%AE%BE%E0%AE%B5%E0%AE%BF%E0%AE%B2%E0%AF%8D-%E0%AE%AE%E0%AF%81%E0%AE%95%E0%AF%8D%E0%AE%95/article2926175.ece

[3] தினமணி, நாசிக் கும்பமேளாவில் முக்கியப் பிரமுகர்களுக்கு கட்டுப்பாடு, First Published : 18 July 2015 01:01 AM IST.

[4] http://www.dinamalar.com/news_detail.asp?id=1298424

[5] http://www.dinamani.com/india/2015/07/16/%E0%AE%A8%E0%AE%BE%E0%AE%9A%E0%AE%BF%E0%AE%95%E0%AF%8D-%E0%AE%95%E0%AF%81%E0%AE%AE%E0%AF%8D%E0%AE%AA-%E0%AE%AE%E0%AF%87%E0%AE%B3%E0%AE%BE-%E0%AE%85%E0%AE%9F%E0%AE%BF%E0%AE%AA%E0%AF%8D%E0%AE%AA%E0%AE%9F%E0%AF%88-%E0%AE%B5/article2923058.ece

[6]  தினமணி, நாசிக் கும்ப மேளா அடிப்படை வசதி குறைபாடு: ஆன்மிகத் தலைவர்கள் அதிருப்தி, First Published : 16 July 2015 03:56 AM IST

[7] http://www.viduthalai.in/e-paper/105346.html

[8] விடுதலை, கும்பமேளாவின் யோக்கியதையைப் பாரீர்!, சனி, 18 ஜூலை 2015 15:35

[9] http://www.viduthalai.in/e-paper/105346.html

ஶ்ரீசதாசிவ பிரும்மேந்திரர் ஆராதனை எச்சில் இலைகளில் உருளும் விழாவுக்கு தடை – “தலித்” போர்வையில் 100 ஆண்டுகளாக நடந்து வரும் விழாவில் பிரச்சினை (1)

மே 8, 2015

ஶ்ரீசதாசிவ பிரும்மேந்திரர் ஆராதனை எச்சில் இலைகளில் உருளும் விழாவுக்கு தடை –  “தலித்” போர்வையில் 100 ஆண்டுகளாக நடந்து வரும் விழாவில் பிரச்சினை (1)

நெரூர் - 2015 - சாப்படு தயார் 28-04-2015

நெரூர் – 2015 – சாப்படு தயார் 28-04-2015

கரூர் அருகே நெரூர் கிராமத்தில் நடந்த பிரம்மேந்திராள் கோவில் ஆராதனை விழாவில் பக்தர்கள், எச்சில் இலைகள் மீது படுத்து உருண்டு அங்கப்பிரதட்சணம் செய்த நிகழ்ச்சி நடந்தது. இதில் தமிழக பக்தர்களுடன், கர்நாடகா, ஆந்திரா, மஹாராஷ்ட்ரா முதலிய மாநிலங்களிலிருந்தும் ஏராளமான பக்தர்கள் திரளாக கலந்து கொண்டனர். கரூர் மாவட்டம், மண்மங்கலம் வட்டம், நெரூர் கிராமத்தில் பிரசித்தி பெற்ற காசி விஸ்வநாதர் கோயில் உள்ளது. இந்தக் கோவிலில் வில்வமரத்தின் கீழே அமைந்துள்ளது ஸ்ரீ சத்குரு சதாசிவ பிரமேந்திராள் ஜீவசமாதி[1]. சதாசிவ பிரம்மேந்திராள் சபா சார்பில் ஆண்டுதோறும் சதாசிவரின் ஆராதனை விழா நடத்தப்படுகிறது, என்று செய்திகளை வழக்கம் போல தமிழ் நாளிதழ்கள் வெளியிட்டன.

நெரூர் - 2015 - சதுர் வேத சம்ஹிதா ஹோமம்

நெரூர் – 2015 – சதுர் வேத சம்ஹிதா ஹோமம்

ஆராதனைக்கு முன்பாக நான்கு வேத சம்ஹிதா ஹோமங்கள் நடந்து முடிந்தது: நெரூர் சதாசிவ பிரமேந்திரர் அதிஷ்டானத்தில், ஆராதனைக்கு முன்பாக உலக நன்மைக்காக, சதுர்வேத ஸம்ஹிதா ஹோமம் நடந்தது[2]. கரூர் மாவட்டம், நெரூரில் புகழ்பெற்ற சதாசிவ பிரமேந்திரர் அதிஷ்டானம் உள்ளது. இங்கு, உலக நன்மைக்காக, மார்ச், 25ம் தேதி முதல் சதுர்வேத ஸம்ஹிதா ஹோமம் நடந்தது.

  • மார்ச், 25ம் தேதி முதல், 31ம் தேதி வரை ரிக் வேத ஸம்ஹிதா ஹோமம்,
  • ஏப்ரல், 7ம் தேதி முதல், 12ம் தேதி வரை யஜுர் வேத ஸம்ஹிதா ஹோமம் நடந்தது.
  • ஏப்ரல், 20ம் தேதி வரை ஸாம வேத ஸம்ஹிதா ஹோமம்,
  • ஏப்ரல், 22ம் தேதி முதல், 27ம் தேதி வரை அதர்வ வேத ஸம்ஹிதா ஹோமம் நடந்தது.

ஹோமம் குறித்து வெங்கடேஸ்வரன், கூறியதாவது: “ரிக், யஜுர், சாம, அதர்வண வேதங்கள் அறியப்படுகின்றன. நான்கு வேதங்களும் வைத்து ஒரு இடத்தில் ஹோமம் செய்யப்படுகிறது. ஒவ்வொரு வேதத்திலும் சிறப்பு பயிற்சி பெற்றவர்கள் தலைமையில் ஹோமம் நடத்தப்படுகிறது. சைதன்யாகாலே தலைமையில், ரிக் வேத ஸம்மிதா ஹோமம், சுனில் லிம்யா, தலைமையில், யஜுர் வேதம் ஸம்ஹிதா ஹோமம், ராமகிருஷ்ணா பட், தலைமையில் ஸாம வேத ஸம்ஹிதா ஹோமம், ரெகுநாத காலே, தலைமையில், அதர்வ வேத ஸம்ஹிதா ஹோமம் நடத்தப்படுகிறது. 28ம் தேதி நடைபெறும் ஆராதனை விழாவில், கலசத்தில் உள்ள புனித நீரால், ஸ்வாமிக்கு பூஜை செய்யப்படும்”, என்று கூறினார்[3].

நெரூர் - 2015 - சதுர் வேத சம்ஹிதா ஹோமம். விளக்கம்

நெரூர் – 2015 – சதுர் வேத சம்ஹிதா ஹோமம். விளக்கம்

நடிகர்கள், அரசியல்வாதிகள், நீதிபதிகள் வந்து வணங்கிய அதிஸ்டானம்: “கன்னட இசை சித்தர்களில் புகழ்பெற்றவரான இவர் சித்தர் ஆவார்” என்று சில ஊடகங்கள் குறிப்பிட்டுள்ளது வேடிக்கையாக இருக்கிறது. மேலும், “இவர் ஜீவசமாதி அடைந்த இடம்தான் இந்த ஆலயமாகும். இங்கு அதிமுக பொதுச் செயலாளர் ஜெயலலிதா, நடிகர் ரஜினிகாந்த், இசைஞானி இளையராஜா, முன்னாள் கர்நாடக முதல்வரும், முன்னாள் வெளியுறவுத்துறை அமைச்சருமான எஸ்.எம்.கிருஷ்ணா உள்ளிட்ட பிரமுகர்கள் வந்து சித்தர் ஜீவ சமாதி அடைந்த இடத்தில் தியானம் செய்து அவரின் அருள் பெற்று சென்றுள்ளனர்”, என்று கூறியிருப்பது, அதைவிட விசித்திரமானது. நீதிபதிகள், வழக்கறிஞர்கள் வந்துபோனதை அவை ஏன் குறிப்பிடவில்லை என்று தெரியவில்லை. இக்கோயிலின் ஆராதனை விழா வருடா, வருடம் நடைபெறுவது வழக்கம். இந்த ஆராதனையின்போது பக்தர்கள் அங்கப்பிரதட்சணம் செய்து சதாசிவ பிரமேந்திராள் அருள் பெறுவது வழக்கம். கடந்த 100 ஆண்டுகளாக நடைபெற்று வரும் இந்த வித்தியாசமான நிகழ்ச்சியில் பக்தர்கள் அமர்ந்து சாப்பிட்டு விட்டு சென்ற இலையில் ஏதாவது ஒன்றில், சதாசிவ பிரம்மேந்திரரே வந்து சாப்பிட்டு சென்றுள்ளார் எனவும், அனைத்து இலைகளில் மீதும் உருளும் போது, நினைத்த காரியங்கள் அனைத்தும் சித்தியாகும் என்ற நம்பிக்கை கடந்த பல ஆண்டுகளாகவே நிலவுகிறது.

நெரூர் - 2015 - சாப்படு தயார், இலைகள் பாடப்பட்டு விட்டன - 28-04-2015.

நெரூர் – 2015 – சாப்படு தயார், இலைகள் பாடப்பட்டு விட்டன – 28-04-2015.

28-04-2015 அன்று 101 வது நடைபெற்ற ஆராதனை விழா: இந்த நிலையில், 28-04-2015 அன்று 101 வது ஆராதனை விழா நடைபெற்றது. இதில், நூற்றுக்கணக்கான பக்தர்கள் வேண்டிக் கொண்டு சாப்பிட்ட எச்சில் இலையில் அங்கபிரதட்சணம் செய்யும் நிகழ்ச்சி நடைபெற்றது. இந்த ஆண்டு விழா கடந்த 23ம்தேதி துவங்கியது. முக்கிய நிகழ்ச்சியான சாப்பிட்ட இலையில் பக்தர்கள் அங்கபிரதட்சணம் செய்யும் நிகழ்ச்சி மதியம் 1.30 மணியளவில் நடைபெற்றது. இதற்காக, மகாராஷ்டிரா, கர்நாடகா, ஆந்திரா என பல்வேறு மாநில பகுதிகளில் இருந்து ஆயிரக்கணக்கான பக்தர்கள் சாப்பிட்ட இலையில் அங்கபிரதட்சணம் செய்வதாக வேண்டிக் கொண்டு விரதம் இருந்து கோயிலுக்கு வந்திருந்தனர். இம்முறை வழக்கத்திற்கு மாறாக, அங்கப்பிரதட்சணம் செய்பவர்கள் ஒரு விருப்ப-விண்னப்பப் படிவத்தை பூர்த்தி செய்து, ரூ.20/- செல்லுத்தி, கலந்து கொள்ளுமாறு அறிவிக்கப்பட்டனர். அந்த படிவத்தில் கீழுள்ளவை இருந்தன:

நெரூர் - 2015 - சாப்படு தயார், மூன்று வரிசை பந்தி - கூட்டம் அதிகம் - 28-04-2015.

நெரூர் – 2015 – சாப்படு தயார், மூன்று வரிசை பந்தி – கூட்டம் அதிகம் – 28-04-2015.

நெரூர் ஶ்ரீசதாசிவ பிரும்மேந்திர சபா

19, அக்ரஹாரம், நெரூர் – 639 004.

ஆராதனை அங்கபிரதட்சிணம் செய்வதற்கான ஒப்புதல்

இன்று 28-04-2015 நடை பெறும் நெரூர் ஶ்ரீசதாசிவ பிரும்மேந்திராள் 101வது ஆராதனை விழாவில் கீழ்கண்ட நிபந்தனைகளுக்கு ஒப்புக்கொண்டும், கட்டுப்பட்டும் நடப்பேன் என உறுதி அளிக்கிறேன்:

1.       நான் எனது சுய விருப்பத்தின் பேரில் எந்தவிதமானதும், எவருடைய கட்டாயமும், யாருடைய வற்புறுத்துதலும் இன்றி எனது சொந்த நம்பிக்கையின் பேரிலேயே இந்த பக்தர்கள் சாப்பிட்ட எச்சில் இலை மீது அங்கபிரதட்சிணம் செய்கிறேன்.

2.       நெரூர் ஶ்ரீசதாசிவ பிரும்மேந்திரரின் மீது நான் கொண்டுள்ள பக்தியினால், நான் எனது சுய விருப்பத்தின் பேரிலேயே வேண்டுதல் செய்து கொண்டு, பக்தர்கள் சாப்பிட்ட எச்சில் இலை மீது அங்கபிரதட்சிணம் செய்ய சம்மதிக்கிறேன்.

3.       எனது இந்த வேண்டுகோள் நிறைவேற்றிக் கொள்வதற்காக நெரூர் ஶ்ரீசதாசிவ பிரும்மேந்திர சபா அவர்கள் நல்லமுறையில் சிறப்பான வசதிகளையும், பாதுகாப்பும் அளித்திருக்கிறார்கள்.

4.       மேற்படி அங்கபிரதட்சிணம் செய்து முடிந்தவுடன் எனக்கு குளிக்கவும், உடை மாற்றிக் கொள்ள செய்யப்பட்டுள்ள வசதிகளை நான் ஏற்றுக்கொள்கிறேன்.

5.       ஜாதி, சமயம், இனம், மொழி, இவைகளைக் கடந்து, எனது வேண்டுதலை நிறைவேற்றுவதற்காகவே, நான் எனது சுய விருப்பத்தின் பேரிலேயே, எனது சொந்த நம்பிக்கை பேரிலேயே மேற்படி கட்டணம் செலுத்தி இந்த பக்தர்கள் சாப்பிட்ட எச்சில் இலை மீது அங்கபிரதட்சிணம் செய்கிறேன்.

இப்படிக்கு,

நெரூர் - 2015 - அங்கப்பிரதட்சிணம்- விண்ணப்பம்

நெரூர் – 2015 – அங்கப்பிரதட்சிணம்- விண்ணப்பம்

சில தமிழ் ஊடகங்கள் செய்தி வெளியிட்ட விதம்: அபிஷேக ஆராதனை நிகழ்ச்சிகள் கலந்து கொண்டு சதாசிவ பிரமேந்திராள் அருள் பெற்றனர். பின்னர், மதியம் 1.30 மணியளவில் நெரூர் அக்ரஹாரம் தெருவில் நூற்றுக்கணக்கான பக்தர்களுக்கு அன்னதானம் வழங்கப்பட்டது. அன்னதானத்தில் பங்கு கொண்ட அனைவரும் சாப்பிட்ட இலையை எடுக்காமல் சென்று விட்டார்கள். பின்னர், நேர்த்திக் கடனுக்காக வேண்டிக் கொண்ட பக்தர்கள் அனைவரும்[4], அருகில் உள்ள காவிரி ஆற்று வாய்க்காலில் குளித்து விட்டு, அன்னதானம் துவங்கிய பகுதியில் இருந்து முடிவடையும் பகுதி வரை அங்கபிரதட்சணம் செய்து பின்னர் சுவாமி தரிசனம் செய்தனர்[5]. இந்த வித்தியாசமான நிகழ்ச்சி நடைபெற்றதையடுத்து நெரூர் கிராமமே விழாக்கோலம் பூண்டிருந்தது. இந்த நிகழ்ச்சியை காண நெரூர் உட்பட மாவட்டத்தின் பல்வேறு பகுதிகளில் இருந்து மட்டுமில்லாமல் தமிழகத்தின் பல்வேறு மாவட்டங்களில் இருந்தும், கர்நாடகா மாநிலம் பெங்களூரு உள்ளிட்ட ஊர்களில் இருந்தும் கேரளா, மகாராஷ்ட்ரா உள்ளிட்ட பல்வேறு மாநிலங்களில் இருந்து ஆயிரக்கணக்கான பக்தர்கள் குவிந்தனர்[6].

நெரூர் - 2015 - அங்கப்பிரதட்சிணம்- ரசீது ரூ.20

நெரூர் – 2015 – அங்கப்பிரதட்சிணம்- ரசீது ரூ.20

© வேதபிரகாஷ்

08-05-2015

[1] http://www.dinakaran.com/News_Detail.asp?Nid=91227

[2] http://www.dinamalar.com/news_detail.asp?id=1233348

[3] தினமலர், நெரூர் சதாசிவ பிரமேந்திரர்சதுர்வேத ஸம்ஹிதா ஹோமம், ஏப்ரல்.9, 2015:01:30.

[4] எல்லோரும் கலந்து கொள்ளவில்லை, விருப்பத்துடன் விண்ணப்பம் கொடுத்தவர்கள் தாம், கலந்து கொள்ள அனுமதிக்கப்பட்டனர். பொலீசார் இருந்தது பற்றி ஊடகங்கள் குறிப்பிடவில்லை.

[5] http://inneram.com/news/tamilnadu/2170-devotees.html

[6] Read more at: http://tamil.oneindia.com/news/tamilnadu/thousands-devotees-throng-nerur-temple-225667.html#slide154671

ரேணுகா சௌத்ரியை வெளியேறச் சொன்ன தெலிங்கானா அமைப்பினர் – சோனியா வாக்குறுதியால் ஆந்திராவில் பிரச்சினை!

செப்ரெம்பர் 16, 2013

ரேணுகா சௌத்ரியை வெளியேறச் சொன்ன தெலிங்கானா அமைப்பினர் – சோனியா வாக்குறுதியால் ஆந்திராவில் பிரச்சினை!

தெலிங்கானா-சீமாந்திரா போராட்டங்களில் சிக்கிய ஆந்திர மக்கள்: தேர்தல் மற்றும் ஆந்திராவில் இருந்த காங்கிரசின் செல்வாக்கை உயர்த்திக் கொள்ளவேண்டும் என்ற நோக்கில் “தனித் தெலிங்கானா” மாநிலம் உருவாக்க சோனியா அரசு ஒப்புக் கொண்டது. இதனால், சீமாந்திரா என்ற பெயரில், ஆந்திராவை பிரிக்கக் கூடாது என்று போராட்டத்தை ஆரம்பித்துள்ளனர். அவர்களது போராட்டம், பந்த் முதலியன திருப்பதியை மையமாக வைத்துச் செய்யப் படுவதால், மற்ற மாநிலத்தவர் மீது அதன் பாதிப்பு அறியப்படுகின்றது. 15-09-2013 (ஞாயிற்றுக் கிழமை) அன்று நடைபெற்ற தெலிங்கானா காங்கிரஸ் கூட்டத்தில், முந்தைய மத்திய அமைச்சர் மற்றும் இப்பொழுதைய எம்.பி ரேணுகா சௌத்ரி கலந்து கொண்டபோது, “தெலிங்கானாவிற்கு எதிரான” அவரது போக்கிற்காக, சில தெலிங்கானா தலைவர்கள், அவரை வெளியேறுமாறு கூறினர். நிலைமைக் கட்டுக்குள் கொண்டு வருவதற்குள், முகம் சிவந்து, வெறுப்படைந்த ரேணுகா சௌத்ரி வெளியேற வேண்டியதாயிற்று[1].

ரேணுகா சௌத்ரி சோனியாவிடம் நெருக்கமாக இருக்கும் பெண்மணி ஆவர்: ரேணுகா சௌத்ரி மிகவும் கர்வம் பிடித்த பெண்மணி என்பது, அவர் கண்கள், உடல், கை-கால்கள் முதலியன பேசுவதிலிருந்தே அறிந்து கொள்ளலாம். உண்மையில் பேசும் போது, தனக்குத்தான் எல்லாமே தெரியும் என்பது போல, துச்சாமாசடுத்தவரை எடுத்தெறிந்து பேசும் மனோபாவமும் வெளிப்படும். டிவி-செனல்களில் அவர் கலந்து கொண்டு பேசும் போது, உரையாடும் போது, விவாதிக்கும் போது, அந்த குணாதிசயங்களை தாராளமாகக் கண்டு களிக்கலாம். சோனியாவோடு மிகவும் நெருக்கமாக இருப்பவர் என்று சொல்லப்படுகிறது. சோனியாவோடு சேர்ந்து ஆடிய பெருமை இவருக்கு மட்டும் தான் உண்டு என்று தெரிகிறது. இதனால், இவரை மத்தியஸ்தம் செய்ய அனுப்பலாம் என்ற நோக்கில், அனுப்பியிருக்கலாம்.

தெலிங்கானா விசயத்தில் மற்ற மாநிலத்தவர் பாதிக்கப்படுவது: சோனியா “தெலிங்கானா” பிரச்சினை மூலம், ஆந்திரர்களை, தெலுங்கு பேசும் மக்களை இரண்டாக உடைத்துள்ளார். இதனால், தெலுங்கு மக்கள் மீது மற்ற மாநிலத்தில் வெறுப்புக் கொள்ளும் வகையில் காரியங்கள் நடக்கவும் சோனியா காரணமாகிறார். குறிப்பாக திருப்பதி—திருமலை செல்லும் லட்சக்கணக்கான பக்தர்கள் இந்த பிரச்சினையால் முழுவதுமாக பாதிக்கப் பட்டுள்ளனர். கடந்த வாரத்தில், மின்சாரத் துறையினர் வேலைநிறுத்தம் செய்ததால், அதிகமாகவே பாதிக்கப்பட்டனர். தெலிங்கானா பிரச்சினை, நிச்சயமாக ஆந்திர மக்கள் மட்டுமல்லாத, மற்ற இந்திய மக்களையும் பாதிக்க ஆரம்பித்துள்ளது. முன்னர் சோனியா, திருப்பதி-திருமலை பகுதியை மையமாக வைத்துக் கொண்டு ஆரம்பித்த நாடகத்தால், அவர்களும் அதே பகுதியில் பந்தை செய்கின்றனர்.

ரேணுகா சௌத்ரி முன்னர் தெலிங்கானா இயக்கத்தினரை விமர்சனம் செய்தது: போதாகுறைக்கு ஜகன்மோஹன் ரெட்டி சோனியாவிற்கு எதிராகத் திரும்பிவிட்டதாலும், “சீமந்திரா” என்று ஆந்திரபிரதேசத்தைப் பிரிக்கக் கூடாது என்று போராட ஆரம்பித்தவர்களின் தாக்கம் அதிகமாவதாலும், சோனியா உடனே இப்பிரச்சினையை சமாளிப்பதற்காக ரேணுகா சௌத்ரியை அனுப்பியிருப்பது தெரிகிறது. ஆனால், முன்னர் இவர் “தெலிங்கானா” போராளிகளை “குண்டர்கள்” என்பது மாதிரி பேசியிருக்கிறார். இதற்கு மன்னிப்புக் கோரக் கூறியபோது, அவர் ஒப்புக்கொள்ளவில்லை[2]. அதுமட்டுமல்லாது, தெலிங்கானாவில் ஆயிரக்கணக்கானவர் இறந்தபோது, அவர்கள் எல்லோரும் கேன்சரால் இறந்தார்கள் என்றும் சொல்லியிருக்கிறார்[3]. இத்தகைய நடத்தையால், சில தெலிங்கானா தலைவர்கள், அவரை வெளியேறுமாறு கத்தினர். “இவரை யாரும் அழைக்கவில்லையே. அப்படியிருக்கும் போது, ஏன் அவர் இந்த கூட்டத்திற்கு வரவேண்டும்?”, ஏன்று கோபத்துடன் கரீம்நகர் எம்.பி பூனம் ரெட்டி கேட்டார்[4]. இதனால், அவமானத்துடன், ரேணுகா சௌத்ரி வெளியேற நேர்ந்தது.

குழப்பமான   ஹைதராபாத்  நிலை: ஹைதராபாத் பொது தலைநகராக இருக்க வேண்டுமா, கூட்டுத் தலைநகராக இருக்க வேண்டுமா, யூனியன் டெரிடரி ஏன்ற நிலையில் இருக்கவேண்டுமா ஏன்ற விவாதம் ஏற்கெனவே நடந்துள்ளது[5].  இதற்கு தெலிங்கானா போராட்டக்காரர்கள் விரும்பவில்லை, எதிர்க்கிறார்கள் என்றும் தெரிந்த விசயம் தான்[6]. காங்கிரஸ் காலந்தாழ்த்துகிறது, சீமந்திரா தலைவர்களுடன் சேர்ந்து பேசுகிறது, ஹைதரபாத் விசயத்தில் அவர்களுக்கு விட்டுக் கொடுக்கிறது என்ற எண்ணம் ஏற்பட்டுள்ளதால், சோனியாவை சந்தித்து பேச தயாராக உள்ளார்கள்.

ஆகஸ்டிலிருந்து  திருப்பதியி ல் தொடரும்  சீமாந்திரா  போராட்டம்: சோனியா தெலிங்கானா மாநிலம் அமைய அறிவித்ததிலிருந்து, தெலுங்கானாவுக்கு எதிராக சீமாந்திராவில் ஒரு மாத காலத்துக்கும் மேலாக போராட்டம் நடந்து வருகிறது. அது நீடித்து வரும் நிலையில் திருப்பதியிலும் பக்தர்கள் கூட்டம் கணிசமாக குறைந்துவிட்டதால், கோயில் வருவாய் பாதிக்கப்பட்டிருக்கிறது என்று செய்திகள் வெளியிடப்படுகின்றன. தெலுங்கானாவுக்கு எதிராக கடலோர ஆந்திரா, ராயலசீமா ஆகியவற்றை உள்ளடக்கிய சீமாந்திராவில் தொடர் போராட்டங்கள் நடைபெற்று வருகின்றன.  தெலுங்கானாவுக்கு எதிர்ப்பு தெரிவித்து திருப்பதிக்கான எல்லையை மூடும் போராட்டத்தை ஒருங்கிணைந்த ஆந்திராவை கோரும் கூட்டுக் குழு அறிவித்தது. இந்த போராட்டத்தின் உச்சகட்டமாக திருப்பதிக்கான எல்லை மூடும் போராட்டம் அறிவிக்கப்பட்டது[7]. மேலும் திருப்பதியில் இருந்து மேலே திருமலைக்கு வாகனங்களை இயக்கவும் திருப்பதியில் கடைகள், கல்வி நிறுவனங்கள், வர்த்தக நிறுவனங்களைத் திறக்கவும் அனுமதிக்கப் போவதில்லை என்றும் போராட்டக் குழு அறிவித்தது. வெளிமாநில வாகனங்கள் திருப்பதிக்குள் நுழையவோ அல்லது வெளியேறவோ அனுமதிக்கப்படாது, ரயில்கள் மட்டும் ஓடும் என்றும் போராட்டக் குழுவினர் அறிவித்தனர். இதனால், மக்கள் பாதிக்கப்பட்டனர்.

செப்டம்பரில் மின்-துறை அலுவலகர்கள் போராட்டம்-பந்த்: ஆந்திர மாநிலம், ராயலசீமா பகுதியைச் சேர்ந்த மின் ஊழியர்கள், 13-09-2013 நள்ளிரவு முதல், காலவரையற்ற போராட்டத்தை துவக்கி, “தனித் தெலுங்கானா அறிவிப்பை திரும்பப் பெறும் வரை போராட்டம் நடத்தப்படும்’ என, ராயலசீமா பகுதி, மின் ஊழியர்கள் தெரிவித்தனர். ராயலசீமா பகுதியில், கடப்பா, சித்தூர், பிரகாசம், அனந்தபுரம், கர்னூல் மற்றும் நெல்லூர் மாவட்டங்கள் அமைந்துள்ளன. வேலை நிறுத்தத்தில், ராயலசீமாவின், 30 ஆயிரம் மின் ஊழியர்கள் பங்கேற்றனர்.
இப்பகுதியில், தேவையான 12 ஆயிரம் மெகா வாட் மின்சாரம் பதிலாக, தினசரி, 6,000 மெகா வாட் தான் உற்பத்தி செய்யப்படுகிறது. பாக்கியுள்ள மின்சாரத்தை, மாநிலத்தின் பிற பகுதிகளில் இருந்து வாங்கி, பற்றாக்குறையை சமாளித்து வந்தனர். இந்த சூழ்நிலையில், ஒட்டு மொத்த மின் ஊழியர்களும், போராட்டத்தில் குதிப்பதால், மின் உற்பத்தி கடுமையாக பாதிக்கப்படும் என்பதால், அதை எப்படி சமாளிப்பது என்பது புரியாமல், ஆந்திர மாநில அரசு, திகைத்து போய் உள்ளது. மின் ஊழியர்களின் போராட்டத்தால், அனைத்து மாவட்டங்களிலும், மின் வினியோகம் முற்றிலும் நிறுத்தப்படும் என்பதால், மின் வினியோகம் தடைபடுவதால், மின்சார ரயில்கள் இயங்காது என்றும், மின் ஊழியர் சங்கங்கள் தெரிவித்து உள்ளன. மின் ஊழியர்கள், தங்களுக்கு வழங்கப்பட்ட “சிம் கார்டு’களை 12-09-2013 மாலை, 5:00 மணியளவில், அரசிடம் ஒப்படைத்தனர்.

தேவஸ்தானம் சமாதான முயற்சி தோல்வி: “திருமலைக்கு செல்லும் எந்த வாகனத்தையும், 13ம் தேதி நள்ளிரவு முதல், 15ம் தேதி நள்ளிரவு வரை அனுமதிக்க முடியாது’ என, தெலுங்கானா எதிர்ப்புக் குழுவினர், அறிவித்ததையடுத்து, திருமலை – திருப்பதி தேவஸ்தான செயல் அதிகாரி, செயல் இணை அதிகாரி மற்றும் பாதுகாப்புத் துறை தலைமை அதிகாரி ஆகியோர், திருப்பதியில் உள்ள அரசு போக்குவரத்துக் கழக மேலாளர் மகேஸ்வர ராவை சந்தித்துப் பேசினர். அப்போது, “திருமலைக்கு வரும் பக்தர்களை தடுக்க வேண்டாம்’ என, கோரிக்கை விடுத்தாலும், “தனித் தெலுங்கானா மாநிலம் அமைவதை எதிர்த்து நடைபெறும், உச்சக்கட்ட போராட்டம் என்பதால், கோரிக்கையை ஏற்க முடியாது’ என, அரசு போக்குவரத்துக் கழக மேலாளர் மறுத்து விட்டார். மேலும், “மருத்துவமனைகள், பள்ளி, கல்லூரிகள், முக்கிய அரசு அலுவலகங்களை இயக்க உதவ வேண்டும்’ என்ற ஆந்திர முதல்வர் கிரண்குமார் ரெட்டியின் வேண்டுகோளையும், போராட்டக் குழுவினர் நிராகரித்து விட்டனர். இந்நிலையில், கடந்த 08-09-2013 முதல், திருப்பதி வழியாக செல்லும், நாகர்கோவில் – மும்பை எக்ஸ்பிரஸ் ரயில், திருப்பதிக்கு வராமல், ரேணிகுண்டாவில் நேரடியாகச் சென்று விடுகிறது. ரயில்வேயின் இந்த முடிவால், இந்த ரயிலில் பயணிக்கும் பக்தர்கள், ரேணிகுண்டா ரயில் நிலையத்திற்கு செல்ல வேண்டியுள்ளது[8]. ஆனால், அதிகாரிகளைப் பொறுத்த வரைக்கும் இப்பொழுதைய சூழ்நிலையில் திருப்பதிக்கு வரவேண்டாம் என்று வெளிப்படையாகச் சொல்கின்றனர்.

சோனியா அரசியல் சூதாட்டத்தில் சிக்கிய திருப்பதி  (2011-2013): திருப்பதியை மையமாக வைத்து, அரசியல் செய்யலாம் என்ற சோனியாவின் திட்டம், சாமுவேல் ராஜசேகர ரெட்டி காலத்திலேயே வெளிப்பட்டது. திருப்பதிக்கு செல்லும் வழிகளில் அதிகமாக சர்ச்சுகள் கட்டப்பட்டன. திருமலையிலேயே, கிருத்துவர்கள் பிரசாரம் மேற்கொண்டார்கள் என்ற புகாரும் எழுந்தது. கிறிஸ்தவ பிரச்சார நோட்டீசுகளைக் கொடுத்தவர்கள் கைதும் செய்யப் பட்டனர். பொதாகுறைக்கு, திருமலை கோவிலுக்கு எதிராக இருந்த, இடைக்காலத்திய 1000-கால் மண்டபம் இடிக்கப்பட்டது[9]. சிரஞ்சீவியை காங்கிரசில் வளைத்துப் போட்டனர். அவருக்கு அமைச்சர் பகுதியும் கொடுக்கப்பட்டது. ஆனால், மக்கள் வேறுவிதமாக நினைக்க ஆரம்பித்து விட்டனர். இதன் பின்னணியை அறிய 15 ஆண்டுகள் முன்பிலிருந்து நடந்து வரும் நிகழ்சிகளை ஞாபகப்படுத்திக் கொள்ளவேண்டியுள்ளது. ஏனெனில், அதிசயமாக சோனியா திருமலைக்கே விஜயம் செய்தார்!

சோனியா மெய்னோவின் திருமலை விஜங்கள்[10] (1997-2006): சோனியா மெய்னோ 1997ல் திருமைக்கு வந்தபோதே, மக்கள் எதிர்த்தனர். இருப்பினும் அவர் அனுமதிக்கப் பட்டார். இரண்டாவது முறையாக, 1997க்குப் பிறகு திருமலைக்கு சோனியா (Antonia Edvige Albina Maino) வருகிறார் என்றபோதும், ஊடகங்களுக்கு படு குஷியாகி விட்டது[11]. “தி ஹிந்து” சோனியா வருகிறார், வந்துக் கொண்டிருக்கிறார் பராக், பராக் என்ற பாணியில் நாளுக்கு நாள் செய்தி வெளியிட்டது.நவம்பர் 25, 2006 அன்று சோனியா மெய்னோ திருமலைக் கோவிலுற்குள் சென்று சாமி தரிசனம் செய்தார். உண்டியில் காசு போட்டார்[12]. கூட காங்கிரஸ் அடிவருடி பட்டாளமே இருந்தது. சாமுவேல் ராஜசேகர ரெட்டி முதலியோருக் இருந்தனர். இதற்கு முன்பாக, தடபுடலாக

TTD to build ‘Maha Mandapam’ at Tirumala[2]Staff Reporter,Thursday, Nov 25, 2010 TIRUMALA: The TTD management is considering construction of ‘Maha Mandapam’ at the sprawling space available in front of the Tirumala temple complex. The massive structure, which shall come up in a area of about 20,000 square feet will be built with a whopping cost of Rs. 10 crore. The contractor of the project Mr. Rama rao who carried out the ‘soil’ test on Wednesday (24-11-2010) said that the work will be completed in a period of two years. Even though the management had resolved to construct the mandapam in the aftermath of the demolition of the 1,000 pillar mandapam the proposal was however pushed into cold storage for quite some obvious reasons.

பாதுகாப்பு ஏற்பாடு செய்யப் பட்டது. பிரத்யேகமாக வந்திரங்க ஹெலிபேட் முதலிய வசதிகளும் செய்து தரப்பட்டன[13], என்று வர்ணித்தன. ஆனால், கிருத்துவரான அவர் ஏன் கோவிலுக்கு வரவேண்டும் என்ற கேள்வி எழுந்தது. அதே நவம்பர் 25, 2010 அன்று மெதுவாக “தி ஹிந்து” ஒரு செய்தியை கசித்து விட்டது. அதாவது பிரதான கோவில் கோபுரத்திற்கு எதிர்புறம் உள்ள ஆயிரம் கால் பண்டபம் இடிப்பது “சில தெரிந்த காரணங்களுக்காகத்” தள்ளிப்போடப்பட்டது என்ற விஷயம் தான்[14]. ஆனால், அத்தகைய தெளிவான தெரிந்த காரணங்கள் என்ன என்று “மவுண்ட் ரோடு மஹாவிஷ்ணு” (கருணாநிதி இப்படி செல்லமாக வர்ணிப்பது வழக்கம்) சொல்லவில்லை. உண்மையில் அந்த மண்டபம் 2003லேயே இடித்துவிட்டபிறகு, ஒன்றுமே தெரியாதது போல இப்படி செய்தியை வெளியிட்டுள்ளது. ஆக சாமுவேல் எப்படி கோவிலைக் கெடுத்துக் கொண்டிருக்கிறார் என்பதனைப் பார்த்து சந்தோஷிக்கவே வந்தார் போலும்.

© வேதபிரகாஷ்

16-09-2013


[1]Telangana Congress meeting on Sunday turned raucous when former Union minister and Rajya Sabha MP Renuka Chowdhury was asked to leave by a few leaders for her alleged anti-Telangana stand. Attempts by senior leaders to salvage the situation failed and a vexed Chowdhury left in high dudgeon.

http://timesofindia.indiatimes.com/india/Telangana-leaders-snubs-Renuka-she-leaves-in-a-huff/articleshow/22611846.cms

[2] Choudhury was left red-faced when some members reminded her how she had once called Telangana activists “goonda elements” and demanded an apology.

http://timesofindia.indiatimes.com/india/Telangana-leaders-snubs-Renuka-she-leaves-in-a-huff/articleshow/22611846.cms

[3] “Renuka Chowdhury’s anti-Telangana stand is well-known. I don’t know why she came for the meeting when no one invited her. When thousands had committed suicide for the cause of Telangana, she had said the deaths were due to cancer,” said an angry Karimnagar MPPonnam Prabhakar.

[4] “Renuka Chowdhury’s anti-Telangana stand is well-known. I don’t know why she came for the meeting when no one invited her. When thousands had committed suicide for the cause of Telangana, she had said the deaths were due to cancer,” said an angry Karimnagar MPPonnam Prabhakar.

[11] The Hindu, Sonia to offer prayer at Tirumala today, Saturday, Nov 25, 2006,http://www.hindu.com/2006/11/25/stories/2006112501390200.htm

[13] The Hindu, Thursday, Nov 23, 2006, Tight security for Sonia’s Tirumala visit, Staff Reporter